الجزء 131 من كوزينة واش طيبتي اليوم

[أم ماجد]

المشاركة الأصلية كتبت بواسطة oum ibrahim

صباح الورد على الوردات يومكن سعيد و موفق
ااااااااااااااه منعتو من البشماق الاحمر هههه علبالي بيكم فحلات و يعتمد عليكم
الف الف شكر ام رويدة قمورة وردة عزوفة ام كاميليا بطبوطتي ام تاجو و كاااااااااااااااااااااااامل الفحلات الي جاوبوني تسلمو ربي يخليكم
و الداية المسرارة كاتمة اسرار الحوامل و الدولة نبعثلك الصينية كامل ماشي غير الحواشي بصح بيعيلي بالحوامل و مانقولش
نزيدكم سؤال اخر اتحملوني
عندي سميد رقيق ندير بيه المطلوع بصح مايجينيش كما موالفة و انا مطلوعي الناس تحكي عليه ههههههههه حوحو قلتلكم اتحملوني نديرلو الماء بالشوية هكذاك و يغلبني عجنتو بالبيتران واعتين راح فيها عجنتو بيدي يعني مش بطال حبيتكم تلقاولي حل كفاه نتعامل معاه يعني بالعربي الفصيح يتشمخ بالخف و كما قالت ام الجود خطرة واش يخلصلي الشكارة نتاع 25 كيلو واااااااااع فيه حاجة وحيدة مليحة انو يصلح للمسمن و الشخشوخة بصح هكذا رايحة نولي ماما عجينة ههههههههههه سلااااااااام بقلاوتي تستنى و الاشغال تنادي حقى غدايا لوبيا و الف الحمد لله على نعمه

واع ماتفكرينيش شريت 3شكاير من وراها وهي مازال ماخلاصتش
رجعت نخلط كيلة من الدقيق لمعوج مع كيلتين من الدقيق لمسقم ونزيد شوية فرينة
الشيخ راح للسوق كاش مايجيب
غدانا قليان ولله الحمد
المازة ام لكروكي جاك تخفة عند بالي علقت خخخخخخخخ
ام ياسو ازربي الطفلة راح عليها الحال على الامتحان
ربي يوفق جميع الممتحنين يارب ونزيد نقولكم خليييييييوهم على راحتهم بركااااااااو من الضغط يرحم والديكم
وكلي وشربي ونظفي وبعدي للوراء

[زينب 83]

حبيباتي راني جبتلكم البقلاوة باللوز

[malek firdaouss]

BONJOUR LES FILLES

[IMG][/IMG]

[IMG][/IMG]

HADI FI ANNABA


[IMG][/IMG]

[*وردة الشرق*]

صباح الانوار غالياتي كيف الاحوال ان شاء الله بخير ظاهرلي اليوم الجميع الاولاد في الامتحانات ربي يوفق جميع الممتحنين ان شاء الله
المازة الزينة حبيبتي ربي يعينك حنونة والف شكر انك استظفتينا يا ام لسان عسل وشطورة ربي يبارك ان شاء الاه سامحيني كان حضوري قليل لكن السبب الاعمال الشاقة و الامتحانات نخلفهالك ان شاء الله كما تفتحي كوزينة جديدة يا عمري والصابلي خرجلك 444444ماشاء الله ربي يعيشك على الثقة حبيبتي
اختي دائمة الحمد صباحك فل وياسمين يارب ام ماجد الحمد لله على سلامة لوليدات والهدية ماشاء الله ربي يفرح حفوظك بيها
ام برهوم ربي يعيشك غالية ويعينك حنونة والسميد من راي ام اسلام
ام ياسين بصحتك المحاشي والمطلوع
ام تاجو السكرة تهنيتي حبوبة من الغدا ديري راحة ولا ميناج ههههه عندك خيارين مبعد قولي واش خيرتي
عازفة الحمد لله على سلامة الوالد والمشتريات روعة خاصة التوابل واو والاخير هداك شو ...... شمام واللي قبلو ايضا .......؟

[أم ماجد]

ام عسل

الله يبارك

[malek firdaouss]

