الجزء 78 من واش طيبتي اليوم سموا بسم الله

[almazalina22]

نسيت لينا ربي يشافيك حنونة وينجح العملية وترجعيلنا باحلى الوصفات ياشهد معسل وشكرا على النقاش ممممممممممممممممم

ام امنية هذاك الداند في الكسكاس واش درتي بيه خخخخخخخخخخخخ تقرعيج

دائمة الحمد توحشتك واش احوالك ربي يعينك من الميناج للاجتماعات حقا بصحتك لاكوب نتاع الطاهر ههههههههههه رانا في الهوا سوا واش احوال اسينات سلامي ليها

ام ياسين مبروك العتبة للمرة المليون رايحة نتوحشك سلمي عليها ام ماجد وام تاج

زهرة على سلامتك واش احوالك وسلامي للاهل الله يبارك الاطباق روووووووووووعة والتحلية اروع

ام ايناس كل عام وانت وزوجك وعائلتك بالف خير وتارت ممممممممممممممم خير من المحلالالالات بمليون مرة بصح قوليلي باش حشيتيها مممممممممم
واش احوالك والبنوتات

زادتني الرشتة طبقي المفضل ممممممممممممممم روووووووعة

ام رياض ممممممممم اطباقك تهبلني بصح ماكيش تدخلي بزاف سلامي ليك

سرور انا نذوبها في بان ماري ونزيدله بلملعقة حليب ونخلط رايحة تنكمش بصح ما تخافيش ابقاي تزيدي بالملعقة الحليب حتى تولي تبرق والحليب حسب كمية الشكولا

ام ميتا توحشناك وان شاء الله تعذريني راني ندخل بلاطاي

[om mita]

ههههههه المازة كامل رانا بلا تاي
والله الاشغال هلكتنا مبقالنا غير نديروا بو خفيف ونعقبوا

[أم ضياء عبد الرحيم]

سلام بنات هذي البيتزا الي درتها الحمد لله على النعمة
almazalina22 الف شكر على الترحيب بارك الله فيك

om mita ربي يعينك
صح عشاكم كامل و تصبحوا على خير

[ladymillion]

صح عشاكم حبيباتي الكل الكل

عشانا Gـــراتان بالخضر خفيف وساهل دراتو طومة اختي /// ولازم ناكل بالهريسة دهنتو بالهريسة وكليت مممممم ،،، الحمد لله رب العالميييييين وبصحتكم واش طيبتوا



وهاذي تحلية مزال ماقسمنهاش راهي تبرد

[ام سهام 02]

المشاركة الأصلية كتبت بواسطة ladymillion

صح عشاكم حبيباتي الكل الكل

عشانا gـــراتان بالخضر خفيف وساهل دراتو طومة اختي /// ولازم ناكل بالهريسة دهنتو بالهريسة وكليت مممممم ،،، الحمد لله رب العالميييييين وبصحتكم واش طيبتوا



وهاذي تحلية مزال ماقسمنهاش راهي تبرد

ليدي غراتان راه حاب ينطق مممممم بصحتكم لو سمحتي الوصفة .

[omomnia15]

سلام حبوبات رحت طليت على ماما وشيخي وشريت فراز درتلو السكر غدوة نديرو معجون هههههههه هذا وين فار كسكاسي
عشايا تشيشة المرمز غميتها بالماء وكي طابت درتلها زبدة وزيت زيتون ليا وبيض زيادة يحبو ياكلو من بعد
درت لتارت ومثلجات وماما عطاتني كيس حليب قاتلي للصغار باش يشربو انا شريرة غدوة نديرو فلان وكاش تحلية عندي السخانة ومنشربش الحليب نحب حاجة باردة الصباح
المازة يسال عليك الخير قبيل كنت نمنشر فيك مع ماما ههههههههه قلتلكم انا شريرة شح فيك انا رحت ونتي بوقلي فالسخانة
هذو للسهرة مع برقوقة تع جنان شيخي

[دائمة الحمد]

