اقتباس:
المشاركة الأصلية كتبت بواسطة omjoujou
السلام عليكم ورحمة الله وبركاته
صباح الخيرات والمسرات
ام حمزة زهرة اللوتيس ام رحاب يسعدلي صباحكم غالياتي
ام حمزة يا شطورة ذرك نروح نقرعج وش كنتي تخدمي من ورانا خخخخخخخ وبصحتك وش راح طيبي غداك
زهرة اللوتيس مقولتيناش كيفاه جاتك شطيطحة تاع لحم الجمل لي درتيها البارح؟؟؟؟؟؟؟
ام رحاب عزيزتي تسلمي على الحلو وربي يحلي ايامك ماتنسايش طمنينا وش يقولك الطبيب
حقا حيوتة علاه راكي تودعي فينا ياك الكوزينة مزال مخلاصتش خخخخخخخخخخخخ
غدايا روز تاع لا كوكوت وسلاطة وديسار
ربي يعينا ويعينكم كامل
يومكن موفق
|
وعليكم السلام
الله يسلمك حبيبتي بصحتك التقرعيج
اقتباس:
المشاركة الأصلية كتبت بواسطة lotus flowerl
أم رحاب ربي يحلي أيامك الحلوى تشهي و لاباس عليك ان شاء الله
و طمنيينا كي يخرجو التحاليل
أم جوجو يسعد صباحك حنونة و ربي يفتحلك ابواب الخير
الشطيطحة جات هايييييلة طيبتها في الكوكوت 15 د فقط مع كاس ماء سخون فقط
و قدمتها مع روز بسمتي أبيض
الصوص خاثرة و بنينة و الله حتى سنفوراتي كلاوها
...و سيرتو كي قلتلهم تاع جمل
.........حب الاستكشاف تاع صغار بصح حنا جبناه باسكو غني بالحديد و صحي لانو بنتي عندها انيمي
ادعيولها معاكم يا طيوباااات
بصح انا جاني طعمو غريب عن تاع البقري و الغنمي
ام حمزة تسلملي عيونك يا غالي ...
راح نجرب طاجين الزيتون بالكبدة ان شاء الله
|
بصحتكم وربي يشفي بنتك عاجلا غير اجلا
اقتباس:
المشاركة الأصلية كتبت بواسطة أم ياسين الزهراء
صباح الانوار
كنت نشوف في الخيرات الله يبارك راكم الكل فور ربي يحفظلكم صحتكم ويديم النعمة عليكم
ام رحمة افليكسيلي بلارة مخلالات راهي تشهوام ساجد طيلي المطلوع ونقعد وناكل كيعجايز الزمن الجميل
ام رحاب الله يشافيك حنونة
نروح نزنق شوي اليوم راحة عندي بواقي الاكل والدار نقية والحمد لله مااحلى الراحة
|
صباح الانوا ر وربي يحفضك ويخليلك صحتك ويدوم النعم عليك
اقتباس:
المشاركة الأصلية كتبت بواسطة أم محمد تاج
صباحوووووو يا حلوااااات
روائع واش حطيتو روائع
وعجبتني ام حمزة وزهرة اللوتس جنووووووود الخفاء هههههههههه
زهرة اللوتس الله يشفي بنتك حنووونة وبصحتك لحم الجمل
ام حمزة وام جوجووو ياصباح الفل
ام ياسووووو نحسدك على الراحة واااااااع هههههههه
ام رحاب حنوووونة يعطيك الربح على راحت وخلاتنا ههههههه ربي يشفيك حنووووونة والغريبية روووووووعة كروعتك ست الكل
حيووووتة تحاوزي فينا اخخخخصصصصص هههههه كوزينتك مازال ماخلاصتش هههههه يعطيك الربح يا طيوووووبة
غدايا تشهيتووو من زمان ومدام زوجي مسافر راح نبرد فيه قلبي الصغييير ههههه وهو جواز خضرة مقطعة طراف كبار ومعاهم الكابويا واااااو على قولت ام ياسووو تاع الزمن الجميل ورخساس والف حمد وشكر لله
نزنق شوي مع ام ياسوووووو
|
صباحكي منور وسعيد حبيبتي وبصحتك الجواز مطرح ما يسري يمري
اقتباس:
المشاركة الأصلية كتبت بواسطة حياة نور الدين
صباح الخير حنوناتي واش راكم
ام حمزة بيعد صباحك وهادوك اليدين
زهرة اللوتس اهلاااا بك وربي يشفي بنتك
ام جوجو صباحك حلووووو كي العسل راني نودع لخاطر الصفحات يجروا ههههه وخفت منشكركمش
ام رحاب صباحك سكر بالشفاء عليك وطمنينا
ام ياسو راني جاية عندك كي راكي مريحة خخخخخخ توحشت الراحة
|
يسعد صباحك حبيبتي ربي يهنيك
وعليكم السلام
بصحتكم واش حطيتي ماشاء الله ربي يحفض النعم
اقتباس:
المشاركة الأصلية كتبت بواسطة ام فراس اصيل
