الجزء 95 ** من واش طيبتي اليوم ** - الصفحة 92

om wassim · 2014-11-01, 11:59

يعطيك الصحة ام رحاب الكبدة تشهي

دائمة الحمد · 2014-11-01, 12:16

اقتباس:

المشاركة الأصلية كتبت بواسطة رفيف رانية

اهلا حبيباتي ويعطيكم الصحة على واش حطيتو
نطلب منكم وصفة تاع بيتزا تكوون مليحة بزاااف أممممممم

جربيها ورجعيلي الخبر
https://www.djelfa.info/vb/showthread.php?t=1536928

رفيف رانية · 2014-11-01, 12:24

اقتباس:

المشاركة الأصلية كتبت بواسطة دائمة الحمد

جربيها ورجعيلي الخبر
https://www.djelfa.info/vb/showthread.php?t=1536928

شكراا حبيبتي يعطيك الصحة باينة مليحة امممممممم

zahra30 · 2014-11-01, 12:31

مساء الخييير وصح غداكم وربي يبارك في موائدكم

أم محمد تاج · 2014-11-01, 12:44

حبيباتي يااااااااي نجحت في العجينة المورقة ياااااي يااااااي والله كانت تحدي بالنسبة لي ويييييييي يوبييييييييييييييييي
عندي سؤال دائمة الحمد حنونتي وام الجووووووود على قداش نطرف تنصحوني نقسم العجينة انا استعملت 750 غ فرينة وحبيت ندير ميلفاي بصح جاتني بزاف واش تنصحوني???

أم هبوبة · 2014-11-01, 12:59

دائمة الحمد الحمد لله و بالبركة نجاح عملية اخوك
اسماء طيابك يشهي و المحاجب روعة
ام محمد تاج بصحتك نجاح العجينة المورقة انا عمري ما درتها غير نشريها واجدة بصح واقيلا نريسكي و نجربها بصح سمعتكم تهدرو على زبدة صالحة انا عندنا في بلعباس مكانش انصحوني بنوع زبدة اخرى
ام رحاب شكرا على وصفة الكبدة
زهرة 30 نعم الي في الصورة هي بنتي سمية المريضة
و الي نسيتها تسمحلي المهم
بصحتكم وا ش درتو واش حطيتو انا غدايا طورطة بطاطا و سلاطة و للقهوة ان شاء الله بقتلي حبة بيض في الفريجيدان رايحة نجرب حبة بسكوي بحبةبيض نتمنى تخرجلي مليحة
آه قبل ما ننسى الله يوفق فريق سطيف اليوم و يدي الكاس كي تكون المباريات محلية نشجع ا فريق بلعباس لكن عندما تمون المباراة بين اي فريق وطني من اي ولاية كانت مع دولة اجنبية نشجع الفريق نتاعنا بالربح عليهم و فرحوا اولاد سطيف العالي

أم ماجد · 2014-11-01, 13:00

اقتباس:

المشاركة الأصلية كتبت بواسطة أم محمد تاج

حبيباتي يااااااااي نجحت في العجينة المورقة ياااااي يااااااي والله كانت تحدي بالنسبة لي ويييييييي يوبييييييييييييييييي
عندي سؤال دائمة الحمد حنونتي وام الجووووووود على قداش نطرف تنصحوني نقسم العجينة انا استعملت 750 غ فرينة وحبيت ندير ميلفاي بصح جاتني بزاف واش تنصحوني???

الحمد لله كي نجحت ومتاكدة بلي العجينة المورقة ماهيش الحاجة اللي تحبسك يا سعدعائلتك بيك ضرك تشبعيهم كوكا وماجاورها هههههههههههههههه

نظن تقسميها على 3 وادي طرف ديريه ملفاي

ام هبوبة كي عدت تشجعي سطيف نجاوبك ههههههههههههههه
تقدري تشري لو باريسيان متوفرة ايضا
المهم اطلبي زبدة التوريق وكاين اونواع اخرى
وبصحتك خبزة البطاطا وماتنسايش كيكة البيضة الواحدة ليا ولصاحبتي ام ياسو نخبيهالها حتى ترجع من العاصمة

