الجزء 96 من واش طيبتي ,,,,ابداع حراير الجلفة تفضلوا غالياتي - الصفحة 90

x ام رحاب x · 2014-11-10, 16:30

اقتباس:

المشاركة الأصلية كتبت بواسطة أم ريمة*

صح غداكم لبنات ام ابراهيم يتوحشك الخير واش راه الببون ؟؟ اكلك يشهى انا عجوزة بصح ندى البريوش ونزيد الميل فاى ممممممممم
ام محمد الخبز راه هايل حطى شوية ماء فى الفرن باش تكون رطوبة كى يطيب مباشرة غطيه بالطرشونة باش يطرى التغميسة انتاعك جربها هايلة يعطيك الصحة
اليوم جربت خبز حنان درت بيه شاورمةمع بطاطا مقلية وسلاطة ومايوناز والحمد لله

وسلاد دوفروى وعصير والحمد لله

هادا كامل الخير وتقولي راني عجوزة والله راكي خير من طفلة عندها 20 سنة تبارك الرحمان

om wassim · 2014-11-10, 16:31

بصحتكم واش طيبتو
ام ماجد الكسرة تاعك تشهيني يعطيك الصحة
دائمة الحمد يعطيك الصحة اكلاتك مشهية حتى الفلفل امممم
المازة ربي يعطيك وقفة ساهلة و يفرحك بالمزيود يا رب
نونو ربي يرزقك بالذرية الصالحة عاجلا غير اجل و يقر عينك بيهم امييين يا رب
نهال امممم يعطيك الربح تشهي
ام اماني اطباقك رووعة ربي يشفيلك بنتك و يفرحك بيها
ام سهام حتى المقارون تاعك تشهي بارك الله فيك
لي نسيتها تسمحلي طيابكم كامل روووعة يعطيكم الصحة

ام ساجد · 2014-11-10, 16:31

هههههههه معليش ام رحاب نتقاسم انا واختي كي لحقتي برك

واش راها اختك ام رضوان طليتي عليهااليوم

x ام رحاب x · 2014-11-10, 16:32

اقتباس:

المشاركة الأصلية كتبت بواسطة nihale89

صحة قهوتكووووم

الله يسلمك حبيبتي وصحة قهوتك انت اتاني والقاطو امممممممممممممممممممم

nihale89 · 2014-11-10, 16:33

ام ساجد هيا تتقهواي مرحبا بيك نحطك في عينيا
حبيباتي كااااامل يعطيكم الصحة واش حطيتو كل وحدة باسمها
انتظرو خبز حنان للعشاء بصح خوفتني ام تاجو وااااااع

x ام رحاب x · 2014-11-10, 16:34

ام ساجدة راهي مقنوطة وغير تبكي راهي مريضة بزاف كيما انصبروها ماناش حاسين بيها واش اتحس الله ايكون معاها وغدوة ان شاء الله العملية ربي يسلكها ادعولها ربي يخليكم حبيباتي ربي يكون معاها ويسلكلها البيبي

om wassim · 2014-11-10, 16:38

ام رحاب ربي يطلع اختك على خير و يفرحها يا رب راهي كيما بنت عمي نفس المشكل بصح الحمد لله البارح زيدت و راهي لاباس هي و البيبي ما تخافيش ربي معاها

x ام رحاب x · 2014-11-10, 16:41

ام وسيم الحمد لله على بنت عمك ولعقوبة لختي ان شاء الله وربي يطلعك انت تاني على خير تسلمي حبيبتي

scorpionoir · 2014-11-10, 16:42

اقتباس:

المشاركة الأصلية كتبت بواسطة ام ساجد

سكوربنيو واش معناها قطاطش تقصدي الربطةباش ما يهربش هههههههه

اضربي طلة في موضوعي تاع التطبيقات راني طبقتلك حاجة

ايييييييه قدش عندي مادرتش في قسم التطبيقات .عندي 100 تطبيق وما جطيتهمش ومنهم تطبيق ليك تاع الروز بالزرودية والجلبانة هاااااااااااااااااااااااااااااااايل يتكل وحو بلا لحم هاهو

nihale89 · 2014-11-10, 16:43

ام رحاب ربي يسلك اوحالها
بصح قوليلي علاه حادير عملية على جال لاطونسيو

om mita · 2014-11-10, 16:46

مساء الانوار كيف الحال ان شاء الله بخير
ام ماني صابلي روايال انا تاني درتو للعرس تاع صحبتي وخرج تحفة
وينهي وصفة البريوش امممممممم باين روعة
الباقي كلش ماشء الله
وخبز حنان راهو مداير حالة ممكن الوصفة او الرابط

أم ريمة* · 2014-11-10, 16:47

امنيات بصحتك الروز والبرتقال مممم
ام ساجد ما شاء الله سخفنى المطلوع روع يعطيك الصحة

x ام رحاب x · 2014-11-10, 16:54

اقتباس:

المشاركة الأصلية كتبت بواسطة nihale89

ام رحاب ربي يسلك اوحالها
بصح قوليلي علاه حادير عملية على جال لاطونسيو

ربي يخليك حبيبتي لالا ماشي لاطونسيو هي ولادها كامل جابتهم بسيزريان بصح هاد المرة الي راهي تطلعلها لاطونسيو بزاف علابيها حابين ايزيدوها بكري

nihale89 · 2014-11-10, 17:01

ام رحاب ربي يسهلها
عليها سقسيتك خاطر انا ثاني ولدت بلاطونسيو وزيدوني بكري

أم ريمة* · 2014-11-10, 17:01

ام رحاب شكرا من لطفك وربى يسر الوضع لام رضوان وتقر عينها بمولود سليم معافى ويقدرك على خدمتها امين يارب