~ ~ ~الجزء 124 من واش طيبتي ليوم : ابداع ، نشاط ، حيوية ~ ~ ~ - الصفحة 92

أم ياسين الزهراء · 2015-04-06, 13:43

لبنات راني صايمة وراسي قد الدار عيت نراجع

هدا طبق تاع اجنحة الدجاج والبطاط كنت درت في كيس الشواء وجا امممممممممممممم

عطرالذهب · 2015-04-06, 13:45

ام ياسو ربي يتقبل منك الصيام والطبق يشهي يسلمو ايديك

chahrazed g · 2015-04-06, 13:48

اخت زينب83 بصحتك المحجوبة

عائشة حسان · 2015-04-06, 13:50

صح غداواتكم كااااامل
والله النشاط والاطباق كثرت في هاد الكوزينة تسلمي زينوبة على الفكرة هكا خليتي الكل ينفض الغبرة على روحو ويحط ونتفرجو ونتشهتو

انا تغديت فريت اوﻻت طيبتها اختي انا خرجت الصباح زنقت على قولة اااخوات

من بعد نوافيكم بالصور علبالي تحبو تشوفو ههههه

رقية الناجحة · 2015-04-06, 14:00

بصحتكم ياالفحلات

ام سراج وملاك · 2015-04-06, 14:00

صح غداكم كامل انا غدايا ليوم عدس سخفت عليه وخبز وسلاطة والحمد الله بصح مصورتوش خطراه كامل تعرفو لعدس بصح شفني مسكين كي حقرتو ومصورتوش
لبنات عجبتني فكرة اي وحدة تحط طبق نتاعها تحط الوصفة هكذا خير خيرمن نضلو نطلبو في الوصفات انا وحدة منكم حشمت نضل نطلب في الوصفة بهههههه هكذا باش نتعلمو من عند بعضانا خطراه كل واحد وطريقتو في طياب
ام ياسو راني نستنا في وصفة نتاع بطاطا بالاجنحة نتاعك شهتني فيها
قمر طوكيو شاوية حرة شكرااااااااااااا حبيباتي على طريقة حفظ الدبشة والمعدنوس عندي كمية كبيرة وخفت تفزدلي ربي يعطيكم متتمناو
ام اسلام امين حنونة ربي يفكرنا اجمعين في الشهادة
طالبة جامعية وصفتك رائعة حليلي وناقشي راني كبرتلك الصورة

ريتاج تيارتية · 2015-04-06, 14:07

لسلام عليكم شيرات واش راكم يعطيكم الصحة واش راكم تحطو الله يبارك
هدا عشا تاع البارح دارتو ماما

.وانا درت السلاطة هههههههههههه

عطرالذهب · 2015-04-06, 14:10

جبتلكم الصور من عرس ولد خويا
نبداو بليمونشون مع العصير

ثم سربينا القهوة والحليب مع هاذو

ومدينالهم هاذو

ثم سربينا الشاي مع لقريوش

وهبطنا تعشينا طيبلنا الطباخ

انتظروني نزيد نحطلكم صور الحلويات والحنة

طالبة الجامعة · 2015-04-06, 14:13

اقتباس:

المشاركة الأصلية كتبت بواسطة ام سراج وملاك

صح غداكم كامل انا غدايا ليوم عدس سخفت عليه وخبز وسلاطة والحمد الله بصح مصورتوش خطراه كامل تعرفو لعدس بصح شفني مسكين كي حقرتو ومصورتوش
لبنات عجبتني فكرة اي وحدة تحط طبق نتاعها تحط الوصفة هكذا خير خيرمن نضلو نطلبو في الوصفات انا وحدة منكم حشمت نضل نطلب في الوصفة بهههههه هكذا باش نتعلمو من عند بعضانا خطراه كل واحد وطريقتو في طياب
ام ياسو راني نستنا في وصفة نتاع بطاطا بالاجنحة نتاعك شهتني فيها
قمر طوكيو شاوية حرة شكرااااااااااااا حبيباتي على طريقة حفظ الدبشة والمعدنوس عندي كمية كبيرة وخفت تفزدلي ربي يعطيكم متتمناو
ام اسلام امين حنونة ربي يفكرنا اجمعين في الشهادة
طالبة جامعية وصفتك رائعة حليلي وناقشي راني كبرتلك الصورة

دوك نحطها ماتقلقيش برك
بصح عادي في طلب الوصفة رانا نتعلموا عادي

ام سراج وملاك · 2015-04-06, 14:17

كوكا يعطيك الصحة كلشي بالشان والطبع
ام التواؤم روعة واش حطيتي والباربي خرجتلك هايلة كل عام و مولات الباربي بالف خير
ريتاج يعطيها الصحة امك شهاتني مكلتها

طالبة الجامعة · 2015-04-06, 14:18

شوفوا الحصري https://www.djelfa.info/vb/showthread.php?t=1785194

قمر 77 · 2015-04-06, 14:28

ام ياسو ربي يتقبل ام شهيتيني مبصح لوكان غير شفتي وش حطت ام سهام البارح تفطني و يروح وجع الراس ههههههههههههههههه
ريتاج بصحتكم ربي يحفظ لميمة راهامدلتكم دخل عندكم رمضان و لا وشنو
عطورة راني جبت لا لوب باه نشوف ملييييييييييح ربي يسجي حبيبتي
ام سراجو بصحتكم العدس انا درت لوبيا

ريتاج تيارتية · 2015-04-06, 14:30

جبتلكم تدبيرة صدقوني هايلة مانعرف كاين اللي يديروها ولالا
كي تكوني دايرة كاش طاجين جلبانة ولا زيتون معاه الجاج وتبغي تحمري الجاج نتاعك بعد مايطيب ويجي بنين
كي تنحي الجاج بعد مايطيب تحضري خلطة فيها شوي زيت والتوابل كمون وراس الحانوت وفلفل اكحل وشوي ملح تخلطيهم في رحبة مليج وتغطسي مورصاوات تاع الجاج نتاعك وتحكيهم يتحمرو في مقلة مافيها حتى حاجة باسكو رانا دايرين الزيت في الخلطة وحمريهم صدقوني يجي بنين يهبل تقولي حمرتيه في الكوشة سيرتو للضياف

قمر 77 · 2015-04-06, 14:31

حقا ام سراجو شفتك تسالي على قاطو للقازوز فالعرس كاش ما صبتي قوليلي حتى انا راني نحوس و ما لقيتش

قمر 77 · 2015-04-06, 14:33

صح حنونة ريتاج نجربها انا موالفة ندير الكمون و الثوم نهرسهم مليح و نخلطهم مع الزبدة مليح يجو رووعة و نحمرهم ان شاء الله نجرب هذي اسهل