الجزء 67 من واش طيبتي اليوم مرحبا - الصفحة 91

الأمنيات · 2014-04-10, 09:26

ايزابيل يعطيك الصحة على البريوش راح نجربه ان شاء الله
لوكان حطيتيه موضوع احسن
ام يسرا روضه صباحكم مسك
عطورة روحي بالسلامه

oum ibrahim · 2014-04-10, 09:32

صباحكم ورد يا وردات
غدايا ان شاء الله فول سخفت عليه
روضة على سلامتك عندك غياب يومين هاتي المبرر مع واش رايحة تطيبي اليوم
ليزابيل قتلتيني بهذاك البريوش بصح الله غالب كون نديرو ناكلو وحدي مايحبوهش يحبو غير الحلاوات و الكريمات هههههه يعطيك الف عافية
امنيات ربي يتقبل ماتنسايناش بدعواتك الله يحفظك
بروقة الرقيقة ربي يعطيك ماتتمناي استضفتينا في كوزينتك و كنت السبب في انضمام الكثيرات و تطورهن في عالم الطبخ

douniadiab4 · 2014-04-10, 09:36

صباح الخير على الغاليات
ممكن تعطوني وصفة مليحة للعريبية نتاع الحليب لحظة وتكون هشيشة لاني رايحة نخليها للزيادة نتاعي يعني ممكن تقعد 15 يوم

ام نوردين · 2014-04-10, 09:37

صباحكم فل وياسمين صبا ح السباقيتى ام ماجد وزهرة صباح المقارون اولادى صباح المحاشى دائمة الحمد امممممممم صباح البريوش ىسخف ليزابيل
صباح الخير على الجديدات مرحبا بالرخسيس والروز واللوبيا
صباحك جلبانة خضرا او رحاب وبصحت بنتك ولي كلاو معاها الحلويات

صباح الحساء والتورت امانى شهيتينى
صباحك شربة بايتة ام رياض تتهناى حنونة
صباح الارباح ام محمد نهال الامنيات تقبل الله روضة عروستنا
صباح القراتان ام يسرا بصحتك
عطر تروحي وترجعى بالسلامة
ارق صباح لبروقة وشكرااا عل الاستضافة
ام ابرهيم وياقوت منورين
ياربى نكون مانسيت حتى وحدة حاضرة معانا والغايبات سلام غيابى

أم فاطيمة · 2014-04-10, 09:38

صباحكم سعيد
ليزابيل البريوش هاييييييييييييييل
الامنيات ربي يتقبل منك و ماتنساينيش في الدعاء
بروقة شكرا على حسن الضيافة
غدايا لوبيا بيضا ء انشاء الله

رياحين الجزائر · 2014-04-10, 09:38

صباحكم نور وعسل
ايزابيل هداك البريوش اهبل اهبل ابالي ابدل رايي وانديرو غدوة ادا طلبو مني حاجة انتاع قهوة يخيي يصلح هههههه

2014-04-10, 09:39

حبيبتي نهال تسلمي باين راااائع وباذن الله نديرو راني نقلت الوصفة لركن وصفات الحراير ومعاه وصفة الغالية ليزابيل تاع البريوش امممممممممممممممممم تاني راح ندرو لانو هااايل
ياقوت منوووووووووووووووورة وهاتي ما عندك وفي جعبتك من اطباق
روضة ري يشافيك حنونة
ام نور الدين يا غالية صباااااااااااح الانوار عجبتني تحيك الصباحية المطبخية خخخخخ
ام رياض يا غالية ضحكتيني هههههه وانا كيفك الا خلاو حاجة يلقاوها غدوة لا للتبذير هههههه
اماني السلام عشاك يشهي والتورت روووووووووووووووووعة
دامة الحمد بصحتك المحاشي وفقك الله
ام رحاب يا غالية بانتظار الصور
ام ابراهيم حنونة والله صدقتي مع كوزينة بروقة تعلمنا واستفدنا الكثييييييييييييييييييييييييييييييييييييييييير ربي يجازيها ويرزقها الذرية الصالحة يفرح قلبها ياااارب

