دورة " اللَّهُم بلغنـــــا رمضان 1438 لا فاقدين و لا مفقودين

[rowaida18]

المشاركة الأصلية كتبت بواسطة ام تينة

ï؟½ï؟½خطوات لﻹستعداد لموسم الطاعات ï؟½ï؟½

ï؟½ï؟½ تزدحم الأسواق ويكثر الهرج فيها -للأسف- في رمضان فانأ بنفسك واقضِ جميع حوائجك من مواد غذائية وملابس للعيد وغيرها بدءًا من شعبان.

ï؟½ï؟½ حاول أن تضع لمحيطك بالكامل خطة يتبعونها معك في الإعداد لرمضان،في محيط منزلك، عملك، مسجدك، فيستشعر الناس عظمة هذا الشهرالفضيل بدلا أن ينقادوا خلف دعاة الضلال من مسلسلات ومجون فهم لا
يحلو لهم عرض أضخم أعمالهم النتنة إلا في رمضان.

ï؟½ï؟½ابحث عن الصغار في عائلتك من هم في عمر سبع سنين فما فوق مثلا, وحفزهم على التعود على الصوم فمثلا لتعودهم بدءًا على صوم ربع يوم ثم نصف ثم أكثر ولتكافئهم فإن جاء رمضان أصبح الصوم يسيرًا عليهم.
ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½

بارك الله فيك أختي أم تينة ...
راني معاك في الإستعدادات اللي ذكرتيها منذ شهر على قدم و ساق ......وبديت في كل المشتريات الي ذكرتيها منذ مدة و هذا ماشي على حسب ظروفي كل ما تجيني فرصة نغتنمها و نشري.....
و الله نقصت على روحي بزاف أمور كنت نخليها لأخر أسبوع و أحيانا حتى يدخل عليا رمضان.
لاكن هذه المرة تحفزت بفضل هذه الدورة و توجيهات صاحبتها و ل الأخوات المساهمات بمشاركات استفدنا منها الكثير و الحمد لله
ربي يحفظكم كامل و يجازيكم خير الجزااااااااء.........

[ام شمسو محمد]

تنظيف الزربية


قبل ما تغسلي الزربية مرري عليها بروصة تاع ازالة الغبار ...هذي احسن طريقة لازالة الشعيرات العالقة في الالياف ..

تاكدي من سلامة الياف الزربية عند غسلها بالماء و انو الوانها تقاوم و ما تبهتش ..تجنبي استعمال محاليل التنظيف الكثيرة

اذا كانت الزربية للاستعمال اليومي و مش مسخة بزاف ...استعملي الما و صابون الحجرة ...شللي بالما الدافي فيه قطرات خل ...شللي مليح و تاكدي من دخول الماء للالياف هذا مهم للمحافظة على الزربية في حالة جيدة ....ثم خليها تنشف ...

استعمال كريستو الصوديوم يناسب التابي المسخة و اللي فيها بقع ...استعملي لتر من الماء الدافء فيه فنجان من كريستو الصوديوم ...حكي و شللي و نشفي ..

يفضل استعمال اسفنجة لازالة البقع في عملية الغسيل للتابيات .

اذا كانت الزربية اكثر اتساخا و فيها بقع الزيت ...استعملي الخل ..500ملل من الخل الابيض + 200ملل ما دافي + 2 مغارف كبار سائل الاواني ....اغسلي و شللي و نشفي ...

باش تتجنبي زغب الصوف اللي يجي في الزربية ..ما تحكيهاش بفرشاة صلبة ...

الكرات البيضا الصغيرة اللي تتشكل فوق الزربية ..هذوك بيوض العث ..ازيليهم ببروسة لينة و عقمي البروسة بما و جافيل ...ثم اغسلي الزربية تاعك .....او شمخي قطعة قماش بالخل الابيض و مرريها على كل سطح الزربية ياستعمال المكواة الساخنة فوقها ...لازم تغسلي زربيتك على الاقل مرة في العام باش ما يجيهاش العث ...

