موضوع مميز وصفات من حراير مطبخ وش طيبتي اليوم - الصفحة 90

idron0 · 2014-10-03, 14:18

خبز بالفرينة ام اريام

هذا الخبز عندي عوام وانا ندير فيه رائع .4بيضات وكاس زيت و2مغارف كبار سكر وكاس ماء دافي حطي فيه 3مغارف كبار خميرة وزيدي 2كيسان حليب دافئ وحطي شوية سينوج و2نغارف صغار ملح وحطي الفرينة حتى تتحصلي على عجينة كيما نتاع البيتزا.غطيه خليه يطلع ومن بعد بيدك فشيه خرجي منو الهواء وزيدي خليه يطلع .هنا وجدي السنيوات نتاعك وقرسيه ولا حبيتي ديريه بولات صغار .ادهنيه بصفار بيضة وشوية حليب دافئ وشوية قهوة وحطي جلجلانية وسينوج .خليه يطلع ومن بعد طيبيه

ام سراج وملاك · 2014-10-03, 21:18

صابلي بالكاوكاو biba04

500غ مرغرين+كاس عسل+4صفار بيض+4م ك كاكاو+4م ك نشاء+2خميرة+فرينة حسب الحاجة
الكريمة حلوة الترك مع العسل حتى ترجع كريمة وتلصقي بيها حبات الصابلي وتغطسيها فالشكولا
الوصفة بنينة بزاف ومحبوبة جدا عندي

دزيريات

العجينة 3كيلات فرينة+نصف كيلة زبدة دائبة وباردة+رشة ملح ولمي العجين بماء الزهر والماء وخليه يرتاح
الحشو 3كيلات لوز مقشر ومرحي رقيق+1كيلة سكر +قشور ليمون كثري+بيض حسب الحاجة والاحتفاض ببياض بيضة لدهن الوجه
اخلطي مقادير الحشو ولمي بالبيض الحشو يكون متماسك وخليه يرتاح على الاقل ساعتين او اكثر شكلي كريات من الافضل توزني الحبة 22غ
حلي العجينة رقيقة اطبعي دوائر حطي الحشوة في الوسط وشكلي باليد طريقة تقليدية معروفة

idron0 · 2014-10-03, 21:21

صابلي بالكاكاو biba 04
إضغط هنا لرؤية الصورة بحجمها الطبيعي.

500غ مرغرين+كاس عسل+4صفار بيض+4م ك كاكاو+4م ك نشاء+2خميرة+فرينة حسب الحاجة
الكريمة حلوة الترك مع العسل حتى ترجع كريمة وتلصقي بيها حبات الصابلي وتغطسيها فالشكولا
الوصفة بنينة بزاف ومحبوبة جدا عندي

دزيريات biba 04

إضغط هنا لرؤية الصورة بحجمها الطبيعي.

العجينة 3كيلات فرينة+نصف كيلة زبدة دائبة وباردة+رشة ملح ولمي العجين بماء الزهر والماء وخليه يرتاح
الحشو 3كيلات لوز مقشر ومرحي رقيق+1كيلة سكر +قشور ليمون كثري+بيض حسب الحاجة والاحتفاض ببياض بيضة لدهن الوجه
اخلطي مقادير الحشو ولمي بالبيض الحشو يكون متماسك وخليه يرتاح على الاقل ساعتين او اكثر شكلي كريات من الافضل توزني الحبة 22غ
حلي العجينة رقيقة اطبعي دوائر حطي الحشوة في الوسط وشكلي باليد طريقة تقليدية معروفة

nina.imy · 2014-10-05, 20:02

يعطيك الصحة وربي يجازيك

*عاشقة الجنة* · 2014-10-06, 17:26

chez biba

كتف في الفرن

تجيبي اللحم تاعك وتحليه غير شوي بالموس من كل جانب وتوجدي الدرسة تاعك:
4 سنات ثوم مرحيين، مغرف كبيرة موطارد، عصير نصف ليمونة، ملح
توابل ( فلفل اسود غير شوي، كمون اخضر، زنجبيل مرحي، شوي قرفة، كركم، زعيترة
تخلطي كلش مع بعض وتدهني بيهم اللحم تاعك مليح
ملاحظة: اذا راح ديري اللحم الصباح من الأحسن داويه في الليل وإذا للعشاء داويه الصباح وحطيه في الثلاجة هكا يتشرب مليح هاذيك الدرسة

