جزء***135***من واش طيبتي اليوم

[ليال 22]

ام انس اييييه لازم تفوتيهم بالوحدة وبالعقل علينا ههههه المنتدى يخاف علينا ما السخفة
تسلم الايادي و الميلفاي نتاااعك ولا بالاحلام رووووعة .
الريفية شكرا لك على الدعاء.

[ليال 22]

ام انس هاديك الصوص الحمراء واش هي راني نتخيل فيها حااارة ومعاها زيتون مرقد فيها اممممممممممممم

[ام مؤمن]

مساء الخير و الخيرات واش احوالكم يا لمة الخير

ام ماجد ام محمد كيف الحال
اسيل و ام محمد شكرا حبيباتي و بصحتكم

عازفة المحبة ماشاء الله على مخبوزاتك تحفة يا ملكة المعجنات و افخاد الدجاج لعيونك حبيبتي

ام ابراهيم ماشاء الله اطباقك تحفة و رمضانك كريم

omomnia15 سفرة دايمة حبيبتي بصحتكم

ام و ابنة شكرا اخيتي راكم تقدمو الخدمات لكل الاخوات

ام صابرين سفرة دايمة حبيبتي و زكريا على راسي و طاجين الاشواء و الشاربات و كل طبخي لعيونك الحلوة

الصور الباقية ماطلعوليش مع الاسف

دائمة الحمد ربي يحفظك حبيبتي على الرد و رايحة نستعمل طريقتك ربي يمتعك بصحيحتك و بوليداتك و ربي يشفيك و يديم عليك تاج الصحة و العافية

قمر العزيزة يعطيك الصحة و شكرا على كيفية تعاملك مع اللحم البقري ربي يحفظك
زين شكرا على رابط الكورجات نجربوها ان شاء الله

ام طيري الجنة ماشاء الله بصحتكم
ام طيري الجنة ربي يوفق نسرين و ربي يرزقك باخوانها انت و الرجاء الاماني و كل من تتمنى الذرية الطيبة و يا رب اطعمنا و لا تحرمنا امين يا رب العالمين

و ربي يرحم موتى المسلمين جميعا يا رب

المازا على حد قولك رانا كامل خايبات انا تاني ننوض على 12 لالالالالالالا 11 و نصف
مع الاسف صور اسيا ماطلعوليش
ام ياسين ربي يفرحك ببنيتاتك

ام كاميليا ربي يشافيك ان شاء الله


لي ينتظرو فيالنتايج ربي يفرحهم ونفرحو معاهم

ام انس بارك الله فيك على النصيحة و الله عنك الحق و الله يتمم حملك على خير

ليال و عزوفة ربي ينجحكم في الكونكور و نفرحوا بيكم و ندعيولك بالزوج الصالح و وليد الفاميليا

bouba ربي يوفقك و يفرحك بوليدك انا ناديلاك بوبا

هذا واش حضرني صفحات و المرة هذي مانتكلحش و نودر الرد ههههه راني كوبيتوا

[أم ماجد]

المشاركة الأصلية كتبت بواسطة oum anas 69

رخساس و شربة في قدرة الطين شفتي أم الجود قدرة الطين خخخخ


[IMG] مركز تحميل الصور[/IMG]




[IMG] مركز تحميل الصور[/IMG]


[IMG]قلب و كبدة ـ.. سخفت على دوارة هذا مالقى زوجي[/IMG]





ملفاي لزوجي درتو لبارح كل يوم يشري باش يسحر و غالي وليت درتهولو



[IMG] [url=https://up.1sw1r.com]مركز تحميل الصور[/u[/IMG]

