اهلا بكن في الجزء *145* من كوزينتنا¨¨عيد اضحى مبارك¨¨

[*سماح 94*]

المشاركة الأصلية كتبت بواسطة ام ساجد

سماح بصحتكم كامل واش درتو ههههه تهنيتو كي قصيتو اللحم

والبيتي فور يهبل نعيي باش ندير هذاك الشكل يعجبني وما نعرفش نديرو

المشاركة الأصلية كتبت بواسطة ام ساجد

اسمهان يسعدني اني ندخل لتاريخ ههههههههه ورانا في انتظار مواضعك

ام اسلام وارزاق ودايمة الشكر والرجاء الاماني عيدكم مبارك وكل عام وانتم بالف خير

توبة عيدك مبارك عزيزتي والف مبروك ليك ولاختك ولعقوبة لدكتوراه امين يا رب

غدانا اليوم والحمد لله كسكسي بالعصبان





وهذا اللحن قطعتو وقسمتو وخبيتو وتهنيت منو بصح مت بالتعب اخر مرة نقطعو يدي للجزار ولا يجيب مراة جديدة
ربي يسهل عليه





وهذا القديد او الخليع بطريقة ام ياسو جربت غير شوي ونشوف النتيجة يصلحلي ولالا

الله يسلمك ام ساجد
البوتي فور هذا لازمو دوي خاصة باه يجي بالشكل هذا بصراحة نسيت الرقم تاعها كي نروح توال خالتي نصورها ان شاء الله
بصحتك العصبان نمووووووت عليه هاذ العيد خدمتو انا يا درا كيفاه يجي هههههههههه
حبيت نسقسيك على قصة الكبش تاعك شفت اسمهان تقلك ما عندوش مخ !!!! كبشكم لقيتوه بلا مخ !!!!!!!!!!!!!!!!!!!!!!!!!!!!!!

[اسمهان79]

أم ساجد والله رانا كيف كيف صح زوجي فحل ما شاء الله عليه يطير مع الطيورة بصح من نهار درت الدار ما شفتيش كاش مرة راح جاب الكبش كل عام يجيبو وا حد من خوتي والذبيحة يذبح خالو هو يسلخ وانا نعاونو من بعد تروح للجزار تتقطع بصح الحق في الليل يفرز اللحم معايا ونعدلوه كيف كيف وهاذ العام زعمة خدمت الرأس واش نقولك قطعناه واحد التقطاع ههههههه غير ما نقولكش نقطو ونضحكو نعادو الدموع يسيحو قتلو هاذ الرأس راس محاين الكارثة اللي درتها فيه انا وكملت عليه انتا بصح راني حالفة نكمل الكارثة ونطيبو ونخرجو على خاطر حنا ما ناكلوهش
سماح شكراً مسبقاً
أم محمد نورتي حبيبتي وهكذا يديرو النساء قطعي وخليه يرتاح حرام عليك هههههههههههه

[أم فاطيمة]

السلام عليكم و رحمة الله يعطيكم الصحة كلش فور
هاهو بعض الكواليس
مركز تحميل الصور

و هذا البوزلوف نسيت ما صورت التشواط كنت مدقدقة



و هنا وجدت لبروش


و هذا العصبان حنا نديروه بالحمص


و هنا الدوارة

[ام احمدي]

السلام عليكم
حنوناتي دبرو علي بلييييييييييييييييييييييييييييييييييييييز
عندنا عرضة قررت ندير الجاري ومعاه لحم محمر في الكوكوت بصلصة الشومبينيون نرافقو مع الفريت وسلطة الماسيدوان والخبزواكيد الديسار والمشروبات
اسكو بزايد ولا نزيد كاش حاجة
لانومن قبل عولت على كتف في الفرن لكن للاسف الفور خسرلي
راني نستنى

[*سماح 94*]

و هاذي وصفة البوتي فور تفضلي اسمهان
300غ زبدة ستار و 150غ سكر رطب فاني 4صفار بيض 2 باكيات نيسكافي م ص قهوة و عطر القهوة اذا كان موجود او عطر الكرامال و لمي العجينة بالفرينة حتى تولي عجينة متماسكة و نخدمها بالمحقن او لادوي هي عندها رقم خاص نسيتو ان شاء الله كي نروح نصورهالك
تحبي ديري زهرة وحدة او لاثة لاصقين في بعضاهم و حطيهم يطيبو ثم لصقيهم بنيسلي كرامال او كريمة زبدة بنكهة الكرامال و من فوق تزين بكرامال او معجون و حجرات دوري صغاااار
يجي هك بلاث وردات او وردة وحدة كبيرة

