~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[arwa alaa]

السلام عليكم يا البنات
راكم حطيتو يديكم على جرح كل ام العراك انا راهم مهبليني وراني نخمم كيفاش راح تجوز العطلة
التوام نهار كامل وانا العياط والبكى راح يهبلوني عندي لولو تحب كلش ليها مع اني نشري كلش زوج لبسة لعب ..........كلش كون منلقاش زوج منشريش بصح هيا تحب نتاعها ونتاع اختها ولوخرى مغلوبة تنحيلها كلش من يدها وتولي تبكي وحاجة متسكتها
ووليدي لكان راه في الدار خلات لي ساكت يولي يبكي البارح باباهم جا شوية بكري من الخدمة ومقعدش معاهم قعد في البيت يخدم وانا قلتلهم خرج كي كمل جاني قالي ربي يعينك ياختي عليهم نهار كامل وهو عندو يومين كان شايخ عليا قتلو راني شربت بانادول من الحس ولعياط ولا يقولي امالراح نوليو نحيو حق نوريس تجي تعاونك عليهم ولبارح كي سمعهم واش يديرو جا وحدو يقولي ربي يعاونك قتلو انا يخي كنت تتمسخر بيا .........المهم راني ملقيت مندير

[arwa alaa]

اختي ام ساجد بلعقل برك انا تاني ماعندي خزانة وماعندي ليزيليمو وشاريا القجورة من الكبار زوج وحطيت كلش فيهم متقلقي ماوالو واحد ملقاها واجدة لازم الواحد يصبر ويبنيها بلعقل

[جهينة اليقين]

ام هارون فيما يخص موضوعك كل الامهات يعانين منه بدون استثناء واليكتجربتي
كي يضاربو الذراري اما نقول لهم لو كان نزيد نسمع حسكم تخلصو كلكم وما نحوسش نفهم لانهم صغار ما يرفوش الظالم مالمظلوم ويغيرومن بعضهم وهكذا الظالم يخاف من العقاب والمظلوم يتعلم الصبر والتحمل وما يقعدش غير مااااااااااااما ماااااما ههههه وصح نديرها
واما نشد كل واحد وحدو الظام نقولو حرام عليك وهذا خوك ونحننو على خوه والمظاوم نقولو ما فيها والو هذا خوك وما يفوتكش يعني شوي حيلة وهي في نفس الوقت تربية
وبالاكي تقولي لواحد لوخر خير منك وانت كذا وكذا لان الحقد يتربى بيناتهم مثل اخوة يوسف عليه السلام لماذا رموه في الجب اليس بدافع الغيرة؟؟

[arwa alaa]

اختي سمراء يعطيك الصحة وربي يشفي الاولاد ويعينك متقلقيش روحك بزاف على الردود كي يرتاحو الاولاد يرحمها ربي المهم تكوني بخير

[arwa alaa]

والله انا وليدي راسو يابس كون تقوليلو ساعف خواتك يولي يجبدلك حكايت كي يولد خويا ندير ونعمل ومتفراش معاه تبقاي تفهمي فيه ويقلبهالك بكى تحبو اروى خير منا وكي يجي خويا نديرولها ونعملولها المهم .......واش نقولك

[omelbanin]

حبيبتي ام راضية يعطيك الصحة ،والله مع ولادي نحوس غير لي ينصحني ،والله غير ساعات نضربهم وممبعد يغيضوني .
وبما انك مجربة ،زعما تروحلهم كي يكبرو.

[arwa alaa]

لبنات جاب ربي مدرتش تحضيرات لرمضان قلت كي نكمل نقي الدنيا نقعد ليها راهو فسد الفريجيدار والي فيه كامل يترمى ...............

[ام متين]

السلام عليكم كيف الاحوال
اروى راكي منورة الصفحة انت وكل النحلات ما شاء الله
سمورة بشفى لبنتك والله لما يكون الاولاد مرضى كل شيئ يتلخبط ربي يشفي الجميع
الحمد لله انتهينا من الدروس والمراجعة
انا بديت في التحضيرات يعني غير بالشوية
الفريك شريتو واجد .الكسبر راني نقي فيه باش نطحنوا والمهم البيت لما يكون نظيف يكون المورال مليح انا الصالون كنت نظفتومن قبل بقى الكلوار والدوش والحمام راهم نقيين ونزيدنغسلهم شوية ونرجع للكوزينة

[ام متين]

