الأخت yarasmin. 26 ترد على تساؤلاتكم هنا - الصفحة 93

yarasmin26 · 2012-12-24, 14:21

اقتباس:

المشاركة الأصلية كتبت بواسطة lofi

لي رجاء عندك من فظلك
راني حابة ندير سوفلي لي راكي حطيتيه
لكن أطلب منك صلصة الطماطم الي حطوها فيه
فوصفاتك جميعها مضمونة
جزاك الله كل خير عما تساعدينا به وجعله في ميزان حسناتك

ديري صلصة البيتزا " في طاجين الماء + حبة بصل +سنات ثوم+طماطم حب +1/2 حبة فلفة حلوة ان وجدت + ملح +الحرور وخليهم يطبخو مليح منبعد ارحي كل شيئ بالميكسوغ ورجعيها لنار تطبخ مع الزيت و1م ص سكر والزعيترة والرند تطبخ حتى توجد وتثقل وكي تبرد ديريها في السوفلي

yarasmin26 · 2012-12-24, 14:05

اقتباس:

المشاركة الأصلية كتبت بواسطة lofi

السلام عليكم
راني فرحت كي صبت الجواب عندك راني قريتها اليوم لأنو الانترنيت كانت معطلة عدنا تقربيا شهر وما دخلتش للمنتدى وخاصة صفختك يعطيك الصحة
عبار نواة كوكو ملونة اخضر اصفر احمر1 +
نديرالنواد كوكو في الفور دقائق قليلة قبل التكوير ثم نحشيهم ثم نكورهم
اقصد بالسؤال ميل الكوكاو في الفور ثم نصنع به الوصفات

توضيح للوصفة " ديري 2 عبار نواة كوكو بيضاء اللون وانت اقسميها على 2 او 3 وديريلها ملون او اشري نواة كوكو ملونة المهم كيلي 2 عبار نواة كوكو زيدي معاها عبر سكر و3/4 زبدة ذايبة ولميها بماء الزهر فقط مديريها تسخن في الفرن كذبو عيك الي قالك هكذا لانه تولي محمرة ومحروقة
وخذي عجينة الجينواز فتيها ورونيها مع كريمة الزبدة باه اجيك لذيذة الطعم وشكليها كويرات صغار وتروكيهم بجهة
من جهة اخرى خذي نواة كوكو الي وجدتيها وديريها في قالب المعمول واحشيي كويرات الجينواز في الداخل ثم اغلقيها مليح واخبطي القالب تجدين الحلوى مشكلة قدامك وتقدري تذرذي اعليها سكر احرش
بالتــــــــــــــــــــــــــــــــــــــــــــــ ــــــــــوفيق

yarasmin26 · 2012-11-27, 10:12

الى الاخت ام عائشة 10 التشاراك المسكر" 3 كيلات فرينة+1 كيلة زبدة ذايبة +قرصة ملح+ 1 م ك لفاني+1 م ص خمارة الحلوى+ماء +ماء الزهر باه تلمي العجينة والعقدة 500 غ لوز مرحي+300 غ سكر قلاصي+لفاني +مبشور القارص+قطعة صغير زبدة +ماء الزهر لازم العقدة تكون شادة روحها

أم عائشة 10 · 2012-11-27, 11:48

[QUOTE=yarasmin26;12281210]الى الاخت ام عائشة 10 التشاراك المسكر" 3 كيلات فرينة+1 كيلة زبدة ذايبة +قرصة ملح+ 1 م ك لفاني+1 م ص خمارة الحلوى+ماء +ماء الزهر باه تلمي العجينة والعقدة 500 غ لوز مرحي+300 غ سكر قلاصي+لفاني +مبشور القارص+قطعة صغير زبدة +ماء الزهر لازم العقدة تكون شادة روحها

بارك الله فيك على الوصفة لكنني طلبت منك وصفة المقروط المسكر إلي يجي مثل المخبز ونرمدوه بالسكر الرطب درتو البارحة وجاني جاري لأنني كترث ماء الزهر قوليلي الوصف وشحال ندير ماء الزهر