[ام ساجد]

سماح يعطيك الربح راني نضحك حتى خرجو الدموع

الحكاية لني انا ما نعرفش نقطع وكي قسمت الراس دشتشت بلاصة المخ وتناثر المخ

قلتلهن راني قسمت الراس بصح ما لقيتش فيه مخ ههههههه بصح الخطا تاعي

[أم فاطيمة]

ام احمدي زيدي حميص و لا لحلو
ام ساجد يعطيك الصحة منا و جاي طعي بالمنشار باش تتحصلي على المخ
سماح يعطيك الصحة البوتي فور يسخف و شكرا على الوصفة

[ام ساجد]

ايه اسمهان صراتلنا اول عا م سكنا وحدنا زعما زعما راح نقصو الذبيحة
متنا بالضحك هو يقولس هاتي ما تعرفيش وانا نقلو لاللانتما تعرفش فتفتناه وفترشناه بصح
ضحكة ووقصرة روعة ومن بعد قتلي دري راسك جاب مرة وحدة الجزار ودركة انا لي ندير كلش
وهو يوقف يتقرج ويدو في جيبو هذا طبعو حتى مع ،دارهم

[oum ibrahim]

مساء الورد يا الحراير و صح عيدكم كل عام و انتن بالف خير ياارب يعطيكم الف عافية عمرتو الكوزينة و زهيتوها باجواء العيد يا رب يجعلو مقبول و يدومها نعمة على الجميع
جبتلكم حلوياتي للعيد هذا واش صورت اللحم ماصورت والو








بالمناسبة حبيت نشكر اختي ام صلاح و نقلها صح عيدك و الف شكر على وصفة بوسو لا تمسو ربي يحفظك يااااااارب
راجعت الصفحتين الاخيرتين و لقيت الحبايب نورو ام اسلام ليك وحشة غاليتي كيف احوالك ان شاء الله بخير و اسمهان الطيوبة عيدك مبارك حبيبتي ان شاء الله راكي بخير انت و الاميرات و دعاء كيفها
ارزاق ليك وحشة هاذي مدة و انت غايبة عسى المانع خير
سموحة الامورة صح عيدك و بصحتكم اللحم انا تاني قطعو سي السيد و قسمتو كل حاجة واش تليق درت ليكوت و نتاع الشواء و خبيت فخذ كاش نهار نديرو ديزوسي في الفرن و درت الخليع للبركوكس و نتاع الشربة وحدو و المحمر وحدو و البتي فور نتاع خالتك رووووووعة و لادوي الي دارتو بيه نظن عندي درك نحطلك صورتو اذا كان هو

[ام ساجد]

ام فاطيمة عيدك مبارك حبييتي وبصحتكن العصبان الشواء

[ام ساجد]

ام برهوم عيدك مبارك وحلوياتك تشهي كالعادة

[*سماح 94*]

المشاركة الأصلية كتبت بواسطة ام ساجد

سماح يعطيك الربح راني نضحك حتى خرجو الدموع

الحكاية لني انا ما نعرفش نقطع وكي قسمت الراس دشتشت بلاصة المخ وتناثر المخ

قلتلهن راني قسمت الراس بصح ما لقيتش فيه مخ ههههههه بصح الخطا تاعي

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه
دوك انا لي راني نضحك على روحي هههههههههههههه اخاه عليا علابالك فهمتها بلي كي حليتوه ما لقيتوش فيه مخ هههههههههههههههههه

[أم فاطيمة]

يبارك فيك حنونة ام ساجد و انت عيدكم مبروك و يعطيك الصحة يا الفحلة
ام برهوم عيد مبروك ربي يحلي ايامك حلوياتك 4444444444444444444

[oum ibrahim]

سموحة راني لقيت صورة للعزيزة ريهام الي نقولها طال غيابك طلي علينا توحشناك
قوليلي هاذي هي الي خدمتي بيها البتي فور ؟؟؟؟؟

[*سماح 94*]

ام فاطيمة منووورة الكوزينة حبيبتي ان شاء الله راكي لاباس يعطيك الصحة على واش حطيتي كلشييي
ام ابراهمي الحلويات تهبببل و متقوووووونة روعة يعطيك الللف صحة فرحت بزاااف كي لقيتك دخلتي الكوزينة من مدة طويلة ما بنتيش
ايه ماذابيك تحطي لادوي لاني ما عنديش صورتها باه يستفادو الاخوات ثاني و انا دوك نزيد نحوس عليها بالاك راني مصورتها من قبل