الى ام اسيد1 وكل وحدة حاصلة واش الطيب - الصفحة 90

ام حمزة22 · 2014-12-05, 07:58

لبنات والله ماعرفت كيفاه راح الرد
مازال ماكملت حتى لقيتو تبعت
ان شاء الله نقدر نكمل ونبعتلكم الصور

ام سوهيل · 2014-12-05, 09:29

صباح الخير للجميع جمعة مباركة ام حمزة على سلامتك

صدفات · 2014-12-05, 14:40

السلام عليكم ورحمة الله وبركاته جمعة مباركة للجميع بالتوفيق في اعمالكم
أم حمزة على سلامتك توحشناك اليوم لبنات درت الطعام واللحم بالخرشف و البطاطا القصبية صدقوني المرق جا بنة روعة مميزة قلت نخبركم باه جربوه حتى بنتي لي ما تاكل لمرق كلات و زادت و انا راح الرجيم زينب غادي تقولي ما عندي مانحسبلك السعرات الحرارية. المهم سلام حبيباتي نروح نشوف شتى ندير عشوية ونرجع.

*أم جابر* · 2014-12-05, 20:26

السلام عليكم ورحمة الله و بركاته حياكن الله جميعا كيف الاحوال و الاولاد بخير انشاء الله حفظكم الباري من كل شر

صدفات · 2014-12-05, 23:15

يا سلام عليكم يا بنات حتى وحدة ما بانت يا رب المانع خير تصبحون على خير

saida94 · 2014-12-05, 23:32

الله يعينك ...

صدفات · 2014-12-06, 09:03

السلام عليكم و رحمة الله
كيف أصبحتم وين راكم راكم غيبتو حتى وليت نكتب سجع
على كل حال هذا فنجان قهوة لالتي تدخل الأولى و تصبح

روح مراد · 2014-12-06, 09:18

صباح الخير صدفات الحاضرةو صباح الخير لكل الأخوات
صدفات البطاطا القصبية يعني بطاطا ترفاس على ما أضن
أنا طيبت البارح شوفلور جواز بمرقة الجاج باش تاكل عجوزتي و في المساء درت باقي الشوفلور فلفور بالجبن و البيض
اليوم راحة نطيب شربة إن شاء الله مع سلاطة أو مع سلق مازال ماعلاباليش عى حسب الموجود
درت خفاف البارح جا هايل (نشكر في روحي) لالا بشهادة خاوتي اللي كلاو و عماتي و أولادهم قالو هايل
نتمنى تكونو كامل بخير رايحة نبقى في المنتدة نطل منيناك عليكم

صدفات · 2014-12-06, 09:37

الحمد الله بانت وحدة على سلامتك روح مراد و بصحتك الخفاف نعرفك شاطرة و البطاطا القصبيية ماشي الترفاس هذاك غالي بزاف القصبية هي topinambour و روحي شوفيها في هذا الرابط
https://www.djelfa.info/vb/showthread.php?t=1718963

هذه هي في الصورة

روح مراد · 2014-12-06, 13:06

صحيتي صدفات عندك الحق كامل غايبات غدوا مانعاودوش الدرس
اليوم السبت يكونو خرجو يحوسو ماشي كي حالتي خدامة اليوم

صدفات · 2014-12-06, 13:12

حتى أنا راني خدامة مازال ما فطرتش ربي يعاونك روح مراد

*أم جابر* · 2014-12-06, 13:50

السلام عليكم و رحمة الله و بركاته انشاء الله راكم ملاح صدفات و روح مراد الله يعاونكم

ام حمزة22 · 2014-12-06, 21:50

السلام عليكم ورحمة الله تعالى وبركاته
وىش حوالكم البنات
والله توحشتكم
راني بسيف باه ندخل للمنتدى للاسف
صدفات حنا هديك البطاطا كنا نسموها بطاطة الترفاس كنا نطيبوها شطيطحة بالدرسة
ودرك ولينا نشوفو النوع التاني لبطاطا الترفاس كيما قلتي غالية هي تنوض كي الفطر لاكن تقدري طيبيها غيىر محمرة بالزبدة

صدفات · 2014-12-06, 22:08

مساؤكم سعيد لبنات كي راكم أم حمزة على سلامتك توحشناك
القصبية حنا في دارنا ما نديروهاش انا زوجي يحبها كل ما يصيبها يجيبه
و كاين شحال من طريقة في طيابها أم حمزة كنت في مرة سابقة بحثت على وصفة الدوبارة نتاع بسكرة لكن دون جدوى دخلت في موضوع واش طيبتي اليوم وكذلك بدون جدوى يا ريت حبيبتي تشوفي بلاك تلقايها هي جي بالكرشة وحدها مع الحمص مرقة حمراء

ام حمزة22 · 2014-12-06, 22:12

ام هديل فرغي صندوق الرسائل لو سمحتي