الجزء81من مطبخ واش طيبتي اليوم ** مرحبا بالكل **

[om kamilia]

ماري ربـي يشافيك ختي

[idron0]

دعاء اليوم الثالث و العشرين
أللّهُمَّ اغْسِلني فيهِ مِنَ الذُّنُوبِ ، وَ طَهِّرْني فيهِ مِنَ العُيُوبِ ، وَ امْتَحِنْ قَلبي فيهِ بِتَقْوى القُلُوبِ ، يامُقيلَ عَثَراتِ المُذنبين .

[إلهام07]

صباح الخير عليكم


صراحة جابتني ام ماجد كنت نقرعج في صمت

رايحة نهبل عجبوني بزاف قاطوات وشريت كل اللوازم وماعرفت واش ندير جيت نطل انتوما بديتو في القاطو ولا مازال وواش درتو قاطو ؟

أنا خيرت التشاراك المسكر هذا هو الوحيد اللي متأكدة منو بإذن الله وهذو القاطوات بصراحة كامل عجبوني بصح مانيش حابة نكثر الأنواع عيانة وماكانش اللي يعاوني :

* المخبز
* صابلي (حرت واش ندير شكل وتزيينو )
* باركات النيستلي
* لي كورني
* غريبية باللوز
* صابلي النيستلي والنوتيلا
* هليلات البيمو نتاع حفيظة
* قطايف
* قاطو الجلجلانية بالنيستلي
* قلوب الكاوكاو والشكلاطة
* المشكلة
* صابلي الميرانق

[أم ماجد]

توحشناك الهام يا اهلا بيك
والله تعرفي تخيري واووووووووووووو
كامل عجبوني لكن شكون يدير ؟ههههههههههههههه
اول عام نتثاقل على القاطو بهاذ الطريقة

[om rofida]

المشاركة الأصلية كتبت بواسطة simassim

راح نكتب الوصفة اختي بصح مأزالوا يطيب كي يكمل راني نحط الصور بصح يخرج هايل ويعطي كمية مليحة وزيد ساااااااااااااااهل
ذوق شكلاطة و نوا كوكر والليمون امممممممممممممممم
المقادير
250 غ فرينة
300 غ سكر
125 نوا كوكو
4 مغارف صغار كاكاو
1لفاني او زست ليمون او برتقال او ممكن تخلطيهم
1 خمارة حلوى
خلطي كلش مليح أنا استخدمت روبو
ثم ضيفيلهم
250 غ زبدة دائبة
3 بيضات طلعيهم شوية بالفوي

خلطي الكل حطيه في بلا تاع الكوشة أنا درت نصف المقادير دارتلي بلا تاع 23x30 cm منحبهاش غليظة بزاف
طيبي ها في كوشة 180 تأكدي بالسكين ادا طابت او مزال
وجدي مربى وعصير نصف ليمونة خليهم يغلو شوية وكي تخرجي القاطو وزعيه عله وخليه يشرب
ذوبي شكلاطة وحطيها فوقها وخليها تبرد وزوقيها بالشكلاطة بيضاء او نواد كوكو قطعيها مربعات
وشهية طيبة ان شاء الله تجريبها وأعجبك
ملاحظة اخيرة كلما قعدت الذوق تاعها يكون أحسن
أنان حضرها واللي يبقى ونخدم بها تيراميسو يجي روعة خير من القاطو ناشف

السلام عليكم شكرا ان شاء الله نجربها قداش تخرج حبة

[imene mimicha 05]

المشاركة الأصلية كتبت بواسطة idron0

دعاء اليوم الثالث و العشرين
أللّهُمَّ اغْسِلني فيهِ مِنَ الذُّنُوبِ ، وَ طَهِّرْني فيهِ مِنَ العُيُوبِ ، وَ امْتَحِنْ قَلبي فيهِ بِتَقْوى القُلُوبِ ، يامُقيلَ عَثَراتِ المُذنبين .

بارك الله فيك جعله الله في ميزان حسناتك

[إلهام07]

ههههههه المودالات ملاح بصح اللي يدير ماكانش انا العام هذا زعمة خيرت القاطوات وشريت لوازمهم قبل رمضان وخبيتهم بصح ضرك كي جا وقت الصح ذهبتلي

ام ماجد انا القاطو نتاع العيد بالنسبة ليا في السنوات الاخيرة رجع كوشمار نحصل في جدو وحدي والله كرهت مايحبوش يعاونو وإذا عاونو شوية برك ويهربو
حقة قلتيلي رايحة تزيدي مودال واش هو


هيا بنات قولو واش خيرتو انواع

[imene mimicha 05]

المشاركة الأصلية كتبت بواسطة إلهام07

صباح الخير عليكم


صراحة جابتني ام ماجد كنت نقرعج في صمت

رايحة نهبل عجبوني بزاف قاطوات وشريت كل اللوازم وماعرفت واش ندير جيت نطل انتوما بديتو في القاطو ولا مازال وواش درتو قاطو ؟

أنا خيرت التشاراك المسكر هذا هو الوحيد اللي متأكدة منو بإذن الله وهذو القاطوات بصراحة كامل عجبوني بصح مانيش حابة نكثر الأنواع عيانة وماكانش اللي يعاوني :

