موضوع مميز الجزء81من مطبخ واش طيبتي اليوم ** مرحبا بالكل ** - الصفحة 91

أم ماجد · 2014-07-21, 12:30

الهام ديري صابلي البيمو انا هبلني ومازال ذوقه في لساني اممممممممممممم
ماتترديش ديريه
روضة ديري لكن بعقلك حنونة البيبي منتظرينو بلهفة وماتنسايش الاستغفار الصلاة على النبي

أم فاطيمة · 2014-07-21, 12:37

صباح الخير يا احلى حراير
من فضلكم واش من وصفة نتاع جلجلانية
راكم مجربينها لقيت وحدة بالخمارة ومحدة بلا خمارة

nawel zed · 2014-07-21, 12:37

اهلين الهامو خيرتي حوايج ملاح ديريلهم برك مي ما تكثريش باه ما تتعبيش يدعيولك دعوة مليحة في العواشير ههههه خيرت صابلي بالبرتقال لفايزة نفحتلي فيه مي حايرة العصير اللي نستعمل الطبيعي مكانش الا عندك فكرة قوليلي والا ما لقيتش ندير صابلي النستلي و النوتيلا و شريت مول للمقروظ كيما تاع oum anas +كروكي كالعادة و ممكن قطايف فيها بركة جايينا العراس كل سمانة ما نكثروش

إلهام07 · 2014-07-21, 12:37

اقتباس:

المشاركة الأصلية كتبت بواسطة selma2013

صباح الخير عليكم الهام هذي غيبة الله لا يغيبك أنا لا ليست تاعي هي

الفو مخبز بالعجينة السحرية
الغريبية تاع أم كوثر
بقلاوة بطريقة أم أنس
مربعات بحلوة الترك تاع لينا
صابلي التاج
وعجبني المعمول تاع أم رامي حبيت نجربو جامي درت المعمول قلت نغير العادة تاع المقرود

ولكن عندي نفس المشكل تاعك راني عجزااانة وزيد راني في قلب الصحراء العام هذا يا يما ذابتلي الشحمة من السخانة ما ولفتهاش نوض الصباح فاشلة

ربي يحفظك سلمى

انا ثني كنت رايحة نبدى بالمعمول بصح كي عادت ماما عندها بيدونة نتاع مقروظ مخبية بطلت كيفاش مقروظ و معمول تحسي متقاربين بزاف
هو لازم الواحد يدير شوية تنوع : قاطو بالللوز وواحد بالسكر وواحد معسل وواحد بالشكلاطة وواحد سامبل كيما الصابلي ولا حلوة التاج وطبعا المقروظ ولا معمول والغريبية

شوفي تقولي ماندير والو تلقايهم 5-6 أنواع

ربي يكون في عونكم على السخانة حنا اليوم صبح البرود نويت إن شاء الله نبدى في القاطو اليوم

أم ماجد · 2014-07-21, 12:46

لبنات قالوا بلاك اليوم ليلة القدر كثروا من التسبيح والاستغفار والصلاة على النبي

إلهام07 · 2014-07-21, 12:47

ميميشة كنت رايحة نجرب دزيريات نتاع فلة بصح نصيحة دينما في العقدة اللي طيب وفيها بيض ديري كيما المخبز مرة صفار ومرة بيضة كامل باش يبقى طري

هههههههههه سلمى وصفة قاطو التاج أنا ندير نتاع ام ريمة اللي جربناها كامل وحتى أم رامي إذا تحتاجي الرابط نعطيك

مبروووووووووووك روضة ربي يكملك على خير مالا ماكلاه ديري القاطو حافظي على روحك والقاطوات ماشي شرط يكونو لوز وجوز كاين بزاف وصفات ملاح كيما اللي رانا نحكيو عليهم ماشي مكلفين بزاف

خلاص ام ماجد نثق في ذوقك نروح نهز الوصفة نتاعو لاخاطر القاطو اللي بالشكلاطة مازال ما خيرتش

ام فاطيمة قاطو الجلجلانية اللي مافهش الخمارة جربتو يجي يابس تقولك تاكلي في النوقة حذاري

نوال كاين سيرو البرتقال مركز يتباع ماركة FRUTTI مليح بصح أنا كي جربتو درتو بالقارص جا يهبل بان فيه بزاف ريحة وطعم الليمون وديكور ثاني بسيط خلاص وساهل وباهي ياخي شفتوه
على العموم انا قاطوات القلاصاج يقلقو نحب نخليهم غير للعروسة تديهم معاها غير هكذا في دارنا مايحبوش قاطو القلاصاج

selma2013 · 2014-07-21, 12:54

ربي يخليك الهام ختي راهم تخلطو القطوات في راسي وعدت ما نميزش قصدي صابلي بالمورانغ اذا عندك الوصفة حطيهالي وربي يرزقك بالزوج الصالح لي يسعدك يارب راح ندعيلك بصح ما يكونش كيما زوجي فيه كل الصفات لملاح غير حاجة وحدة رايحة تموتني ناقصة عمر ياكل وما يمدش خلاص رايو جامي شكرني وقالي جات حاجة بنينة راح يديرلي اكتئاب .

