اهلا بكن في الجزء *145* من كوزينتنا¨¨عيد اضحى مبارك¨¨

[*سماح 94*]

المشاركة الأصلية كتبت بواسطة oum ibrahim

سموحة راني لقيت صورة للعزيزة ريهام الي نقولها طال غيابك طلي علينا توحشناك
قوليلي هاذي هي الي خدمتي بيها البتي فور ؟؟؟؟؟

ام ابراهيم لالا مش هو هذا يجي القاطو تاعو مثقوب في الوسط على ما نظن
لي دارت بيه يجي عادي لكن فيه سنين بزاااف راني دوك ندخل الفايسبوك نحوس على صورتو نظن راهي عندي ثم
مشكورة تعبتك معايا

[ام ساجد]

ام فاطيمة عيدك مبارك حبييتي وبصحتكن العصبان الشواء

[ام ساجد]

ام برهوم عيدك مبارك وحلوياتك تشهي كالعادة

[*توبــــة*]

المشاركة الأصلية كتبت بواسطة ام أمينة

صح عيدك توبة وكوليسك يهبلو ومبروك القبول مزيد من النجاح أن شاء الله بصح وش ديرو بهاذ لخليع كامل بصحتكم بصح العيش تاعو ييييممممممم بصح هوا منكلوش

الله يسلمك يا الحبييييبة نتي تاني كواليسك يهبلو بالرغم راكي ف الغربة ربي يعينك
الخليييع نديروه مع بربوشة بالخلييييييع ولا العيش كيما تقولو نتوما البركوكس خخخخخخ
وتاني مرقة الناااافس لازم يكون فيمها يااااااي منعرف وكتاه نبداو فيه عاداتنا لازم حتى
تفوت عاشورااااااااء باه نبداو ناكلووووووه

المشاركة الأصلية كتبت بواسطة *سماح 94*

نووورت الكوزينة حبيبتي كواليس تهبببببببببل اكيد تاع عيد هاذ العام راهي بهاذ الروعة ايضا
يعطيك الصحة خاصة المصران المحشي عجبنييييييييييي يا ريت لو حطيتيه قبل ما نقضيو على الكبدة و المصارن هههههه

منورة باصحاااااابها حبيبتي
المصران لوكان شفتي ف الموضوع اللي حطيتو جمعت فيه تحضيرات عيد الاضحى لوكان لقيتيه
حقا قوليلي اسمك ف الفايس..... انا asma queen

المشاركة الأصلية كتبت بواسطة oum islem

عاشقة الجنة كواليسك هايلين ولي شدني بزاف المصارن والكرشة مقليين عمري سمعتها لو ممكن توضحي الطريقة مع شكري واحترامي

حبيبة قلبي ربي يخليك حنووووووووونة
نموت عليك وعلى طياباتك نشوف فيهم لمسة امي لانو هي تاني *ام اسلام* خخخخخخخخخ

شوفي المصارن كي تنظفيهم وتغليهم ف الماء قطعيهم كيما حبيتي
حطيهم ف كوكوط مع ملح وشوي ماء يغليو شوي واقفليها حوالي نص ولا ساعة
يعني عينك ميزانك
ف هذاك الوقت تكوني حطيتي قلب وكبدة في مقلة يطيو... مع يوجدو مع هذيك لاصوص اممممم
حطي معاهم المصارن تاع الكوكوط يتحمرو مليييييييح وبسسسسسسس

انا تاني منعرفش يما تعلمني خخخخخخخخ

المشاركة الأصلية كتبت بواسطة اسمهان79

سماح يا هلا والله بالغوالي غير ديري القاطو راني انا اللي جاية لعندك ههههههه حلي الباب
سميحة قاطواتك يهبلو خاصة الوردة نتاع المقروط تهبل يعطيك الصحة
توبة الف الف الف مبروك حبيبتي لعقوبة للنجاح ومن بعد الدكتوراه يارب
الرجاء الاماني عيدك مبارك حبيبتي وكل عام وانتي بألف خير
سرور منورة حبيبتي وصحى عيدك
اوريسيا البياعة راني غدوة ماشيا لعنابة اذا كتب ربي باه نعلق الفيزا بلاك نروح نأكل الكبش عند كوكا اذا عرضتني ههههههههه اليكي الخط هههههههخخخخخخخخخ
أم رحاب اهلين بالغالية إن شاءالله تكوني بالف خير
أرزاق ليكي وحشة حبيبتي

