الجزء رقم 185 من الكوزينة بالمحبة والابداع نرتقي - الصفحة 90

أم فاطمه · 2018-01-04, 10:36

اقتباس:

المشاركة الأصلية كتبت بواسطة fifilondon

عشايا البارح كان جواز بطاطا وزرودية وجلبانة باللحم وكسرة القمح وليوم فطوري ان شاء الله سباقيتي والحمد للله على النعمة ربي يدومها على الجميع

ماصورتش جبتلكم من الارشيف
صحى فطوركم

صح عشاك مرق البطاطة والجنبال مع الزرودية

والفطور سباقيتي والكسرة تكليها بلصحة انشاء الله

مروى122 · 2018-01-04, 11:34

السلام عليكم خواتاتي انا ام يوسف اعدريني ام فاطمة مارانيش ندخل خويا راه سبيطار كنت مصدومة دعواتكم والمودام را خاسر راني ادا لقيت وقت ندخل

أم فاطمه · 2018-01-04, 12:03

السلام عليكي ام يوسف انشاء الله مشي حجا خطيرة

ماتتقلقيش اختي انشاء الله يرتاح ويرجع كما كان الله يشفيه شفاء لا يغادر سقما. طمنينا عليه كي يكون عندك الوقت
في امان الله حنونة

RIMA.87 · 2018-01-04, 12:55

السلام عليكم اخواتي في الله،
ما يكون غير الخير ان شاء الله اختي ام يوسف ،طهورا ان شاء الله على خوك ،

اهلين برجوعك اختي حياة و الحمد لله كي ما كان حتى خطر،مشكورة على السؤال ، الحمد لله على نعمه ،
الغالية ام رحاب عودة موفقة بين اهلك ،و نسأل الله ان يرحم والدتك و جميع امهاتنا الأحياء منهم و الاموات و يرحم والدينا و والدي والدينا،
اختي فيفي بصحتك السباقيتي ،
فطورنا اليوم بطاطا بيري في الفرن ،

اللهم لك الحمد حتى ترضى و لك الحمد اذا رضيت و لك الحمد بعد الرضى

مروى122 · 2018-01-04, 12:55

يعطيد الصجة ام فاطمة
شكون تقدر تقولي كيفاه ندخل المنتدى باسمي لانو ماقدرتش ندخل مالميكرو

مروى122 · 2018-01-04, 12:56

ام فاطمة اخي عمل حادث فالعمل الجمدلله خرجت سلامات لكن راه مكطسور مسكين قطعلي قلبي

مروى122 · 2018-01-04, 12:57

شكرا حبيبتي ام ريمة

أم فاطمه · 2018-01-04, 13:00

لبنات صح فطوركم مطرح مايسري يمري

تفضلو فطوري المرق البطاطة بالجنبال والكشار والسلاطة والفاكهة الحمد للله ربي العالمين

.

.

أم فاطمه · 2018-01-04, 13:06

اقتباس:

المشاركة الأصلية كتبت بواسطة rima.87

السلام عليكم اخواتي في الله،
ما يكون غير الخير ان شاء الله اختي ام يوسف ،طهورا ان شاء الله على خوك ،

اهلين برجوعك اختي حياة و الحمد لله كي ما كان حتى خطر،مشكورة على السؤال ، الحمد لله على نعمه ،
الغالية ام رحاب عودة موفقة بين اهلك ،و نسأل الله ان يرحم والدتك و جميع امهاتنا الأحياء منهم و الاموات و يرحم والدينا و والدي والدينا،
اختي فيفي بصحتك السباقيتي ،
فطورنا اليوم بطاطا بيري في الفرن ،

اللهم لك الحمد حتى ترضى و لك الحمد اذا رضيت و لك الحمد بعد الرضى

أهلا ريما صح فطورك لبيري مممممم رائعة الله يعطيك الصحة

أم فاطمه · 2018-01-04, 13:10

ام يوسف الحمد للله على سلامته الله يشافيه امين

ركي تكتبي باسم مروا هدي شكون اختك

أم فاطمه · 2018-01-04, 13:14

ام يوسف البرطابل لي ركي تكتبي بيه مشي ديالك املا ماتقدريش تدخلي تعلقي بيه لان مركيش مسجلة فيه ركي مسجلة في برطابلك اضن فهمتني