زربية ذات قيمة و غالية ...هذي اديها لاصحاب التخصص باش يديرولها تنظيف جاف

[ام شمسو محمد]

والله يا رويدا انا ثاني من النوع اللي يخلي تحضيرات رمضان لاخر لحظة و بزاف الحوايج نقضيهم خلال الشهر الفضيل ...هذا العام و الحمد لله وجدت معظم الحوايج و مشيت مليح في التحضيرات بفضل هذي اللمة الطيبة و افكار الاخوات الرائعة و راني مستحضرة تركيز مليح بفضل توجيهات ام تينة .

[ام تينة]

ربي يحفظكم اخواااااااااتي لنؤكد على هذه النقطة من اليوم

📘خطوات للإستعداد لموسم الطاعات 📘
📝 ابتعد رويدًا رويدًا عن جلسات السمر وإضاعة الوقت واقطع التلفاز وجميع الملهيات -هذا فيما كان حلالا وأما الحرام فالواجب الابتعاد عنه كليًا والتوبة والإنابة وعدم الرجوع إليه-.

[ام تينة]

صلااااااااااااااااااااااة الضحى ياااا اوابااااااااااااااااااااااااااااااااااااااااااااات


لا للاعذااااااااااااااااااااااااااااااااااااااااااااا ااااااااااار

نحن احوج للحسناااااااااااااااااااااااااااات من اشغال دنياااااااااااااااااااااااااااااا فانية

[البدرية]

السلام عليكم ورحمة الله وبركاته

جزاك الله خيرا أختي أم شمسو على فتح هذا الموضوع القيم لقد استفدت منه كثيرا حفظك
الله من كل سوء وجزى الله خيرا كل الأخوات كل واحدة باسمها كل من قدمت لنا فوائد في هذا الموضوع وبارك الله فيك أختي أم تينة على الفوائد

أختي أم رويدة ممكن تصوري لي طاجين الذي اشتريته حبيت نشري واحد ان كان ممكن فضلا لا امرا
وتقوليلي كم سعره

[صفاء رحاب]

سلام لبنات
لشكراا لجميع تشجيعاتكم لي بالنسبة لصدر الكروشي
اما الغياب فانا لا اتغيب فقط لا اشارك بالردود و ذلك لانشغالي البارحة و اليوم مع تحضيرات زوجي مسافر اليوم .

[rowaida18]

المشاركة الأصلية كتبت بواسطة البدرية

السلام عليكم ورحمة الله وبركاته

جزاك الله خيرا أختي أم شمسو على فتح هذا الموضوع القيم لقد استفدت منه كثيرا حفظك
الله من كل سوء وجزى الله خيرا كل الأخوات كل واحدة باسمها كل من قدمت لنا فوائد في هذا الموضوع وبارك الله فيك أختي أم تينة على الفوائد

أختي أم رويدة ممكن تصوري لي طاجين الذي اشتريته حبيت نشري واحد ان كان ممكن فضلا لا امرا
وتقوليلي كم سعره

ها هو الطاجين اللي شريتو البارح
رااااائع و ثقييييييل و يطيب على نار هادئة و ليست قوية
و الأهم عندو وجهين كيما راهم في الصور

و سعره 2400 دج
يعني : ميتين و ربعين ألف

لاكن يستاهل لأنو يحتفظ بالحرارة و ما لازمش تقوي النار و رحمني من الحمااااان بزاف

و بالتوفيق لكل اللي تشريه

[رندة.]

رويدة بصحتك المشتريات، والطاجين ما شاء الله ربي يبارك، وربي يجيب الشفاء العاجل لعجوزتك ان شاء الله

صفاء رحاب ربي يوصل زوجك على خير، ويرجعلكم سالم ان شاء الله

ام تينة التلفزيون راني نحاول انقص منو قدر الامكان، الا المواضيع ذات قيمة فعلااااا

ام شمسو شكرا على فكرة تنظيف الزرابي ، ويعطيك الصحة كي مشيتي في تحضيرات رمضان ....... أنا راني نمشي ببطئ
لكن حبيت نسقسي هل في هذا الشهر ماي نبداو مع اسلوب الفراشة تاع المدخل كيما قالت حياتي كلها أمل ولا الصالون كيما قلتي ..... باش ما يتخلطناش البروغرام

سمراء الدنيا ربي يجازيك خير على كل المجهودات الي تقدمي فيها وتشاركينا بيها احنا المبتدئات، وان شاء الله تنجح بنتك في الباكا لوريا هي وكل الممتحنين... أميـــــــــــــن