عطرالذهب · 2014-07-21, 12:55

مساءالخير لبنات واش راكم مع السخانة والقاطوات
انا راني عندي شوي خدمة للناس وشوي للمسابقة وربي يكون في العون

oum ibrahim · 2014-07-21, 12:55

صباح الخيرات يا حلوات
ام تاجو السكرة صار انا ام رمضان .......... هههه نحكمك تشوفي
كنت مع الصابلي هذا وين طيبتو لكن التزيين؟؟؟؟؟؟؟؟؟؟حصلت كيفاه نديرلو و في الليل باذن الله نزيد كيلة اخرى و غدا اذا كتب ربي ندير نوع اخر يشبه للصابلي بالكاكاو بنين يذوب في الفم كليتو عند مرت عمي
الهام انا لحد الان خدمت 2 علب كبار نتاع مقروط و 2 علب نتاع تشاراك كل وحدة زينتها شكل و خدمت تاني سيقار ام اماني مع الصابلي و البقلاوة نخليها اخر يوم باه تبقى معسلة و جديدة و الصلاة على النبي
بنات عندي نيسلي كراميل و نوادكوكو و كوكاو افيلي اذا ممكن تعطوني اقتراحات باه كشما نزيد نخلط

nihale89 · 2014-07-21, 12:57

سلام خرجت شريت حوايج القاطو وجيت
حاندير قاطو بالشكولا محشي بااكربمة نتاع ام تاجو
وقاطو يذوب في الفم بالطابع المعمول نسيت نتاع من
غريبية ام كوتر قاطو المحقن زوجي يحبو في العيد
ونزيد كشما نوع

إلهام07 · 2014-07-21, 13:02

اقتباس:

المشاركة الأصلية كتبت بواسطة selma2013

ربي يخليك الهام ختي راهم تخلطو القطوات في راسي وعدت ما نميزش قصدي صابلي بالمورانغ اذا عندك الوصفة حطيهالي وربي يرزقك بالزوج الصالح لي يسعدك يارب راح ندعيلك بصح ما يكونش كيما زوجي فيه كل الصفات لملاح غير حاجة وحدة رايحة تموتني ناقصة عمر ياكل وما يمدش خلاص رايو جامي شكرني وقالي جات حاجة بنينة راح يديرلي اكتئاب .

هههههههههههه والله ضحكت بالصوت غضتيني نصيحة : طيبي ماكلة كل يوم عدة أيام ماشي بنينة ولا محروقة باش يفطن لروحو واش كان ياكل وماتحبسيش حتان يبدى يريكلامي ويهاوش باش تعدلي طيابك

ضرك يولي يشكر

حل آخر ديريلو ابتزاز

ذوقيه حتان يقول رايو باش تسربيلو الصحن

شفتي تحريض على العصيان

هاكي هذا هو بصح أنا نقص النشاء قد مانقدر مانحبوش

:
https://www.djelfa.info/vb/showthread...ht=ladymillion

oum anas 69 · 2014-07-21, 13:02

السلام عليكم ورحمة الله وبركاته
واش أحوالكم جميع الغاليات
ليزا يالغالية أسمحيلي مادخلتش لكوزينك نعوضهالك يالحنينة
روضة ألف مبروك الحمل ربي يتمملك على خير أستحفظي بروحك مليح و ماتجهديش روحك و كولي و أشربي الماء مليح باش تتجنبي الإلتهابات تاع الحمل في الب..ل أعزكم الله
إلهام و أم ماجد و الأخريات اخطيوكم من النيسلي راهي السخانة يتعفن بسرعة لانو حليب لي تحب تدير الصابلي زينوه باالسكر أو المكسرات و لي حابة تحشي بيه تعوضو بالنوتيلا أو حشوة الكابريس الذايب أو حلوة الترك و كذلك إبتعدو عن الحلويات لي فيها الكريمات مثل كريمة الزبدة هاذو لازملهم الثلاجة و يقعدو بضعة أيام فقط
أنا ثاني درت ليستا تع قواطو كتبتهم بصح معظمهم تاع ذكريات كيما قالت أم ماجد و الله مانحب هذا الجديد لي مافيه حتى بنة و زيد مكلف و مافيهش البركة
البارح خدمت حبات تشاراك مازال مسكرتوش
واليوم درت حبات نقاش سنيوة برك و مازال إن شاء الله بصح نقلكم الصح يديا بردو ماهيش نافحتلي

oum ibrahim · 2014-07-21, 13:03

هذا الصابلي بعد ماطاب

و هذا النص نتاع التشاراك رمدتو في القوفريط و زينتو بخطوط الشوكولا

nihale89 · 2014-07-21, 13:04

حبيباتي كي ندير غريبية ام كوثر حابة نزينها في الفراغ بالاحمر
شريت جيلاتين شرايح وملون احمر سايل كيفاش نستخدمهم باس يجي كيما نتاع ام كوتر شاد روحو ولامع
والشكولا البيضا فهموني كيفاه نديرلها باه تجي لامعة وماتفسدش كي نذوبها
تعيشو

oum ibrahim · 2014-07-21, 13:11

ام ماجد انا جربت صابلي النيسلي لام اماني لكن بمقاديري و تزييني جاني امممممممممم
لهاليبو راني ندعيلك هذا الايامات و كينولد روحي ربي يعطيك و ينولك الي في قلبك طبقت نصائحك في التشاراك العجينة نشفتها مادرتهاش طرية و خليتها باتت و ووزنت حبات التشاراك جاني كامل قد بعضاه و الحمد لله النتيجة مرضية