الى ام اسيد1 وكل وحدة حاصلة واش الطيب - الصفحة 92

ام سوهيل · 2014-12-08, 08:41

ام الحبايب 26 مرحبا بيك شرفتينا اتفضليى

صدفات · 2014-12-08, 09:38

صباح النور يا لبنات
أم حمزة شكرا و ام سوهيل غير بسياس عليا قتلك راني رجيم وليتي هذه بطاطا هذه طورنو هذه سلاطة فواكه
حرام عليك كلشي راني نحسبه بالسعرات الحرارية و أنت تغيري فيا بصوالح الملاح
كرونو ما بنتيش و لا غرقتي في بسينة الغسيل هههههههههههههههه
روح مراد تغرينية نخلة أم ادم أم هديل و كل حبيباتي القدم و الجدد يومكم سعيد و مبارك
لبنات لي حابة تنقص راهي الأخت زينب83 حاطة موضوع هايل ضربو عليه طلة تستفادو
هذا هو الرابط
https://www.djelfa.info/vb/showthread.php?t=1718203

ام سوهيل · 2014-12-08, 11:14

اختي صدفات عندي ليك رحيم هايل ومجرب اقسم لكي بي الله غير جربته ونجحت فيه وماهوش موكلف ويدوب الشحم وخاصة الكرش تدخل وحتى الارداف يعني ريجيم شامل

اول وزني روحك شحال فيك من كيلو وقيسى الخصر انتاعك شحال من سنتيم

ومن بعد ابداي في الريجيم بش تلاحضي الفرق
خدي حبة ليم غسليها وقطعيها دوائر وحطيها في كاس وديري معاها مغرف صغير تع كمون حب اومطحون للامانة انا استعملته مطحون مكانش عندي حب وحدي نصف كاس ماء غليه وفرغيه على اليم والكمون وغطيه وخليه يبات وفي الصباح صفي الماء وشربيه قبل ماتشربي القهوة بحوالي ربع ساعة ومن بعد اتقهواوي عادي ودوميه مدة شهر ومن بعد رديلي الخبر

وكل وحدة ريحة تجرب هدا الريجيم هوا على ضمانتي لكن ملاحضة الي تعاني من المسران مديرهش

روح مراد · 2014-12-08, 12:07

صباح الخير حبيباتي
أم سهيل شكرا انا في الحقيقة جسمي رشيق و وزني في المستوى و لكن عندي كرش صغيرة صغيرة ماذا بيا لوكان تروح راجلي ديما يضحك عليا يقولي لوكان تروح هاذ الكرش .... علا بيها حابة حاجة تنحي برك الكرش فقط

عزيزاتي ربي يعاونكم و مرحبا بالبنات الجدد

أم الحبايب 26 · 2014-12-08, 13:41

ام سهيل نجربو و ردلك الخبر اله يفرحك

تغرينية · 2014-12-08, 14:15

سلام على الجميع الحمد لله اللي ركم بخير وشكرا على كل واحد سقسى عليا

روح مراد · 2014-12-08, 14:31

أخواتي حابة ندير مشروع صناعة الحلويات في البيت و إذا لقيت اللي تشري عليا نحبس الخدمة واش تقولوا

صدفات · 2014-12-08, 14:32

مساء الخير والخمير
أم سوهيل حبيبتي شكرا على الرجيم في الحقيقة هو كيما راكي تقولي ناجح جدا و أنا مجرباتو من قبل و فعلا معاه ما تبقاش الكرش و لكن خلاص ما رانيش نحملو وليت منين نشربه نتقياه ثم ثم وصلت وين مارانيش نطيب بالكمون خلاص حتى في الماكلة ما رانيش نحمل ريحته
روح مراد نتي لي راكي حابة الكرش تتدخل تكلي على ربي و ديريه هو ناجح جدا.
أم حمزة أين أنت راني شفت مسابقة الطبخ ربي يوفقك بصح ما فهمتش لازم تصوري مراحل تحضير الطبق و تبعثيها.
تغرينية على سلامتك كيف الأحوال