الله الله ماشاء الله على حرات بلادي
تعجبيني جزائرية فحلة وحرة من تاع زمان
ام انس كلامك عين الصواب لكن زيدي انصحي االزوج اللي يتوحم في النهار ويسخف وفي الليل ماياكل والو
ماتنساوش لبنات الشرطة تاعنا راهم يفطروا في الطريق ربي يعاونهم
اليوم عندي ولد سلفتي جاي يفطر مع مجودي وولد اختي هم اصدقاء الطفولة
اليوم صلاة دخلت للكوزينة مع روزا تعاونها رجعوا حبايبخخخخخخخخ
روزا تدير في طاجين المرقاز لام اماني وحابة كوكا
انا درتلها حميص حار وخرجت
من بعد نرجع ندير كسرة رخساس ولله الحمد والمنة

[قمر 77]

سلام
حبوباتي راني نتعلم سلفتني بنتي التابليت نتاعها مبصح صباعي كبار ى ه‍هههههههههة

دخلت على الخيرات. نتاع ام انوس ربي يكمللها على خير و نصائحك درر حبيبتي
استادتي ربي يشافيككامل نكرو الطبيب و الدوامبصح اصبريلهم حبيبتي طهرا و في ميزان الحسنات كلشي يتحسب عند ربي سبحانو
اولادنا اللي راهم ينتظرو فالنتائج ربي يوفقكم و ينجكمجميع
فطوري بقاتلي حريرة و متو حشة المثوم بالاك ندير شوية نحبيها السخة الشي غالي
ام ايوببصحتها البنيةو ان شاء الله دائما
ام الجود بصحتكم ربي يحفظ البنيات و بصحت الشيخ ايلا ما دللشعليكم على من يدلل
امالجود راني معاك اليوم باذن الله نخصوه لام نسرين بالدعاءمع اان المغرب باذن الله وامكاميليا و ربي يرزق كلمحرومة بالذية السليمةو الصالحة امييين
البنات كامل يعطيكمالصحة راجعت كلش مبصح مش قادرة نركزسامحوني
نحاول نطلع وشدرت البارح بالتابليت ايلا عرفت

[زينب 83]

دخلت على كلام الغالية ام أنس ماشاء الله كلام في محلو درر ربي يحفظك يا رب

انا صارت معايا حاجة قبل يومين ماكنتش حابة نحكيها لكن راح نحكيها العبرة

زوجي عندو صديق مريض شوي عقليا لكن عااااقل و متدين ما شاء الله ، المهم هذا الانسان على قد حالو و عندو اربع أطفال ، كان زوجي قاعد في المسجد قبل المغرب حتى لقاه جا سلم عليه المهم قالي زوجي هو يسكن بعيد و المغرب قريب يأذن و ماروحش قالوا زوجي روح تروح راهو راح الحال عليك ، جاوبوا بانوا حاب يقعد في المسجد استغرب زوجي قالو لازم تروح تفطر و مباعد ارجع ، قالو لالا نفطر هنا برك ، الزوجة راهي فاطرة عندها عذر شرعي ، قلتلها ماديريش الفطور ماحبيتش نتعبها ، لكن زوجي أصر عليه لانو العذر غير مقنع في الاخير تبين انو هذا الانسان ماعندوش فطور في دارو يعني عائلة بلا فطور تخيلوا الامر حبيباتي ، و الله هذاك النهار الماكلة ماقدرتش تهبط لي ، ممكن حنا الشربة تبانلنا حاجة عادية لكن عند شي ناس راهي صعيبة المنال ، ،،،،،،،،،،،،،،

[زينب 83]

ام أنس الميلفاي تاعك ماخلاش فيا الصراحة روووووعة كاشي اسرار اعطيهوملنا هههههه

ام الجود ربي يحفظ لبنات ، صدقيني بناتك حبيتهم بلا ما نعرفهم ربي يحفظهم يا رب

كامل لبنات ما شاء الله عليكم و على اطباقكم تحف فنية ، الله يعطيكم خير على الخير و يرضى عليكم و يفرحكم و يفرج همومكم و يشفي مرضاهم و يحقق امانيكم يا رب

[الرجاء الاماني المجد]

