الجزء 73lن واش طيبتي اليوم كوزينة النجاحات

[مرام 1987]

ليزااااا ربي يشفي وليدك مسكين صغيور ربي يشفيه ويعافيه والله من قوة مرضي والسطر والألم تاعو في الجسد وفي نفسيتي والله غير يغيضوني لي نلقاه مريض ايا كان المرض يا لو كان وجع الرأس ربي يشفيه ويعافيه ويشافيني ويشافي ماما ويشافي جميع مرضى المسلمين في هذي الأيام المباركة
اديه للطبيب وسقسيه قولو ياك ما عليش نديرلو زيت الزيتون بويسك حنا هنا يديروه للأولاد في عشيتهم ينوضو يجرو
اللهم رب الناس أذهب البأس واشف أنت الشافي لا شفاء إلا شفاءك شفاء لا يغادر سقما
بسم الله الذي لا يضر مع اسمه شيئ في الأرض ولا في السماء وهو السميع العليم

[omomnia15]

فكرة مليحة انا الطريقة الاولئ موالفة نديرها فكرتيني فينا و2 مليحة شكرا ليكوح نغيس فيها نقيها ومنبعد نرجع
راجلي شرالي بكبوكة يموت عليها سبحان الله كنت كل رمضان تكون اول طبق وهذ العام قلت رحلت ميجيبهاش بصح ربي كتبهاهههههههه هربت منها جاتني نروح نغيس فيها ونقيها منبعد نرجع سوروحد 4 ولا5 كيلو نعرفو راجلي مدمن بكبوكة

[ام محمد و ملاك]

الي الاخت ليزابيل انا عندي 4 ايام من طهرت ولدي و الحمد لله راه رتاح راه قالي الطبيب ديريلو غير زيت الزيتون و كي يبول نغسلو بالسيروم و الحمد لله و ربي يشفي ولدك

[soha1987]

صباح الخير واش راكم
ماري مم واش حطيتي معليش انقلي الوصفة ولاكان تعرفيها اكتبهالي تعيشي حنونة
ليزابيل ربي يشفي ولدك يارب ومبروووك مجددا
ام امنية بصحتك الدوارة نموت عليها احنا مانديرهاش في رمضان مانحبوهاش
غدايا لوبيا نحبها ممممممممم

[مرام 1987]

المشاركة الأصلية كتبت بواسطة soha1987

صباح الخير واش راكم
ماري مم واش حطيتي معليش انقلي الوصفة ولاكان تعرفيها اكتبهالي تعيشي حنونة
ليزابيل ربي يشفي ولدك يارب ومبروووك مجددا
ام امنية بصحتك الدوارة نموت عليها احنا مانديرهاش في رمضان مانحبوهاش
غدايا لوبيا نحبها ممممممممم

صباح النور سهى واش راكي إن شاء الله مليحة
الوصفة والله ما عندي لقيتهم في الفايس هكذا برك لي فوتو بدون وصفة بصح نضن راهي ساهلة من الصور ولا؟؟
ربي يعينك على التوجاد للعرس والله حاسة بيك منين شفت أختي نهار كانت توجد لعرسها وانا نقولها كون قدرت كون عاونتك اييييه الله كريم ربي يعوضلي لي ضاعلي من جهة خلاف يا رب
أستغفر ربي العظيم واتوب إليه

[omomnia15]

سهى الوصفة الاولى موالفة نديرها جيبي لحم مرحي تبليه كيما الدولمة ولا المثوم والبيض حوالي 2 ولا3 حبات باش يتخبز وحضري حشو اما روز مع فرماج معدنوس وعقاقر وحلي اللحم بين 2 ساشيات وديري الحشو زلويه بهاذاك النيلو باش يعاونك ديريه فالمول الي تحبي باش يعطيك الشكل والى الفرن وقدميه مع سلاطة وفريت او صوص يبضا بالشومبينيو ولا سلاطة متنوعة والله تجي خفيفة وبنينة تهبل نشالله نكون عاونتك الوصفة الثانية هذاك الي مالفوق مفهمتوش ديري اللحم من تحت وستفي البيض وعاودي ديري اللحم نضن هديك عجينة ولا ديول والى الفرن
ام ياسين بصحتك التحضيرات
سارة مبروك على وليدك والعقوبة لزواجو

[مرام 1987]

بارك الله فيك أم امنية يعطيك الصحة على الشرح
والثانية نضن راهي عجينة وتقدري حتى تديريها بالعجينة المورقة أكيد راحا تجي أممممممممم
بصحتكم الغداوات يا بناتتتتت

[titina]

مساء الخير لبنات
كل عام وانتم بخير
ربي يجعلنا من صيامه ومن قيامه يارب
ماتنسوش معروف رمضان ( افطار الصائم )
وان شاء الله ربي يباركلكم في رزقكم من صحة ومال وذرية وكلش
وزيد حاولو قد ما تقدرو تختمو القرآن كثروا
رمضان مرة في العام وماناش عارفين اذا نلحقولو ولا لا وأجرو كبيييير عند ربي سبحانو

