~~واش طيبتي اليوم؟! الجزء 91 اهلًا اهلًا بالعيد~~ - الصفحة 96

kaouka · 2014-10-04, 16:48

اهلين ام رحاب ﻻباس الحمد لله ونتي كيفاش ركي يسلمو على الرسالة ربي يخليك وسلتك رسلتي وﻻ ﻻﻻﻻﻻ

omomnia15 · 2014-10-04, 16:51

سلام حبوباتي الله يكون في عون المغتربات وراكم في قلوبنا ان شاء الله ترجعو لبلادكم وتفرحو معانا العام الجاي
فحلات بلادي راكم الله يبارك ام ماجد الكواليس 444444444444
ام سهام الله الله فحلة ونص وكلش الله يبارك
ام يسرى القاطو روعة بصح وين راهو الكبش
سهام ريحانة الكواليس روعة بصحتكم والعقوبة للعام الجاي
بيبا الكبدة تشهي بصحتكم
ليزا توحشناك وتوحشنا طلتك ان شاء الله تتهناي في دارك وربي يعينك
نحكيلكم على كواليسي انا نضت على 6.30 سيقت بعد مخرجنا لكباش لبرى وغسلت الحيوط تع البالكو والصالون الذراري تع الجيران كامل 4ايام وهما رايحين جايين وكي زادت يما جابت التاعها تلمو كامل منبعد شوطت الزلوف الراس و2 رجلين حلفت بنتي الصغيرة لا تمسو قاتلك فيه الحنة ونكرها غير كحال كملاتو مع تع يما ونقاتهم وغسلتهم وكملت مواع الفطور الكبيرة لبست سوغفات وخرجت كي الفحل لبرى عاونت راجلي وخويا في 2 كباش وانا درت الفريت وقليت الكبدة ونسيت القلب وسخنت الشربة وفطرنا مع بعض وكي راحت يما كملت الدوارة وراهو يطيب العصبان والزلوف طاب على ال2 ديجا كلاوه قلتلهم مهبولة وقالولها زغرتي ولعشية نكمل البركوكس مع العصبان ونعشي صحاب وليدي مذبحوش جابهم فطرو وقتلو جيبهم للعشا ونهبط عن شيخي مع نسا لواسي كيما كل عام وراني نستني في ال10 تع الليل بفارغ الصبر باش نرقد كيما قاتلي بنتي صباعتية تشقو من الموس وزادهم الما وان شاء الله يكون ربي تقبل منا ومنكم امييييييييييين

x ام رحاب x · 2014-10-04, 16:53

اقتباس:

المشاركة الأصلية كتبت بواسطة أم محمد تاج

حبيباتي خفت النت تتقطع غدوة
المهم صح عيدكم وتعيدو وتزيدو بالصحة ولهنا يارب ونحبكم كامل بدون استثناء شلتي الغالية ام ياسو ام ماجد نسيبتي الغالية ملووكتي النامووسة العسلاية شي بيبا ادرارية دائمة الحمد ام نسرين لينا ام هبوبة ام ملك ام ميتا زهرة الهرة لايدي لهاليبوو ام اسلام وآية اماني السلام روووضة الغايبة بشووووورة طوكيو ام كاميليا ام سراج وملاك جيادا السيدة كرمين اامنيات تويتة المقلوعة وخذها الوحم خخخخخخخخخخ راهي خنقت الخروف تاعها هههههههه ام انوووس الله يشافيها ويعافيها كاووكا سيماسيم رتووووجة ام نهال وام هديل ووووووووو الله يبارك فيكم

سلام حبيبتي قالك الي ماهو في القلب مايتكروه العينين شكرا حبيبتي

x ام رحاب x · 2014-10-04, 16:57

كوكا حبيبتي راهي وصلتني رسالتك يالعزيزة وراني اختك في الله كي تحبي تفرغي قلبك راني اهنا بقلب واسع وحنين ديريني كي اختك

omomnia15 · 2014-10-04, 17:07

ام رحاب صح عيدك انت والبنات وولي العهد ههههههه وصح كي يعود الراجل مكاش تصماط الله يخليهم ويرزقهم من بابو الواسع

x ام رحاب x · 2014-10-04, 17:17

ام امنية ربي يقويك وخليك لوليداتك تاج فوق رسانهم وربي يسهلك حبيبتي والله كون ماكيش انتيا وتنوبي عليهم مايديرو والو وربي يخليلك امك وتعود عمراتك دعوة الخير تفرتيها بصحتكم وتعيدو ودزيدو حبيبتي

ام سهام 02 · 2014-10-04, 17:19

صليت ودرت اتاي وجييييييييت

كوكا معليش كل واحد ومكتوبو غير الصحة والهنا حتي احنا راني نشوف عا ئلتي غير وفي المناسبات ملي توفات امي كل حاجة صماطت لي

