الجزء 72 من واش طيبتي اليوم???? - الصفحة 91

scorpionoir · 2014-05-05, 17:42

مسلخير عليكم وشراكم؟
بصحتكم واش لبزتو وواش حرفتو .عجزت نراجع بزاف
ام ياسو واش اسمو قاطوك ؟والبنة ؟ بصحتكم
انا مزال عندي تاع لاراب ومبعد نديرلهم لي كراب بالنوتيلا والبنان

دائمة الحمد · 2014-05-05, 17:46

اهلين سكوربيون بصحتك اناليوم تهديت الصباح في الدار راني كاوو ياربي نقدر ندير لعشاء

scorpionoir · 2014-05-05, 17:54

ربي يعينك دائمة الحمد .انا مانتخيلش روحي خدامة .والفت بالدار ما نقدرش نخدم
واذا على العشا اطلبي واتمني تلقايه واجد

دائمة الحمد · 2014-05-05, 17:56

الله يخليك عزيزتي
والله الدار نعمة ربي يدومها

scorpionoir · 2014-05-05, 17:57

عشايالبارح ملوخية بالكرشة على كارها من عند جارتي

وحمى الغرايف اكيد دارتهالنا ام ماجد

scorpionoir · 2014-05-05, 17:59

غدايا قراتان بطاطا بالبيشامال

ودرت عصير الجزر امممممممممممممممممم روعة

دائمة الحمد · 2014-05-05, 18:02

بصحتك عزيزتي كلش يهبل والقرتان باين فيه امممممممممممممممم شفت فيه الطماطم واقيلا

دائمة الحمد · 2014-05-05, 18:03

هزيت صحن الغرايف وطرت بيه

scorpionoir · 2014-05-05, 18:08

صح لقيت شوي طماطم مقلية من البارح زتها للدجاج

R I A D · 2014-05-05, 18:13

السلام عليكم و صحة قهوتكم كلكم
و بصحتكم واش حطيتو من خير و خمير
الله يدوهما نعمة عليكم و على المؤمنين

دائمة الحمد درتي الكورفي الله يعاونك حنونتي

عشايا طاجين الزيتون او يطيب
و تغميسة حارة و سلاد و الحمد لله

اللهم اني اسالك خير هذا اليوم
فتحه , و نصره , و نوره , و بركته , و هداه
و اعوذ بك من شر ما فيه و شر ما بعده

zahra30 · 2014-05-05, 18:17

مساء الخييير وصح قهوتكم وان شاء الله تكونو كامل بخييير
اهلييين دائمة الحمد وام ياسووووو بصحتك القاطو ناقش وحلل كيما قالو الجماعة وبصحتكم

اقتباس:

المشاركة الأصلية كتبت بواسطة أم إناس

اممممممم دخلت على المقروط امممممم هذاك حبي عشقي. يميميميم. يعطيك الصحه اولادي
لبنات حبيت نسالكم على لي راهم يديرو في قلب اللوز. راهم يشوف في الميزان ولا لالا. علبيه خفت ندير قلب اللوز. وناكلو وحدي. وبعد تشوف الميزان نبكي
الامنيات اهلابيك. والروز راه امممممممم وانت وام ياسين راكم متفاهمين
زهرة ياهرة يا حنونه وشراكي اممممواح
سارة بصحتك المشوي وسلمي على خالتي زوبيدة
طير الرحمه اهلابيك حنونه

الحمد لله ام اناسوووو كي تكونو لاباس احنا لاباس

اقتباس:

المشاركة الأصلية كتبت بواسطة lyzzabel

بنااااات تفضلو الباروك تاع حماتي و فارس عبد الرحمن
ليلوشتي كولي أدي حقك قدام لا تخرجي
ام ساجد راني درتلك الطمينة لي طلبتيها بصح ديكوريتها غير بالموجود سااااامبل

ليزابال نذوقو ولا لالالا

بصحتكم والف مبروووك مرة اخرى وعاشت الاسامي

الأمنيات · 2014-05-05, 18:18

السلام عليكم
فطوري لسوب ودنجال بالطون وسلاطة الجزر وفلون ا
الحمد لله الذي اطعمنا وسقانا وجعلنا مسلمين

دائمة الحمد · 2014-05-05, 18:27

مساء الانوار عزيزتي رياض وزهرة صحة فطورك امنيات

awladi · 2014-05-05, 18:29

عشايا او بالحرى عشاء الاولاد بغرير بالزبدة و السكر الزوج مايتعشاش قالي مانكولش ناكل المقروظ هههههههههه تهنيت
عندي شوية سلاطة في الثلاجة ليل و خلاص

رياض بصحتك الزيتون
سكوربيون امممممممممممممممممممم صحيتي يالفحلة
الامنيات بصحتك لسوب و صيامك في الجنة
ام ياسو و اش من قاطو في الكراس قولهلنا
دائمة الحمد ريحتي شوية

lyzzabel · 2014-05-05, 18:32

مرحباً حبيباتي
داءمة الحمد الله يعطيك الصحة
زهرة الله يسلمك حبيبتي وهذوك الطباسا علاش حطيتهم ،، ذوقي و عاودي حبيبتي و لوكان عليا نوصلهالك حتى لعندك
ام رياض بصحتك طاجين الزيتون بالجاج ممممممم نموت عليه و من يديك اكييييد روعة خليلي حقي
امنياتي صح فطورك حبيبتي
نهال بصحتك البطاطا مسبقا و صح فطورك
ساندريلا ياك نتي هي سكوربيو خليلني نعيطلك هاك خييييير بصحتك الملوخية و يعطيك الصحة على البغرير و الغراتان يشهي يشهي مممممم
ام يس بصحتك الروز و الكسرة و القاتو راه يبان شباب

حسبي الله الذي لا اله الا هو عليه توكلت و هو رب العرش العظيم