الجزء 156 واش طيبتي اليوم متعة التذوق مع تكنلوجيا الصورة

[AMMOUOU]

الله يهنيك رزيقة ويفرحك دنيا واخرة وشكرا على الرد ختي
اوك رايحة نشوف الرابط مييييييييييييرسي

[نور الإسلام26]

السلام عليكم
اختي ام صبرين طريقة عمل الجينواز
بالطريقة نتاعي 8 بيض +كأس سكر +1خميرة +لافاني +2 كيسان فرينة
ندير البيض و السكر و لافاني في حمام مائي حتى تطلع نحيها من الحمام ة و ديريلها الفرينة و الخميرة
كي تخرج من الفرن شربيها واش تحبي
التزيين كيما تحبي
صح فطوركم

[omjoujou]

اهلين حبيباتي
اسمحولي هذوين قدرت نحطلكم صور تاع غدايا عندي ضيوف ومقدرتش نكونيكتي قدامهم خخخخخ راني بالتخبية
درت روز في الفور


جبتلكم باه تحليو تاغتولات بالليمون امممممممم وصفة تاع عزيزتي ام وابنة

[معتزة بديني]

المشاركة الأصلية كتبت بواسطة omjoujou

اهلين حبيباتي
اسمحولي هذوين قدرت نحطلكم صور تاع غدايا عندي ضيوف ومقدرتش نكونيكتي قدامهم خخخخخ راني بالتخبية
درت روز في الفور


جبتلكم باه تحليو تاغتولات بالليمون امممممممم وصفة تاع عزيزتي ام وابنة

السلام عليكم
اختي ام جوجو ممكن الرابط تاع لي تاغتولات راهم هايلين

[omjoujou]

جبتلكم عشايا تفضلوا

[انا هي رزيقة]

اهلين بيك و بفطورك ام جوجو بصح راكي سخفتي فيا و روحتي علاه ما سقيتيليش طبسي علابالك راني في الخدمة ضايعة بالشر ... خخخخ بصحتكم حبيبتي و اكيد ضيافك عندهم ما تمتعو بالبنة بصجتهم

[um alaa]

فطورنا و الحمد لله محاجب
. //up./][/url].

[x ام رحاب x]

شيفلور بالمرقة الحمرا والبيض ام رحاب


تنقي الشفلور واتحطيه في الماء والخل وانت وجدي الدرسة تاعك اتحطي 6سنات تاع الثوم في الكوكوط واتحطي الزيت والملح والعكري والطماطم المصبرة وشوية فلفل اكحل وشوية كمون واتقليهم مليح وامبعد مرقي غير شوية واحطي الشفلور وكي يدخلو مليح المرقة اغلقي على الكوكوطة وهو راهو ايطيب بلخف وكي يطيب ويعقد لازم ايكون عاقد واو انحي شوية صوص خليها بجيه ديري شوية حشيش مقطفة وكسري 5 حبات بيض وفيهم شوية موتارد وصبيهم فوق الشيقلور وغطي لاكوكوط تاعك ونقصي النار كي اتشوفيه انشف البيض سقيه في التبسي ولي ايحب لاصوص ايزيد من الي نحيتيه .
مسلمة بالفطرة راني جبتلك الوصفة

[x ام رحاب x]

اهلا لبنات واش راكم حبيباتي وصحة فطوركم مطرح مايسري يمري
ام صابرين واش راكي وبصحتك كل شيء ايشهي
ام الاء بصحتك المحاجب والحلويات ايشهو
رزيقة بصحتك العشاء ايشهي كي العادة
ليزا حنونة عندي مدة ماتلاقيناش واش راكي
كوكا واش الاخبار راكي ادزيدي ولا مزال
ام تاج اهلا وسهلا حبيبتي
مسلمة بالفطرة شكرا حبيبتي تسلمي راني حطيتلك الوصفة وراهي في صفحة 90 في وصفات حراير الجلفة

[ام سارة18]

