~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[loudjaine]

السلام هذا وين روحت ...راسي مكسر ..مانعرف الصيام ولا الجو. ... ولادي راهم ضرك في الحرب ..زعما صغار 3 و 4،5 سنوات و الصفير عام والله ما يسبل في حقو الخطوة ما يلوحهاش قد قد و هو اللي عجباتو يناحيهالو من يدو ...
الحل الانشغال و لازم يخرجو شوي والله نهار كامل في المنزل بالسيف يهبلو .. انا نستنى الجو يسقم و نولي نخرجهم انا ما عندنا حتى مكان للترفيه او حديقة لكن نخرجهم يمشيو برك يشوفو الدنيا ...
قلت نشريلهم الوان ماءية ...شريتلهم الوان خشبية و قصص مصورة ...
الالعاب ما فهمتش بالنسبة لعمرهم حابة العاب تربوية او تعليمية ما لقيتش لي تعرف تفيدنا...

[loudjaine]

اخت سمراء هذا وين طليت مازلت راجل واقيلا صعيبة عليهم نشوفو كاش طبيب

[أ م ساجد وسيم]

المشاركة الأصلية كتبت بواسطة arwa alaa

اختي ام ساجد بلعقل برك انا تاني ماعندي خزانة وماعندي ليزيليمو وشاريا القجورة من الكبار زوج وحطيت كلش فيهم متقلقي ماوالو واحد ملقاها واجدة لازم الواحد يصبر ويبنيها بلعقل

راكي كيما حالتي..انا عنديوحدة تاع لقجورة دايرة فيها كلش الماعن والعجائن وسكر والقهوة يعني راحتطرطق....ساعات نتقلق ياختي سيغتو مع ولدي بسلامته خراب كلش يجبدهلي ويكسرلي لماعن ربي يفرج علينا يا ختي

[أ م ساجد وسيم]

المشاركة الأصلية كتبت بواسطة جهينة اليقين

ام ساجد الصبر حبيبتي ما كانش الي صابها طايبة غير درجة بدرجة وربي يدير فرجة المهم الجءي اليه وفي ما يخص الماعن اذا كانت علتك صغيرة وعلاه عليك تقوي على روحك خلي قيس ما تاكلو في سلة ولخرين خبيهم للزايد في سلل او كراطن او اشري خزانة صغيرة حتى ولو مستعملة ولميهم فيها حتى يفرج ربي

والله ياختي مامكترة ماعن حطا في لكوزينة غير لي نحتاجه والماعن لي عندي تاعضياف والله كل نهار وين نهربهم خليها على اللهوخلاص ....راني نتبع فيراجلي على ليزيليمون قالي نجيبلك واحد ومانعرف.....لعام لي فات رحنا نشرو واحد لقيت خردة مايصلحو لوالو بمليون تخيلي...بصح ندمت علاش ماشريتهش قلتنزيد نشوف واحد متين ومليح قعدت هكذاك.....المهم ربي يفرج وخلاص

[حياتي كلها امل]

تقبل الله صيام الصاءمين وصح فطوركم

[omelbanin]

[/IMG]ختي لجين ،الاطفال في السن هذا لازم يتعلمو الالوان،الاشكال، وتلقاي يتباعو مثل هذي تساعدهم،
وايضا العاب التركيب ليليقو

[loudjaine]

شكرا اختي والله هذو عندهم الا افكار اخرى الله يسترك ما تبخلينيش و الاخوات ايضا

[omelbanin]

انا ولادي كنت نمدلهم ثانيك ،العجينة لي معاها اشكال يطبعوبيهم . .هوالدكتور بوسعد يقولك لازملهم التلوين و ،اللعب بالصلصال ،بصح حنا كون نمدولهم يلعبو بيه يرجعو الدنيا ....مع انت خدامة.

[سمراء الدنيا]

السلام عليكم ... دخول سريع على غير العادة (في السهرة)

بغيت نبشر لجين انها اصبحت انثى هههههههههههه اهلا وسهلابك معانا من جديد

عضيت ايدي اليوم كي تفكرت اني خصصت رد للاخت ام وسيم و نسيت نحطو
اهلا وسهلا بيك عجبتيني كي دخلتي معانا ديراكت و كانك معانا من مدة طويلة (نسيت واش كنت راح نقولك) خلي غدوة نكملك

غاليتي جهينة سالتيني على التحاليل ...tsh طااااالع و لازمني نشوف اخصائية في اقرب وقت و ان شاء الله نروح السبت

