عصاة الخدمة الوطنية. و المحكمة العسكرية - الصفحة 90

yous86 · 2013-03-23, 14:24

السلام عليكم
عندي سورسي ينتهي في 14 مارس ولما ذهبت الى الدرك لم اجد اسمي
هل يحق لي استفادة من سورسي بعد 14 مارس علما ان عندي لردبال الاولى خرجت في 2011
و سورسي لي راه عندي جبتو ب capa هل اعد تسجيل capa ام يحق لي التسجيل بلليسانس
وهل اذهب في مارس ام في افريل

المرسم · 2013-03-23, 17:54

اقتباس:

المشاركة الأصلية كتبت بواسطة nacerbba

السلام عليكم اخي المرسم و يعطيك الصحة
المشكل ان ملف الكفالة غير جاهز حاليا
و اذا عطيتهم الشهادة المدرسية و من بعد تمت تبرئتي
هل استطيع دفع ملف الكفالة و قي اي جهة على مستوى المحكمة أم المركز

يا احي انت روح جرب الملف ايلا قبلوه منك يعطوك استدعاء تاع 2او 3اشهر ويعيطولك في لونكات تاع الدرك تاعهم ديرها ومبعد المحكمة تقرر باعفائك ام لا بعد تقرير الدرك تاعكم اخي

mouhamed.bac2013 · 2013-03-23, 18:12

اخي المرسم هل يمكنني عمل السورسي بأمر استدعاء المرفوق بأمر الالتحاق عندما اكون ادرس ام لا ؟

المرسم · 2013-03-23, 18:20

اقتباس:

المشاركة الأصلية كتبت بواسطة mouhamed.bac2013

اخي المرسم هل يمكنني عمل السورسي بأمر استدعاء المرفوق بأمر الالتحاق عندما اكون ادرس ام لا ؟

اخي ايلا راك تدرس تقدر دير سورسي بشهادة مدرسية ام اذا لم تكن تدرس لا تستطيع عمل سورسي انا صراتلي ماقدروش يعملولي سورسي لان معها امر الا لتحاق

nori_tlm · 2013-03-23, 23:41

السلام عليكم خاوتي ...
راني شفت بزاف الحالات التي يعاني منها الشباب الجامعي بسبب الخدمة الوطنية ولله غير شيء يحطم الهمة الشاب في بناء مستقبله فبعد سنوات عديدة من الدراسة وبعد التخرج تجد نفسك اما عائق الخدمة الوطنية ,,,, مهم راني حبيت نحكي حالتي مع الخدمة الوطنية ولي يقدر يفيدنا ما يبخلش علينا بالنصيحه انا من تلمسان عمري 29 سنه خلص الجامعة في 2011 دبلوم مهندس دولة في الاعلام الالي بعد التخرج مباشرة درت ملف الكفاله انا لكبير فالدار وعندي خويا صغير عليا بالتانويه و والد شفاكم الله مريض مرض مزمن عمرو 80 سنه والوالدة ايضا مريضه المهم حبيت نقول بلي انا كفيل بالعائلة وكنت نخدم ونقرا فالجامعة انا درت الملف كامل وبشيت نحطو بالناحيه العسكرية الثانية بوهران في ديسمبر 2011 قالولي روح حتى تجيك لوردابال وارواح حط الدوسي استنيت حتى لمارس جاتني لوردابال 22 مارس مدرسة الاشارات القليعة عاود جددت الدوسي و بشيتلهم وللاسف محبوش يحكمو عليا الدوسي على جال لافيزيت مافوتهاش اكرهت حياتي يومها,,,, ياخاوتي واش نقولكم برداوني نيشان كل خطرة نبشيلهم نقول بالك ربي يهديهم ,,, مكان والو هادي عامين وانا معلق نساوني ,,,, وهذا 22مارس جاتني لوردابال الثانيه مدرسة المشاة سيدي بالعباس
المهم انا راني عارف زوج صوالح بالنسبه للحالة تاعي اللولى:نرفد كابتي ولوردابال ودوسي تاع الكفالة ونبشي للكازيرنا وثانيه :نستنى لوردابال الثالثة وبي دروشارش ونولي عاصي ونبشي للمحكمه العسكرية وندي الدوسي تاع الكفالة وندافع به على ىنفسي خاوتي اذا كاين حاجه اخرى بما ذا تنصحوني,,,,,,,,,

المرسم · 2013-03-24, 08:43

اقتباس:

المشاركة الأصلية كتبت بواسطة nori_tlm

السلام عليكم خاوتي ...
راني شفت بزاف الحالات التي يعاني منها الشباب الجامعي بسبب الخدمة الوطنية ولله غير شيء يحطم الهمة الشاب في بناء مستقبله فبعد سنوات عديدة من الدراسة وبعد التخرج تجد نفسك اما عائق الخدمة الوطنية ,,,, مهم راني حبيت نحكي حالتي مع الخدمة الوطنية ولي يقدر يفيدنا ما يبخلش علينا بالنصيحه انا من تلمسان عمري 29 سنه خلص الجامعة في 2011 دبلوم مهندس دولة في الاعلام الالي بعد التخرج مباشرة درت ملف الكفاله انا لكبير فالدار وعندي خويا صغير عليا بالتانويه و والد شفاكم الله مريض مرض مزمن عمرو 80 سنه والوالدة ايضا مريضه المهم حبيت نقول بلي انا كفيل بالعائلة وكنت نخدم ونقرا فالجامعة انا درت الملف كامل وبشيت نحطو بالناحيه العسكرية الثانية بوهران في ديسمبر 2011 قالولي روح حتى تجيك لوردابال وارواح حط الدوسي استنيت حتى لمارس جاتني لوردابال 22 مارس مدرسة الاشارات القليعة عاود جددت الدوسي و بشيتلهم وللاسف محبوش يحكمو عليا الدوسي على جال لافيزيت مافوتهاش اكرهت حياتي يومها,,,, ياخاوتي واش نقولكم برداوني نيشان كل خطرة نبشيلهم نقول بالك ربي يهديهم ,,, مكان والو هادي عامين وانا معلق نساوني ,,,, وهذا 22مارس جاتني لوردابال الثانيه مدرسة المشاة سيدي بالعباس
المهم انا راني عارف زوج صوالح بالنسبه للحالة تاعي اللولى:نرفد كابتي ولوردابال ودوسي تاع الكفالة ونبشي للكازيرنا وثانيه :نستنى لوردابال الثالثة وبي دروشارش ونولي عاصي ونبشي للمحكمه العسكرية وندي الدوسي تاع الكفالة وندافع به على ىنفسي خاوتي اذا كاين حاجه اخرى بما ذا تنصحوني,,,,,,,,,

