وصفات حراير الكوزينة الجزء الثاني

[idron0]

بوزلوف بالخضر ام ساجد

إضغط هنا لرؤية الصورة بحجمها الطبيعي.

[idron0]

كيكة النوادكوكو بصوص الكراميل lahna moka

هاذ الكيكة مافيهاش فرينة على بيها تجي خفيفة ريشة
أولا حمصي نص كاس لحظة (حليب غبرة) و خليه يبرد
في اناء ضربي 4 حبات بيض كبيرة مع 3 ملاعق كبيرة سكر عادي و ملعقة صغيرة فانيلا سائلة حتى يتغير لون الخليط بعدها زيدي 3 ملاعق كبيرة زيت و علبة ياغورت بأي ذوق تحبيه ضربي مليح
زيدي عليه كاس نوادكوكو و اللحظة المغربلة مع كيس خميرة و خلطي تحصلي على مزيج سائل فرغيه في صينية مدهونة و طيبيه فالفرن

إضغط هنا لرؤية الصورة بحجمها الطبيعي.

من جهة ديري كاس سكر عادي مع ملعقة كبيرة زبدة في كاسرونة و ديريها على النار حتى يولي عندك كراميل ذهبي اللون هاهو

إضغط هنا لرؤية الصورة بحجمها الطبيعي.

نحيه من النار و زيديلو 3 علب ياغورت ذوق كرامال و حركي مليح
أنا استعملت هاذ النوع

إضغط هنا لرؤية الصورة بحجمها الطبيعي.

و خليه يبرد تماما تحصلي على صلصة الكرامال

إضغط هنا لرؤية الصورة بحجمها الطبيعي.

بعد ما تنضج الكيكة خليها تبرد تماما

إضغط هنا لرؤية الصورة بحجمها الطبيعي.

ديري عليها الصلصة و قطعي كيما تبغي و زينيها بالنوادكوكو
ذوقها رووووعة روووعة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ملاحظة :
قبل ما تدخلي الكيكة للفرن لازم يكون سخووون و كي تحطيها نقصي للحرارة تقريبا 150 درجة و خليها حتى تنشف
للصلصة ديري السكر و الزبدة معا وخليها على النار و حركي الطاوة من داك حتى يذوب السكر تماما و يولي لونو ذهبي
و صلصة الكرامال أو كيما يسموها صلصة التوفي تقدري تديريها لتزيين الكيكات كيما درت انا او في التحليات مثل الكرام ديسار و تقدري تضربي بيها الكرام شانتيلي تجي بذوق الكراميل مممممم.

[idron0]

المشاركة الأصلية كتبت بواسطة mumuh

bonjour IDRONO
je vous ai envoyé hier un message mais je ne sais ou es t'il passé
j'aimerai avoir votre aide concernant la meilleur manière de stoker les recettes,quand je fais du copier coller sur une page world ,l'écriture est à l'envers
je vous demande aussi si vous avait les recettes photographiée de fulla food art,car sur le mountada les photos n'existe plus
mais remercient anticipés et je vous en serai très reconnaissante de votre aide
j

السلام عليكم ورحمة الله وبركاته
بالنسبة لسؤالك الاول لا ادري اسفة اختي
بالنسبة لصور الاخت فلة تلقايها في الفيس في صفحتها fella food art
في امان الله

[idron0]

شوروز yasmalak

[idron0]

معقودة yasmalak

إضغط هنا لرؤية الصورة بحجمها الطبيعي.

