الى ام اسيد1 وكل وحدة حاصلة واش الطيب - الصفحة 91

ام حمزة22 · 2014-12-06, 22:19

صدفات سامحيني ما شفتش ردك
راح نسقسيلك اختي على الدوبارة هي ساكنة فالسحراء
انا نعرف غير الدورة لي جي تاني بالكرشة

crono · 2014-12-06, 22:47

اقتباس:

المشاركة الأصلية كتبت بواسطة صدفات

مساؤكم سعيد لبنات كي راكم أم حمزة على سلامتك توحشناك
القصبية حنا في دارنا ما نديروهاش انا زوجي يحبها كل ما يصيبها يجيبه
و كاين شحال من طريقة في طيابها أم حمزة كنت في مرة سابقة بحثت على وصفة الدوبارة نتاع بسكرة لكن دون جدوى دخلت في موضوع واش طيبتي اليوم وكذلك بدون جدوى يا ريت حبيبتي تشوفي بلاك تلقايها هي جي بالكرشة وحدها مع الحمص مرقة حمراء

السلام عليكم ورحمة الله تعالى وبركاته
وىش حوالكم البنات

والله توحشتكم
هيك فكم وحدة مسقست عليا

ختي صدفات وصفة الدوبارة نتاع بسكرة لي نعرفها
نديريها بالحمص فقط أو بالفول فقط أو مزيج بين الإثنين فعلا هي رائعة

صدفات · 2014-12-07, 06:17

صباحكم سعيد يا لبنات كرونو توحشناك هذه غيبة كملتي شغالاتك و لا مازال
شكرا على الرد حبيبتي و الدوبارة لي كلاها زوجي ما فيهاش الفول
أم حمزة صحيتي حبيبتي
راه الآذان ربي يقبل منا و منكم لي عودة

روح مراد · 2014-12-07, 08:41

صباح الخير عليكم
صدفات
الدوبارة المعروفة عند العامة هنا في الشمال هي مزيج من الفول و الحمص كل واحد طايب وحدو من بعد يديرو الدرسة الحارة و يضيفو ليها الفول الطايب و الحمص
أنا عندي فكرة
طيبي كرشة وحدها
طيبي حميصة وحدها
و ديري نفس الدرسة اللي يخدمو بيها و ضيفي الكرشة في مكان الفول هاهاهها و النتيجة رايحة نضمنلك أنها تكون 100/100
كورنو، أم حمزة، أم اسيد، أم هديل و أم سهيل و نخلة إن شاء الله نكون مانسيت حتى وحدة راني ديما نخمم وين رحتتو مابانش حسكم كامل
ربي يعاونكم

ام هاديل وياسين · 2014-12-07, 09:01

صباح سعيد ويوم اسعد ان شاء الله تكونو جميعكم بخير ام حمزة راني افرغت صندوقي
تحياتي لكل الاخوات كل وحدة باسمها

صدفات · 2014-12-07, 09:40

صباح الخير يا وجوه الخير
أم هديل الحمد الله كي راكي بخير يا درى تحسنت أمورك ديما نخمم عليك
روح مراد عندك الحق هذاك ما ندير قالك ناس بكري خلطها تصفا
لبنات البارح درت معقودة نتاع الأخت أم سهام خرجت روعة هذه المرة الثانية نديرها كثرت باه تبقى للفطور كملوها
حبة ما بقاتش
هذا هو الرابط

https://www.djelfa.info/vb/showthread.php?t=1694153

ام هاديل وياسين · 2014-12-07, 09:52

صباح النور اختي صدفات الله يسلمك ويحفظك حبيبتي لاجديد حتى الان يومك موفق ان شاء الله
شكرا على الروابط عجبني الخبز

crono · 2014-12-07, 10:10

صباحكم سعيد يا لبنات
مزال مكملتش شغالي

لي عودة

صدفات · 2014-12-07, 10:17

كرونو ضحكتيني مع الصباح ههههههههههههههههههههههههههه
خبريني هذاك القط راه يقضي و لا يشمشم هههههههههههههههه

ام سوهيل · 2014-12-07, 14:55

مساء الخير للجميع وش راكم لباس كرونو على سلامتك وش راكي معندكش حق تشكي من القضيان راه عندك مساعد شطور ههههههههههههه

صدفات ام حمزة روح موراد نخلة تغرينة ام هديل وام اسيد و الجميع ان شاء الله راكم كامل بخير
اليكم صور عشائي خشيبات البطاطا بي المرق الحمراء والحمص وسلطة

هدي سلاطة

وهدا طبق البطاطا

وهدو الطبقين معا

وهادي حلوة الطابع او اطورني كما نسموها عندنا هدا وين حضرتها يشربو بيها القهوة عشية

ام حمزة اسمحيلي راني استعمرت المطبخ انتاعك هههههههه

صدفات · 2014-12-07, 16:31

مساء الخير يا لبنات
أم سوهيل بصحتك ما طيبتي و صحيتي ما رجعتيش يديك فارغين

ام حمزة22 · 2014-12-07, 17:33

سلام
مسائكم سعيد حبيباتي واش حوالكم
كرونو ربي يعاونك روحي غير بلعقل

ام سوهيل بصحتكم خسارة ما طلعتليش الصور من تقل النت مازال عندي هاد المشكل
المطبخ راه مطبخك حبيبتي

صدفات سقسيتلك على الدوبارة كيما قالتلك كرونو اكلة جي بالحميصة وجي حااااااارة بتوابلها
انا نعرف الدوارة لي جي بالكرشة وهي نوعين
العصبان لي قدمت طريقتها من قبل
والنوع التاني بكبوكة جي بالبصل والطماطم وجي تاني بالقرعة

ام ندى 87 · 2014-12-07, 22:19

فكره هايله نولي نقرعج عليكم هههههههه

أم الحبايب 26 · 2014-12-08, 08:37

صباح خير كامل لبنات انا عضو جديد ارجو منكم تقبلوني معكم نحس روحي مع خياتي عشاتي بارح مقرون بلصوص بشمال

ام سوهيل · 2014-12-08, 08:40

صباح الخير للجميع وش راكم لباس

ام تدى 87 مرحبا بيك معنا

هادي سلاد فروي بسيطة درتها البارح وجبتلكم حقكم

وهنا زووووووووووم