يبارك فيك حبووووووبة
لعقوبة لبناتك ان شاء الله
رانا نستناو كوالييييسك

المشاركة الأصلية كتبت بواسطة ام ساجد

توبة عيدك مبارك عزيزتي والف مبروك ليك ولاختك ولعقوبة لدكتوراه امين يا رب

غدانا اليوم والحمد لله كسكسي بالعصبان





وهذا اللحن قطعتو وقسمتو وخبيتو وتهنيت منو بصح مت بالتعب اخر مرة نقطعو يدي للجزار ولا يجيب مراة جديدة
ربي يسهل عليه





وهذا القديد او الخليع بطريقة ام ياسو جربت غير شوي ونشوف النتيجة يصلحلي ولالا

ربي يحفظك يا الغالية ولعقوبة لاولادك ان شاء الله
كواليسك ماشاء الله....... يما قاتلك فحلة ربي يبارك حتى ويلا مكملتيش شغالاتك ف النهار الاول خخخخخخخخ

بوسة لساجد حبووووووووووبي عندو معزة في قلبي والله


ويلا دخلت ليزابيل قولولها forbidden هذي ولا البيدون خخخخخخخخخ كيما تقول هي انا تاني تخرجلي
كي ندير رد...... على بيها منشاركش معااااكم
نتبع فيكم من l'pc تاعي اللي ميخلينيش نحط مشاركات
و ندير ردود من الميكرو تاع بابا

نظن من الفيروسات اللي فيه

[ام محمد اسلام الله]

صح عيدكم لبنات هذا واين قدارت نقعد قتلني التعب والضياف محابسوش بصح مرحبة بيهم بلا بيهم العيد سامط واش حطيتو كل شيء روعة
ام ساجد قتلتيني بالضحك هههههههههه يجيب مرة واد اخر ههههههه انا كل عامنقطعو انا هذا العام هبطتلو فيديو من اليوتيوب وقتلو دير كيما هو ولا اندب بيه ايا قطعو غير الله الله يقعد يقعد ويقوالي شتي تقطاعي هههههه

[ساجده 82]

مسلء النور لبنات واش راكم ان شاء الله لاباس حابه نحط صور العيد تاعنا المتواضعه تعرفو في الغربه ..وحدي المهم حابه نحطهم مره واحده مانعرفش

[ام ساجد]

سماح بصحتكم كامل واش درتو ههههه تهنيتو كي قصيتو اللحم

والبيتي فور يهبل نعيي باش ندير هذاك الشكل يعجبني وما نعرفش نديرو

[ام ساجد]

ام محمد اسلام انا زوجي فنيان يقتل تخيلي الكبش كون ما يجيبوشو خاوتو
مايدخلش لدار دايما يعمل ونحنا نقومو بالواجب

[ساجده 82]

هده يوم راحو يشؤية الكبش ابني لكيير وابن صاحباي مغربي

[اسمهان79]

أم ساجد والله رانا كيف كيف صح زوجي فحل ما شاء الله عليه يطير مع الطيورة بصح من نهار درت الدار ما شفتيش كاش مرة راح جاب الكبش كل عام يجيبو وا حد من خوتي والذبيحة يذبح خالو هو يسلخ وانا نعاونو من بعد تروح للجزار تتقطع بصح الحق في الليل يفرز اللحم معايا ونعدلوه كيف كيف وهاذ العام زعمة خدمت الرأس واش نقولك قطعناه واحد التقطاع ههههههه غير ما نقولكش نقطو ونضحكو نعادو الدموع يسيحو قتلو هاذ الرأس راس محاين الكارثة اللي درتها فيه انا وكملت عليه انتا بصح راني حالفة نكمل الكارثة ونطيبو ونخرجو على خاطر حنا ما ناكلوهش
سماح شكراً مسبقاً
أم محمد نورتي حبيبتي وهكذا يديرو النساء قطعي وخليه يرتاح حرام عليك هههههههههههه