ام انس ميلفاي روعة يعطيك الصحة اعطني الوصفة ارجوك من فضلك لا زم نجربو وصح فطورك

[النائلية الأصيلة]

السلام عليكم
وصحة رمضانكم
وتقبل الله منا ومنكم الصيام والقيام
يعطيكم الصحة كامل واش حطيتو عندي مدة مادخلتش مي تنبع في الخفاء
ام انس معشوقة الجماهير اهلا بيك حبيبة
الله يعينكم كامل على الكوزينة وما تنساوش عندكم اجر المهم تجنبو التبذير

[om kamilia]

السلام عليكم ورحمة الله وبركاته
في غيابي درتو حالة و كي ندخل مكاش قصرة
, رانهءء مريضة ههذو اليومين غلببنني رمضان بزاف و الله حسيت بالموت, راسي وفشلة و دوك نبدل السيستام ندير الشغل في الليل و نطييب صباح

[زهرة الريف*]

ياااااااه يا ام انس الميلفاي يهبل يقعد في قلبي حتى نجربو بإذن الله ممكن الرابط وسمحيلي على التعب
أم ماجد ربي يحفض البنيات ويعطيك الصحة
قمر راني رسلتلك واش قلتي
زينب والله اقشعرت نفسي ربي يرزق كل محتاج ويحنن قلوب العباد على بعضاهم
أم مؤمن لعزيزة عيشك قوليلي كفاش درتي طاجين الشوا تاعك بلاك نديرو اليوم
المازة سخفت نسهر معاكم البارح بصح عيييييييييييت
أم وابنة كيفها الأحوال معاك

[ليال 22]

تفضلو https://www.djelfa.info/vb/showthread.php?t=1224185

[زهرة الريف*]

أهلا أم كاميليا سلامتك من كل شر وربي يقدرك
نائلة صح رمضانك انت ثاني أختي
الرجاء منورة

[أم هبوبة]

سلام عليكم
لبنات راكم ما شاء الله الله يدوم النعمة و يحفظها من الزوال اللهم اشفى مرضانا و ارحم موتانا و حقق امانينا و نجح اولادنا الممتحنين و يسر امورنا و ارحمنا برحمتك يا رب العالمين
كل شيئ حطيتوه روعة ما شاء الله و ميلفاي ام انس ما خلى فيا والوا و خبز زينب يشهي و طاولة دائمة الحمد و ام ابراهيم و ام ماجد و ام ساجد و ام ياسين يعطيك الصحة و يفرحك بالممتحنين و لا اطباق عازفة تشهي. الله يحفظكم جميعا و يدوم النعمة و يعطيكم صحتكم و الي نسيتها تسمحلي
عرضة خويا حازت هايلة قصرنا و تلمينا و ضحكنا و مرت خويا ما خلت ما دير و تحط ربي يعطيها صحتها و يبارك في اولادها و يحفظ خويا
ام ماجد ما قدرتش نصور الطابلات ما ديتهاش معابا و الحالة كانت مخلطة لكن ان شاء الله مين يجي توري نتاع العرضة ليهم نوافيك بمل شيئ من المبيرة للصغيرة
هدا فطوري نتاع البارح بقالي منه شوية رايحة نطيب الحريرة و نزيد حاجة خفيفة باش ما نرميس الماكلة
هدي حريرة

و هدا بوراك في الفرن

طاجين الزيتون و زينته بوريدات بالكفتة لام فاطيمة

هدوا قطايف عملتهم دتيهم معايا لدار خويا مع البسبوسة التركية لام اماني



نخليكم في امان الله نروح ننصب الحريرة

[ليال 22]

ام هبوبة كي راكي قبل ما تروحي سالتك على القطايف ما شفتيش سؤالي نظن قوليلي مين شريتيهم وهل جدد ولا كونجلي انا لقيتهم كونجلي ما نقدرش نديهم لانه ما نجي نوصل للبيت يدوبو و ما نقدش نعاود نكزنجليهم