ونزيد نطمع في المخبز والعرايش فقط العجينة والعقدة
الله يجازيك كل خير

سمسووومة · 2012-11-27, 13:02

سلام ربي يجازيك على المجهودات الي راكي تبذلي فيها باش تعلمينا كل شي. وان شاء الله راكي فالجنة مع الصالحين قولي أمين.المه اختي. انا بإذن الله فاتحتي راهي قريبة ان شاء الله وراني حابة تعطيني اربعة انواع تاع قاطو يكونو شابين بالصور والمقادير راني ناوية ندير انواع من اختيارك انت. يكون فيهم واحد تاع شكولا وشباب.
وسؤال اخر اذا امكن تقولي واش من زبدة مليحة للحلويات ..وواش من نوعية تاع فرينة مليحة. بالنسبة الشيكولا تاع موكا الي جي في علبة ماعنديش بزاف ملي شريتها خرجتلي فيها وحد الريحة ماشي كيما الي مضاري نشريها..... راني تاكلة على ربي سبحانو ثم عليك... ارجوكي

yarasmin26 · 2012-11-28, 10:08

ام عائشة" اسفة كنت مزروبة في السيبر لانه الميكرو انتاعي اخسر اعلى هكذا تواجدي انقص في هذه الفترة
وصفة مقروط اللوز"500 غ لوز مرحي+300 غ سكر قلاصي+1 م ك مبشور الليمون+1/2 م ك لفاني+3 الى 4 بيض حسب الحجم ولازم العجينة تكون قاسحة خليها ترتاح ومنبعد شكليها مقروطات وتروكيها ليلة كاملة اتزيد ترتاح باه تشد لافورم منبعد طيبها وكي تبرد اغطسيها في الشاربات ورمديها في السكر قلاصي 2 مرات

yarasmin26 · 2012-11-28, 10:11

الاخت lofi :انا هذ الوصفة منعرفهاش بصح انسقصيلك اعليها بالطريقة والوصفة الصحيحة

yarasmin26 · 2012-11-28, 10:25

الاخت سمسومة" منقدرش انحطلك الصور لانه الميكرو انتاعي اخسر راني اراسل من السيبر اما الحلويات ديري المخبز او الكعيكعات +القنيدلات+حلوة الشكولاطو ديريها بنيون مطلي وكاين انواع واش اتحبي
احسن ماركة زبدة ديري لابال او صول باه الحلوى تبقى طرية مدة اطول واحسن فرينة كل واحد واش يخرج اعليه كيما انا فرينة الحمامة وخطرات اجي مليحة وخطرات حلوى كامل متخرجش شابة شوفي انتي واش عندكم ماركة يشكروها الناس

yarasmin26 · 2012-11-28, 10:37

الحلوى ادير 25 دج لحبة وتاع اللوز45 الى 50دج لحبة والحلوى التقليدية مش بالميزان بالحبة واسفة منقدرش نشرح لانه راني في السيبر انرد اعليكم لانه الميكرو انتاعي اخسر اعلى هذا منقدرش نتواجد بكثرة ونشرح بالتفصيل

yarasmin26 · 2012-11-28, 10:43

الاخت سوزان : وصفة لامونة تاع المحلات راهي متواجدة في وصفاتي ابحثي عنها

yarasmin26 · 2012-11-28, 10:55

الاخت مامية :لتلوين العجينة راكي مقصودك الجينواز او عجينة الحلوى
اذا كانت الجينواز: ضعي الملون في السائل حليب او في خليط البيض مع السكر اما العجينة ديري في ماء الزهر ومتكثريش حتى تحكمي اللون انتاعك

سيرينا لبنينا · 2012-11-28, 12:00

om assil · 2012-11-28, 22:01

شكرا اختي و ان شاء الله يتصلح ميكرو نتاعك و تجاوبيني بالتفصيل هههههههه
اختي ام كوثر كان قدرتي اعطيني اسعار الحلويات بالتفصيل

yarasmin26 · 2012-11-29, 11:08

اقتباس:

المشاركة الأصلية كتبت بواسطة om assil

شكرا اختي و ان شاء الله يتصلح ميكرو نتاعك و تجاوبيني بالتفصيل هههههههه
اختي ام كوثر كان قدرتي اعطيني اسعار الحلويات بالتفصيل

راكي تطرحي اسئلتك على الاخت يراسمين مش ام كوثر اما وصفة الغربية فهي متوفرة شوفي في هذه الصفحات الاخيرة لكثرة الطلب عليها وراني مكرتها عدة مرات

om assil · 2012-11-28, 22:05

و اذا عندك وصفة غريبية ناجحة اعطيني خاطر الغريبية نتاعي تفرشلي كي تطيب