يعطيكم الصحة كامل على الاطباق الرائعة عندي ضياف حاب تقتارحو عليا واش نطيبلهم للغداء من مقبلة والطبق الرئيسي والتحلية راني نستنى متطولوش عليا
|
اقتباس:
المشاركة الأصلية كتبت بواسطة om kamilia
صباحكم سعيد
ام تاجو لحقات الرسالة؟؟؟؟
|
صباحكي اسعد ام كاميليا
اقتباس:
المشاركة الأصلية كتبت بواسطة زهرة الريف*
السلام عليكم ورحمةالله وبركاته
منورين الكوزينة كالعادة بما الذا وطاب بصحتكم وربي يبارك فالرزق
حياة. ....كوزينتك كانت ماشاء الله كلها خيرات والأهم تعرفنا عليك وعلى طيبة قلبك وكسبنا أخت مثلك
أم رحاب. ....أممم على الخيرات ربي يدومها ويبارك فيها وربي يجيبلك الشفاء
أم إسلام. ....روائع من يديك يافنانة والطورنو خرجتيه تحفة تبارك الله واش راك ريحتي شوي
أم حمزة. ...زهرة اللوتس. ...أم جوجو....أم تاجو.....أم ياسين ....أم كاميليا
وكل الأخوات صباحكم نور منور بإذن المولى الكريم
أم فراس. ....النهار قصير وبارد وفيه الجوع ماتسلكك غير الشربة وبرشوشة ولاشخشوخة والديسار كاينة المندرينة والبنان والتحلية ديري تيراميسو تاع ليزا خفيف ضريف ولا تحلية البرتقال تاع ام تاجو ربي يحفضهم وينور دربهم
أيا سلام لبنات وربي يوفقنا جميع ولي نسيتها تعذرني
|
وعليكم السلام يا زهرة الزهرات
اقتباس:
المشاركة الأصلية كتبت بواسطة lyzzabel
السلااااام علييكم و رحمة الله صبااحكن سعيييد و نهااركن طييب حبييباااتيي
النت هبلتنيي ترووح و تجيي وااعتييييين
أم اسلااااااام يميييي يمييييي يا عمري انت موااح مواااااااح أحلى طبق على الصبااااح و انت العسل الحر يا حرة الحراااير والله ما لقييت مت نقوول من كترة لي فرحت ربي يحفظك و يخليلك صحتك و يفرحك بوليدااتك و بصحتكم الطعاام و اللمة عند الأهل يا الغااالية
مييمتي الحنييينة ألف لابااس علييك و راني طرت بالطبسي تاع الغرييبية ممممممممم تهبل تهبل و ربي يشفييك و يعافييك و يطمنك على صحتك يااارب
ام حمزة و ام جووجوو و حيوووتة و اامااال و زهرة اللوتس و ام محمد اسلاام و نوور الإسلاام و سكروووورتيي و زهرة الرييف ام كااكيي و اسمهااان و روووضة و ام صبرييين و ام فدوى و قااااع لبناات لي طلو و لي حطوو اطبااقهم بصحتكم شا طيبتوو و يعطييكم الف عاافية
ام يااسوو نسييت نقوولك تاارت الليموون تاعك رااهي بين عينياا يمييييييي تسلم الأيااااادييي
ام فرااس ديري كيما قالوولك لبناات راه اابرد و يسلكك غي التقيييل خخخخ ،، ديري شوربة و بورااك و سلطة منوعة و طعاام بالمرقة و اللحم الغنميي و اللبن ،، و التحلية ديري البسبووسة بلا كرام فراش وصفتي راهي في وصفاات الحرااير ساااااهلة و سرييييعة و ما فيهااش بزااف اللواازم و زيدي شووفي مع الشيراات و ربي يعااونك حبييبتيي
حيووووتة ما تخمييييش كوزيينتك كاانت راااائعة كروعتك و راائعة كروعتك و قمتي بيينا كيما يلزم و أكتررر ،، ربي يحفظك و يفرحك بسكنة لي تتهني فييها يااااارب
فطوورنا اليووم جلباان بالجااج محمر و سلطة و خبز الداار بقاالي من البارح و الحمد لله على نعمه
لا إله إلا الله وحده لا شريك له له الملك وله الحمد وهو على كل شيء قدير
|
وعليكم السلام لييييزاااااا
اقتباس:
المشاركة الأصلية كتبت بواسطة oum sabrin
صباح الانواااااااااااار ام ياسين ام تاجو حياة ام حمزة ام فراس اصيل ام اسلام ام رحاب زهرة الريف ام كاميليا ام جوجو زهرة الوتوس ليزابييييييل و كل المتواجدات هذا الصباح
واش راكم
ما شاء الله على الخيرات دخلت مع فطور الصباح تاع ام رحاب امممممممممم هاديك الغريبية العزيزة يعطيك الصحة و ربي يشفيك