بالنسبة للاولاد اول حاجة درتها هي ركبت التلفاز في غرفة الاولاد الكبار يعني فصلت الكبار عن 2 الصغار ونحاول ما يكونش احتكاك بزاف مع بعض
الرياضة يديرو لكن عندهم 3مرات في الاسبوع ومع المساء
ومع هذا دائما الشرارة الكهربائية موجودة مرة على مرة تنوض الحرب ونتقلق انا بالخف وهوما ثم ثم يرجعوا لبعضاهم لكن انا نكون فقدت اعصابي .
متمنية لو ندخلهم في المسجد يقراوالقران لكن ما عمبليش اذاكاين والا لا. وزيد ابني الثاني لا علاقة له بالترتيب هو مجتهد في قرايتو لكن لا خط جميل ولاترتيب للمحفظة ولا في البيت راني نحاول معاه بايتعلم يطبق فراشو ويعاون شوية في البيت وهووخوه كي القط والفار الي يهدر يلصق فيه خوه والكبير يكرتيكي في خوه بزاف وساعات نتقلق بزاف ونقولهم اذا ما قدرتوش تحبو بعضاكم كيفاه رايحين تحبوا الاخرين وتكون علاقات اانا راني نكتب واذان العصرربي يهدي جميع الاولاد ويجعلهم من الذرية الصالحة ويفرحنا بيهم جميعا

[omelbanin]

ام متين ، بالنسبة للنظام راهم كامل كيف كيف ، والمساجد الله اعلم حنا في العاصمة ما يقريوش في الصيف . انا شحال من خطرة نحب ندخل ولادي ما نلقاش .
حبيت نسقسيك ام متين،عندك غير لولاد.؟

[ام متين]

ن
يا اختي ام البنين عندي ثلاثة اولاد وبنت لكن البنت نحسها تدي في الطبايع نتاع اخوتها وزيد بابها مدللها ولما يقولهم راهي اختك وغير وحدة ولات تشوف روحهاولما تطلب حاجةيقولها لا لا تبقى تعاودحتى يديرلها رايهافي حدود المعقول بحكم انها صغيرة تقولو اشريلي هكذا وهكذا اما معايا انا ندير رايي
انا ثاني ساكنة في العاصمة لكن رايحة نسال عن الدراسة في المسجد ربما تكون .
ساعات رانا نشتكيو من الاولاد لكن ساعات عندهم الحق بحكم انهم ما يخرجوش الا للضرورة وحتى في الويكاند مرات يخرجو ومرات لالا حسب ظروف العمل نتاع الوالد
لهذا السبب يرجعو القلق نتاعهم على المناوشات والا المطبخ واش طيبتي ةيظلو رايحين وجايين.

[حياتي كلها امل]

ام متين قريت الرد تاعك كيوصلت الى داخلين للكوزينا ويسقسو واش طيبتي جاني الضحك راهم كيما ولادي كي مايلقاو ما يديرو كما قلتي دخلين وخارجين من الكوزينا ويفتحو ويغلقو في الفريجدان،ربي يكون معانا ومعاهم

[ام متين]

و زيد كاين نقطة اخرى لما تقوليلهم عاونوني يحبو يديرو الحاجة الي ما يقدروش يديروها مثلا بنتي قلتلهل لمي الالعاب قالتلك نغسل لماعن ربي يقدرنا .

[omelbanin]

ام متين والله تقول راكي تحكي على ولادى ، انا هذيك لفريجيدان كاش نهار يطيرولها الباب تالمو ظل يفتحو فيها.وكيما قلت حليلهم انا ولادي ما يخرجوش كامل ، كنت نروح مين ذاك لدار شيخي كي يروحو يتلاقاو مع ولاد عمومهم يديرو لاباقار وليت ما نروحش ،الا رحت تاع دقيقة الواحد عاد يكره المشاكل

[سرور2]

سلام لبنات

نبدى بان متين تقول تخكي على ولادي ربي يحفضهم لازم نلقاو حل قبل العطلة ههههههه


اليومين هدون مشغولة ومع الصيام قولو ممسيت والو غير وين يشوف حمد هههههه(راه مثل)

لانو كاين الخدامة في اللوجمة ولهيت بيهم يعني هات لغظي وفطور وغسل لماعن مع شوي تقفاض ان شاء الله نهار الشبت نتريقل ونرجع لنضام وتقفاض قبل ليلحق عليا رمضان راه رجع كلش كيما كان

ربي يوفقكم ان شاء الله