فضاء علوم الدقيقة والطبيعة2

[z.youcef]

المشاركة الأصلية كتبت بواسطة مناهج

ايه يا يوسف على الأغلب يوم 4 اكتوبر
خسارة أنك راه تعود ماتجيش للمنتدى كيفاه راح نافسك بدون أخبار عليك

لالا أنا لازم نزور عائلتي الصغيرة مانقدرش نخليكم و نروح بالرغم من أن الدراسة مشارجية و البعد عن المنزل لكن رايح نتفكركم إن شاء الله

[z.youcef]

المشاركة الأصلية كتبت بواسطة loubnamias

مرحبا محمد واش راك؟
ايه يوسف عندوا مدة وهو غايب ان شاء الله يكون بخير..

هههههه راني هنا نتوما لي راكم غايبين شكرا على سؤالكم

[z.youcef]

المشاركة الأصلية كتبت بواسطة lina71

سلاااام
واش بيكم عازمين على الغياب : باديس , يوسف , هاجر , حنان , مريم ,سعاااد,وأنج غير الخير اذا تميتو كيما هاك انا ثاني انسحب
صدقوني يا خاوتي والله والله والله مزلت فاقدة الامل اني نعاود الباك وقيى رايح انسحب اني منسجلش طول والله مالقيت واش ندير فقدت الامل في كل شيئ وعلى هذه ما بديت ....أسمحولي والله فضت ما قدرت اكتم وما لقيت لمن نحكي غير ليكم .................................................. ...

واش هذا الكلام يا لينا أوووااه رانا هنا ديما ماتقوليش هكذا لازم تعاودي و تجيبي الباك و تفرحيني وجدي الباروك من ضكا مانحبش نزيد نقرا رد كيما هذا يا لينا صح الواحد يمر عليه وقت يحس لأنه وحدو بصح لازم يصبر برك و الصبر مفتاح الفرج كاين ربي يا لينا كوني ايجابية

[z.youcef]

المشاركة الأصلية كتبت بواسطة مراسم

يامحمد كيفاه راكم كيفكيف هذا وشبيكم
راك تنصح فيها باه تعاودو بصح نتا رايح تنساحب وتستسلم ومتعاودش الباك منين راهم يجيوكم هذو الأفكار والله غار حرت فيكم خاوتي راكم ديتو حياتكم كامل ونتوم تقراو لاه باه توصلو للباك وتقعدو ول باه تنجحو في الباك وتطلعو للجاميعة وتقراو لقراية لي كنتو تتمناوها طول حياتكم وتتفنو فيها وتخرجو اطارات وشبيكم هذا والله غار كوديتولي راسي متخليوش الشيطان يسيطر على عقولكم وخليكم من اليأس وقولو بسم الله وتوكلو على ربي لازمكم تسجلو للباك ورايحين نكونو يد وحدة نقراو ونعاونو بعضانا وباذن الله ربي رايح يوفقنا عيشكم مالازمش تتسرعو في قراراتكم وتندمو مع لخر صح ماننكرش بلي عقبنا الباك لعوام لي فاتو وماتوفقناش وفشلنا وأن وحدة منكم بصح هذا مش دليل على أننا فاشلين لالة ماناش فاشلين القصة ومافيها انو ربي ماكتبلناش النجاح على خاطر مكتبلنا حاجة ماخار بالاك كون ديناه لعوام لي فاتو ماكناش رايحين نديوه بمعدل مليح ول كانت رايح تصرالنا حاجة مشي مليحة في الجاميعة على هذي مالازمش تيأسو عيشكم يربي والله ران نترجا فيكم اتخلاو على هذي الفكرة عيشكم وماتتخلاوش على طموحاتكم وماتخليوش الشيطان يلعبلكم بعقلكم هيا بركاو ماتكاسلتو وتوكلو على ربي وباذن الله ران من الناجحين هذا العام
شوف يامحمد قولي ماعندو مادخلك على روحك وهاوشني كيم تحب وتشتي بصح عيشك راني نترجا فيكم ماتتخلاوش على طموحاتكم وتفقدو الأمل بهذي السهولة والله حرام اتوكلو على ربي وبداو تقراو وان شاء الله موفقين

