السلام عليكم مرحبا بكم معي في الكوزينة147 شعارنا نعم للتفاؤل - الصفحة 94

اسمهان79 · 2015-10-07, 20:37

ان ساجد خبزك يشهي يعطيك الصحة حبيبتي
بالنسبة للمايوناز انا كي درتو اول مرة ما صلحليش لأَنِّي رفدت لبرا ميكسور ثم ثم ما حبتش تطلع وزيد كي ذقتها ما عجبنيش ذوق زيت الزيتون وليت عاودتها بالزيت عادي وتبعت الطريقة كيما قالت سماح بالتفصيل والله خرجت روعةةةةةةةة مع حبة فرماج اممممممممم وعاودتها اليوم تهبل تهبل ما بقات حتى زغبة
عاوديهاحبيبتي وان شاء الله تتوفقي فيها

الرجاء الاماني المجد · 2015-10-07, 20:38

ام سارة مساء الخير ايه منعرفش ندير الرابط مزيا كاين وحدة كيما انا

آيات سرمدية · 2015-10-07, 20:53

اقتباس:

المشاركة الأصلية كتبت بواسطة اسمهان79

وعليكم السلام ورحمة الله وبركاته
آيات مقرونة ب .........ب واش ما فهمتش وخفت نفهم
ما نزيدش ندخل للكوزينة
ما تقوليش

جزاك الله خيرا....ضحكتيني....وانا عندي زمااااان مضحكتش....يادرا وين داك مخك

نشكرك ع المحاولة....ع الاقل مخجلتينيش....ورديتي....بارك الله فيك....وفي ولادك....وزوجك....وكل اهل بيتك...
وعندك هدية تشجيعية

....حسيت روحي قاعدة نقدم في مسابقة ع الهواء

اقتباس:

المشاركة الأصلية كتبت بواسطة um alaa

قرنيط البحر و لا اخطبوووط
هههه

جزاك الله خيراً. ...ام الاء....اخطبوط هي الصحيحة....يجي مع مقارونة ولا روز بالصوص تومااااات...يعطيها بنة ولا في الاحلام....هادي تاع فتافيت

اخواتي اسمهان وام الاء. ...راح نحاول نبعتهملكم عبر الخاص اليوم ولا غدوة.....واذا حبيتو تعم الفائدة....عاودوا حطوهم في الكوزينة.....واذا معداولكمش....راني نحطلكم روابطهم اهنا.....وتسلموا يا حلوات...

ام سارة....مأجورة حبيبتي....ع رد السلام....الحمد لله رانا في نعمة....

ام حبوبة....منا لغودة لعشية كي ندخل...حتماً راح نلقاكم في كوزينة اخرى.....املا انا نقول....صحيتي ع حسن الضيافة والضرافة....ودمت للود.....جزاك الله خيرا. ....

ام سارة18 · 2015-10-07, 20:55

اسمهان كسرتك تشهي واش رايحة ديري بالقصبر قوليلنا ولا مانقدرش نرقد من الفضول

ام عبدو و ملاك · 2015-10-07, 21:01

اقتباس:

المشاركة الأصلية كتبت بواسطة اسمهان79

غالي والطلب رخيص
تقريباًناكلو كل يوم الكسرة تحبوها الله غالب
نحط دقيق ملح وشوية خميرة الخبز مابين صباعك برك زيت ونبللهابالملء الدافئ عمري لا نبل الكسرة او الرخسيس بالبارد تعلمتها على جدة المهم نرنخها ونخليها ترتاح ساعة كي نجي نعجنها والله نلقاها وحدها معجونة غير نلوح فيها يدي اذا كان رخسيس نزيدلها طْرٓيٓفْ نتاع زبدة لابال طرية وندخلها فيها نلمها ونقرص ونطيب على طول حنا نحبوها رقيقة والله تقولي تاكلي في القاطو
غدا اذا خبزت نصورلك لمراحل حبيبتي

ربي يعيشك اسمهان اسمحيلي كثرت عليك

ام عبدو و ملاك · 2015-10-07, 21:14

لبنات هادا عشايا

باسم وبيسان · 2015-10-07, 21:22

بصحتكم العشاء واش طيبتووووامممممممممممممممممم
رجاء الخبز يشهى زينب دزيلى شوية ايات سرمدية ماقدرتش حتى نشوف معاه خخخخخخخخخخخخخخخخخخخخخخ

om wassim · 2015-10-07, 21:28

لبنات دعواتكم لحقت للقلب ربي يحفظكم و يرزقكم من أوسع ابوابه

Oum Habouba · 2015-10-07, 21:30

ام سارة حنونتي طريقة الروز درت طريقة ام رامي ادا ما راكيش عارفتها نعاودهالك
المعلمة الجديدة بصحتك الاكل يممممممي وعلاش راكي حاطة مايونيز لوسيور ماشي قلنا نديروها بيدينا ااااا راكي خرقت القانون كي نديرلك خبريني ايا غادي نفوتهالك هادي الخطرة
ام بيسان ما درتيش العشا راكي كيما القرصان تراقبي الاطباق ونتي لولا تسرطيهم صح خلينا حتى نشوفوهم بعدا