nihale89 · 2014-11-01, 13:06

صحة غداكم
بيتزا بطاطا نتاع دائمة الحمد ممممم

أم محمد تاج · 2014-11-01, 13:14

الله يخليك ليا ام الجووووووود وربي ينجح الوفاق ممثلنا يارب والعجينة قسمتها ثلاث طراف متوسطين لزوم الميلفاي وزوج طراف لزوم الكوكا ولا
ام هبوووووبة ديري زبدة التوريق المهم تاع التوريق ونقوللكم خالتي ديرها بمارغارين لابال تجيها روووعة روووعة وصابروني شوي برك نخدمها بلابال ونردلكم الخبر نياهاهاهااااااااا
بصحتكم ام هبووووبة وسنة حلوة لهبوووبة ماعليش نزيد نعاودلها
بصحتكم ام نهال جارتي الغالية
الروز راه وجد والمرة هاذي بدلتلو التوابل جا روووعة درتلو مغرف صغيرة كركم ونص مغرف صغيرة زنحبيل وراس الحانووووت جا مممممممممم
راني نوجد لزووووووووووم عيد زواجي احم احم هههههههههههههههه

zahra30 · 2014-11-01, 13:16

اسماء ما شاء الله كلش يشهي بصحتكم
ام محمد تاجوووو ربي يعينك على العجينة واش راح تلبزي بيها ههههه تقرعيج صغيير
ام مجووود بالشفى عليك وانا نقول اعلاه خليتيني انا والفرقة انتاعي قدام الباب تجمدنا

دائمة الحمد الحمد لله كي نجحت العملية انتاع خوك وربي يشفي مرضاكم ومرضى المسلمين عاجلا غير اجل
تفكرت رياحييين واش راهي اذا اعلبالكم ؟؟ واش العملية انتاع بنتها ؟
لهنة اممم التارت تهبل بصحتكم
ام سراج الكروكي ما شاء الله
لينا السفنج اخرجلك روووعة ربي يقبل وبصحتكم
روضة بالشفى عليك سايسي روحك
ام وسيم و نهالووو وانوار الايمان ( الكروكي هااايل بصحتكم ) اولادي ربي يشفيكم عاجلا غير اجل ( بصحتكم البيتزا والبطا طا واللحم )
كاوكا وام رحاب ووووووو الكل الكل بصحتكم واش طيبتو وان شاء الله تكونو كاامل بخيير

أم هبوبة · 2014-11-01, 13:23

ام ماجد صحيح انا عباسية بصح نهار الجد نولي جزائرية حرة
و ما نبغيش على اي قطر من القطر جزائري يتاذى في هدا الوقت نولي شاوية و قبايلة و صحراوية
المهم علام الجزائر يكون عالي و يرفرف
و شكرا على نصائح زبدة التوريق و ادعي غير الكيكة تخرجلي و نخليهالك كامل

zahra30 · 2014-11-01, 13:23

ام هوبة ربي يشفيهالك عاجلا غير اجل و تفرحي بيها وربي يجعل تعبك في ميزان الحسنات ياارب وبصحتكم التورتة

أم ماجد · 2014-11-01, 13:30

زهرة ههههههههههههه واقيلا كي سمعت بالضياف جايين ههههههههههه تمارضت
ام هبوبة الله يخليك وشعورنا كامل كيف كيف على العلم نضحوا باي شئ
ام تاجو في انتظار المارغارين رغم انه زبدة التوريق ماشي غالية يعني عادية وينهم الصور وكتى عيد زواجك لازم نحضرلو ههههههههههههههههههههه
نهال بصحتك البيتزا اممممممممممممم
راني ندير في حاجة حلوة نديها معايا لدارنا في المساء كي نخلص نحط الصور

om wassim · 2014-11-01, 13:37

واااااع جاتني ضيفة الغفلة و ماعنديش البيض شكون جربت كيكة لمسة حنية بلا بيض و جاتها مليحا جاوبوني تعيشو

zahra30 · 2014-11-01, 13:41

عاشقة الجنة ما شاء الله كلش يشهي بعثيلي شوية خلييع ههههه
ام هووووبة عيد ميلاد سعيييد وعقبااال مائة سنة من الصحة والهناء والنجاااح ياارب
اولادي لخفاف خرجولك 444444444444 بصحتكم
وهذا الفلان

عطووورة امممم على الفطاير يشهيو بصحتكم

ياسملاك عشاكم 44444 بصحتكم
لهنة كيكة الجزائر بدون تعليق يعطييييك الصحة

طير الرحمة لخفاف ماشي انتاوعي القيتهم في الفايس

ميمي بصحتكم الغرتان