وصفات حراير الكوزينة الجزء الثاني - الصفحة 90

idron0 · 2015-11-11, 20:06

السمكة في الفرن زينب 83

درت درسة فيها موتارد و طماطم مصبرة و ثوم مرحي و تاني مجفف ، و ملح و دبشة مفرومةو كمون و زنجبيل و كركم و هريسة اذا حبيتي و تبلي الحوتي بهذا الخليط و ديري فيها شقق ودخلي فيهم هذاك الخليط و حطيلها شوي ماء فقط في البلا و دخليهالو لفرن سخون و طبعا ممكن ديزي تحتها بطاطا
و الحوت كاملة قبل ما نطيبها دايما نحطها في ماء فيه خل ملح نص ساعة.

إضغط هنا لرؤية الصورة بحجمها الطبيعي.

idron0 · 2015-11-11, 20:08

سمك التونة بالطماطم زينب 83

تنظفي سمك التونة و تقصيه دوائر و تحطيه في ماء و خل و ملح و تخليه نصف ساعة راح يتخلص من الدم و اللون القاتم و الذوق يولي احسن
في مقلاة تحطي ملعقة زيت و ملعقة زبدة و تحطي قطع التونة و تذرذري فوقهم شوي ملح و زعتر بري ، باه يأخذوا اللون من الجيهتين يعني يحماروا فقط ماشي شرط يطيبو

تنحيهم ، في هذا الزيت تحطي بصل مقطع شرائح بالطول و تذبليه تزيدي كمية مليحة تاع طماطم حب مرحية ، ثوم مرحي
ملعقة طماطم مصبرة ملعقة كاتشاب ، فلفل احمر حلو و حار بودرة و ثوم بودرة ، ملح ، دبشة مقطعة ، كمون ، و قطع ليمون ، انا درت ليمون مصبر ، فنجان عصير ليمون و و رقة رند و تحطي قطع التونة طيب في الصوص و تشرب البنة ، فقط و بالصحة و الهناء

ممكن تزيدي دخليهم للفرن يحمارو ، انا ما دخلتهم .

إضغط هنا لرؤية الصورة بحجمها الطبيعي.

idron0 · 2015-11-11, 20:11

خبز السميط التركي زينب 83

350 غ فرينة حوالي 2 كيسان و شوي
25 غ زبدة ذائبة
6 ملعقة كبيرة زيت زيتون
1 حبه بيض كاملة
نصف ملعقة صغيرة ملح
1 ملعقة كبيرة خميرة الخبز الفورية
1 ملعقة كبيرة سكر

100 ملل حليب دافيء او ماء دافئ بالحليب افضل

بياض1 حبة بيض مخلوط بملعقة كبيرة زبدة ذائبة او زيت زيتون لدهن حبات الخبز

كمية مليحة من الجلجلانية محمصة لتزيين الخبز
نطلعوا الخميرة مع لحليب و نزيدو باقي المكونات نعجنوها مليييح العجينة تكون تلصق
نخلوها تطلع مليح و مباعد نشكلوها و نخليوها تزيد تطلع و نطيبوها في فور سخووووووووون مسبقا

إضغط هنا لرؤية الصورة بحجمها الطبيعي.

مراحل التشكيل

إضغط هنا لرؤية الصورة بحجمها الطبيعي.

idron0 · 2015-11-11, 20:13

طريقتي في تحمير الدجاج زينب 83

التتبيلة
موتارد ، طماطم مصبرة ، شوية هريسة ، ثوم طازج و زوم بودرة ، بصل مرابي ، كمون ، زنجبيل ، كسبر مرحي ، ملعقة عسل او ملعقة كاتشاب و دبشة مقطعة ، ملح و شوي عصير ليمون
نخليو الدجاج في التتبيلة اقل شيء ساعتين و مباعد نحطوه في كوكوت و نحطو عليه كاس او كاس و نص ماء و نغلقوها بعد مايطيب نحطو فوقو شوي صوص و ندخلوه يتحمر من فوق ، و نخليو شوي صوص للتقديم .

إضغط هنا لرؤية الصورة بحجمها الطبيعي.

ام نوردين · 2015-11-11, 22:53

الله يعطيك ماتتمناي اديرنو وربي يجازيك كل خير عندى بزاف وانا نقول نكتبلك وهادا وين فرج ربي

idron0 · 2015-11-12, 17:08

كابوتشينو ام ملاك و عبدو

الكيلة اللي درت بيها غرفية تاع حليب
تديري كيلة نيسكافي وكيلة ماء وكيلة سكر تخلطيهم بالباتور حتى تولي كريمة فاتحة اللون تحطيها في بورت مونجي في الكونجيلاتور و بعد ساعة تقدري تستعمليها
تديري مغرفة من الكابوتشينو في بول و تكبي حليب سخون وتحركي ضرك تشوفي يدير الرغوة وحدو و الباقي رجعي للكونجيلاتور و اجبدي كل ما تحبي تشربي.