[هدوء الصمت]

المشاركة الأصلية كتبت بواسطة idron0

السلام عليكم ورحمة الله وبركاته
بالنسبة لسؤالك الاول لا ادري اسفة اختي
بالنسبة لصور الاخت فلة تلقايها في الفيس في صفحتها fella food art
في امان الله

تعيشي ختي ادرونو ابعتيلي رابط صفحة فلة في الفيس.... راني في ساكنين في لاكويزين نستنا فيك

السينابون لام ساجد

بريوش بالعجينة السحرية لاسمهان

حبيبتي هاذيك راهي العجينة السحرية كاس حليب وكاس فرينة 1 م ك سكر 1 خميرة الحلويات و1 م ك نشاء وربع الكاس اللي كيلتي بيه زيت خليهم يرتاحو 15 د ثم كملي نشفي بالفرينة وديري شوية زبدة طرية ودخليها فيها وخليها تخمر ثم طرحتها رقيقة وذرذرت الزبيب و شيكولة مرابيا و مشماش مجفف ومقطع رقيق وتمر طري مقطع رقيق ثم روليتو وقطعتو حلقات دهنت المول وحطيتهم مايلين على بعضاهم ولما طابو دهنتهم بالعسل وذرذرت المشمش المقطع والدقة ومن بعد رشيت السكر رطب

المحاشي omjoujou


جيبي الخضرة تاعك لي حابة تحشيها انا درت الكوسة البطاطا فلفل حلو حتى زرودية فرغيهم من الداخل وانقعيهم في ماء وملح نصف ساعة وامبعد خليهم يقطرو في الكسكاس
غلي شوي روز نص طياب برك وصفيه
تبلي اللحم المرحي تاعك ملح فلفل اسود دبشة مقطعة رقيق سنتين ثوم مرابية وخلطي معاه الروز لي طيبتيه نص طياب
وامبعد احشي الخضر تاعك بلحم المفروم لي تبلتيه
في مقلاة ديري شوي زبدة وشوي زيت اقلي شوي هذوك الخضرة
وامبعد ستفيها في سينية تدخل الفور
حضري صوص تومات حمراء عادي تكون شوي خفيفة متكونش ثقيلة وتكون بكمية كبيرة باه تطيب هذيك الخضرة واذا بقالك شوي من اللحم المفروم لي حشيتي بيه الخضرة ديري بيه دي بولات وطيبيهم في هذيك صوص تومات تجي بنينة
وامبعد اسقي الخضرة بهذيك الصوص ودخليهم للفور يطيبو
كي تشوفي الخضرة طابت والصوص خثارت وتجمرت طفي عليهم

لسان العجل ام ياسين الزهراء

اولا جيبي لسان البقري او العجل وحطيه في قدرة فيها الماء والرند والملح والخل وخليه يطيب نص طياب ومنبعد نحيه من هداك الماء ونحيلو الطبقة البيضا راح تتنحى بالخف وبالسهولة وقطعي اللسان قطع صغيرة وفي قدر حطي اللسان المقطع وشوي موطارد والتوابل فلفل اكحل وفاح والعكري والهريسة والملح والرند والزيت وزنجبيل وبودرة الثوم وشوي كمون وخلي الكل يتقلى مليح مليح ومنبعد ديري عليه البصل والثوم والطماطم الحب المرحين وخليهم يتقلاو مع الطماطم تاع البوايط ومرقي بكاس ماء سخون ومنبعد ديري الماء قد ماراح يطيب واقفلي الكوكوط وكيتحلي عليها تلقاي اللسان طاب ارمي الزيتون والشمبينون وخليه يزيد معا شوي وتعقد وطفي عليه وارمي الدبشة او الحشيش

صابلي بكريمة الشانتي lahna moka

اضربي 250 غ مرغرين مع نص كاس سكر ناعم و ملعقة صغيرة فانيلا ثم زيدي عليها كاس ماشي معمّر زيت و 3 صفار بيض مع بيضة كاملة و ضربي الكل ثم زيدي كيس خميرة الحلوى و كاس مايزينة و لمي الكل بالفرينة بلا ما تيبسي العجينة خليها ترتاح في كيس ربع ساعة
حليها و قطعي دوائر أو شكل أوفال و دخليها تطيب فالفرن ثم خليها تبرد تماما
طلعي كاس غبرة الشانتيلي مع نص كاس ماء بارد و لصقي بيها كل 2 حبات صابلي و بواسطة السكين ادهني وجه الحبة و الجوانب بالكريمة و ذرذري عليها لوز ايفيلي و زيني بخطوط الشكلاطا الذائبة