اهلين وسهلين المازة الحمد لله على كل حال اسينات راهي تعمل في المارطون ربي يطمني عليها وربي يطمنك انت زادة على الريزيلتا تاع بنتك
جيادا يعطيك الصحة على البيتزا
ليدي بصحتك القراتان والتحلية باينة امممممممممممممممممم ضحكتيني على الهريسة لانو سي السيد قريب نعملهالو في التحليات ما ياكلش بلا حار امو تونسية عيشتهم حار
لي مونشو بالعجينة المورقة تاع ام انس جوني4444444444444444444 عملت فيهم لحم مرحي وصوص الفرماج والشيدار
تاع سي السيد طبعا معمرين بالهريسة يشوو
وعملت فلفل مشوي بالزيت زيتون الفريت ما عملتش
لانو بعثولنا دارنا لبن الدوار بالاكليل يهبل كملنا بيه العشاء
الديسار الراجل فلسوه الماتشات غدوة يروح الصباح للمرشي يجيب

[ladymillion]

أم سهام ـــgـراتان الخضر
تحبي ديريها مقلية أو مفورة لك الاختيار

درنا فيه >>> حبة كبيرة بطاطا مقطعة مربعات مقلية + 1فلفل حلو مقطع مربعات مقلي +2 كوسة قطع ضغيرة مقلية +حبة باضنجان مقطع صغير تاني ومقلي ،،،وشريحة من صدر دجاج مشوية برك في المقلاة بـ(ملح + فلفل اسود + م ص زيت) ومن بعد كي يطيب قطعيه قطع صغيرة

تخلطي المكونات كامل في وعاء + كرام فراش أو علبة ياؤورت طبيعي ،وإذا، ماشي متوفرين // تعوضيهم بالحليب عادي
+ البيض على حساب الخليط يمكن 3 حبات + م ص موطارد + ملح + فلفل اسود

تدهني المول بالمارغارين وترشي عليه لاشابلوور يعني وحطي الخليط في المول /// من فوق ديري فروماج رابي ودخليه يطيب ~~~ بالصحة ان شاء الله

>>> كي تحبي ديري الخضر مفورة نفس الطريقة لكن الخضر مفورة (( انا ندير جلبانة وجزر وشوفلور وبطاطا ونزيد فروماج طري ابيض

[ladymillion]

دائمة الحمد بصحتك لعشا لعزيزة ويعطيك الصحة ،،، ياااااااااي سخفتيني باللبن نموت عليه بصح بلا هريسة ههههه والله ساعات نديرها في الخبز بكمية لاباس بيها وناكل ممممم

ام امنية ياشريرة حتى الحليب مامنعش منك ههههه انت من عاشقة الحلويات والتحليات فقت بيك

هاهي التحلية راني ناكل فيها وعييت نكملها عاونوني فيييييييييها /// وراني حاطة كأس عصير الليمون مشري في الكونجيلاتوع من بعد نبرد بيه قلبي

[chez biba]

ام أناس، الله يسلمك حنونة وبصحتكم الرشتة راهي تشهي، يعطيك الصحة على كل طيابك

زهرة ربي يشفي بنتك وان شاء الله ترقد لك الليلة خطراش المرض يقوى عليهم غير في الليل

almazalina شكرا عزيزتي الله يسلمك وان شاء الله يجيك مليح المطلوع ويعجبك

Ladymilion بصحتك الحلوة راهي تشهيييييييي، هادوك الطبقات تاع القاطو ولا كرام باتيسياغ ولا راني غالطة

اللهم بلغنا رمضان وتقبل منا

[دائمة الحمد]

بيبا صحة عشاك ليدي التحلية تبان مغرية
ام امنية يابنتي ساعدي روحك على السكر واقيلا نسيتي روحك

[ام سهام 02]

ليدي الف الف شكر على الوصفة ويعطيها الصحة طومة راني مجربت لها بعض الوصفات كلها ناجحة بارك الله فيكن و ربي يعطيكم ما تتمناو.

ونعمة التربية

[ladymillion]

ام سهام الله يحفظك ويسعدك يارب
الله يسلمك جربيه راهو ساهل /// إإإيه نسيت نقولك كي تقلي الخضر حطي البطاطا الاولى على خاطر طووول في الطياب ، طيب نص برك وكملي حكي الخضر الباقي كامل مع بعض باش تربحي الوقت هكذا دارت طومة

[chez biba]

المشاركة الأصلية كتبت بواسطة دائمة الحمد

بيبا صحة عشاك ليدي التحلية تبان مغرية
ام امنية يابنتي ساعدي روحك على السكر واقيلا نسيتي روحك

الله يسلمك دائمة الحمد، صح عشاكم انتوما ثاني وتصبحن بألف خير

[ladymillion]

chez biba أهيه الطبقات هاذوك طبقة بسكوي وطبقة كريم باتيسيير وموز وكريم شانتي ومن فوق نسيلي