مساء الخير جميعا
دخلت على خيرات ام يسرى الزيتون يسخف
ام رحاب اطباق روعة
رزيقة السلطة نتاع البرتقال هايلة نحب البرتقال بزاف
ام الاء ماساء الله كل شيء روعة
ليزا بصحتك القرتان
ام صبرين خرجلك القاطو هايل رهو في القايمة باه نجربو
ام جوجو الارز والتارثولات هايلين بصحتكم
وبالنسبة للرخسيس انا عيني ميزاني نحط السميد والملح والخميرة ونخلط من بعد نزيد الزيت انا نكتر الزبت زوجي يحبها مبسسة ونحلط ونزيد الماء دافىء شوية برك ونجمعها نخليها ترتاح شوية ونزيد نعجنها شوية ونطيبها هادا ماكان جبتهالك غير في شوية شوية منعرفش نشرح ان شاء الله تكوني فهمتيني

[نور الإسلام26]

سلام عليكم

[ام سراج وملاك]

مساء الخير عليكم ان شاء الله تكونو كامل بالف خير يعطيكم الصحة كامل واش راكم تحطو روائع ربي يبارك هذا عشاء درتو لبارح كانو عندي ضياف جاوني علة غفلة درتو بالموجود لي عندي كان نتاع زربة برك النهار ولا قصير ميلحقش الواحد باش يطيب درت سلاطة وروز بالشومبينيو وصدر دجاج وزيتون مقطع دوائر عجبهم بزاف ودرت سوب بالحم المرحي الوصفة نتاعي وفلفل حار وطاجين حلو وخبز معجنتش مكفانيش الوقت مكنتش معولة يجيوني لبارح وقازوز وديسار والحمد الله نخليكم مع الصور













وهاذي بعثتهالكم ام ماسين باش تحليو بيها لبارح كانت هيا ثاني معانا دارتها لبنها في الحفلة نتاع لمدرسة وقالتلكم ضك تحط صور نتاع تحضيرات طهارة بنها موضوع قريباان شاء الله واخيرا لقات الصور في لابراي نتاعها

[منال ومنير]

المشاركة الأصلية كتبت بواسطة ام سراج وملاك

مساء الخير عليكم ان شاء الله تكونو كامل بالف خير يعطيكم الصحة كامل واش راكم تحطو روائع ربي يبارك هذا عشاء درتو لبارح كانو عندي ضياف جاوني علة غفلة درتو بالموجود لي عندي كان نتاع زربة برك النهار ولا قصير ميلحقش الواحد باش يطيب درت سلاطة وروز بالشومبينيو وصدر دجاج وزيتون مقطع دوائر عجبهم بزاف ودرت سوب بالحم المرحي الوصفة نتاعي وفلفل حار وطاجين حلو وخبز معجنتش مكفانيش الوقت مكنتش معولة يجيوني لبارح وقازوز وديسار والحمد الله نخليكم مع الصور













وهاذي بعثتهالكم ام ماسين باش تحليو بيها لبارح كانت هيا ثاني معانا دارتها لبنها في الحفلة نتاع لمدرسة وقالتلكم ضك تحط صور نتاع تحضيرات طهارة بنها موضوع قريباان شاء الله واخيرا لقات الصور في لابراي نتاعها

صباح الخير ام ساج وملاك
يعطيك الصحة علي الاكل والله يشهي مشاء الله علي المحط تع الاكلات
ممكن تعطيني الوصفة تع الروز بشومبينيو جابلي الزوحي الشومبينيو ماتضحكوش عليا جامي الي تيبتو
والسلاطة تعك واشنو هديك مع تع الخص

[ام سراج وملاك]

المشاركة الأصلية كتبت بواسطة منال ومنير

صباح الخير ام ساج وملاك
يعطيك الصحة علي الاكل والله يشهي مشاء الله علي المحط تع الاكلات
ممكن تعطيني الوصفة تع الروز بشومبينيو جابلي الزوحي الشومبينيو ماتضحكوش عليا جامي الي تيبتو
والسلاطة تعك واشنو هديك مع تع الخص

يعطيكم الصحة كامل واش حطيتو
اهلا اختي مشكورة على كلامك الرائع اسمحيلي هذا وين دخلت وصفة الروز راني حطيتها لبارح بلاكش متولهتيش ليها هاهم الوصفات لمفهمتسيش حاجة سقسيني عادي

[تهاليل]

السلام عليكم ورحمة الله وبركاته

لي بيني

مركز تحميل الصور