crono · 2014-12-08, 15:38

مساء الخير يا لبنات
أم سوهيل بصحتك ما طيبتي و صحيتي على الرجيم في الحقيقة هو كيما راكي تقولي ناجح جدا و أنا مجرباتو من قبل
ههههه ختي صدفات قطيطوش نتعي مونسني كي روحو ولادي يقراو يشمشم من بعيد أعطيلو غير أرقد ههههه
أم حمزاة علبلي ره مع علاقة بالكريات السحرية---
ام تدى 87 و أم الحبايب 26مرحبا بيكم معنا
روح مراد تغرينية نخلة أم ادم أم هديل و كل حبيباتي يومكم سعيد نسيت بنت حومتي مبنتش ام اسيد1

ام سوهيل · 2014-12-08, 15:52

صدفات انا كي ندير الريجيم نشرب الماء المتحصل عليه ونشرب موراه اما ييورت اوفنجال تع قهوة مباشرة متبقليش بنته في فمي

هههههههههههههههه

*أم جابر* · 2014-12-08, 18:10

السلام عليكم ورحمة الله و بركاته كيف الاحوال ?

*أم جابر* · 2014-12-08, 18:11

اقتباس:

المشاركة الأصلية كتبت بواسطة crono

مساء الخير يا لبنات
أم سوهيل بصحتك ما طيبتي و صحيتي على الرجيم في الحقيقة هو كيما راكي تقولي ناجح جدا و أنا مجرباتو من قبل
ههههه ختي صدفات قطيطوش نتعي مونسني كي روحو ولادي يقراو يشمشم من بعيد أعطيلو غير أرقد ههههه
أم حمزاة علبلي ره مع علاقة بالكريات السحرية---
ام تدى 87 و أم الحبايب 26مرحبا بيكم معنا
روح مراد تغرينية نخلة أم ادم أم هديل و كل حبيباتي يومكم سعيد نسيت بنت حومتي مبنتش ام اسيد1

السلام عليكم اختي cronoو شراكي ووشراهم الذراري انشاء الله لاباس انا مابنتش راكي تعرفي النات بسلامتها قالك عندهم اشغال منين داك ينحوها واش نديرو خيرمن والو

ام حمزة22 · 2014-12-08, 20:31

سلام لبنات
كتبت جرنان طويل وراحلي النت راهي مهبلتني

*أم جابر* · 2014-12-08, 20:43

حقا لبنات تفضلن موضوعي الجديد https://www.djelfa.info/vb/showthread.php?t=1720305

ام حمزة22 · 2014-12-08, 20:46

نعاود نكتب الجرنان نتاع قبيل ان شاء الله ما يتبحرش هاد المرة
اولا ارحب بالضيوف الكرام منورين الموضوع سعدت بردودكم

روح مراد الحلوى متعبة لازملها معاونة ولازملها وساع كبير ان شاء الله تصيبي لي يعاونك و بالتوفيق فالمشروع حبيبتي

صدفات ايه لازم نصور المراحل خطوة خطوة و انا راني مبرمجة لمسابقة الحلاويات مع ان كنت حابة الطبخ ربي يسهلي ونكون فالمستوى و مشكورة حبيبتي على السؤال ربي يحفضك
ام اسيد واش حوالك حبيبتي
ام سوهيل يعطيك الصحة راكي قايمة بيها ربي يحفضك ويخليك دايما فالقمة
كرونو اسكتي برك راني مشربكتها من كل جيه ربي يقدرني وانت تان ربي يقدرك على اعمالك
تغرينية واش حوالك
نخلة ام هديل ام ادم حنان وينكم ان شاء الله المانع خير
تحياتي للجميع
سامحوني مرة2 على الغياب هادا بسبب النت