اهلا وسهلا في كوزينتكم كوزينة الجميع كوزينة112 بسم الله - الصفحة 96

wahibaazel · 2015-01-25, 13:07

امّم ام هديل علاه عليك تسخفي فيا بصحتكم المحاجب ،الله يسلمك طالبة جامعية اختي سجا احمد اهلًا بك

ام نوردين · 2015-01-25, 13:10

السلام عليكم ورحمة الله تعالى وبركاته

دخلت مع المحاجب تاع ام هديل سخونين وحارين بصحتك شهاونى
عندى مدة مادخلتش بصح قعدت نتابع فيكم من اليكرو تاع ابنى النو تاع الدار تلف هادا وين تخدم
الف الف مبروك الكوزينة مياسم وباروكى الف الف مواااااااااااح وبالربج ان شاء الله
شفت الخير والخمير الي حطيتوه الله يبارك كلشى متول ومتحوف يعطيكم الصحة
ام عبودة بالشفا عليك وعلى وليدك كلشى مكتب من عند ربي نقولو الحمد لله
مازال ماراجعتش الصفحات اللخرين بصح علىبالى مهولينها

ام نهوله · 2015-01-25, 13:10

صحا غداكم انا اليوم درت عدس و كسره و فلان
ام عبوده لاباس عليك انت و وليدك ربي يبعد عليكم لبلا
النرجوسه نموت على الشرشم ما كليتوش مللي كنت صغيره بصح بنتو بقات في فمي
ام هديل بصحتك لمحاجب راهم يسخفو

زينب 83 · 2015-01-25, 13:12

لبنات شكرًا ليكم كاااااامل راني لقيت واش نحوس
ام هديل امممممممم محاجب و لا اروع
البقية صح غداكم كااااامل

ام هاديل وياسين · 2015-01-25, 13:13

يعطيكم الصحة واش حطيتو دائمة الشكر الكيكة والمسكوتشة هايلين بصحتك
وهيبة الخبز هايل نرجوسة بصحتكم الشرشم نموت عليه حتى انا درته في الايام الي فاتو لولاد محبوش ياكلوه
كليتو وحدي كل مرة نسخن وناكل قاع منملوش دائمة الحمد كسرة الشحمة بصحتكم تحية لكل الاخوات الي دخلو
كي راكي زنوبة من لباح مشفتكش ان شاء الله راكي بخير راني غير ندعيلك على المهلبية كلمة هايلة قليلة عليها
يعطيك الصحة

ام هاديل وياسين · 2015-01-25, 13:17

الله يحفظكم اخواتي واسمحولي شهيتكم ياريت نقدر نذوقكم والله غير راه كاين الخير
حتى الجوارين ذوقتهم منقدرش ناكل وحدي

عازفة الناي · 2015-01-25, 13:18

صباح الخير انا صبحت كيما الاول المرض واااااااااااااااع ربي يشفي كل المرضى
ام عبودة بصحتك الاطباق هايلة والف سلامة على وليدك
مياسم الكيكة اممممممممممممممممم
زينوبة اهلا وسهلا واش البديل؟؟؟؟؟؟؟؟؟؟؟؟؟؟

ام نوردين · 2015-01-25, 13:23

اقتباس:

المشاركة الأصلية كتبت بواسطة دائمة الشكر

مسكوتشو عادي

يسخف وجاك غاية عالى بصحتك

اقتباس:

المشاركة الأصلية كتبت بواسطة ام ساجد

روعة طلعتلتل السخانة عليه وانا ثانى حبيت نعف الكراميل مخدومة ولا مشرية
مياسم يعطيك الصحة خرجتلك444444444

الكراميل مشرية ولا خدمتيها

اقتباس:

المشاركة الأصلية كتبت بواسطة wahibaazel

صح غداكم كامل أخواتي، جبتلكم خبز دائمة الحمد خرج روعة هشاشة وخفيف.

عندك الحق يخرج هشوش درتو شحال من مرة بصحتك

اقتباس:

المشاركة الأصلية كتبت بواسطة النرجووسة

وهدا االشرشم القمح جاء يدوب فالفم بعد مكنت نحكه وليت غير نخليه 5 ايام فالماء برك يولي رووعة اكيد تعرفو نموت عليه ران غير مع التقليدي
هبلتينى على الشرشم بصح انا مافهمتش كيفاه طيبتيه العادة نطيبوه في الماء والملح مع الحمص والفول والضرو حب وانت طيبتيه طريقة اخرى يبان اممممممممممممممممممممم

اقتباس:

المشاركة الأصلية كتبت بواسطة om hadil

صحى فطوركم لبنات جبتلكم محاجب سخونين هذا كان فطوري اليوم

بصحتك المحاجب نموت عليهم سيرتو مع الطاجين

النرجووسة · 2015-01-25, 13:24

ام نهولة ام هديل شكرا ليكم بصحت فطوركم

ام نوردين · 2015-01-25, 13:25

اقتباس:

المشاركة الأصلية كتبت بواسطة زينب 83

لبنات شكرًا ليكم كاااااامل راني لقيت واش نحوس
ام هديل امممممممم محاجب و لا اروع
البقية صح غداكم كااااامل

صحى غداك زينب واش هو البديل تعرفينا طماعين

هههههه

saja hamed · 2015-01-25, 13:25

قولولي وش نعمل بيها زبدة التوريق حابة تفيدوني بلللللللللللللليييييييييييييييييز

ام نوردين · 2015-01-25, 13:27

اهلين عازفة الناي الله يبارك راكى توووب واطباقك تاع الحراير ربي يبارك وبالشفا حنونة راه البرد داير حالة كمكمى وارقدى حت تبراي

ام نوردين · 2015-01-25, 13:29

اقتباس:

المشاركة الأصلية كتبت بواسطة saja hamed

قولولي وش نعمل بيها زبدة التوريق حابة تفيدوني بلللللللللللللليييييييييييييييييز

ديري بيها العجينة المورقة وتقدري تديري بيها القريوش ولا تخلطيها مع السمن وتخدمى بيها بقلاوة تاع ام انس الله يشافى بنتها
زيدى شوفى مع الاخوات بلاك يفيدوك اكثر منى

touta2010 · 2015-01-25, 13:30

بصحتكم كاامل
زينب تشيز كيك لعملاته ليدي مليون نحت منه الجلاتين ونجح وجربته انما والوصفة روعة

النرجووسة · 2015-01-25, 13:31

ام نوردين حنا ندروه يرطاب فالماء مدة 5 ايم وكي نجيو نطيبوه كما قلتي نديروه فالماء حتى يطيب وبعد دالك نحطو فوقو كامل الحبوب غير شوية شوية يعني من كل حاجة حفينة صغيرة حمص فول عدس لوبيا والخضر من كل خضر حبة صغيرة ولا متوسطة وطماطم وشية جاج ادا توفر ونتبلو فلافل الاحمر والاسود ملح كركم سكنجبير وفالاخير نقطر شوية ثوم مع قسبر رقيق ونضيفه لشرشم ونخليه يغلي 3ولا 4 غليات ونطفي هدا مكان