بسم الله نبدااااااااااااااااااااااااااااااااااو
الكارثة :
روحت للدار لقيت أختي تستنى فيا وحرنت على السوفلي ردتو ياسيدي وانا هازة شنافتي نخدم ونسب فيها كملت البلاطو الأول وحطيتو في الفرن وبديت في البلاطو الثاني وتشعل النار في الكويزينيار وععععععععععععع وبدينا نعيطو انا واختي عيينا نطفيوها والو جات ماما وبابا حنا نصبو الماء ونقولو خلاص شوية هكذا نلقاوها عاودت شعلت ( حوالي خمس مرات ) المهم هاهو صحيح الوجه :
وهذا البلاطو بقى كيما راه حطيتو في الثلاجة للغد طيباتو ماما:
وهذي المرحومة :
وطبعا هذاك السوفلي مايكفيش للعشاء وخاصة أنو بعثنا منو ذواقة وليت درت العجين اللي بقات بيتزا نتاع الطاجين :
وماما قلات شوية حوت بوقا للعشاء :
طبعا تقدرو تتصورو العشاء كيفاه كليناه
لااااااااااااااااااااااااا يأس مع الحياة :
في الغد كان المفروض ندير عشاء المولد وروحت للدار لقيت الكويزينيار ماخدموهاش
المهم ، درت شخشوخة الفطير وحدي ودرت طاجين العين بنصائح أمي
وهذي النتيجة :
مرق نضيف وصافي وعاقد
وبنة مرق خاااااااااااااثر وصافي :
والديسار دارت ماما عادي فلان كاراميل
وهذي أنا واختي سرقنا الياوورت ورايحين نطرطقو المحارق
للغد العشاء ساهل وبسيط :
شواء نتاع كلاوي وكبدة نتاع بقر:
بقالنا من العشاء نتاع المولد :
وقلات ماما شوية سمك صاورال :
وفي الليل درت كحلوشي للفطور وزينتو بخطوط من الشكلاطة البيضاء بالنيسكافي ممممممممممممممم
واااااااااااااااااااااااااي راني فهمت كيفاش نزيد فيها إضافاتي بدون ماتفسد ألف شكر حبيباتي على بالي هبلتكم معايا
وهذو لي رامكان شريتهم من دبي :
وهذوك الأكياس شريتهم اللي يديرو فيهم القشقشة أنا ندير فيهم الشكلاطة او القلاصاج ونزين جاوني رخاس
وهذا حبيبي بومفور مممممممممممممممممممممممممممممم بالفول ( مخبياتو في المجمد من العام اللي فات ) والجلبانة يم يم يم واللبن
وهذي بطاطا مقدسية درت معاها اسكالوب بالكرام فراش يم يم يم تححححححححححححححححفة :
وهذا غداء الضياف نتاعنا اليوم شفلور بالكرام فراش نتاع أم محمد تاج حمرلي وجهي ربي يخليك ليا مواح
وهذا فار داراتو أختي المهبولة
وهذي بطة بالموز ثاني هي اللي دارتها
شوفو انا راني مانخليش ضربتي ونخلفها نخلفها تشفاو كيما خرجتولي قلبي على باتيسري أم رامي ,,,,,,,,,,,,,,,,, ضرك جات دالتي
درتو بطعم الكاراميل والبرالين ممممممممممممممممممممممممممم
شوفو مليح وحلو عينيكم
وزينتو بالشكلاطة من فوق بهذوك الأكياس اللي شفتو هم ( راني نخرجلكم في قلوبكم )
وهذا عشاء الضياف اليوم
وخبزت ثاني كسرة رخسيس بزيت الزيتون :
وهذي البطاطا المسروقة نتاعي درت فيها زيادة شوية كامومبار :
مازالو حوايج بصح عييت بون نوي غدا بحول الله