موضوع مميز وصفات من حراير مطبخ وش طيبتي اليوم - الصفحة 92

lyzzabel · 2014-10-11, 16:29

بارك الله فيك حبيبتي ايدرونو على تعبك و جعله الله في ميزان حسناتك

idron0 · 2014-10-11, 09:45

طريقة وضع الصور من الايباد الامنيات

شوفي اختي لازم تحملي ابليكلسيو phupp كابي في قوقل تخرج لك الاولى راح تطلع عندك تتحمل في app store
من بعد كي يطلع البرنامج هادا ديري واش قالت الاخت شي بيبا
كي تخرجلك هاذيك la page اكليلكي في الإطار تخرجلك take photo اذا حابة تصوري directement وإذا عندك في la galerie des photos (album) ديري select photo وتخيري الصورة اللي حابة تهزيها
مبعد اكليلكي على هذاك السهم وذرك تشوفي خط ازرق في الصورة تاع telechargement كي يكمل وحدو تبان الصورة اكليلكي عليها تخرجلك une liste اكليلكي على copy URL
هذا ماكان
وضرك تجي للموضوع تاعك تلقاي هاذيك الصورة الصفرة اللي فيها الجبال اكليكي فيها تخرجلك https:// وسيلسكسيوني كلش tout select وcoller تلقاي الصورة تاعك
نتمنى نكون فهمتك

idron0 · 2014-10-11, 11:47

البسكوي او المسكوجو ام سهام 02

6بيضات صغار او5 بيضات كبار +كاس سكر+3/4 كاس زيت +1/2كاس حليب دافء+1مك قشور الليمون+2خميرة الحلوة +رشة ملح و2و1/2كاس فرينة مغربلة

الطريقة
طلعي بياض مع نصف كمية السكر والملح كالثلج

خلطي صفارالبيض مع نصف كمية السكر المتبقية وزيدي المكونات الباقية بالترتيب وزيدي بياض البيض وخلطي من الفوق للتحت ود يريها في مول شوي كبير يكون مدهون

وفي الفرن في الاول اطيب من التحت حتي تشوفها طلعت وتشمي في الريحة اشعلي من الفوق .

إضغط هنا لرؤية الصورة بحجمها الطبيعي.

idron0 · 2014-10-11, 11:50

بوزلوف ام سهام 02

قلي حبة بصل كبيرةمرابية مع راس ثوم مليح امبعد زيدي حوالي 4 حبات طماطم مربية + التوابل ملحوفلفل عكري وقصبرغبرةوكمون وراس الحانوت ورقة رند وزيدي قلي و

ضفي فنجان صغيرماء وزيد ي بوزلوف مغلي ومنزوع العظام و مقطع قطع وخاليه يشرب المرقة ثم الزيتون (تكوني درتيه في الماء و مغيرتلو عدة مرات )

في بلا تع الفرن ستفي بطاطا دوائر اما مغلية او مقلية وزيدي البوزلوف مع القارس ودريه في الفرن مدة 15 دقيقة .

idron0 · 2014-10-11, 11:59

كرواسون الوردة ام هبوبة

إضغط هنا لرؤية الصورة بحجمها الطبيعي.

ثلاثة كيسيان فرينة
رشة ملح
2 ملاعق كبيرة سكر
ملعقة خميرة الخبز
ملعقة صغيرة خميرة الحلويات
و عجنتها بالحليب دافي
التزيين صفار البيض مخلط مع قليل من قطرات ااخل .
هاهو البريوش من الداخل .

إضغط هنا لرؤية الصورة بحجمها الطبيعي.

idron0 · 2014-10-11, 14:02

شكشوكة بالمصارن والكرشة nihale89

انا نغليهم نهار العيد ملليييح 3 مرات ونقطعهم ونكونجليهم بعد مانقسمهم في ساشيات
وكي تحب نديرهم
نجبد ساشي نفرغهم في كوكوط ونرابي 2 طمامط والثوم كمية مليحو وفلفل اسود وكمون كسبر وفلفل احمر حار وزيت ورند ومعدنوس اليرم مادرتش ماعنديش وحمص ونقليهم مليييح
ونمرق ماشي بزاف
كي نفتح نلقاها صوص طوماط يعني ثقيلة وهوما طابو
مممممم بنينة حنا نموتو عليها .

