الجزء 153 من واش طيبتي اليوم

[ام ساجد]

[SIZE="5"]مساكم بالخير لبنات وصح غداكم

راجعت بعض الصفحات الله يبارك ويزيد يعطيكم الصحة

سرور بصحتكم اختي المطلوع وفرحتيني كي عجبكم وفرحت اكثر بدعوتك اختي ربي يتقبل منك ولكي بالمثل

الاخت رزيقة مرحبا بيك معانا ولتارت امممممم يعطيك الصحة

ام ريهام نطيب المطلوع في طاجين الطين ونبقى نحرك فيه بيدي لزوج بشكل دائري تتوزع الحرارة عليه
كامل ويجي لون واحد

لي حطو طيابهم بصحتكم اخواتي الامنيات ،ام ياسو ،ام يسرا صبرينة، ام رحاب ،زينب ،ام كامليا،ام جوجو
لهنا لتارت اممممممم تسخف


ام امينة واش راكي اختي قريبش ناكلو الطمينة
ا










ام يسرا اتفضلياختي وصفة البوزلوف

[أم ياسين الزهراء]

ام ساجد اممممممممممممم الزليف يسخف يعطيك الصحى

نسيت لهونة يعطيك الصحة على التارت راح نستنى الوصفة ياحلوة

ام يسرا غلط ليدي مسكينة ماعندهاش النت في دارها بيني وبينكم تهنات من النت والله ماتخليناش نخدمو خدمتنا يعني علمتنا التفنين ههههههههههه

صحى قهوتتكم

ام ياسين والله شوقتيني اكثر
مام انا جات في بالي عقروبة لكن استبعدت الامر ههه
ام ساجد روووووووووووووووعة الفطائر والبتزا كلشي حطة يا فنانة وتسلمييي على وصفة البوزلوف راني سجلت الوصفة المصورة ربي يجازيك ياااارب
الامنيات صح فكرة القريوش سااهلة يسلموووو
ام امينة حنونة هاهو رابط طاجين الشوفلور تاع ام رامي الرااائع نيابة عن الامنيات
https://omrami44.blogspot.com/2014/01...post_7664.html

[ام أمينة]

اهلين وسهلين أم ساجد مزال شوي بصح معنديش الطمينة وش نعطيك خخخخخهههههه ههه خخخخخخ كل منتفكرها نبكي نقول كون عندي امي هيا لي توجدهلي وكي تروح الأم وحد ميخمم فيك كي هبطت وحد مقلي وش تصحقي كون منشريش حجة وحد ميعطيك بصح لازم نتي تمدي برك والله غضتني نفسي هاذ المرى نطلب ربي يعيشلكم امهاتكم والله هوما كنز من عند ربي

[ام أمينة]

ام يسرا شكرا لك حبيبتي ربي يخليك

[ام ساجد]

معليش ام امينه عزيزتي عندك ربي خير من كلشي وعندك نحنا

في بلاصة الطنينة دريلنا شوكولا هههههههه
اقريه وبعد نحذفو

ام يسرا العفو حنونتي

[انا هي رزيقة]

اليوم معنديش بزاف خدمة لبنات امالا نبروفيتي نحطلكم بعض الصور تاع ارشيفي

[انا هي رزيقة]

البيزا تشهي تشهي يا ام ساجد اممم ثم اممممم

[ارزاق]

مساء الخير والحمدلله علي رجوع الاحباب هذا وين رجعتلي الروح كان المورال هابط
واذا علي مولات الكوزينة الجديدة جا في بالي بزاف اسامي لكن اولهم الاخت بيرق الامل واش قلتي ام ياسين ؟

يعطيكم الصحة كامل ام رحاب يسري .ام ساجد .ام سارة اسيا. رزيقة .لهونة الفحلة .ام ياسين نظن هذو هوما الاخوات لي شفت طيابهم نزيد نشوف نخاف ننسا كاش اخت

[انا هي رزيقة]

حقا ام ساجد عندي نفس الوصفة تاع غاليت الكورجيت بصح انا ما نزيدتش البطاطا و في بلاصت الشابلور نزيد ملعقة او اثنين فرينة و نزيد حشيش يعني قصبر و معدنوس و سنة ثوم ها هي

[انا هي رزيقة]

راني خارجة لبنات تهلاو في ارواحكم و عائلاتكم و هاكو هذا حليو بيه

[Simassim]

مساء الخيرات. دخلت شفت الخيرات جوعتوني كي ندير ؟؟؟؟؟؟. البريوش مادرتش رقدت. وكي نضت السي سيد راح يجري للخدمة.
شربت كاس حليب وتبننت كيكات. رزيقة ولهونة
اممممم. بصح فرحت كي دخلت. لقيت واش ندير العشا. خبيزات الكورجات. امممم. بصح السلاطة كملت اذا قدرت ندير سوب تقعدلي حت الغدوة فالعشا

[ارزاق]

لبنات شكون مالفة دير حساء العدس الاحمر تفيدني بالوصفة

[x ام رحاب x]

المشاركة الأصلية كتبت بواسطة انا هي رزيقة

اختي ام رحاب مسفوفك يشبه مقفولي ..خخخخ و هذاك الطبسي لاخر تاع زوجي ما يحبش الخضر

بصحتك حبيبتي انا تاني انحب الطعام بالجلبانة ايجي ايشهي

[x ام رحاب x]

صحة قهيوتكم حبيباتي وبصحتكم كاملين
ام امنية حبيبتي واش بيك حنونة قوليلي كيفاش نبعتلك الطمينة انا انحمصها وانبعتها الاختي لعزيزة قوليلي برك والله راني مني بالصح ماتزعفيش كلش ايفوت وربي يرزقك ببنية وربي يجعلها حنينة عليك وتنسيك في كلش