الجزء 78 من واش طيبتي اليوم سموا بسم الله

[دائمة الحمد]

ام سهام المثرد تاع لي فروي راني طرت بيه ما دامهم في سابع نومة

[مرام 1987]

لالا دائمة الحمد راكي روطار صحن الفواكه تاع أم سهام رانا تقاسمناه قبييييل
بصح ما عليش نمدولك حبة بنان بصح ماكلاه تطلبيني في الخوخ روحي شوفي كارتي خلاف هههههههههههه نضحك معاك حبوبة

[chez biba]

المشاركة الأصلية كتبت بواسطة دائمة الحمد

مساء الخير لبنات الكونكسيون كانت ما عندناش من امس
صحة غداكم جميعا وبصحتكم طياباتكم
بيبا كسرتك الله يبارك تشهي
عندي اللبن يا ريتك تبعثيلي مورصو
انا مانعملهاش المطلوعة ما يحبوهاش سي السيد والاولاد وانا نموت عليها
زهرونتي يعطيك الصحة انت واختك
لي تاهلو في سفرة التميز اذا ما غلطتش في العنوان شرفتونا يا جماعة الكوزينة بسمة وجيادا والعزيزة الى قلبي عطورة تسلم الايادي يا فنانات
غدايا بو مسققد كاسكروتات طن وهريسة وفرماج
رانا مع مجالس الاقسام في المدرسة نروح للدار روتار والميناج راني قريب نكمل ونرفع راية الاستقلال
ام ماجد بصحتك لي برودويي
شريت برودويي يهبل العملاق وهو بخاخ صالح لكلش الله غالب اكم علابالكم عندي مشكل في ادراج الصور

شكرا عزيزتي دائمة الحمد، الله يسلمك، المطلوع تاعي يجي طعمو كي خبز الدار (ماء الزهر والحليب) sinon جربي خبزة وحدة بالاك يعجبهم التغيير
وبصحتكم واش طيبتي وواش شريتو

[مرام 1987]

بسمة الرمال وبيبا يعطيكم الصحة على وصفة الشفلور مام حنا نديروه بالطريقتين
ودرك ساعات تديرولي أختي الصغيرة بطريقة أم رامي يجي امممممممم يهبل درك نشوف نجيبلكم الرابط

[بسمة الرمال]

chez biba ~

الله الله عليك ~ المرة الجاية نجرب الطريقة هادي ~ جزاك الله كل خير حبوبتي
دمتي

عزيزتي ماري ~ ان شاء الله تلقايلنا الرابط على الاقل نولي كل مرة ندير طريقة ~ بارك الله فيك حبيبتي

[ام سهام 02]

دائمة الحمد اهلين توحشتك
ماري صح فطورك
بيبا شكرا على وصفة الشوفلور عجبتني طريقتك و اذا لقيت الشوفلور نجربها

[مرام 1987]

النت هبلتني وليت نهدر وحدي
هذي هي طريقة أم رامي لي تديرهالي أختي كلما نطلبها فيها ربي يعطيها ما تتمناه ويجازيها ويرزقها من حيث لا تحتسب
https://omrami44.blogspot.com/2014/01...post_7664.html
ديجا اني سخفت عليه هههههههه

[بسمة الرمال]

اووووووه هايل ~ تعيشيلي عزيزتي ~ ان شاءالله ربي يعطيك ما تتمناي نتيا و اختك
و بلا ما ننساو صاحبة الفضل ام رامي جزاها الله كل خير

[omomnia15]

سلام حبوبات كنت برة شريت فلفل حار باش نرحيس حميس يم يم يم منكونجليه مكعبات للشربة
وشريت قصبر ومعدنوس وكرافس تفكرتو كي شفت ام ماجد كونجالتو ياريت تعطوني الطريقة تع حفظ هذو الحشاوش
وشريت مشماش ب130دج للكيلو وكرزب200دج للكيلو رايحة ندير تارتولات انا والبنات للسهرة وشريت لكيسات للمادلان وكرام شونتي وكرام فراش للمثلجات عندي كتاب تع وصفات نجرب ونقوللكم
وشريت الثوم وخبز سوري و1 كشير و1 باتي صغار كليتهم انا وامنية فالحافلة وحد المرا قاعدة غير تخزر ههههههه