راني معاك مئة بالمئة.. خسارة راني غايب كون جيت حاضر تشوفو واش نديرلكم يا واحد الكسالى ههههه لازم تكونو ايجابيين و الظاهر مراسم راهي متحمسة ربي يخليك ديما هكذا سلام عليكم و لي حاب يحقق حلمه يتعب عليه

[z.youcef]

المشاركة الأصلية كتبت بواسطة هاري بوتر

السلام عليكم
سعاد . لينا . باديس . حنان .لبنى ........ كل رواد الفضاء الشيق عيدكم مبارك ولو انها متوخرة بصح سامحوني انا خوكم
ويناه لي قرر يسجل منكم من الي بطل كيفي
يا خاوتي عندي ثقة فيكم كبيرة استشيركم في امر
باك 2009 جبت فيه 12.04 والله غالب مقدرتش نروح واش نحب ( مكتوب ربي وقضاه سبحانو ) والحمد لله على كل ما اعطى
العام الي فات كان الزهر انو السوماستر الثاني نقضيه في بروجي مش قراية اما هدا العام الماستر والقراية راهي مزيرة بزااااااااااااف
قلت خليني نريح هدا العام ونلتا بقرايتي لانو في اخر العام يهزو20 الاوائل يروحو ماستر 2
وانا السنين الي فاتت الحمد لله كنت من 10 الاوائل فحبيت نزير ملييييح ونفرغ وقتي للماستر اعلام الي لكن معه بعض الاسف على الباك
واش قلتو والله والله نحب نسمع رايكم خاصة لبنى لينا سعاد وباديس ويوسف

والله يا بوتر مانقدرش نجاوبك لأك أنت الوحيد لي تقدر تلقى حل لأنك الأعلم بظروفك و إمكانياتك ربي يوفقك أخي

[z.youcef]

أنا لازم نروح راني غير وحدي مناهج المنافسة مازالت قائمة بيني و بينك ماتنساينيش و يا أعضاء االمنتدى الغالي نخليكم على خير و السلام عليكم راني جعت نروح نتغذى

[مناهج]

المشاركة الأصلية كتبت بواسطة z.youcef

أنا لازم نروح راني غير وحدي مناهج المنافسة مازالت قائمة بيني و بينك ماتنساينيش و يا أعضاء االمنتدى الغالي نخليكم على خير و السلام عليكم راني جعت نروح نتغذى

وعليكم السلام ورحمة الله وبركاته بصحتك أخ يوسف
وأكيد ماننساش المنافسة مازالت قائمة بيني وبينك إن شاء الله
دمت في رعاية الله وحفظه

[loubnamias]

المشاركة الأصلية كتبت بواسطة هاري بوتر

السلام عليكم
سعاد . لينا . باديس . حنان .لبنى ........ كل رواد الفضاء الشيق عيدكم مبارك ولو انها متوخرة بصح سامحوني انا خوكم
ويناه لي قرر يسجل منكم من الي بطل كيفي
يا خاوتي عندي ثقة فيكم كبيرة استشيركم في امر
باك 2009 جبت فيه 12.04 والله غالب مقدرتش نروح واش نحب ( مكتوب ربي وقضاه سبحانو ) والحمد لله على كل ما اعطى
العام الي فات كان الزهر انو السوماستر الثاني نقضيه في بروجي مش قراية اما هدا العام الماستر والقراية راهي مزيرة بزااااااااااااف
قلت خليني نريح هدا العام ونلتا بقرايتي لانو في اخر العام يهزو20 الاوائل يروحو ماستر 2
وانا السنين الي فاتت الحمد لله كنت من 10 الاوائل فحبيت نزير ملييييح ونفرغ وقتي للماستر اعلام الي لكن معه بعض الاسف على الباك
واش قلتو والله والله نحب نسمع رايكم خاصة لبنى لينا سعاد وباديس ويوسف

اهلا سيف واش حوالك؟طال غيابك ياسيدي؟
انا راني معاك مليون بالمئة العام هذا مهم جداا بالنسبة ليك ولوكان تروح الفرصة هدي ماترجعش اما الباك مازالوا لعوام وتقدر تجوزي في 2011 او 2012 او وقت ما تحب
اما الاعلام الالي عندك هذا العام برك ماه تقرى مليح وتفوت للماستر 2

ركز على الاعلام الالي وما ضيعش الفرصة الذهبية من يدك وانت الله يبارك من الاوائل..