ايه تفكرت ملاك راهي بخير هاذ لعشية كلات شويا و ناضت من لفراش يسال عليكم الخير

تصبحون على خير

[manel 16]

صحيتو اخوات .ام البنين ام لجين ام متين جهينة حيوتة كلها امل على دعائكن و طيبة قلوبكن.كنت حابة نشارككم البوم في الموضوع بصح النت دارتها بيا شيطتني.سمراء الحمد لله على سلامة بنتك.تصبحن على الف خير

[ام صفصف]

مساء الخير عليكم يافراشاتي الجميلات
اليوم الحمد لله هناتني بنتي شوية بعد ايام من العناء تاع التنبات وزادلو الvaccin ربي يعاونا انشاء الله فاستغليت الفرصة في لفريز
اختي سمراء الحمد لله على سلامة ملاك و بالشفاء عليك كي يمرضو الاولاد رانا نتكتفو وما تقلقيش كلشي ملحوق عليه
اختي ام ساجد ماتتقلقي ماوالو كي تكون الصحة برك انشاء الله منين ضيق يعني راو لاحق الفرج وكي اليوم انشاء الله تعدلي كوزينتك كيما تحبي فقط نصيحة الزمي الاستغفار وسترين النتائج بعينك باذن الله وربي انشاء الله يفرحك باخ او اخت لويم في القريب العاجل انشاء الله
اختي لجين مبروك تغييرالجنس فرحتلك من قلبي هههههههه ا ما فيما يخص الالعاب فكما قالت ام هاون بانسبة للسن اولادك لازمهم
les casse tète;
coloriage
pâte a modeler
les jeux de formes
les jeux de chiffres
et les jeux de lettres
نشاء الله نكون قدرت انفيدك ايه وبلاما ننسى الكتب مهمين بزاف حتى لو قطعوهم ماعليهش باش يكبر معاهم حب المطالعة انا جربتها مع بناتي ذرك راهي من اولى هوااتهم ولانهم صغار شريلهم اللي موش غاليين باش مايغيضوكش كي يتقطع
فيما يخص الشجار بين الاطفال رانا كامل نعانيو منو انصحكم انو تحاولو تفهموهم انهم اخوة لازم يحبو بعضاهم وماتنحازو حتى لطرف وماتبعدوهمش على بعضاهم او تقو لولهم ماتعاملوش مع بعضاكم باش ما تداوسوش هذا خطاء كبير يوقع فيه الوالدين وتكبر العزلة بين الابناء تربية الابناء في وقتنا راهي جهاد لذلك لازم ما نملوش من نصحهم مرات مع بعضاهم ومرات كل واحد وحدو نحكو على قصص تاع الاخوة اللي يحبو بعضاهم قدامهم واهم شئ العمل عى مللء اوقات الفراغ

[manel 16]

السلام عليكن .اللهم صلي و سلم على الحبيب المصطفى.جمعة مباركة للجميع .عليكن بسورة الكهف فهي نور ما بين الجمعتين.و الصدقة مهما كانت فهي تطفئ غضب الرب.اليوم نعمل يعني سباق مع الوقت حتى انهي كل اشغالي و نلحق للعمل في الوقت.ربي يقدرنا

[omelbanin]

السلام عليكم يا احلى اسرة،اللهم صلي وسلم على حبيبنا محمد، وعلى اله وصحبه اجمعين ،حبيبتي منال صباح الخير ،ربي يقدرك انشالله في العمل انتاعك.
حبيبتي سمراء الحمد لله كي ريحت بنتك ،وانشالله تريحي انت ايضا.
اختي لجين مبروك عليك كي وليتي انثى ،خلاص ضك نعودو نحو الخمارات قدامك.
ام صفصف شكرا على النصائح والله غير انا ندير اخطاء بزاف معاهم ،ساعات نفرقهم على بعضاهم نقول باش ما يضاربوش.

[حياتي كلها امل]

السلام عليكم وجمعة مباركة للجميع صباحكم سعيد ام هارون وامال ،وربي يعاونك اختي امال وصباح سعيد لكل الفرشات الحبوبات النشيطات.
اختي سمراء الحمد لله كي ريحت ملاك وان شاء الله الشفاء التام والشفاء لكي ايضا .
لجين مبروك عليك التانيث وكيما قالت ام هارون منولوش نحجب منك.
يارب اعنا على تربية اولادنا تربية اسلامية صحيحة.

[حياتي كلها امل]