بداية يوم جديد

[ام متين]

مساء الخير للجميع امال ماشاء الله تبارك الله جميل انك تتوصلي الى تحقيق الاهداف ولوليوم واحد 100 /100 واصلي لكن ما تنسايش لما تكملي الطابلية توريهالنا

[ام متين]

نسمة ام صابرين فراشات العمر ربي يبعد عنكم العين

[نسمة صبح]

تقريري اليوم

ما درت والووو ..نفسيتي مش مليحة..و مستااااءة جدااا

وقاكم الله شر اوقات كهذه

سلام

[arwa alaa]

نسمة واش بيك اليوم البارح كنتي مليحة ودرتي شغلك.........
واش راكم ام مؤمن مبنتش
ام متين وين راه التقرير والاهداف
فراشات اخطيك من الغاشي عيشي الرحمة ولعايلتك متعمري راسك بحتى واحد
امال راكي هبلتينا بالطابلية وقيل نعاندك ونخدم وحدة باش راكي تخدمي فيها طرز ولا كروشي ولا......
صابرين اليوم كامل عندنا عليك ودرنا شاورما
والمسمن مقدرتش نعجن يدي شوية توجع تتنحا ونعاندك هههههههه
شفتو شحال نعاند.............
وكل الفراشات يعطيكم العافية والصحة وربي يقدرنا وحققوا كل الاهداف

[oum sabrin]

مساء الانوار على اجمل صحبة
راكم ما شاء الله خصتنا غير طلة حبيبة و عودة الغائبات ام مؤمن عسى المانع خير و لا مدارس الطبخ شدوك شويا
ام متين امين و اياك شكرا توحشنا تقاريرك و فقراتك المفيدة
نسمة غير الخير حبيبتي تقرير الامس عجبني كنت رائعة ما بك طمنينا
امال يا امال بصحتك انجاز اليوم و العاقبة لكلايامك تكون حافلة بالاعمال الجميلة و تقبل الله الصيام انا كذلك درتو من بين اهدافي صيام الايام البيض من كل شهر الشهر الماضي تعذر عليا و لكن باذن الله هذا الشهر نصومهم
رانا في انتظار الطابليةقولينا باش مخدومة ؟
اروى و فراشات العمر بصحتكم الشاورما
فراشات تفضلي وين كان عندك مشكل؟
هناء محمد نور13 غزالة مراحب
غزالة ربي يقدرك مع ضيافك طلي علينا منينداك
النت ثقيلة ساحاول بعث تقريري غدا باذن الله
تصبحن على الف خير

[غزالة1]

السلام عليكم.
صباح الفل والياسمين على الصحبة الطيبة
اشتقت لكن
كل مانوجد لحظات نطل عليكم
سلام

[ام متين]

]

[ام متين]

]

[ام متين]

فاجْعل اللّـهمَّ صباحي هذا نازلا علي بضياء الْهدى وبالسَّلامة بالسلام في الدّين والدُّنْيا، ومسائي جنَّة منْ كيْد الْعدى (الْاعْداء) ووقايه منْ مرْديات الْهوى انك قادر على ما تشاء تؤتي الْملْك منْ تشاء وتنْزع الْملْك ممَّنْ تشاء وتعزُّ منْ تشاء وتذلُّ منْ تشاء، بيدك الْخيْر انَّـك على كل شيْء قدير
اللهمّ يا مسهّل الشّديد، ويا مليّن الحديد، ويا منجز الوعيد، ويا من هو كلّ يومٍ في أمرٍ جديد، أخرجني من حلق الضّيق الى أوسع الطّريق، بك أدفع ما لا أطيق، ولا حول ولا قوّة إلّا بالله العليّ العظيم، ربّ لا تحجب دعوتي، ولا تردّ مسألتي، ولا تدعني بحسرتي، ولا تكلني إلى حولي وقوّتي، وارحم عجزي فقد ضاق صدري، وتاه فكري وتحيّرت في أمري، وأنت العالم سبحانك بسرّي وجهري، المالك لنفعي وضرّي، القادر على تفريج كربي وتيسير عسري.