حطيه في ساشي تاع الطياب وفي مول من الأحسن يكون تاع زجاج بلا ما تظيفيلو حتى حاجة ودخليه للفور ساعتين
اذا حابة تزيدي معاه بطاطا او اي خضر اخرى حطيهم في نفس اساشي راح تلقاي فيه لاصوص وطيبيهم نصف ساعة راح تلقايهم طابو وخذاو البتة تاع اللحم وفي نفس الوقت اللحم تاعك تحمر
قدميهم بالصحة ولهنا

قطيطوشة · 2014-10-07, 10:20

تتبيل اللحم من أجل الباربيكيو
أم محمد تاج

نحط في الميكسور طماطمة وبصله وراس ثوم كبير وفلفلة حارة ومغرف صغيرة هريسة وفلفل اسود والملح مانكثرش على خاطر كي يتشوا نزيدو نملحوه وشوي معدنوس وتوابل خاصة للشواء وبس نحط اللحم تاعي طراف كبار في التتبيلة ونبيتهم والغد وة من ذاك نقطعهم قطع صغيرة ونديرهم في البروشات ونشويوهم
على فكرة غدوة الرجال هوما لي يوجدولنا الشوا يااااااااي ههههههههههه

bouzaid · 2014-10-07, 14:00

bonne fete de l'aid el Adha et mille merci pour ces recettes

idron0 · 2014-10-08, 08:59

اللحمر محمر في الكوكوط دائمة الحمد

نعمل حوالي نصف فنجال ماء في الكوكوط ونشعل عليه نار قليلة
نجيب قطع اللحم تاعي نعمل معاهم ملح موتارد درسة تاع ثوم وتوابل اكليل يابس ونخلطهم مليح ثم نصبهم في الكوكوط يكون الماء غلى ونقطع من فوق نص حبة طماط وكمية معدنوس وما نحركش ونغلق الكوكوط ونقص خلاص النار ومرة على مرة نفتح ونراقب الطياب تاعو ونقلبو على الجيهة الاخرى
لما يطيب نفتح الكوكوط ونصب عليه كمية قليلة زيت ونخليه يتحمر من جميع الجهات والكوكوط مفتوحة وشهية طيبة

أم ماجد · 2014-10-08, 13:23

الاخت قمر 77 بالنسبة للطحال راه عادي
إدا حبيتي تشويه عادي كيما نشوي الكبدة
او تعمريه تحكمي مقص المطبخ و تحاولي عليه غير بالشوية با ش ما تقطعيهش و تحليه كلي راك تعملي في جيب و في العمارة خاصك تردي بالك باش مايتقطعش .
تحضري الحشو نتعاك دري كفتة و ارز مسلوق ز يتون مقطع ملح+ حرور + فلفل احمر + كمون + التوم + بصلة صغيرة محكوكة + بيضة و لا2 قليل من الزيت و تعمري الطحال باش يجيك التعمار ساهل حطي الحشو في الجيب الحلواني poche à douille و عمريه و سدس الفتحة حطيه في بلا نتاع الفرن و غطيه بالورق الالمنيوم و ديريه يطيب و مين يطيب ناحله الورق و خليه يتحمر شوية
ان شاء الله كنت عرفت و فهمت الشرح

وصفة الاخت ام هبوبة

biba04 · 2014-10-08, 13:39

ام رحاب

جيادا على عيني وراصي*بطاطا بالفليو*تحكمي الفليو تنقيه وتنحيلو القصب اتخلي غير الورق وتشليه بالما وتخليه بجنب*تنقي البطاطا مادابيك هاديك الصغيرة باه اجيك بنينة وتقطعيها مدورة وتحكمي الثوم اديري الدرسة يعني الثوم والفلفل ادريس والملح وتدرسيهم وحطيهم في الكوكوط واديري شوية زيت وفلفل اكحل وتخليهم يتقلاو شوية امبعد تمرقي شوية واتحطي البطاطا وشوية فلييو واتغلقي عليها كي اطيب افتحي عليها ووزيدي شوية فلييو وكي تعقد المرقة طفي عليها وبصحتك*البطاطا بالفلييو مشهورة بزاف في الجزائر ماكاش الي مايعرفهاشالتوقيع

قطيطوشة · 2014-10-08, 14:49

شكشوكة الفرن أم سهام

اقتباس:
المشاركة الأصلية كتبت بواسطة مريم الاميرة
بصحتكم ام سهام الشكشوكة ان امكن الطريقة ربي يعيشك راهي تشهي الله يبارك
ام رحاب بصحتكم البطاطا بالفليو