* المخبز
* صابلي (حرت واش ندير شكل وتزيينو )
* باركات النيستلي
* لي كورني
* غريبية باللوز
* صابلي النيستلي والنوتيلا
* هليلات البيمو نتاع حفيظة
* قطايف
* قاطو الجلجلانية بالنيستلي
* قلوب الكاوكاو والشكلاطة
* المشكلة
* صابلي الميرانق

الهام مرحبا بيك و الله اختياراتك هايلة

انا درت المقروط نتاع النقاش
و التشاراك بالطلية
و قاطو الجلجلانية و النيسلي

حابة ندير كاش نوع جديد بصح معرفتش واش هو
و حابة ندير الدزيريات

[أم ماجد]

الهام ندير بلاك بلباك سينية مقروط سخفوني الاخوات والشيخ يحبو
روزا مازالت تدلى هههههههههههه راهي تقول نخير وحدي :d:d:d

[إلهام07]

المشاركة الأصلية كتبت بواسطة imene mimicha 05

الهام مرحبا بيك و الله اختياراتك هايلة

انا درت المقروط نتاع النقاش
و التشاراك بالطلية
و قاطو الجلجلانية و النيسلي

حابة ندير كاش نوع جديد بصح معرفتش واش هو
و حابة ندير الدزيريات

هيه فكرتيني في الدزيريات هذا وين كنت نشوف في نتاع فلة وعندي المول ونسيت نكتبهم هذا العام اعلنت التمرد على البقلاوة ياخاه كرهناها قلت نعوضها بمخبز او مشكلو او قطايف أو دزيريات وأغلب ظني ندير القطايف لانو ساهلين ماهلين وعندي شريتهم
راني كاتبة في ورقة أسماء الأنواع اللي عجبوني باش من بعد نخير لانو على بالي ننساهم

حقة عاجبني قاطو نص بنص نتاع ام اماني وقاطو البيضة بصح صراحة يقلقو ماحطيتهمش في القائمة


كي راكي حابة ديري نوع جديد شوفي في قاطوات ام أماني

[selma2013]

صباح الخير عليكم الهام هذي غيبة الله لا يغيبك أنا لا ليست تاعي هي

الفو مخبز بالعجينة السحرية
الغريبية تاع أم كوثر
بقلاوة بطريقة أم أنس
مربعات بحلوة الترك تاع لينا
صابلي التاج
وعجبني المعمول تاع أم رامي حبيت نجربو جامي درت المعمول قلت نغير العادة تاع المقرود

ولكن عندي نفس المشكل تاعك راني عجزااانة وزيد راني في قلب الصحراء العام هذا يا يما ذابتلي الشحمة من السخانة ما ولفتهاش نوض الصباح فاشلة

[إلهام07]

روضة ياحبي توحشك الخير حنونة
شوفي كامل يشكرو في صابلي أسيل نتاع البيمو دارتلي عليه الذبانة بصح كي ذقت الصابلي نتاع خالتي بالبيمو ماعجبنيش أصلا مانحبش صابلي بالكاكاو بصح نتاع اسيل كمل يشكرو فيه اللي جربوه
حقة راكي حامل ؟ شفت أم ماجد قالت باللي ماكليتيش وووو

هههه أم ماجد وحدك عجبتني "تدلى " هههه هكذا ماما تقلقني انا خفت نبدى القاطو بكري يسد من السخانة ييبس

[أم ماجد]

روضة ديري يخي متعلمة قاطوات رائعة ديري واحد منهم
لبنات شكون جربت صابلي النسلي تاع ام اماني تعطينا نصائح

[imene mimicha 05]

المشاركة الأصلية كتبت بواسطة إلهام07

هيه فكرتيني في الدزيريات هذا وين كنت نشوف في نتاع فلة وعندي المول ونسيت نكتبهم هذا العام اعلنت التمرد على البقلاوة ياخاه كرهناها قلت نعوضها بمخبز او مشكلو او قطايف أو دزيريات وأغلب ظني ندير القطايف لانو ساهلين ماهلين وعندي شريتهم :d
راني كاتبة في ورقة أسماء الأنواع اللي عجبوني باش من بعد نخير لانو على بالي ننساهم

حقة عاجبني قاطو نص بنص نتاع ام اماني وقاطو البيضة بصح صراحة يقلقو ماحطيتهمش في القائمة :d:d:d


كي راكي حابة ديري نوع جديد شوفي في قاطوات ام أماني

هههههه مام انا سخفت عليهم الدزيريات و شريت لي مول نتاعهم بصح خفت قالولي كي الحشو نلموها بالبيض قالولي البيض يبسها خفت نديرها و تيبس
تعيشي كاشما تعرفي غوسات دزيريات شابيين
نجربهم

انا تان راني معولة على قاطو نص بنص لام اماني و منعرف

[selma2013]

الهام حبيت نسقسيك وما تقوليش غير طليت بداوني بالطلبات راكي شافة ولازم ناخذو برايك وصفة صابلي التاج لي معتمدتها تاع ليدي ولا وصفة أخرى.