إضغط هنا لرؤية الصورة بحجمها الطبيعي.

ليال 22 · 2014-10-11, 14:15

بارك الله فيك أختي ايدرونو

idron0 · 2014-10-11, 16:01

المبسس lyzzabel

المبسس راه تقريبا نفس خطوات المقروظ تاع المقلى و حتى هو كاين لي نقلوه و كاين لي نطيبوه فالطاجين
المهم المبسس انا ندير عيني ميزاني و عمري لا عبرت نتمنى تفهميني
ندير كمية من السميد المتوسط كيما تاع المقروظ و شوية ملح و مارغرين ذايبة و باردة و نبسس بيديا ملييييح و نضيف الزيت العادي و نبسس حتى نشوف بلي السميد راه راوي ،، من بعد نبدأ نرش بالما و نفتل ياك كيما المقروظ مالازمش نشمخه بزاف و في نفس الوقت العجينة لازم تكون حاكمة روحها شوية ،، ديري شوية عجين في يدك و اظغطي عليه لاكان ما تفتتش يعني c'est bon ،، ندير خبزة ما هي عالية ما هي رقيقة و نقطع مقروظات او مربعات بالموس و نعدل الحواف بيديا و نبدأ نقلي في زيت غزير على نار متوسطة و نحمره شوية مشي بزاف على الجهتين ،، و نكون موجدة العسل دافي و نعسله و نقدمه مع الشاي ولا القهوة مممممم يا سلااااام ما نحكييييش على البنة يهبل و ها هي صورته

إضغط هنا لرؤية الصورة بحجمها الطبيعي.

idron0 · 2014-10-11, 16:23

قاتو الطبقات بالنواة كوكو lyzzabel

كاين مرحلتين
مقادير الطبقة الاولى : 4 حبات بيض كبار ،، 200 غ سكر عادي او ما يعادل كاس تاع ماء ،، فانيلا ،، 250 غ مارغرين ذايبة و باردة ،، كيس خميرة الحلويات و فرينة مغربلة حسب الحاجة ،، علبة معجون المشمش تاع 500 غ
نخلط المقادير بالترتيب و نضيف الفرينة غير بالشوية حتى نتحصل على قوام كيما تاع الموسكوتشو او البيسكوي يعني تكون العجينة جارية شوية ،، نفرغها في صينية مدهونة و مرشوشة بالفرينة قطرها 40 سم و نسويها بالملعقة و ندخلها للفرن على درجة 170 و نطيبها نص طياب يعني لازم تبقى بيضا
في هداك الوقت نحضر الطبقة الثانية لي فيها : 4 حبات بيض ،، 200 غ سكر ،، فانيلا ،، 250 غ مارغرين ذايبة و باردة ،، كيس خميرة الحلويات و 250 غ نواة كوكو
نحضر الخليط بنفس طريقة الطبقة الاولى فقط نعوض الفرينة بالنواة كوكو و نخلط جيدا
لما نخرج الصينية مالفرن نفرغ المعجون تاع المشمش على الطبقة الاولى و نغطيها كامل ،، راح نستعمل تقريبا العلبة كاملة و نزيد نفرغ على المعجون خليط الطبق الثانية و نغطي كامل الوجه و نرجعها للفرن على نفس درجة الحرارة و نخليها تطيب حتى نشوفها حمارت من فوق نعرفها بلي طابت ،، نخرجها و نخليها تبرد شوية و نرشها بطبقة سخية من السكر الرطب و نخلي القاتو يبرد ملييييح و نقطعه مقروظات صغار شوية او مربعات ،، هاد القاتو لذييييييذ و خفييييف و يقطع بزاف ،، و لي تبغي تدير في صينية صغيرة تدير نصف المقادير و شهية طيبة مممممممم

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ام سهام 02 · 2014-10-11, 16:51

عزيزتي ايدرونو ربي يجازيك كل خير على المجهود المبذول وراني عيدت عليك في الكوزينة في الصفحات الاولى ما علباليش اذا شفتيه