خيرات ام اسلام و المقيرط جاك رووووووووعة تسلمي شهيتك في الجنة بالكرانتيكا و بصحتك اذا درتيها
ام حمزة شهيتك في الجنة
حيوتة كوزينتك جاوت خفيفة كي مولاتها و اثر فيا كلامك انا تان حساسة ربي يخلينا كي الخيات امين يا رب
غذانا البوم شربة جلبانة يابسة و سلاطة و الحمد لله
يوم موفق
|
اهلين ام صابرين بصحتكم البواكاسي ممممممم
اقتباس:
المشاركة الأصلية كتبت بواسطة oum islem
[size="6"]ليزا الله يحفظك و يخليك نور عيون زوجك ووليداتك اغرورقت عيناي فرحا بدعائك اللهم امين ولك بالمثل غاليتي
زهرة الريف مشكورة حبيبتي على الكلام المشجع راني الحمدلله أحسن بكثير من ذي قبل
أم صابرين راني ندير في القران ان شاء الله تجي مليئة
ام فراس على بالي فحلة وسلكتيها
حضرت الكران بطريقة أم ألاء ولجين شوية ونطيبها size]
|
بصحتكم
وعليكم السلام
بصحتك الغريبية رزيقة راهي تشهي مممممم
اقتباس:
المشاركة الأصلية كتبت بواسطة الجمان
صباح الخير حبيبات قلبي
واش احوالكم ان شاء الله بخير
توحشتكم وتوحشت لمة الكوزينة لكن الظروف كانت اقوى
حبيت نبشركم اني ولدت وجبت احلى اميرة الى الدنيا والحمد لله اني بخير انا وبنوتي الحلوة
وراني نستنى في طمينة ام سهام الغالية
من بعد نزيد نطل عليكم يا احلى اخوات
|
صباح الانوار الجمانة والف مبروك البنوتة تتلربة في عزكم
اقتباس:
المشاركة الأصلية كتبت بواسطة ام أمينة
صباح الخير يابنات وشراكم لاباس دخلت لقيت ليزا تحول في الحوامل دخلت انا لولا نطمنكم مزلت رني نستنا وإذ وصل الوقت بإذن الله نقلكم قبل منروح لوبتال به تدعولي معاكم
صباحالخير كامل لبنات والله نهار عاد قصير منجيو نخرجو من الخدمة تاع الدار بذراع ععععععععععع
نراجع و نولي
|
صباح الانوار ام امينة
ربي يعطيك وقفة ساهلى
اقتباس:
المشاركة الأصلية كتبت بواسطة omjoujou
غدايا وجد روز تاع كوكوت
|
بصحتكم ام جوجو راه يشهي الطبق مممممممم
اقتباس:
المشاركة الأصلية كتبت بواسطة انا هي رزيقة
جابك ربي ام جوجو صباح الانوار الرز يا مي يامي كي العادة يا الفحلة ربي يحفظلك دوك اليدين
راني عاودت الوصفة لي طلبتيها مني لعيونك و عيون اخت اخرى كانت هي تان طلبت مني نفس الوصفة للاسف نسيت اسمها سمحليلي اختي
ان شاء االله برك هذ الخطرة تخرج مليحة ما تبهدلنيش .. خخخخ
|
بصحتك ويعطيك الصحة والعافية على الوصفة
اقتباس:
المشاركة الأصلية كتبت بواسطة حياة نور الدين
البنات فطوري كرانتيكا وجدت وفطرنا وزدت معاها درسة اختي ام حمزة امممممم
|
بصحتكم حيوتة شهيتوني فالقرانطيطة
اقتباس:
المشاركة الأصلية كتبت بواسطة روح مراد
يعطيكم الصحة رزيقة و أم جوجو
أم جوجو راني جربت روز الكوكوت خرجلي هايل
|
اهلين روح مراد واش راكي
اقتباس:
المشاركة الأصلية كتبت بواسطة أم هبوبة
سلام
النت راه مهبلتني أغلب الوقت ثقيلة بزاف و المنتدى ما راهش يحب يتحلي و ادا جات الصور ما يطلعوليش
بصح نعرفكم فحلات و راكم حاطين الخير و الخمير يعطيكم الصحة
حياة سمحيلي ما شاركتش بزاف في كوزينتك الوقت قصير و الخدمة برا و الداخل و كان وقت الامتحانات و الله ما راه يكفيني الوقت و زيد مشكلة النت
هدا واش عملت البارح
و هادوا للقهوة نتاع العشية
|
وعليكم السلام
مممم اطباق تشهي ولي كمل عليا المعارك راهم في بالي هاد نهارات
وعليكم السلام ختيتي شهيتيني في هديك شريبة والخبز ممممممم بصحتكم ويعطيك الصحة
اقتباس:
المشاركة الأصلية كتبت بواسطة lyzzabel
صح فطوووركم حبييبااتيي ،، نحطلكم فطووري و من بعد نولي بإذن الله
بسم الله
b]
|
بصحتكم ممممممم راه يشهي