زير مليح على روحك ماه تدخل للماستر 2 لان عندك فرصة وحدة اما الباك فمازالو لعوام

[loubnamias]

المشاركة الأصلية كتبت بواسطة z.youcef

السلام عليكم يا أصدقائي صح عيدكم و كل عام و أنتم بخير أعذروني على الغياب و هذا بسبب ظروف راني نكتبلكم من فضاء الأنترنيت ربي يوفقكم إن شاء الله

وعليكم السلام
واش راك يوسف ؟

[مراسم]

المشاركة الأصلية كتبت بواسطة z.youcef

السلام عليكم يا أصدقائي صح عيدكم و كل عام و أنتم بخير أعذروني على الغياب و هذا بسبب ظروف راني نكتبلكم من فضاء الأنترنيت ربي يوفقكم إن شاء الله

وعليكم السلام ورحمة الله تعالى وبركاته
أهلااااااااااا يوسف صح عيدك وشراك ان شاء الله تكون بخير والله ياخويا راك طولت الغيبة ان شاء الله ترجعلنا بأقرب وقت يارب والله نتا وباديس خليتو بلايسكم فراغا نتاع الصح خسارة كنت غايبة كي دخلت نتا معليش ربي يكون معاك ويوفقك يارب

[Abu younes]

السلام عليكم يا أخوتي الكرام و صح عيدكم
قبل الخوض في الحديث أتقدم بالشكر الجزيل للأعضاء القائمين على إزدهار هذا المنتدى الكريم و أسأل الله عزوجل الإستمرار و النجاح و التفوق لهذا المنتدى و لأعضائه الكرام و لجميع المنتديات من هذا النوع أما بعد

فقد سمعت هذه الأيام و الله أعلم أنه لا توجد بكالوريا نطام قديم هذه السنة و كانت السنة الفارطة هي أخر بكالوريا للنطام القديم لذا أطلب من الأعضاء الذين عندهم معلومة رسمية بخصوص هذا الموضوع أن يتقدموا بما لديهم من معلومات و أرجوا منكم المصداقية في الأخبار

السلام عليكم و أسأل الله التوفيق للجميع

سلام

[مراسم]

المشاركة الأصلية كتبت بواسطة z.youcef

الحمد لله على سلامتك هاجر و صح عيدك لك و لكامل أعضاء المنتدى ربي يوفقك في دراستك و ربي ينجحك

الله يسلمك خويا يوسف
اللهم آآآآآآآآآآآآآآمين شكرا جزيلا

[مراسم]

المشاركة الأصلية كتبت بواسطة abu younes

السلام عليكم يا أخوتي الكرام و صح عيدكم

قبل الخوض في الحديث أتقدم بالشكر الجزيل للأعضاء القائمين على إزدهار هذا المنتدى الكريم و أسأل الله عزوجل الإستمرار و النجاح و التفوق لهذا المنتدى و لأعضائه الكرام و لجميع المنتديات من هذا النوع أما بعد

فقد سمعت هذه الأيام و الله أعلم أنه لا توجد بكالوريا نطام قديم هذه السنة و كانت السنة الفارطة هي أخر بكالوريا للنطام القديم لذا أطلب من الأعضاء الذين عندهم معلومة رسمية بخصوص هذا الموضوع أن يتقدموا بما لديهم من معلومات و أرجوا منكم المصداقية في الأخبار

السلام عليكم و أسأل الله التوفيق للجميع

سلام

وعليكم السلام ورحمة الله تعالى وبركاته
عيدك مبارك أخي وشكرا جزيلا على كلامك الجميل أهلا وسهلا بك بيننا
أما عن سؤالك فأكيد كاينا بكالوريا نظام قديم هذا العام قالها بنبوزيد بفمو على هذي متقلقش روحك طول وزير روحك وتوكل على ربي وربي يوفقنا جميعا

[مراسم]

المشاركة الأصلية كتبت بواسطة z.youcef

أنا رحت لدزاير و رجعت... إن شاء الله نهار الاثنين نروح نحكم غرفة و بعد أسبوع تبدأ الدراسة.. شكرا كي تفكرتوني

لاشكر على واجب هذا واجبنا
الحمد لله كي رجعت بخير
وطريق السلامة نهار تروح ماتنساش برك تطمنا برجوعك هكذا باه مانتحيروش عليك ربي يكون معاك ويوفقك يارب

[Abu younes]

السلام عليكم و رحمة الله