سلالالامي الحار اليك

بشرى2008 · 2014-10-12, 08:59

ربي يجازيك idrono على التعبوالمجهود الراااااااااااااااااااااائع

lyzzabel · 2014-10-12, 11:29

المغموم للسيدة كرمين

اللحم المغموم اكلة تقليدية وتقدم في الأعراس كطبق رئيسي ثاني

وتاخذي قطع مليحة عادة تكون من الفخذ و الكتف

تحمريهم فيكوكوط مع شوي زيت ثم تظيفيلهم كمية ملييييييييحة ثوم و ملح وفلفل اسود

وتظيفي كأس تع ماء او حسب اللحم مرات يكون الكبش كبيريطلب ماء أكثر

وتغلقي عليه الكوكوط *تغميه * هههههههههه

لما ينضج تنقصي من لاصوص لأنك رح تسقي بيها اللحم و البطاطا

وهو يبقى وحدو في الكوكوط يتجمر حتى يصبح احمر لامع

يقدم مع طرونشات القارص و البطاطا

وتصلح هذي الفكرة حتى مع الدجاج يجي بنين روووووووووووعه

ولييحبو اللحم المدخن الوقت لي هو يتجمر فيه يضيفوا جمرة وسط الكوكوط في الالمنيوم

يخرج ذوقو روعة و لايعلى عليه

lyzzabel · 2014-10-12, 11:39

اللحم محمر lyzzabel

ندير فالكوكوطة زيت و مارغرين نزود شوية و حبة بصل مقطعة شراءح و طراف تاع اللحم طبعا و نضيف الملح و الفلفل اسود و عود كبير قرفة و بسسسسس ،، نقلي شوية و نمرق بماء بارد ما نكثرش ،، قيس ما يكون الما و اللحم في نفس المستوى و نقفل الكوكوطة و نخليه يطيب على نار متوسطة و مين تعقد الصلصة ننحي منها شوية و نخلي اللحم يتحمر في ليدام لي طاب فيه على نار قلييييلة و نقلبه على الجهتين و مالازمش يلصق باش يحافظ على شكله ،، البنة رووووعة و راه ما يحتاجش توابل بزاف و قدمي معاه الصلصة لي نحيتيها

لاتبكي ياقدس جروحي · 2014-10-12, 19:28

اقتباس:

المشاركة الأصلية كتبت بواسطة lyzzabel

اللحم محمر lyzzabel

ندير فالكوكوطة زيت و مارغرين نزود شوية و حبة بصل مقطعة شراءح و طراف تاع اللحم طبعا و نضيف الملح و الفلفل اسود و عود كبير قرفة و بسسسسس ،، نقلي شوية و نمرق بماء بارد ما نكثرش ،، قيس ما يكون الما و اللحم في نفس المستوى و نقفل الكوكوطة و نخليه يطيب على نار متوسطة و مين تعقد الصلصة ننحي منها شوية و نخلي اللحم يتحمر في ليدام لي طاب فيه على نار قلييييلة و نقلبه على الجهتين و مالازمش يلصق باش يحافظ على شكله ،، البنة رووووعة و راه ما يحتاجش توابل بزاف و قدمي معاه الصلصة لي نحيتيها

ya3tik saha khti rani taba9tO w jani hayal allah ybarak ykathar kayrak 3la l wasffa rabi yjazik w ya3tik matatmanay

lyzzabel · 2014-10-13, 14:18

اقتباس:

المشاركة الأصلية كتبت بواسطة لاتبكي ياقدس جروحي

ya3tik saha khti rani taba9to w jani hayal allah ybarak ykathar kayrak 3la l wasffa rabi yjazik w ya3tik matatmanay

شكرا شكراااااا على الثقة ربي يخليك بصحتكم و راكي فرحتيني بزاف مين عجبكم ،، بارك الله فيك على الدعاء اللهم امين و لك بالمثل حبيبتي
بصح اسم العضوية تاعك يقطع القلب مشي يبكي ،، اللهم انصر الاسلام و المسلمين في كل مكان ،، امين