قطعي البصل شرائح رقاق بالطول ديريه يتقلى في شوي زيت و زيدي بذنجان مقطع مكعبات وطرشي مقطع رقيق ومرة علي مرة قلبي حتى تذبال الخضر

امنبعد ضيفي طماطم حب معصورة ومقطعة وزيدي الملح والفلقل لكحل وفلفل عكري وخاليهم يطيبو حتي تنشف المرقة ومن جهة اخرى اقلي البطاطا هذي

اختيارية انا انديرها باه يزكى الطيق ويطيب كلش ستفي البطاطا في الطبق ليروح للفرن ثم الشكشوكة ديري فوقها المعدنوس وخبطي حبات بيض فوقها وديريها

في الفرن

*عاشقة الجنة* · 2014-10-08, 16:16

ام سهام 02

شكشوكة الفرن

قطعي البصل شرائح رقاق بالطول ديريه يتقلى في شوي زيت و زيدي بذنجان مقطع مكعبات وطرشي مقطع رقيق ومرة علي مرة قلبي حتى تذبال الخضر

امنبعد ضيفي طماطم حب معصورة ومقطعة وزيدي الملح والفلقل لكحل وفلفل عكري وخاليهم يطيبو حتي تنشف المرقة ومن جهة اخرى اقلي البطاطا هذي
اختيارية انا انديرها باه يزكى الطيق وكيطيب كلش ستفي البطاطا في الطبق ليروح للفرن ثم الشكشوكة ديري فوقها المعدنوس وخبطي حبات بيض فوقها وديريها
في الفرن

idron0 · 2014-10-08, 17:57

بولفاف malek nour hane /chez biba

البولفاف هو تحكمي الكبدة تشويها على الجمر نصف استواء ممكن عالنار تاني من بعد نحيها قطعيها مربعات متوسطة الحجم ملحيها ممكن تضيفي رشة فلفل اسود وكمون ولا ديري غير الملح ديريها في اعواد الشواء و تلفي عليها الشحمة هذيدك الرقيقة تعاودي تكملي تشويها عاشواية عالجمر او النار...اكييد عالجمر خير...انا اصلا الكبدة مانكلهاش بصح دارنا يموووتو عليها تاني مانحبش المشوي عالجمر من نهار دوزيت منو و مرضت خخخخ تووووبة ناكل المشوي عالنار ونتي ديري وش تحبي عالجمر ولا عالنار
ايضا حنا نديرو بولفاف تاع لجم بنفص الطريقة برك نزيدو مربعات طماطم و فلفل حار وفلفل حلو و بصحتكمممممممم

idron0 · 2014-10-08, 18:24

عصبان قطيطوشة

طريقتنا بسيطة و هي بعد ما تغسلي المصارن والكرشة مليح
نقلبو المصارن و نغليوهم مع (الحواشي... نسيت واش يسموهم هههه طلاقة النسا هههه ومانعرف واش) وشوية من الكرشة
اما الكرشة لي نحشيو فيها كاين لي يكرطها او يبرشها وكاين لي يخليها هكداك
نقصو لمصارن مع بقية الحشو الآخر قطع متوسطة وشوية شحمة تاني و نضيفولهم دبشة + بصلة صغيرة + فلفل حار + شوية طماطم حب و شوية مصبرة + حمص مرنخ + ملح و فلفل اكحل تخلطي مليح كاين لي يضيفلها الرية
ناخذ الحشو و نحشيه في قطع كبيرة من الكرشة ونخيطو
حنا نطيبو بيها كسكس و حتى شخشوخة

idron0 · 2014-10-08, 18:26

الطحال lyzzabel
يجي يهببببللل
بعد ما تغسليه افتحيه باش تعمريه من داخل كيما العصبان باستعمال موس حاد ولا مقص يكون خاص بالطبخ و ردي بالك تثقبيله الوجه او السطح لازم على مهلك ،، و الحشو ديري الكفتة مع بصلة مقطعة رقيق و سنات ثوم رابي ولا مقطعين رقيق و قصبر و معدنوس تاني مقطعين رقيق ،، ضيفي ملح و فلفل اسود و شوية راس الحانوت و شوية كمون و خلطي ملييييح و عمريه و خيطي هاذيك الفتحة لي درتيها ،، حطيه فالكوكوطة و ديري علية غيييير شوية ما و شويييية ملح و فلفل اسود و أغلقتها و خليه يطيب على نار هادية لازم لاصوص تنشف باش يتحمر شوية ،، انا نفضل نطيبه فالكوكوطة خاطرش فالفرن يدير قشرة يابسة من فوق .