إضغط هنا لرؤية الصورة بحجمها الطبيعي.

idron0 · 2015-11-12, 17:19

مربى التفاح جيادا

المربى درت 8 حبات كي نقيتهم و قطعتهم جاوني كيلو فد قد كي انقي نحط في ماء بارد فيه عصير ليمون باه ما يتغيرش اللون و درت السكر 500غ
صفيت التفاح من الماء و ضفتلو السكرو عصير نصف ليمونة و بيتو ليلة كاملة في الثلاجة و غدوة من ذاك أضفت نصف كاس ماء ما درتش القرفة ما كانتش عندي حطيتو يطيب على نار هادئة 45د
كي طاب نحيت التفاح و خليت السيرو مع قطع تاع تفاح زاد عقد و رحيتو و رجعت التفاح
عمرت بلارات معقمين و قلبتهم حتى برد خلاص

إضغط هنا لرؤية الصورة بحجمها الطبيعي.

idron0 · 2015-11-12, 17:31

لي اكلير ام رويدة

100 غ زبدة
ربع لتر ماء
200غ فرينة
4 بيض
1لاليفار
فاني
تذوبي الزبدة في الماء ..كي تذوب ويبدا الخليط يغلي انحي الكسرونة من النار وارمي الفرينة دفعة واحدة مع الخميرة ورجعيها للنار وخلطي بمغرف تاع حطب ولا سباتيل

كي تتكور العجينة وتتلم نحيها من النار وضيفي البيض حبة حبة وانت تضربي بالباتور
ومبعد ديري الخليط في بوش ادوي وشكلي حبات الاكلير ولوحيهم يطيبو في فرن مسخن مسبقا على درجة عالية وممبعد نقصي وخليهم يطيبو في غرضهم باش ينشفو من داخل ومبعد شعليلهم من فوق شوية برك ياخدو اللون الذهبي وزيني كما تحبي
والى حبيتهم سالي ماديريش لافاني

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ونصيحة كي تسخنو الفرن سييو طيبو حبة وحدة وشوفو باش تتحكمو في الطياب ويطيبولكم مليح
علاخاطر كل فور وكفاه يطيب..انا واحد الكوشة تاعي اتمحاولها كااامل الارقام تاع درجة الحرارة
زعمة جديدة في الميدان

وهدي اول حبة طيبتها

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-11-12, 20:09

مافن مالح simassim

حبتين بيض مع رشة ملح تخفقهم بالباتور وتضيف ليهم 80 ملل زيت 80 ملل حليب. فلف اسود واحدة خمارة. ملعقة صغيرة بيكاربونات والفرينة عيني ميزاني حت تتحصل على قوام الكيك شوي ثقيل تزدلها فرماك رابي وسومون مدخن مقطع رقيق. تقذر تعوض بالزيتون شراـےح. واعشاب لي عندك. تعمرهم فالمول المادلين وتحط فالوسط قطعة جبن ماعز او لافاش كيري وطيبهم فالور سخون.

idron0 · 2015-11-12, 21:25

الكرواسون تاع لطفي حيمر القناعة كنز

500غ فرينة ملعقة سكر، م ك حليب بودرة، ملح، فنجان زيت، م ص محسن خبز باه ما تخرجلهاش الطلعة و تقدري تستغناي عليها، فانيلا و بيضة و نبل بالما و مارغرين التوريق
نخلط المواد الجافة و الزيت ثم نضيف الخميرة المحسن و البيضة و نبل حتى نتحصل على عجينة ملساء اعجني جيدا بيدك حوالي 15 د
بعدها نعمل مثلما نعمل العجينة المورقة 3 دورات عادية 3 tours simple نحلها على شكل شريط و نقص مثلثات و نعمل عادي و نخليها تخمر و الى الفرن.

إضغط هنا لرؤية الصورة بحجمها الطبيعي.

idron0 · 2015-11-13, 07:47

مسكوشو محشية بالكريمة و حلوة الترك om_hadil

المقادير
5بيضات + كاس سكر+ كاس زيت+ 2 خمار+ فانيليا + مبشور ليمون+ كاس ياغورت و حليب + 2 كؤوس فرينة+ رشة ملح + 3 ملاعق كبيرة كاكاو
· الكريمة : ½ لتر حليب، 3 ملاعق كبيرة نشاء (مايزينة)، 6 ملاعق كبيرة سكر ، فانيلا، ملعقة كبيرة زبدة+ عطر الليمون + قريصة ملح+ 2 ملاعق كبيرة بودرة الشانتي.
التزين: علبة شكولا مذوبة فوق حمام مائي + علبة كرام ديسار شكولا- شكولاطة بيضاء ... حلوة الترك

الطريقة:

1. نخلط السكر و البيض بالخلاط الكهربائي ثم نضيف الزيت تدريجيا ثم الياغورت مع الحليب و نوقف الخلاط.