:

[hanamohamed]

[IMG][/IMG]
[IMG][/IMG]

[ام متين]

صباحكم نشاط وحيوية وتالق اللهم اعنا على امورنا كلها

[منال100]

اللهم آميييييييييييييييين يا رب العالمين

[نسمة صبح]

السلام عليكم

أهدافي لهذا الاسبوع "ان شاء الله"

حفظ نصف حزب و مراجعة حزب
5 ساعات خياطة (بين الدروس و التطبيقات)
ساعتين رياضة موزغة
الحفاظ على الأعمال الأسبوعية و المنطقة الساخنة و باقي التطبيقات ..
برنامج للدخول الانترتيت

صيام يوم الخميس

التقييم يوم السبت ليلا نهاية الأسبوع
التخطيط من جديد

دعواتكم بالتوفيق

[ام مؤمن]

مساء الخيرات عليكم تواحشتكم يا لمة الخير كيف حالكم

شكرا لكل من سالت عليا ام متين اروى ام صابرين كنت جاية نلوم انا نشتي نلووم قلت بلاك ماتفكرتونيش

ام صابرين واش من مدارس طبخ راني في مدرسة مرض هايلة

حتى لا انقل لكم طاقتي السلبية خليني نحكي باجابية

الجمعة و السبت زاروني اهلي و انشغلت بيهم جوزنا ويكاند هايل مع انو ابي تعب شوية و لكن الحمد للله

جوزت كامل النهار في المطبخ و كنت قلتلكم درت موني و الحمد لله طبقتو كامل مع اني تعبت بزاف في الطبخ و ماخرجتش من المطبخ لاني كنت اعمل كالسلحفاة يا حسرة على ايام النشاط و الحيوية كنت و لكن الحمل تعبني

الاحد جوزت نهاري في التنظيف درت تنظيف عميق للصالون لاننا اكلنا فيه و نامو فيه ضيوفي و ظهري وجعتني بزاف نخدم و نرتح خرجت الزربية شمستها و نظفت الارضية كي كملت حاولت نطل عليكم النت ضعيفة ماقدرتش ندخل

الاثنين فرغت كامل خزانات البيبليوتاك من المواعين و مسحتهم و عاودت رتبتهم لان كوزينتي صغيرة كي يجيني ضيف و نجبد المواعن نغرق و كي نردهم نحصل المفيد رتبتهم مليح بحيث كي نجبذ حاجة ما ينهارش الباقي

و بقيت مع نفس المشكل تاع الم ظهري و مسلاني تعبت جدا و قضيت كامل المساء ممدودة

في وسط هذه الفوضى اغلب التطبيقات بح ما عدا صلاة االفجر و الاصلوات الاخرى و شرب الماء على الريق

المطبخ و الثلاجة مازالو فوضى المفروض نديرهم اليوم و لكن بداتني لاقريب ربي يستر لاقريب تاعي كي تديرلى مع الحمل كارثة توصلني للموت صبحت نشرب في المضاد الحيوي و شربت عسل حرة و عصير برتقالة و ليمونة ربي يجيب الخير راني خايفة بزاف خصوصا انو نصف الادوية ممنوعة عليا بسبب وضعي الحالي

هذا كان تقريري للايام الماضية

[ام مؤمن]

البارحة ايضا كان المنتدى ثقيل و ماقدرتش ندخل حتى اليوم

و بعد الظهر كي مادخلتش جبت اجندتي القديمة و الجديدة راهم 2 صرت نتلخبط بينهم و نقلت كل شيئء على الاجندة الجديدة

كتبت جداول روتيناتي الثلاثة مع التعديل

ايضا عملت جدول مهام اسبوعية

و جدول تنظيفات اسبوعية

و جدول قائمة الطعام

و ملخص التنظيفات الشهرية

و ملخص تطبيقات الدورة كلها

و ايضا كتبت على ورقة 10 اشياء شكرت زوجي عليها لكن مامديتلوش الورقة راهي عندي هههه في الاول كنت نظن نلقالو 20 و لكن لقيت 9 صفات فقط و عصرت مخي باش لقيت العاشرة ههه

و هكذا حسيت بشوية راحة مع اني مادخلتش للنت لكن حاولت نتنتت هههههههه





يعني درت نقاط مهمة جدا في الاجندة