ليزا أختي لعزيزة ان شاء الله لاباس على وليدك
حنا عندنا في عايلتنا وأقرباءنا نطهرو الطفل في السبوع والحمد لله لاباس عليهم
ما تستهزايش اختي اذا لقيتيه مازالو ينزف اديه عند الطبيب وان شاء الله يشفى
طمنينا عليه أختي

الأخوات ربي ينجح وليداتكم وأحبابكم
النتائج لحد الساعة مازال ما ظهرتش بالصح في أي لحظة راح تعلن ان شاء الله
ربي يسمعكم خبار الخير عليهم
وربي يفرحكم بيهم

[titina]

[imene mimicha 05]

صباحكم سعيد اخواتي
و رمضان مبارك انشاء الله نصوموه بالصحة و الهنا
ماشاء الله تحضيراتكم لشهر رمضان روعة
اختي ليزابيل ربي يشفي ولدك انشاء الله
و كل مريض ربي يشافيه
حبيت نسقسيكم حابة نجرب عجينة البريزي نتاع الهام كاش نصائح قولولي خاصة انو فيه الخميرة و خفت منها اللي جربتها تقلي كيفاش خرجتلها او تمدلي نصائح

[أم هنيدة]

السلام عليكم

اختي ليزابال لاباس على منصف بصح كون دتيه للطبيب انا وليد خويا صرالو كما ولدك رجعو للمستشفى لقاو خيط واحد تفتح بسبب لاكوش خيطوهالو ما تستهزايش اختي رجعيه للطبيب وان شاء الله ما يكون غير الخير

[أم ملك]

السلام عليكم أخواتي كلكم إن شاء أخباركم كلها جيدة
ماري الله يشفيك و يعافيك و جميع مرضى المسلمين
هدا وين كملت الشغل غسلت الكسوة مين بغيت نكمل طيحت بنارة الزعفران دار في حالة باه نقيتو
الغدا درت مقرون بصوص حمرا و دلاع أنا كليت كسرة مطلوع باللبن نموت عليه
العشاء إن شاء الله طعام بالجاج و هدك هي يبقى للسحور إن قدر لنا الله البقاء
اللهم إرضى عنا و على والدينا و إغفر لنا و للمسلمين اﻷحياء منهم و اﻷموات

[ام سهام 02]

يومكن سعيد حبيباتي ورمضان مبارك نصوموه بالصحة و الهنا.
من الصباح وانا مع الغبار والتسياق حتي12 باه كملت والفطور درت شكشوكة البصل وسلاطة وفاكية والحمد الله



هذا عطرالفانيلاوعطرماء الزهر هايل لقلب اللوز

[soha1987]

المشاركة الأصلية كتبت بواسطة mary1987

صباح النور سهى واش راكي إن شاء الله مليحة
الوصفة والله ما عندي لقيتهم في الفايس هكذا برك لي فوتو بدون وصفة بصح نضن راهي ساهلة من الصور ولا؟؟
ربي يعينك على التوجاد للعرس والله حاسة بيك منين شفت أختي نهار كانت توجد لعرسها وانا نقولها كون قدرت كون عاونتك اييييه الله كريم ربي يعوضلي لي ضاعلي من جهة خلاف يا رب
أستغفر ربي العظيم واتوب إليه

ربي يشفيك ماري ادعي فالشهر الفضيل الدعاء مستجاب ومامتنساينيش بدعوة دعائك مستجاب حنونة
مفهمتش المكونات برك اما لطريقة ساهلة
ايه التاني عجينة نقدر ندير المورقة ولا عجينة الشاورما نتاع ام اماني تهبللللللللل

[soha1987]

المشاركة الأصلية كتبت بواسطة omomnia15

سهى الوصفة الاولى موالفة نديرها جيبي لحم مرحي تبليه كيما الدولمة ولا المثوم والبيض حوالي 2 ولا3 حبات باش يتخبز وحضري حشو اما روز مع فرماج معدنوس وعقاقر وحلي اللحم بين 2 ساشيات وديري الحشو زلويه بهاذاك النيلو باش يعاونك ديريه فالمول الي تحبي باش يعطيك الشكل والى الفرن وقدميه مع سلاطة وفريت او صوص يبضا بالشومبينيو ولا سلاطة متنوعة والله تجي خفيفة وبنينة تهبل نشالله نكون عاونتك الوصفة الثانية هذاك الي مالفوق مفهمتوش ديري اللحم من تحت وستفي البيض وعاودي ديري اللحم نضن هديك عجينة ولا ديول والى الفرن
ام ياسين بصحتك التحضيرات
سارة مبروك على وليدك والعقوبة لزواجو

شكراا ام امنية عاونيتي بزاف راني كتبتها ونديرها في مول الكايك عندي كبير والتانية عندي مول الموسكوتشو ندير فيها كوبي كولي وخلاص فنيانة ههههههههه
ربي يعطيطك صحيحتك ام امنية ماغسي بوكوووووووووو