اخي اتكل على ربي وروح للكازيرنة ودفع الملف تاع الكفالة ويلا ماكش باغي تروح قارع حتىتولي عاصي ودفع الملف في المحكمة العسكرية

brasport · 2013-03-24, 12:37

السلام عليكم ورحمة الله وبركاته
اخي المرسم انا الان ابلغ من العمر 28 سنة وانا عاصي لكنني ادرس في الجامعة هل اذا ذهبت الى المحكمة وحصلت على البرائة هل سيمنحونني تاجيل وماهو الوقت المناسب للذهاب هل شهر مارس مناسب مع العلم انه الشهر الذي يذهب فيه من تحصل على الاستدعاءات للثكنة او اتركها حتى يمر شهر مارس ارجوك اريد ردا سريع وشكرا.

panasoni · 2013-03-24, 19:30

اخوتي لقد جائني استدعائين الاول في مارس والثاني امر بالالتحاق في سبتمبر وانا الان متزوج هل استطيع ان اكون ملف كفالة مع الاعلم ان ابي موظف ودخله ضعيف انصحوني جزاكم الله خيرا

brasport · 2013-03-25, 19:22

السلام عليكم ورحمة الله وبركاته
اخي المرسم انا الان ابلغ من العمر 28 سنة وانا عاصي لكنني ادرس في الجامعة هل اذا ذهبت الى المحكمة وحصلت على البرائة هل سيمنحونني تاجيل وماهو الوقت المناسب للذهاب هل شهر مارس مناسب مع العلم انه الشهر الذي يذهب فيه من تحصل على الاستدعاءات للثكنة او اتركها حتى يمر شهر مارس ارجوك اريد ردا سريع وشكرا.

nori_tlm · 2013-03-25, 23:22

سلام عليكم خاوتي ,,,,,,,
قالولي بلي جاتني لوردابالالثانية وكي بشيت نجيبها من الدرك الوطني قعد يكتب في ورقه بيضاء (الاسم ,,اللقب,,,,, المهنه رقم الهاتف ,,الخ) علما اني خريج 2011 مهندس ولم يقبل مني ملف الكفاله بسبب عدم اجتياز الفحص الطبي ارفت لوردابال كان فيها امر استدعاء oa بصح ركبني الشك كي قعد يكتب في الورقة البيضاء افيدونا جزاكم الله خيرا ,,,

MOUSSAOUI048 · 2013-03-26, 08:03

الســــلام عليكـــم

مشكل لم أجد له حل فالرجاء المساعدة و التوجيه

عايش أنا و الام وهي مريضة مرض مزمن ، الأب متوفي ليس لدي اخوة وجدة ملف الكفالة كي روحة ندفعوقالولي متقدرش تدفع مراكش مفوت الفحص الطبي .

libanarim · 2013-03-26, 19:37

اقتباس:

المشاركة الأصلية كتبت بواسطة moussaoui048

الســــلام عليكـــم

مشكل لم أجد له حل فالرجاء المساعدة و التوجيه

عايش أنا و الام وهي مريضة مرض مزمن ، الأب متوفي ليس لدي اخوة وجدة ملف الكفالة كي روحة ندفعوقالولي متقدرش تدفع مراكش مفوت الفحص الطبي .

صحيح
الحل هو أن تنتظر حتى تصبح عاصي ثم تتوجه للمحكمة العسكرية
ربي يفرج علينا وعليك

turisme2 · 2013-03-26, 19:40

اقتباس:

المشاركة الأصلية كتبت بواسطة libanarim

صحيح
الحل هو أن تنتظر حتى تصبح عاصي ثم تتوجه للمحكمة العسكرية
ربي يفرج علينا وعليك

اخي ابراهيم هل من جديد عن مواليد 1982 و1983 وشكرا؟؟؟

~~غليزاني 26 سنة~~ · 2013-03-26, 22:08

السلام عليكم
الى كل من وصله امر الالتحاق
مدا كتب في ورقة الاستدعاء
هل استلمتم ورقة واحدة ام ورقتين
و هل الدرك يحتفظ بالورقة البيضاء و اعطاكم فقط الاستدعاء

nori_tlm · 2013-03-26, 22:08

سلام عليكم خاوتي ,,,,,,,
قالولي بلي جاتني لوردابالالثانية وكي بشيت نجيبها من الدرك الوطني قعد يكتب في ورقه بيضاء (الاسم ,,اللقب,,,,, المهنه رقم الهاتف ,,الخ) علما اني خريج 2011 مهندس ولم يقبل مني ملف الكفاله بسبب عدم اجتياز الفحص الطبي ارفت لوردابال كان فيها امر استدعاء oa بصح ركبني الشك كي قعد يكتب في الورقة البيضاء افيدونا جزاكم الله خيرا ,,