تارت الفلان ام سهام

2بيض و 4 مك سكر و4مك زيت و 7 مك حليب دافي و 4مك فرينة و 4 مك كبار ميزينة و رشة ملح و فانيلا و باكي خميرة كيميائية

نضرب البيض جيدا مع السكر نضيف الزيت سرسوب كما المايزناز حتي يبياض ثم الحليب و الاخير الفرينة و الميزينة و الفانيلا و الملح و الفانيلا ة الخمير الكيميائية مخلطين مع بعض و مغربلين و الخلط يكون مالفوق للتحت و نفرغ الخليط في سنيوة مدهونة و الى الفرن

كيطيب و يبرد نشربو بسيرو عبارة عن فنجان سكر بزوج فناجن ماء يغلو 5 دقائق نطفي و نضيف فانيلا او عطر الكرامال


الطبقة الثانية 1 لتر حليب وعلبة فلان تع 100غ و3مك ميزينة الكل في كسرونة فوق النار حتى تعقد نفرغو مباشرة فوق البيسكوي و نسوي امليح و نخبط البلاطو باه ايجي كامل نيفو

التزيين ديكوجال كرمال و نحطو في الثلاجة حتى يبرد يتقطع و يقدم

و بالف صحة و هناء

بريوش ام سهام

1مك خميرة خبزة وكاس حليب دافيء و3
مك سكر نخلط بالفوي ونخلموهم يخمرو و حد 15 دقيقة الى 20دقيقة و نضيف فنجان شاي زيت وحبة بيض وبياض بيضة وفرينة مع 1مص ملح و1مك فانيلا حتى نتحصل على عجينة تتلصق نخبط العجين من الفوق للتحت حتى ترطاب ندخل فيها 2مك زبدة طرية و انديرها في كيس مبلل و انخاليها تخمر على مرتين اي كتخمر المرة الاولى نضرب العجين وهو في الكيس و انخاليه يطلع للمرة الثانية نحبطو لو الخمور و نرش طاولة العمل و نقسم العجين الى قسمين
القسم الاول نفتحو مستطيل بعد ما ارش بالفرينة و نطليه بكومبوت التفاح و نروليه و في الحافة نلصقو بصفر البيض و نقطعو حولي 3سم ونحاول نغلق جهة تع حبة الرولي و نو ضعهم في مول المافن مدهون بالزبدة و لتحب تعملهم في ليكسات وندهنم بصفر البيض المتبقي مخلط بشوي حليب و فاني ورشة ملح
والقسم الثاني ضفتلو دي بيبت دو شكولا نوار و بيضاء و سوغيز كونفيت مقطعه قطع صغيرة و عملتهم على شكل كورات و دهنتهم بخليط التلميع وذريت السكر
ندهنم بعد اليخمرو واندخلهم للفرن وبعد ما انخرجهم ندهنم بالجولي انا جولي السفرجل

بيتزا بالسميد و الفرينة حب ووصال

المقادير:

300غ فرينة
300غ سميد
200ملل حليب
200 ملل ماء
20غ خميرة طرية
م ص ملح
2 م ك زيت زيتون
خلطي كولش غير الزيت خليها في لخر كي طمي العجين

موسكوتشو ام حمزة

راه ساهل ماهل انا استعملت مول صغير درت 4حبات بيض ضربتهم مع كاس ماشي معمر سكر من بعد زدت كاس زيت وضربت ثم ضفت مبشور القارص ولافاني وفي الاخير باكي خميرة مع الفرينة ما نكثرش الفرينة نخلي العجينة خفيفة باش يجي الموسكوتشو خفيف
بعد ماطاب سقيتو بخليك الحليب وسكر قلاسي ورشيتو بشوية نواد كوكو وتقجري تستغني على نواد كوكو