ام عبدو و ملاك · 2015-10-07, 21:33

اقتباس:

المشاركة الأصلية كتبت بواسطة oum habouba

ام سارة حنونتي طريقة الروز درت طريقة ام رامي ادا ما راكيش عارفتها نعاودهالك
المعلمة الجديدة بصحتك الاكل يممممممي وعلاش راكي حاطة مايونيز لوسيور

ماشي قلنا نديروها بيدينا ااااا راكن خرقت القانون

كي نديرلك خبريني ايا غادي نفوتهالك هادي المرة
ام بيسان ما درتيش العشا راكي كيما القرصان تراقبي الاطباق ونتي لولا تسرطيهم صح خلينا حتى نشوفوهم بعدا

اسمحيلي ما نزيدش نعاود بصح انا المايونيز راني نخدمها بنفس الطريقة واش هي ما نديرلهاش الموطارد ما نحبوش و جامي لا شريتو و تخرج هايلة

باسم وبيسان · 2015-10-07, 21:33

اقتباس:

المشاركة الأصلية كتبت بواسطة oum habouba

ام سارة حنونتي طريقة الروز درت طريقة ام رامي ادا ما راكيش عارفتها نعاودهالك
المعلمة الجديدة بصحتك الاكل يممممممي وعلاش راكي حاطة مايونيز لوسيور

ماشي قلنا نديروها بيدينا ااااا راكي خرقت القانون

كي نديرلك خبريني ايا غادي نفوتهالك هادي الخطرة
ام بيسان ما درتيش العشا راكي كيما القرصان تراقبي الاطباق ونتي لولا تسرطيهم صح خلينا حتى نشوفوهم بعدا

هههههههههههههههههههههه مادرتش بقاتلى الشطيطحة تاع الغداء وزيدى بقينا شبعانيين من الخبز الرولى والحمد لله

باسم وبيسان · 2015-10-07, 21:36

اقتباس:

المشاركة الأصلية كتبت بواسطة ام عبدو و ملاك

اسمحيلي ما نزيدش نعاود بصح انا المايونيز راني نخدمها بنفس الطريقة واش هي ما نديرلهاش الموطارد ما نحبوش و جامي لا شريتو و تخرج هايلة

انا نديرووو نرمال ونزيدلووو طرف فرماج ولصفر تاع لعضام شرشم تجى البنة روووووعة اممممممممممممممممممممممممم

Oum Habouba · 2015-10-07, 21:39

عشايا درت حاجة خفيفة المداكر بلاصوص تومات وسوب الخضر والحمد لله

ام سارة18 · 2015-10-07, 21:46

ام حبوبة واش هدا المداكر اول مرة نسمع بيه
شكرا نعرف طريقة ام رامي بالاكش التزيين بانتلي وصفة جديدة
المعلمة الجديدة ام حبوبة جياتك بالبشماق انا تاني مدرتش المايوناز مايبغوهاش عندي مشرية واحد مامس فيها علابيها مدرتش مدلي شوية كسرة نحبها مع الحليب في الصباح
اسمهان رانا نستناو

ام و ابنة · 2015-10-07, 21:57

عشانا لحم بالزيتون و الفطر

صح عشاكم كامل و الله يبارك على طياباتكم الكل

ام حبوبة اصبري عليا بالاك ان شاء الله ضرك نرقد و نريح و غدوة باذن الله نصبح اون فورم و نجيك بالتحريفات و الخطابات و وش تحبي

قتلنا مقبيل ازدحام المرور بسبة الترحيل تع حي الرملي ياربي تكون اختنا ام وسام من بينهم فاضطرينا طلعنا عند يما حتى تسرحت الحالة و طبعا كان راح الحال جينا مباشرة تعشينا و دوشنا الاولاد و رقدناهم و جيت

ام امينة و دايمة الشكر ما راهمش يبانو

وش قررتو تطبقو غدوة باذن الله قولولي بالاك نعاند
وش رايكم في اللحم بذوق الشواء اللي داروه ام جوجو و ام سراج و ملاك

يالله في امان الله