الجزء 73lن واش طيبتي اليوم كوزينة النجاحات - الصفحة 91

awladi · 2014-06-28, 09:11

ام امنية بصحتك الطعام بالشعير والمسفوف للعائلة
قولي للمازة ماشي وقت الرقاد يالله تنوض

مرام 1987 · 2014-06-28, 09:20

اقتباس:

المشاركة الأصلية كتبت بواسطة omomnia15

شكرا ليك ماري اليوم راكي شاطرة نشالله تشفاي وتكوني ديما ناشطة واش فطورك

بلا مزية
اليوم فطنت بكري بصح راسي راه داير فيا حالة وعععععع ما حاباش نشرب doliprane نكرهو
ربي ينجح بنت أختك وجميع الممتحنين يا رب
فطوري ما زال ما باينش بالاك تقليلي ماما الفريت وخلاص
الحمد لله حمدا كثيرا مباركا فيه

omomnia15 · 2014-06-28, 09:21

راني نوضتها هي ثاني العام الي فات كانو بناتي زوج للبيام والولد في السنكيام والله مخلاتني راني اكبر منها غير بعام بصح تقولينا توام وهي كاتمة اسراري ههههههه زعمة ختيتي راني نشكر فيها
واش فطورك ولا راهو تالف انا الايام الاخيرة تع شعبان نولي حابسة في الطياب
ليزا طمنينا على منصف
ام ماجد مبانتش الا راكي فالبرازيل ابعثيلنا ميساج ههههههه

omomnia15 · 2014-06-28, 09:23

متكثريش الدوا راهو ياثر في الكلاوي اشربي قهوة ولا كولي اللوز 12 حبة تعمل عمل الدوليبران وربي يشافيك حنونة وكولي روز ولا عدس مليح ولا حاجة الي تسمن باش تلقاي صحتك

omomnia15 · 2014-06-28, 09:56

راهوالمنتدى ثقيل نروح لشغالي ومن بعد نرجع راهو راجل اختي مدير مؤسسة وقالك النتائج مزالو راهم غير يلعبو بالاعصاب سلاااااااااااام

lyzzabel · 2014-06-28, 10:31

صبا النوووور حبيباتي انشالله راكم قاع غايا
ربي يخليكم و نشكر قاع لي سقسات على حبيبي منصف و تقلقت عليه ،، راه الحمد لله في هاذ الساعة و راني نعس فيه ولا كان عاودت له l'hémorragie نديه للطبيب راه باباه قالي ما نعجلوش ،، نطلب ربي يحفظه و يستره من كل سوء و يحفظ قاع الوليدات و البنيات يارب

درت الطعام بالمرقة و الجاج و الحمد لله على نعمه

ام أمنية كنت حاسبة المازة هي الكبيرة خخخخخ ،، قوليلي عندك خواتاتك وحدخرين ولا غير نتوما زوج ،، ربي يخليكم لبعضكم و يبعد عليكم البلاء

ماري بصحتك لي فريت حبيبتي و ربي يشفيك و يعافيك ما تتخليش على الإرادة هي لي تعطيك القوة باش تواجهي المرض و تشفي بإذن الله

ام انووووستي العزيزة ويييينك يا الحبيبة طمنيني عليك ملي قلتي عندك الإيكو ما بنتيش خير يا ربي

ام ريمة الحنينة تاني عندها مددددة ما بانتش ربي يرجعها بخير هي و كل الغائبات

نخليكم على خير في هاذ الساعة حبيباتي من بعد انشالله نتلاقو،، مع السلامة

اللهم ما اصبح بي من نعمة او بأحد من خلقك فمنك وحدك لا شريك لك فلك الحمد و لك الشكر
سبحان الله و بحمده سبحان الله العظيم

طالبة الجامعة · 2014-06-28, 10:48

اسعدتم صباحا اليوم

طالبة الجامعة · 2014-06-28, 10:49

رمضان كريم اعاده الله علينا وعليكم باليمن والبركات

nihale89 · 2014-06-28, 11:04

صباااااااح الانوااااار حببباتي
رمضان كريم وربي يتقبل منا
غدايا محجووووووووبة

أم ياسين الزهراء · 2014-06-28, 11:10

صباح الانوار

كنت حابة نلراجع كلش بصح الله غالب ماقدرتش البارح النت تقطعت علينا وهدا وين ولات

اللي مريض الله يشافيه واللي في قلبو حاجة الله يقضيهالو ماري معليش حنونة تبراي وتصومي كاليوم راح تدي اجر كبير كيتفطري مومن اختي

اليوم درت شطيطحة جاج وراني راح ندير قلب اللوز لغدوة ان شاء الله بصح لازم نخبيه عند الجواري لياكلوه جراد افريقيا ههههههههههههههههه وراني نعدل في الحوايج باش كلش يكون قدامي بناتي راح يرقدو للعصر وماكانش اللي نبعثو يييييييييييييييي

أم ياسين الزهراء · 2014-06-28, 11:11

ليزابيل خير برك مافهمتش واش بيه وليدك اسفة راني روطار بزاف خير برك طمنيني

مرام 1987 · 2014-06-28, 11:11

أهلا بالملتحقات نهاركم زين ومسعود مبروك

مرام 1987 · 2014-06-28, 11:13

اممممم عجبتني نقلتها ليكم
إن شاء الله نرتاح ونخدمها امممم تشهي

مرام 1987 · 2014-06-28, 11:15

وهذي كيف فكرة هايلةتصلح للعزائم

مرام 1987 · 2014-06-28, 11:18

أهلا أم ياسو يسعد صباحك وبصحتك الشطيطحة وقلب اللوز وربي يعينك على الفريز راه يدوخ تاع الصح
طالبة جامعة و nihal صباح الخير عليكم وبصحتكم الفطور
سبحان الله وبحمده سبحان ربي العظيم