انا هي رزيقة · 2018-01-04, 13:38

السلام عليكم يا احلى لمة ....فتحت على جوازات فيفي اللندنية الفحلة و ام فاطمة مولات الخيمة الكريمة ....تسلم دياتكم و ربي يبارك لكم في الرزق و النعم يا بنات ... نموووت على الجوازات لاني في داري منطيبهاش يا خاوتي مول الشي ميحبهاش ......خخخخخ
ام رحاب غاليتي الف الف الف حمدا لله كي دخلتي و طمنتينا عليك يا طيبة الجلفة و الله حسيت بيك حنونتي ....فعلا يعجز اللسان عن ايجاد كلمات تخفف من حزنك و من حزن كل واحد فقد عزيز عليه .... بصح واش نقولك يا طيبة انا لله وانا اليه راجعون هذي علابالك بيها... و لن يبقى عليها غير وجه الله .... نحن مجبرون على مواصلة الحياة عزيزتي بحلوها و مرها ... و الايمان بقضاء الله و قدره من سمات المؤمن .....ربي يرحمها و يرحم كل موتانا يا رب العالمين .... و الف شكر عزيزتي على هذوك الاطياب المشهية امتعتينا فعلا عزيزتي
اختي ريما مشاء الله و تبارك الرحمان على اطايبك و اطايب اختك و الله دون مجاملة حنونتي البوري و الغراتان و الازانيا من اروع ميكون...... اممم و اممم و اممم و نزيدلها اممم تع الصح ...... خخخخخ
بنت خالتي حيوتة ....الف الف حمدا لله على رجوعك سالمة غانمة الى بيتك.. اسكتي برك كنت حابة نتليفونيلك نطمن عليك بصح مقدرتش حنونتي صوتي داتو لغريب وليت منسمعش ....... خخخخخخ المهم يا مامي على الخير لي حطيتيه ..... ربي يبارك . سورتو هذيك الجاجة .... ياختي سخفتينا يعطيك الربح ...... خخخخ حقا سلميلي بزاف على ام هدولة .....
اختي ام يوسف الف سلامات على اخوك ربي يجبر به يا رب ...و يشفيه ان شاء الله يا رب العالمين
حقا اختي فيفي .... اتاريكي شنوية و معلاباليش ... و انا كنت نسقسي في روحي منين جايبة هذيك الفحولة كامل ....مشاء الله عليك حنونة ....فحلة من ظهر فحلات ...... ايه شفتك حطيتي سباغيتي ياي على جمالو كيما يحبو خاطري ..... يسلمو دوك اليدين ......

انا هي رزيقة · 2018-01-04, 13:44

انا اليوم جبتلكم ولد عم السباغيتي .... المقرونة حبي .... راهي في خاطرك يا حيوتة و هذي تع زيكو يحبها بلاش يعني بدون لحم و لا دجاج .... فقط بالثوم و لازم تكون حمرا تع الصح ....... خخخخخخ

انا هي رزيقة · 2018-01-04, 13:48

و هذو كواليس عشاء اليوم ان شاء الله ... كفتة لحم حضرتها الصباح قبل منجي للخدمة باه لعشية يبقالي غير نشويها ... و نزيد معاها طبق مرافق ... مزال مقررتش بلاك ارز او برغل تركي ..... ان شاء االله اذا منسيتش و اذا مكنتش عيانة نصوركم النتيجة الجميلة .....و الحمد لله حمدا كثيرا مباركا فيه..... سبحانك ربي اني ظلمت نفسي فاغفر لي ... نخليكم في امان الله يابنات تهلاو في اروحتيكم

أم فاطمه · 2018-01-04, 14:10

اقتباس:

المشاركة الأصلية كتبت بواسطة انا هي رزيقة

انا اليوم جبتلكم ولد عم السباغيتي .... المقرونة حبي .... راهي في خاطرك يا حيوتة

و هذي تع زيكو يحبها بلاش يعني بدون لحم و لا دجاج .... فقط بالثوم و لازم تكون حمرا تع الصح ....... خخخخخخ

اهلا بي الغالية رزيقة المشاكسة ههههه صح فطورك الله يبارك على المقرون يهوس بصحة

الفطامين نفعك ههههههه