[oum radja]

السلام عليكم
الف الف مبروك للمتأهلات في المسابقة
وربي ياشافيك ساندي

[oum radja]

اليوم تغديت شكشوكة وفريت ودلاااااااااااع
راني دايرة معركة مع الكوزينة ومازال ما كملتش قلت نريح شوية ونرجع
ووجدت البارح قلب اللوز باش يرتاح ليلة كاملة

[omomnia15]

اولا الف مبروك للمتؤهلات كل وحدة باسمها
دائمة الحمد بصحتك الكسكروطات والله يعينك
بيبا بصحتك الشفلور اممممممممم يهبل نموت عليه ويجي خفيف والخبز روعة كاش مرة نديرو ولا في رمضان نشالله سور راجلي يحب المطلوع
kiya بصحتكم المحاجب والله يشفي الوالد والحمد لله على سلامتو
ام سهام شكرا على الفاكية
ام ميتا بصحتك البيتزا والمقرونة الخسارة ماشي مليحة
انا درت قراتان خضر بالفرماج والكرام فراش بنينة تهبل هههههههه حوحو راني دايرة عجينة التارتولات ترتاح والكريمة تبرد مزال غيرنطيبهم وبلاك ندير الفلان والمثلجات اذا جابلنا الزوج الحليب راهو مفقووووووووووووووووود

[chez biba]

المشاركة الأصلية كتبت بواسطة ام سهام 02

دائمة الحمد اهلين توحشتك
ماري صح فطورك
بيبا شكرا على وصفة الشوفلور عجبتني طريقتك و اذا لقيت الشوفلور نجربها

العفو اختي ام سهام الله يسلمك عزيزتي، يجي بنين روعة ان شاء الله تجربيه وترديلي بالخبر

المشاركة الأصلية كتبت بواسطة oum radja

اليوم تغديت شكشوكة وفريت ودلاااااااااااع
راني دايرة معركة مع الكوزينة ومازال ما كملتش قلت نريح شوية ونرجع
ووجدت البارح قلب اللوز باش يرتاح ليلة كاملة

الله يكون في عونك اختي ام رجاء، انا راني نستنى نصبغ الكوزينة ومن بعد الميناج ان شاء الله تعاوني اختي
بصحتكم قلب اللوز، قوليلي اذا جبرتي تاع اللبن راهو في بالي وما زال ما درتوش

[chez biba]

المشاركة الأصلية كتبت بواسطة omomnia15

اولا الف مبروك للمتؤهلات كل وحدة باسمها
دائمة الحمد بصحتك الكسكروطات والله يعينك
بيبا بصحتك الشفلور اممممممممم يهبل نموت عليه ويجي خفيف والخبز روعة كاش مرة نديرو ولا في رمضان نشالله سور راجلي يحب المطلوع
kiya بصحتكم المحاجب والله يشفي الوالد والحمد لله على سلامتو
ام سهام شكرا على الفاكية
ام ميتا بصحتك البيتزا والمقرونة الخسارة ماشي مليحة
انا درت قراتان خضر بالفرماج والكرام فراش بنينة تهبل هههههههه حوحو راني دايرة عجينة التارتولات ترتاح والكريمة تبرد مزال غيرنطيبهم وبلاك ندير الفلان والمثلجات اذا جابلنا الزوج الحليب راهو مفقووووووووووووووووود

شكرا ام أمنية، الله يسلمك عزيزتي ان شاء الله وربي يبلغنا رمضان
والله عييت ندير حتى حاجة حلوة ولا كرام قتلني التفنيين من الحمل، ربي يكون في عون كل حامل ويسلكنا على خير ويرزقنا الذرية الصالحة يارب

[مرام 1987]

أهلا أم أمنية وبصحتك الخرجة والمشتريات
أرواحي لعندنا حنا يتباع تأع البقرة فراشسشش والله يهبل وخااااااثر اممممممممم
راكي اليوم معولة على التحليات واقيلا راحا تعشيهم بيهم هههههههه ولا واش قلتي