الأخت yarasmin. 26 ترد على تساؤلاتكم هنا - الصفحة 92

yarasmin26 · 2012-11-20, 10:10

وصفة لامونة راني حطتها عندها مدة بالشرح المفصل ابحثي عنها في وصفاتي تحت عنوان الى الاخت الي طلبت لامونة المحلات وصفات يراسمين26

فوزي77 · 2012-11-20, 11:51

أختي العزيزة للتذكير أريد وصفة الشامية المصنوعة بالسميد التي تباع في شهر رمضان والغريبية التي تباع في شهر رمضان تشهي كثير

yarasmin26 · 2012-11-20, 11:51

الاخت الي طلبت وصفة الشامية والغربية فهما في وصفاتي ابحثي عنهم

yarasmin26 · 2012-11-20, 12:00

اقتباس:

المشاركة الأصلية كتبت بواسطة lofi

السلام عليك
نقدر نعجن عجينة العرايش بالحليب
أو أضبف عبرة حليب ونعجن بماء الزهر

وكيفاش نحل باتداموند ماعرفتش دايما تجيني قاسحه

المقروض دايم يجيني معجن واش السبة
شكرا

وصفة العرايش لايستعمل فيها لا حليب سائل ولا غبرة
اليكي مقادير العجينة "3 كيلات فرينة بوزن 300 غ+1 كيلة سمن ذائب وبارد بوزن200 غ +1 م ك لفاني + 1 كيلة ماء +ماء الزهر لتروان اما عجينة اللوز اخدميها بيدك شوية ومن الاحسن تكون جديدة لانه القديمة هي الي جي يابسة اما المقروط راكي ادكيه بيدك وكذالك اذا كان مقلي مكيش اطيبيه على نار هادية لانه الزيت هو الي حمرو من بر ومعجن من الداخل
بصحتك مسبقا

فوزي77 · 2012-11-20, 12:01

أختي العزيزة بحثت عن الكيفية في مواضيعك ولم تظهر لي إلا مشاركاتك الأخيرة فقط يا ريت تعطينا رقم الصفحة وكذلك مقادير الشاربات التي تسقى بها الشامية هي نفسها التي تسقى بها البسبوسة وشكرا على سعة صدرك أختي العزيزة

yarasmin26 · 2012-11-20, 12:05

اقتباس:

المشاركة الأصلية كتبت بواسطة الامل نور

بركت اختي الغالية على كل ما تفعلينه من اجلنا
ربي يجعلهلك في ميزان حسنتك
اذا سمحتي رني حب لكان تعطيني الوصفة تع الفلو الي يتباع في محل الحلويات
وشكرا مسبقا

وصفة الفلو فهي متوفرة في وصفاتي وكاين حتى بالصورة فهم متفرقتين في الوصفة يعنى الوصفة بجهة والصور في وصفة اخرى ابحثى عنها

سوسو95 · 2012-11-20, 15:39

لسلام عليكم اختي او امي ان صح التعبير

انا فتاة ابلغ من العمر 17 السنة راني حابة نتعلم الحلويا

وجربت شحال من مرة الوصفات بصح دايما لحجينة تخرج ليا دسمة بزاف مع العلم باني اطبق المقادير بالضبط

وحتى اختي وشحال من وحدة نعرفها تخرج لها العجينة مدسمة بزاااااف يعني ممكن تعصري لحجينة تبقى تقطر زيت

ولقيت العامل المشترك الةحيد هو زبدة صول يعني ممكن تكون هي السببب واي نوع من الزبدة تنصحيني بيها

أم ياسين الزهراء · 2012-11-20, 15:53

الاخت اللي راهي تحوس على رابط لامونة هاهو جربيها راهي ناجحة ماية بالماية المهم تقيدي بالنصائح والطريقة انا جربتها شحال من مرة

https://www.djelfa.info/vb/showthread.php?t=906740

oum nour · 2012-11-21, 10:49

rani haba na3raf tarikat elma3moul et merci

سوسو95 · 2012-11-22, 07:23

اقتباس:

المشاركة الأصلية كتبت بواسطة سوسو95

لسلام عليكم اختي او امي ان صح التعبير

انا فتاة ابلغ من العمر 17 السنة راني حابة نتعلم الحلويا

وجربت شحال من مرة الوصفات بصح دايما لحجينة تخرج ليا دسمة بزاف مع العلم باني اطبق المقادير بالضبط

وحتى اختي وشحال من وحدة نعرفها تخرج لها العجينة مدسمة بزاااااف يعني ممكن تعصري لحجينة تبقى تقطر زيت

ولقيت العامل المشترك الةحيد هو زبدة صول يعني ممكن تكون هي السببب واي نوع من الزبدة تنصحيني بيها

ارجووووووووووووووووووووكي اختيييييييييييييي عبريني وردي عليا

feuilleblanche17 · 2012-11-22, 07:40

ارجوك اختي اريد طريقة صنع الكريم شانتيي

oum nour · 2012-11-22, 11:03

rani nestana fikoum bech etkoulouli elma3moul kifech iji wa merci

أم هنيدة · 2012-11-22, 11:12

اقتباس:

المشاركة الأصلية كتبت بواسطة الامل نور

بركت اختي الغالية على كل ما تفعلينه من اجلنا
ربي يجعلهلك في ميزان حسنتك
اذا سمحتي رني حب لكان تعطيني الوصفة تع الفلو الي يتباع في محل الحلويات
وشكرا مسبقا

تفضلي رابط الفلون للاخت يراسمين

https://www.djelfa.info/vb/showthread.php?t=917109

أم هنيدة · 2012-11-22, 11:14

اقتباس:

المشاركة الأصلية كتبت بواسطة oum radja

مرحبا اختي ياراسمين راني حابة الوصفة تاع les gaufres ادا امكن

تفضلي الوصفة للأخت يراسمين

اقتباس:

القوفري
200 غ زبدة+1 كوب سكر+4 بيض+2+1/2 كوب فرينة+لفاني+1 كوب+1/2 ماءاو 1 كوب+3/4 ماء حسب الفرينة اذا تشرب الماء خلطيهم امليح تصبح عجينة حليها وشكليها دوائر كبار شوية وضعيهم في كؤس مقلوبة و كرفسيهم باه ايجوك قد وطيبيهم حتى يحمارو وتركيهم يبردوفي كؤس شهية طيبة جبتينا الجوع والسخانة

ديري سنيوى فيها الاليمينيوم وشكلي دوائر كبيرة بالسائل وطيبيه قدما يحمارو وخرجيهم شكليهم وهما سخونين دريهم على اكواب باه يدي الشكل ولا لويهم مثل الكورنيات
كاينة وصفة اخرى بصح ايطيبو على الة القوفري بصحتك

أم هنيدة · 2012-11-22, 11:16

اقتباس:

المشاركة الأصلية كتبت بواسطة عروبة وطن

مرحبا
اختي ياسمينة عندي مشكل دائما مع البسبوسة ما تخرجليش شابة
يا ريت تعطيني وصفتها الدقيقة مع الشرح وكيف تطهى
واكون شاكرة لك جداااااااااااا
اختك عروبة

تفضلي وصفة البسبوسة للاخت يراسمين

اقتباس:

البسبوسة لذيذة الطعم والذوق جربوها فهي مجربة
________________________________________
صباح الخير اليوم عندي وصفة رائعة لبسبوسة وخاصة لرمضان بمقادير متوفرة للجميع
ملاحظة" عبر بعلبة الياغورت
3 بيض+عبر زيت+{ عبر سكر+عبر+1/2 جوز الهند}+1 م ك خمارة الحلوى+علبة ياغورت+عبر سميد ناعم+2 م ك ماء الزهر+2 م ك ماء الورد واذا مكانش ماء الود استبدليها بماء الزهر في الخلاط الكهربائي مدة 7 د فقط خذي سنيوى روشيها بماء قليلا فقط ثم ضعي الخليط وتروكيها تطهى منبعد كي تخرج سقيها بالشاربات باردة{1 كوب ماء+1/2 كوب سكر} اروع ذوق شهية لذيذة