رياحين الجزائر · 2014-04-10, 09:41

علابالكم مانعرفش الادواق مع القهوة ولا حليب لالا لحليب ساعات نغلط فيه مع صابلي ولا كروكي بصح القهوة جامي هههههه
روضة ربي يشفيك حنونة كثري ليتيزان ملاح لقريب

oum ibrahim · 2014-04-10, 09:43

الف سلامة عليك روضة طهورا ان شاء الله و ربي معاك
حبوبتي ام يسرا صباحك ورد
ام نور الدين اهلين و سهلين واش غداك ؟؟؟؟؟؟؟؟؟
اختي دنيا ربي يسهللك ان شاء الله للاسف ماعنديش فكرة على غريبية الحليب ان شاء الله يفيدوك البنات

x ام رحاب x · 2014-04-10, 09:48

يعطيك الصحة ليزابال على الوصفة انقليها للقسم حلويات وديريها موضوع يستفادو منها الاخوات
نيهال صباحك سعيد حبيبتي راني سرقت الوصفة باينة هايلة تسلمي

x ام رحاب x · 2014-04-10, 09:51

ام نوردين يالزينة صباحك كل عسل وحيوية ونشاط واش راكي يالحبببة

lyzzabel · 2014-04-10, 09:54

صباح الخيييير للملتحقاااات
فطوري اليوم حريرة راهي تطيب و سلاطة و الحمد لله
كنت نراجع ياااااااع ههه حبيباتي شكراااااا و الله يسلمكم نتوما لي تهبلو ربي يخليكم يا أحلى رفقة
حبيبتي الامنيات ما صورتش مراحل التحضير و التشكيل و المنتدى راه حاااااافل بوصفات البريوش الله يبارك على هذيك ما خممتش نديرها موضوع و صح صيامك و حقك فالجنة
ام يسرا بصحتك الغراتان مسبقاااا وااااي غادي تديري الوصفة تاعي ههههه ننتظر تعلييييقك هههه
رووووضة الحلوة ام نور الدين بروقة ام محمد يا سكرة عطورة تروحي و ترجعي بالسلامة صباحكن مسك و عنبر
رياض بصحتكم الشوربة انا و زوجي ن ع لوكان نصيبو قاع ما ناكلوهاش مي خطرات الله غالب نديرها غير مين تبحرلي
ام ماجد و زهرة بصحتكم لي بات
داءمة الحمد ممممم طيابك يشهي يعطيك الصحة حبيبتي
ام رحاب يعطيك الصحة على المعمول و القاتو لي درتيه لبنتك انشالله صدقة مقبولة و بصحتك الجلبان
اولادي بصحتك المحشي مممممم
ام إبراهيم شكرا حبيبتي و بصحتك واش غادي تطيبي
ام يس سلاااااامتك من الحمى يا حبيبتي نجي حتى لعندك و نديرهالك ههه و لا انقلي الوصفة و ديريها راني حطيتها
أخواتي الجديدات مرحبا بيكم معانا اسمحولي نسيت اسماءكم
دنيا دياب ربي يسهلك و يجيبلك سويعة ساهلة يااااا رب
راني رايحة للميناج نكمله سلااااام

رياحين الجزائر · 2014-04-10, 10:02

امنيات ديما انشوفك بليصايمة ونحشم نطلبك ههههه زعما وجه الحشمة
حبيبتي وقت الافطار ممكن تدعيلي معاك اعجلو لندى بالعملية حبيبتي والله مسكينة كرهت كل نهار دوا وهدو تيزانات حتى عادت تطلب اتروح للطبيب غير اكون الالم تعرفو لولاد يكرهو الطبيب هي العكس اتقولي اديني وتطلب في ليتيزان والدواوات

douniadiab4 · 2014-04-10, 10:06

شكرا لكن اخواتي لكن ولا وحدة تعرف غريبية اللحظة
اذا ماعرفتوهاش اعطيوني لاغوسات نتاع غريبية هشيشة وتبقى طرية لمدة طويلة

ام ندى 87 · 2014-04-10, 10:14

صباح الخير واش احوالكم توحشتكم موت
بصحتكم واش طيبتو انا الغدا مهنية بقالي من البارح لعشية كاشما نخلط راهي نافحتلي على بقلاوة ام اماني غدوى نديرها باذن الله
بروقة كوزينتك جازت خفيفة كيما مولاتها
ا