الجزء 189 من كوزينة حراير الجلفة ..كوزينة أغلى حراير

[fadila34]

[ريتال2]

سلام اختي من فضلك اعطني وصفة تع هذا قاطو وشكرا مسبقا

[fadila34]

مساء النور والسرور على حراير الكوزينة كامل كامل وكل وحدة باسمها وماشاء الله عليكم وعلى طيباتكم لي تشهي وربي يبركلكم فى رزقكم يارب
مولة الكوزينة مبروك عليك افتتاح الكوزينة ومبروك عليك قريب تخلاص ههههه اسمحيلي برك راني دائما معكم بصح مقدرتش نشارك ماحب حتى مركز يحملي الصور وزيدي ذروفي مسمحتليش المهم اليوم دخلة وكما قولتي توحشنا كامل اعمدت الكوزينة وراني نتخيل فيهم يشيخو فى الفيسبوك هذا لي راهم فيه انا ماعندي مانعرفو نعرف غير منتدى الجلفة برك ههههه
ريتال2 ان شاء الله ربي يفرحك ويفرح بنت هدول وكامل كامل لي جوزو الباك ونفرحو بيكم ومعكم يارب

[fadila34]

من عيوني ريتال2ولا شكر على واجب هذا قاطو مول الشاش تاع سليمة يعلى تعرفيه ولا نكتبلك المقدير

[RIMA.87]

السلام عليكم و رحمة الله و بركاته ،
ما شاء الله عليكم اخواتي في الله ،
فضيلة اطباقك تشهي و حلوياتك تحفة ربي يبارك فيك،
ابتسامة ،اسمك جميل اختي و اطباقك روووعة ممكن تعرفينا عليهم ،
ريتال ربي يحفظك و ينجحك ،تطبيق رائع ممكن الوصفة اذا سمحتي،

عشانا اليوم خفووفي شكشوكة بصل طرشي و طماطم بالبيض امممم هايلة مع سلطة و فاكهة و الحمد الشكرو لله.

[fadila34]

يبارك فى عمرك ريمة وشهيتك فى الجنة يارب وحتى عشاك الخفيف ماشاء الله بصحتكم

[أمي جنتي]

يسعد مساكم حبيباتي..... والله العظيم فرحت كي درت طبة ولقيت الخواتات دخلوا والله الضحكة في عينيا يعطيكم الصحة والله يحفظكم وهك نحبكم التلاحم والاتحاد هاهاهاها
ريمة فضيلة ماشاء الله على ماحطيتو الله يدوم نعمته وخيره علينا أجمعين

[أمي جنتي]

انا عشايا كذلك خفيف..... درت رخسيس و قراتان بطاطا رابي بالفرماج.... راني نستنى في ملاكي يجي ونحط العشاء ونحطلكن معانا هاهاهاهاها لانه راه مغ الماتش

[fadila34]

ملاك ملكي ربي يفرحك دنيا واخير يارب وبصحتكم العشاء الخفوفي
ريتال2اتفضلي وصفة قاطو مول الشاش
250غ مقارين كاس سكر رطب 3صفار بيض 250غ نشاء مغرفة صغيرة خميرة الحلوة فاني فرينة ولتزيين مربي وجوز الهند

[أمي جنتي]

هذه صورة مبدئية خارجية هاهاهاها والباطني عند التقطيع يادرى كيفاه جاي مح ولا اح هاهاهاها






في انتظار الطبق النهائي..... قولولي عولنا عليك وتعشينا هاهاهاهاها

[fadila34]

يممممممى راهي جاتك فووووورروررر يعطيك الصحة راهي باينة بنينة وراني نستنا التقطيع هههههه

[RIMA.87]

ربي يفرحك اختي ملاك ،و بصحتكم مسبقا حقيقة رغم اني تعشيت الحمد لله لكن شهيتيني بالغراتان ديالك ،
طيحي بالوصفة حالا بالا هههههه ،كيما كانت تقول اختنا ام محمد تاج ربي يحفظها،
مشكووورة اختي فضيلة على وصفة القاطو يبان خفيف

[fadila34]

صباح الخير عليكم كامل يالحراير وربي يقدركم على الطيب والسخانة

[fadila34]

غديا اليوم كما هذي الوصفة لي حبت تعاند المهم نلقاو واش نطيبو برك

[nihal159]

صباح الخير يالحراير؛ ليوم فرحتي لا توصف بذخول الأحبّة؛ توحشناكم يالغوالي.
فضيلة مرحبا بيك؛ ذخول صاروخي الله يبارك ههههههههههه مالقيت مانقول في أطباقك أو حلوياتك؛ ماشاء الله؛ تحفة؛ السخانة دوّختنا و زدتي كمّلتي علينا بهذو الروائع المطبخية؛ يعطيك ألف صحة و عافية.
ريمة اللئيمة ههههههه كلشي من يديك روووووعة؛ ياختي حتى الشكشوكة نتاعك مش كما تاع الناس هههههههههههه كلشي من عندك سبيسيال ههههههه؛ يعطيك الصحة و البريوش شكلو يشهييييييييييييي؛ من فضلك أعطينا الوصفة.
ملاك ملاكي كالعادة و لعوايد ههههههههههههه؛ تحفك المطبخية تشبه أكل المطاعم الفخمة؛ ديكور و حركات الشقاوة على قول المصريين ههههههههه؛ بصحتكم لغرتان الشهي و الأنيق هههههه.
ريتال؛ مرحبا بيك حبوبة؛ بصحتكم الحرشة و ربي ينجحك فالباك.
بتسامة؛ الله يبارك واش كل هذا الدلال ههههههه مقروط و رفيس و مكسرات و مقلّشات هههههههههه قتلتينا بالضربة القاضية هههههههههههههههههههههه روووووعة بصحتكم.
وصلت لمسك الختام أم هدول الغالية على قلبي بزآآآاف؛ إن شاء الله راكي تفوّتي في عطلة مليحة؛ يعطيك الصحة على الوصفات و سلميلنا على الفيسبوكيات ههههههههه.
ليوم راني فالخدمة؛ لبنات لي راهم فالكوزينة يحضرو فالغداء ربي يعينكم و يقدركم.