لجزء 100 من واش طيبتي ليوم؟+احتفالية تكريم..بسم الله ماشاء الله

[ام نهوله]

ام محمد تاج و الله غير ضحكتيني من قلبي كي قلت نطلبو لا لا بعيد الشر عليكم
هايليك الوصفه و نتمنى تجربوها و تردولي لخبر
للعجينه 2بيض كاس سكر كاس زيت كاس حليب ماشي معمر 2خميره فانيلا و الفرينه حتى تتلم
اقسميها على2 حطي الاولى تطيب ثم الثانيه
الكريمه 3كيسان حليب السكر حسب الذوق 4مك ماشي معمرين مايزينه مص فانيلا
لقلاساج علبه شكولاطه ندوبوها مع شويه قهوه طايبه لما تذوب زيديلها علبه ياوورت ذوق طبيعي
حطي طبقه1 حطي الكريمه زيدي الطبقه2 ثم قلاسي كي يبرد قطعيه حسب الرغبه
ولا كاين اي سؤال سمعا و طاعه
واسمحولي على التاخير

[ome loudjeine]

المشاركة الأصلية كتبت بواسطة *أم ثازيري*

نتاع واه هادي؟! عطاونا السكنة و لا خرجنا في قرعة الحج ههههههههههههه

الله يعطيك الخير والله قتلتيني بالضحك ربي يفرحك راني مازلني نضحك.
ان شاء الله الي ماعندهاش السكنى تربح عليك ويعطيوها والي حابة تروح للحج تخرج في القرعة امييييييييييييييييييييييييييييييييين

[touta2010]

[quote=*أم ثازيري*;3992179001]

نتاع واه هادي؟! عطاونا السكنة و لا خرجنا في قرعة الحج ههههههههههههه

[/qu
لا لا. اكبر عصابة. مطلوبين. للعدالة. محكوم. عليهن. بإعدام. غيابيا
هههههههههههههههههه

[ام نهوله]

ام ثازيري ربي يعطيك ما تتمناي و الله غير ضحكتيني حتى دمعو عينييا

[الصابرة المحتسبه‎ ‎]

امممممممممممممم ماشاء الله ربي يبارلك في رزقك دائمة وبصحتكم

[*أم ثازيري*]

هههههه و الله حرت لقيت ليست طووووويلة عريضة قلت سووووور نتاع سكنة و لا حج
ان شاء الله يعطينا ربي سكنة و حجة
راني فاولتلكم

[ome loudjeine]

صح غداكم ويعطيكم الصحة على واش حطيتو كامل.

انا غدايا بطاطا في الفرن تاع ام ماجد ربي يحفظها كي شفت ام محمد تاج دارتها تعاندت عليها ودرتها وسلاطة وكسرة وديسار مندرين وتشينة وبنان.ربي يدومها نعمة


ويحفظها من الزوال.

انا جيت نصور الاطباق لقيت راجلي جاب معاه خوه يتغدى عندنا حشمت نصور قدامو هههههههه يقولك هادي واقيلا هبلت ههههههههه.

ربي يشفيلكم ولادكم المرضى ويحفظهم.النرجوسة ربي يطولك في عمر ولادك ويعيشهملك.

انا نروح ندير السبور تاعي كون يحكموني حباباتي تاع الريجيم ندور في الكوزينة يقتلوني هههههههههههه

[malek firdaouss]

المشاركة الأصلية كتبت بواسطة ام طيوبه

وهذا الزفيطي



والبغرير بما انو كامل راهو حاكم عليكم نحطولكم

يااااااااااااااااااااااااااااااااااااااا شفت زفيطيييييييييييييييييييييييييييييي
هاتيه لهووووووووووووووووونن و معاه قوطي هريسة تع كيلو

[ome loudjeine]

المشاركة الأصلية كتبت بواسطة ام طيوبه

وهذا الزفيطي



والبغرير بما انو كامل راهو حاكم عليكم نحطولكم

بصحتك اختي من فضلك واش هو الزفيطي.

[ome loudjeine]

المشاركة الأصلية كتبت بواسطة *أم ثازيري*

سلااااام بصحتكم حنونتي واش طيبتو
انا كنت صايمة ليامات لي فاتو اليوم فطرت قلت ندير روبو
صمت 18 يوم و مازالي 12 يوم ههههه ضريبة النفاس خخخخخخ
هادا فطوري البارح
شربة بيضا خبز الفيسال راااايع لام رميسة و لاتشا مقليه

يعطيك الصحة وربي يتقبل صيامك وربي يقدرك وتكملي البقية لازمك تخلصي البروصي تاع الامومة هههههههههه

[دائمة الحمد]

يعطيكم الصحة عزيزاتي وربي يفظلكم
ام طيري الجنة مشكورة عزيزتي هكا ضربة وحدة وتتهني

[الصابرة المحتسبه‎ ‎]

واش هو الزفيطي.

[x ام رحاب x]

المشاركة الأصلية كتبت بواسطة النرجووسة

عيد ميلاد ولدي منصف ربي يحفضهولي يارب وكل اطفال المسلمين

كل عام وهو بالف خير حبيبتي كلش فوووووووووووووور

[touta2010]

المشاركة الأصلية كتبت بواسطة malek firdaouss

يااااااااااااااااااااااااااااااااااااااا شفت زفيطيييييييييييييييييييييييييييييي
هاتيه لهووووووووووووووووونن و معاه قوطي هريسة تع كيلو :d:d:d:d:d:d:d

واش هو الزفيطري شهيتيني

[x ام رحاب x]

المشاركة الأصلية كتبت بواسطة *أم ثازيري*

سلااااام بصحتكم حنونتي واش طيبتو
انا كنت صايمة ليامات لي فاتو اليوم فطرت قلت ندير روبو
صمت 18 يوم و مازالي 12 يوم ههههه ضريبة النفاس خخخخخخ
هادا فطوري البارح
شربة بيضا خبز الفيسال راااايع لام رميسة و لاتشا مقليه

ربي يقويك ويخفف عليك نهارات الي قعدو راني عارفة يكونو تقال بصح كي بديتي فيهم يخلاصو وتتهناي وبصحتك واش طيبتي كلش هايل