[البحر الصافي]

السلام عليكن اخواتي الفراشات
ام تينة بارك الله فيك التلفزيون منتفرجش كي نقعد ندخل للنت ساعة كاش مانستفيد وخلاص
ام شمسو يعطيك الصحة على موضوع الزرابا زربية الصالون حطيتها نظيفة ولي كانت غسلتها وخبيتها لاني نظفت الصالون قبل مانلتحق بيكم تنظيف عميق يبقى نعاودو خفيف برك الزرابا قبل رمضان نغسلهم ونخبيهم خلاص السخانة تجي نحطو غير حاجة خفيفة
رويدة مبروك عليك الطاجين يبان هايل بصحتك وراني حطيتلك رد في موضوع الياسمينة شوفيه بليز
سمراء الدنيا يافراشتنا النشيطة بارك الله فيك وفي كل ماتقدميه لنا وربي ينجح وليداتنا وراني نبحث على كريييييستو
رحاب يعطيك الصحةعلى صدر لكروشي هااااايل
الفجر القادم نتمنى تكوني تحسنتي في صحتك
ام متين منورة بالاذكار لي تحطيها بوركتي
عائشة راهي غايبة عندها مدة عسى المانع خير
حياتي امل وام صفصف ورندا وكل الاخوات اعذروني مازلت محفظتش الاسامي جيدا المهم راكم منورين الدورة بشطارتكم ربي يبارك

[ام شمسو محمد]

رندا هذا الاسبوع هو الاخير في افريل و الاول في ماي ...فهو يخص المدخل و الصالون ...حسب المنطقة الساخنة عندك ...انا المدخل تكفيه 20 د
اهلا بيك اختي البدرية و فيك بارك الله
منورة البحر الصافي ....لالا راكي حفظتي ماشاء الله

[البحر الصافي]

النور نورك ام شمسو راني نحاول نكون معاكم
البدرية مرحبا بيك معانا وبكل اخت حابة تلتحق بينا او راهي معنا وراء الكواليس

[رندة.]

اوكي. ام شمسو ، هذا وين فهمت....... شكرا

البحر الصافي راكي بديتي تحفظي ما شاء الله عليك، هذاك النهار تكلمتي على محفزات لصلاة الفجر كيما صلاة الضحى ، شوفي هو وقت صلاة الضحى يلقانا نايضين كامل وزيد اغلبنا نطلو على النت في هذاك الوقت نلقاااااو عبارات ام تينة الي تخليك تنوضي تجري تتوضاي وتصلي قبل ما تكملي قراءة المشاركات كامل
( راهم سبقوك خواتاتك. راهو لحق القطار عندك. نوضي تصدقي على مفاصلك.اذا حابة تكوني من الاوابين صلي الضحى........ وغيره )

يظهرلي صلاة الفجر لازم نوجدولها ليلة من قبل ونحوسولها عبارات تشجيعية وترهيبية في نفس الوقت حتى نواظبو في الحفاظ عليها في وقتها.

[البحر الصافي]

مساء النور رندة وشكرا على اهتمامك
صدقيني صلاة الضحى من نهار دخلت ام تينة للدورة لقديمة وانا نحاول نحافظ عليها لذلك راهي تدي في الحسنات معانا خاصة ندائها بلا ماندخل هنا راهو مغروس في راسي لاكن منكذبش عليك نكون متوضية وموجدة روحي لوقت صلاة الضحى وساعات نكون في الكوزينة تلحق عليا 12نروح نجري وساعات 11ونص وساعات يذن الظهر ونقول ياربي سامحني راني نويت ومالحقتش وتروح عليا 360 حسنة
اماىصلاة الفجر راني حملت برنامج الاذان في الطابلات والحمد لله لانو في فصل الربيع يثقل الانسان ويعز عليه النوم وينوض الصباح بالسيف هذاىهو الجو عندنا منعرف انتم كيفاه في الشتاء نكونو نشيطين اكثر

[rowaida18]

أختي أم شمسو حبيت نسألك على المشاركات المفيدة اللي حطيتيهم في هذه الدورة أي اللي فيهم نصائح بخصوص التنظيفات......هل أنت محتفضة بيهم في الحاسوب أم لا.......