[أم فاطيمة]

السلام عليكم و رحمة الله يعطيكم الصحة كلش فور
هاهو بعض الكواليس
مركز تحميل الصور

و هذا البوزلوف نسيت ما صورت التشواط كنت مدقدقة



و هنا وجدت لبروش


و هذا العصبان حنا نديروه بالحمص


و هنا الدوارة

[oum ibrahim]

مساء الورد يا الحراير و صح عيدكم كل عام و انتن بالف خير ياارب يعطيكم الف عافية عمرتو الكوزينة و زهيتوها باجواء العيد يا رب يجعلو مقبول و يدومها نعمة على الجميع
جبتلكم حلوياتي للعيد هذا واش صورت اللحم ماصورت والو








بالمناسبة حبيت نشكر اختي ام صلاح و نقلها صح عيدك و الف شكر على وصفة بوسو لا تمسو ربي يحفظك يااااااارب
راجعت الصفحتين الاخيرتين و لقيت الحبايب نورو ام اسلام ليك وحشة غاليتي كيف احوالك ان شاء الله بخير و اسمهان الطيوبة عيدك مبارك حبيبتي ان شاء الله راكي بخير انت و الاميرات و دعاء كيفها
ارزاق ليك وحشة هاذي مدة و انت غايبة عسى المانع خير
سموحة الامورة صح عيدك و بصحتكم اللحم انا تاني قطعو سي السيد و قسمتو كل حاجة واش تليق درت ليكوت و نتاع الشواء و خبيت فخذ كاش نهار نديرو ديزوسي في الفرن و درت الخليع للبركوكس و نتاع الشربة وحدو و المحمر وحدو و البتي فور نتاع خالتك رووووووعة و لادوي الي دارتو بيه نظن عندي درك نحطلك صورتو اذا كان هو

[ام احمدي]

السلام عليكم
حنوناتي دبرو علي بلييييييييييييييييييييييييييييييييييييييز
عندنا عرضة قررت ندير الجاري ومعاه لحم محمر في الكوكوت بصلصة الشومبينيون نرافقو مع الفريت وسلطة الماسيدوان والخبزواكيد الديسار والمشروبات
اسكو بزايد ولا نزيد كاش حاجة
لانومن قبل عولت على كتف في الفرن لكن للاسف الفور خسرلي
راني نستنى

[*سماح 94*]

المشاركة الأصلية كتبت بواسطة ام احمدي

السلام عليكم
حنوناتي دبرو علي بلييييييييييييييييييييييييييييييييييييييز
عندنا عرضة قررت ندير الجاري ومعاه لحم محمر في الكوكوت بصلصة الشومبينيون نرافقو مع الفريت وسلطة الماسيدوان والخبزواكيد الديسار والمشروبات
اسكو بزايد ولا نزيد كاش حاجة
لانومن قبل عولت على كتف في الفرن لكن للاسف الفور خسرلي
راني نستنى

ام حمدي هك والله خير و بركة هاذ اليامات الناس راهي قاااهمة
الموني هذا هايل و مكفيي لا زدتي زيدي حميس حااار
ما تنسايلهمش التاي برك باه يمسح على قلوبهم و ما تنسايش تصوريلنا طبعاااا ههههه

[*سماح 94*]

و هاذي وصفة البوتي فور تفضلي اسمهان
300غ زبدة ستار و 150غ سكر رطب فاني 4صفار بيض 2 باكيات نيسكافي م ص قهوة و عطر القهوة اذا كان موجود او عطر الكرامال و لمي العجينة بالفرينة حتى تولي عجينة متماسكة و نخدمها بالمحقن او لادوي هي عندها رقم خاص نسيتو ان شاء الله كي نروح نصورهالك
تحبي ديري زهرة وحدة او لاثة لاصقين في بعضاهم و حطيهم يطيبو ثم لصقيهم بنيسلي كرامال او كريمة زبدة بنكهة الكرامال و من فوق تزين بكرامال او معجون و حجرات دوري صغاااار
يجي هك بلاث وردات او وردة وحدة كبيرة