المشاركة الأصلية كتبت بواسطة زينب 83

حبيباتي راني جبتلكم البقلاوة باللوز

WAAaAaAaAaAW JATEK TOUHFA HATTA MANHEBECH LES GATEAUX LI FIHOUM KAWKAW W MOCHTAKATOU HIHIH

JATEK HAYLA KI HMARET MLIH

BSAHETKOUM

[*وردة الشرق*]

قمورة الحلوة ربي يعينك حنونة وكون خليتي الميناج ليوم اخر واستمتعي بالقعدة مع زوجك احسن الدنيا فانية
ام كاميلبا صباح النور كيف احوالك رتحت حبوبة ان شاء الله
ام اسلااااااام على سلامتك غالية والمادلان خرجتلك رائع كالعادة حلويات متقنة وتبهر كل من يراها
وشفتي الاشغال الشاقة واع ما خبتش تخلص ودرك العطلة نعود نقول وووووواعين لما يجتمعو مع بعض ربي يخليهم ويحفظهم امين
فرح العمر حبيبتي ربي يسلكك على خير واتبعي نصائح الطبيب والاخوات ان شاء الله يفوديك حنونة المهم احنا نتمناولك السلامة فقط اختي وندعيولك اكيد من صميم القلب
وهيبة الحبوبة كيف احوالك حبيبتي ان شاء الله تكوني بخير .كيف احوال الوالد ان شاء الله سمعتو اخبار طيبة عنه ربي يشفيه حبيبتي
رفيف ربي يشفي زوجك حنونة وحنا في انتكار كوزبنتك اكيد تكون عسل متل حنونة
ملك فردوس ماشاء الله على الصور جنااااااااان
زينب ماشاء الله على البقلاوة رائعة انا نحبها هكدا محمرة مام العائلة كاملة نحبوها هكدا ربي يكمل فرحك على خير

[malek firdaouss]

غدايا عند عزوجي منحبش نطيب ف week end

ena nrouh laazouji w baad nrouh la sale de sport

ayya men baad nchallah njibelkoum kech tsawer ki nhawass

salam

[*وردة الشرق*]

لبنات سلام حبيباتي نروح لاشغالي وفي المساء لا حب ربي ندخل بقاو على خير
واع نسبت امنبة صباحك زين حبيبتي سامحيني سلام غاليتي

[wahibaazel]

[زينب 83]

حبيباتي قولولي بسرعة اي حجم الحبة احسن

[ام اماني77]

صباح الخير عليكم


شفت غير الصفحة الاخيرة


اختي زينب اذا هذا مقروظ اعملي الاكبر لان كل ماتكون الحبة كبيرة النقش يجي فيها شباب خاصة اذا راح تزينيه بحبة لوز النقش مش راح يظهرلك هذا رايي



ام ياسين الغالية عرفت واحدة من الحوامل هي



زهرة مولات المحجوبة صح


الف الف مبروك اختي زهرة ربي يكملك بخير لعقوبة لكل محرومة



حبيباتي مازال مارجعتش لي عودة باذن الله

[مياسم75]

صباااح الانوار
غدانا بواقي والحمد لله
زينب بصحتك البقلاوة اممممممممممم😍😍😍😍😍😍😍نبعثلك وليدي وابعثيلي نذوق بصحتهم ضيافك وربي يتمم على خير يا رب
عزووووفة حبيبتي على سلامة الوالد وبصحتكم القضيان
قمووووورة ربي يشفيك حبيبتي والمسيو دوزيلو الدواء نتاع الرقاد وتديري رايك خخخخخخ انا يقعد الجمعة برك ونخرج من عقلي ربي يعاونك
فرح العمر تآكلي على ربي وقولي حسبنا الله ونعم الوكيل وبربي ما يكون غير الخير وتفرحي ونفرحو معاك يا رب
ربي يوفق اولادنا يا رب انا ابني اليوم بداو
وهيبة صباح النور

[زينب 83]

اهلين مياسم عينيك لملاح يا غالية

ام اماني اهلًا بيك و شكرًا على الإجابة اكيد ماراحش نعرف احسن منك حنونة راح ندير بالطابع لكبير بإذن الله

[مياسم75]

كيكة ام اماني وهاذي تارت التفاح نتاع ام ابراهيم