2. نمزج بالخلاط اليدوي ثم نضيف الكاكاو، المبشور و الفرينة المغربلة مع الخميرة.
3. يصب نصفها في صينية مستطيلة مغلفة بورق الزبدة و النصف الثاني في صينية بنفس الحجم
4. تدخل إلىفرن 180° لمدة 45د.
5. بعدما تطهى الكريمة غطيها بغلاف بلاستيكي و اتركيها تبرد في الثلاجة. ثم أضيفي غبرة الشانتي و اخلطي بالخلاط جيدا.
6. نخرجها و نتركها تبرد فوق مشبك ثم نضع عليها الكريمة ثم نرشها بحلوة الترك في الوسط جيدا و نغلقها يالعجينة الثانية
7. نزينها بالشكولا من فوق و خطوط من الشكولا البيضاء أو قلاصاج أبيض
8. ادخليها الثلاجة حتى تتجمد الشكولا من فوق ثم قطعيها حسي الرغبة .... و شهية طيبة.

إضغط هنا لرؤية الصورة بحجمها الطبيعي.

Oum Habouba · 2015-11-13, 12:42

Idrono عزيزتي بارك الله فيك على مجهوداتك جزاك الله كل الخيرات وقضى الله حوائجك في الدنيا والاخرة

idron0 · 2015-11-13, 18:04

شرح في تحميل الصور ندية الروح

بداية استعملي أيّ مركز تحميل تختاريه
مثلاً مركز منتدانا

بعدها تختاري من صورك ما تُريدي تحميله.

تمّت عمليّة التّحميل

ديري كوبي إيماج ...على رابط للمنتديات
كيما راني مدايرة تظليل

تروحي لصفحتك لي راح تحطي فيها المشاركة و ديري
Coller
بدون ما تغيري أي شي من الرّابط ..لا تزيدي و لا تنقصي
و و بعدها إدارج اللمُشاركة
راح تخرج الصّورة وحدها .

.

أو إذا حبيتي....
تكليكي على الصورة الصغيرة لي تخرج في موقع تحميل الصّور
راح تخرج في صفة وحدها
هكذا .....

.

ديري نسخ الصّورة
و مثل ما سبق .. في صفحة المشاركة تاعك ؛؛ ديريColler l'image

.

idron0 · 2015-11-13, 18:08

كرام باتيسيير الاخت فلة فود oum Habouba

ناجحة وروعة
نعطيك المقادير ادا ماعندكش بزاف ترتولات ديري نصف المقادير اللي غادي نحطهملك
نصف لتر حليب /2صفار بيض/3مغارف كبار نشا/4مغارف كبار سكر عادي/25الى30غ زبدة
خلطي الكل بارد في بارد ماعدا الزبدة حطيهم فوق النار عند الغلية الاولى وخريهم من النار وضيفي لافاني وخاااااصة ادا كانت ليكيد تعطيها بنة خيااال وضيفي الزبدة وحركي وغطيها بورق بلاستيك نتاع الطبخ وخليها تبرد .

idron0 · 2015-11-13, 18:11

كرام باتيسيار lahna moka

أنا معتامدة تاع حورية المطبخ و تاع ام سراج و ملاك
مجربة دائما نديرها تجي هايلة جربيها متندميش
المقادير : نصف لتر حليب فايض من الاحسن اذا اردتي الاحتفاظ بها اكثر لازم يكون فايض
من جهة في وعاء خلطي 2 حبات بيض + 2 مغارف كبارنشاء + 1 مغرف كبيرة فرينة + 4 مغارف كبار سكر احرش اذا مجاتكش حلوة زيدي السكر ذوقيها كي تطيب في الطاوة خلطيهم مليح بشوكة او مضرب ثم ديريهم في طاوة الحليب الفايض واخفقي بسرعة فوق النار باش البيض ميطيبش وبقاي حركي حتان يخثار الكرام بتيسيار كي يوجد ديريه في صحن وزيدي لافاني الذوق لي تحبيه شكارة فاني نوارةاو مغرف صغيرة فاني بودرة او مغرف صغيرة فاني سائلة لي متوفرة عندك خلطيها مليح داخل الصحن وغطيها بصاشي بلاستيكية باش مديرلكش طبقة صلبة كي تبرد استعمليها اذا مستعملتيهاش ديريها في باطة وادخليها الى الثلاجة.