ام امينة عجبتني القصة تبارك الله بناتك شاطرات ربي يحفظهم وربي يعطيك سويعة

اختي العزيزة ام رحاب الله يخليك في الليل ديري الكبدة وباه زوجك يكون حاضرمعكم وتحلى لكم وكل عام وانت بخير

ام اريام · 2014-10-04, 17:26

صح عيدكم خواتاتي جميعا كل عام وانتم بخير حبيت نشارككم فرحة العيد بالصور لكم ما فاتوش انشاء الله لعقوبة للعام الجاي

x ام رحاب x · 2014-10-04, 17:27

ام سهام واش راكي وربي يخليلك ولادك راهم يبانو كبار ماشاء الله ربي يحفضهم ريحت شوية من التعب واش رايحة ديري العشا ء
انا زوجي يبات في الخدمة يخدم 24ساعة ايجي مسكين غدوة

oumadoumawayouta · 2014-10-04, 17:27

عيدكم مبارك سعيد
ماشا لله
شطرات وحدقات
حبيت بارك نسلم الى كامل الحراير ونسلم الى لرهوم فالغربة
أنا منيش فالغربةبسة كي شفت وش كتبت نسيت شكون غدتني
نشالله العيد الجاي تكونوا فالبلد وتعيد في وسط أحبابكم

فطورنا كما كامل قلب وكبدة مقلية وبطاطا وسلطة و خبز طاجين
ولادي محبش يكلوا في زوج

بشرى2008 · 2014-10-04, 17:35

ام أمينة والله عجبني واش حكيتي
ام رحاب حنا تان بكري كي كنا صغار الكبش نروحو مع بابا نشوفوه عند الراجل ونهار العيد يروح للباطوار يدبحو مع لاشان ميجوش حتى ل 3 مرات لل5 نتاع العشية
كنا نشوفو غير نتاع الجيران اللي يدبحو في دارهم

zahra30 · 2014-10-04, 17:49

مساء الخيييير وصح عيدكم وكل عااام وانتم بالف خيييير ينعاد عليكم وعلينا بالصحة والهناء يااارب
اصحاب الغربة رانا كيف كيف الله غالب المتغرب في بلادو كيما المتغرب برا المهم تكونو صحاح وهانييين حتى يفرج ربي
حتى انا كيفكم ذبح راجلي وصاحبو وانا اغسلت الدوارة ودرتلهم لغدى والملفوف ( البوزلوف راح بحححح مرض ) ولادي دارو شوية مع اولاد الجيران كي ماعجبهمش الحال رجعو قعدو مع التلفيزيون وزيد قيلنا ما عندنا وين نرحو كاشما نزورو بعضانا احنا الجيران غدوة ان شاء الله
هذو بعض الصور غدوة اخر يوم انتاع النت حتى نسلكوها راني نصور ونخبي

الملفوف

الشخشوخة

الديسار كاين غير العنب والفقوس روحو الخضار خلاونا 0000 ههههه

الدوارة احنا نخدموها في لاكوكوت واتجي مممممم وبكبوكة ووو

https://www12.0zz0.com/2014/10/04/19/939727507.jpg

كي يطلعو الجزرة نصورها ان شاء الله و الخدمة انتاع غدوة اذا اكتب ربي
نخليكم على خييييير وصح عيدكم كاااامل اللي حطو طياباتهم وكواليسهم وقاطواتهم ( ام يسرا اممممم ما شاء الله كلش متحوف يعطييك الصحة ) يعطيكم الصحة وربي يبارك في النعم وسلامي لللكل دون استثنااااء
ام محمد تاجوووو مواااح كي تفكرتيني هههههه

ام سهام 02 · 2014-10-04, 17:52

ام رحاب غليت البوزلوف انديرنصو محمر غير انا وزوجي ناكلوه وبقات لي الكبدة انديرها مشرملة للاولاد وبقات الشربة والحلو مالبارح والعصبان حتي اريح باه انديرو

وانت خلي غدوى ديري في حضور زوجك احسن معليش حنونتي غير هذا المنتدى راه مونسنا كل واحد وظروفو

ام سهام 02 · 2014-10-04, 18:00

ام اريام =ام ادم = بشرى= زهرة صح عيدكم وكل عام وانتن بخير وبصحتكم واش حضرتو

omhadil · 2014-10-04, 18:00

السلام عليكم وصح عيدكم وكل عام وانتم بالف خير لعقوبة للعام الجاى ان شاء الله
رانى عيانة ذبحنا 4كباش الله يبارك انا واخت زوجى و2سلافاتى شوطنا البوزلوف وسلفتى واحد اخرى نقات الكرشة واخت زوجى طييبت البطاطا وكبدة مشرملة وشطيطحة
مخ كى كملنا فطرنا وكملنا غسسيل لماعن وسيقنا انا دوشت لولادى ولبستهم ممبعد درنا البزلوف يطيب للعشاء وزادو جونا ضياف وربى يدوم افراحنا