أبدوا رأيكم؟ - الصفحة 9

بقـا ألم يا · 2009-02-25, 13:23

سلام بنات
سامحيني أختي أمينة طولت عليك، سؤالك ما هوش بايخ وهوفي محلو
حلل هذا القول وناقشه:'الإنسان الفاضل ليس من كان شعوره بالواجب حيّا بالضرورة' هذا مقال ولَيَ تحليل نص لأنو قالك حلل؟
هذا يا أمينة مقال وليس نص لأن طريقة طرح السؤال جاءت على اشكالية
أتمنى أن تكوني فهمت مقصودي
بالتوفيق

بقـا ألم يا · 2009-02-25, 15:37

أختي أمينة هذا سؤال مماثل للذي طرحت من قبل
بكالوريا 2008:
قيل :"قيل ان العادة تجرد الانسان من انسانيته"
حلل هذا القول وناقشه

amina1989 · 2009-02-25, 20:01

شكرا فرح ،فهمت قصدك.يعني نص كي يكون قائله أعطي الإشكالية وجاوب عليها و أعطي حججه و براهينه ياك؟ علي خاطر من قبل كنت نضن كي يجي القول عبارة عن نص يعني نديرو تحليل نص وكي يجي مقولة في سطر مثلا يعني مقال.غدا إن شاء الله فرح.نبداو المراجعة تاع الصح ماكانش اللعب خلاص وكل يوم لازم كل واحد يخلص حاجة ونولو نوضو من الفجر.واش قلتي ؟

amina1989 · 2009-02-25, 20:02

أستودعك الله يا أحلي أخت و أحلي صديقة وأحلي أستاذة

~~hazar20~~ · 2009-02-26, 00:06

السلام لاحلى بنات ,امينة والله انا كدلك افتقدتك اتاسف لان كان عندي مشكل في الكمبيوتر

انا راح نبدا صح ف المراجعة و نعودو النوضو علي 5 وش قلتو يا بنات؟

بقـا ألم يا · 2009-02-26, 09:59

سلام يأحلى بنات
أولا شكرا أمينة على العبارات الجميلة ربي يعطيك ما تتمناي
شوفي أختي أمينة النص جامي لا يجي عبارة عن قول دائما يكون فقرة وأما المقال فيكون على شكل قول أو اشكالية أوتساؤل أو ......
أمينة ok راني معاكم ان شاء الله .
هزار أهلا بعودتك والله افتقدناك ،
ربي يوفقنا انشاء الله ونجحوا
ســـــــــــــــــــــــــــــــــــلام

amina1989 · 2009-02-26, 10:53

أهلا بعودتك أختي هازار،وشكرا لك فرح .
ok راني معاكم نولو نوضو علي 5:00 بصح نتمني أني نوض والله أنا عندي مشكل كبير مع النوم ،ما نقدرش نرقد بكري وفي الصباح مانجي نوض بالسيف وحنا عندنا البرد يعني؟؟؟بصح بربي إن شاء الله مادام راكم معايَِ نتحفز .والباك جاي جاي بربي إن شاء الله.بالتوفيق

amina1989 · 2009-02-26, 10:54

أنا عندي اليوم فلسفة وإنجليزية

amina1989 · 2009-02-26, 11:00

قال الشاعر :
إني لتطربني الخلال كريمة طرب الغريب بأوبة و تلاق
فإذا ( رزقت خليقة محمودة ) فقد (اصطفاك مقسم الأرزاق)
و قال آخر :
أيقظ شعورك بالمحبة إن عفا لولا الشعور الناس كانوا كالدمى
المطلوب
1 أعرب ما تحته خط
2 عين المحل الإعرابي للجملتين الواقعتين بين قوسين
3هات اسم فاعل من الفعل اصطفى – قص – قضى
4 استخرج صورتين بيانيتين من البيتين الأول و الثاني مبينا نوعهما و أثرهما في المعنى
الموضوع الثاني : 3 ت إ ق
قال الشاعر : رأيت سكوتي متجرا فلزمته إذا لم يفد ربحا فلست بخاسر
و إذا السعادة ( لاحظت عيونها) ( نم) فالمخاوف كلهن أمان
المطلوب : 1 أعرب ما تحته خط
2 أستخرج من البيت الثاني صورة بيانية مبينا نوعها وأثرها في المعنى
3 استخرج من البيت الثاني محسنا بديعيا ذاكرا نوعه و أثره
4 بين المحل الإعرابي للجملتين الواقعتين بين قوسين
5 ما نوع الأفعال التالية استمد – ينطوي
'ما عنديش الحل'نحاولو فيه مع بعض

بقـا ألم يا · 2009-02-26, 15:28

السلام عليكم ورحمة الله تعالى وبركاته
معليش أختي أمينة أصبري علي الى الغد ان شاء الله نعطيك الحل

amina1989 · 2009-02-27, 10:59

صباح الخير بنات واش نضتو اليوم علي 5:00 والله أنا ما قدرت غدوة إن شاء الله ياك
الله يحسن العون

بقـا ألم يا · 2009-02-27, 16:16

سلام يا بنات
أختي أمينة أنا اليوم حطمت الرقم القياسي نظت على الساعة7.00تماما وبديت نحفظ
كل يوم نقص نصف سلعة حتى نوصل الى 5.00
تذكير:ما تنسايش غدوة المتتاليات
ســــــــــــــــــلام وربي يوفقنا ان شاء الله
est bon courrageles filles

~~hazar20~~ · 2009-02-27, 20:35

بنات كيفكم انا مقدرتش النوض الله غالب .اليوم نظت على 08 حفضت المسؤولية والجزاء مقالة برك

amina1989 · 2009-02-28, 18:09

سلام بنات .منيح فرح كملي هكذا وأنت هازار ما عليش بشوي برك أنا تاني مانيش ماشية بصح كيما تفهمنا بقاو ثلاثة أشهر لازم نزيرو السانتورة.
فرح مانسيتش شوفي ياك قلتلك السبت والأحد عندنا عطلة ،نراجعوهم كل واح وحدو ويوم الإثنين إن شاء الله نبداو في التمارين نتلقاو علي 9:00 صباحا في المنتدي
ok?ضرك نوجد تمارين
BONNE COURAGE LES FILLE

بقـا ألم يا · 2009-02-28, 18:59

سلام يا بنات
أنا اليوم نقصت نصف ساعة نضت الساعة6.30غدوة ان شاء الله على 5.00
أختي هزار ماعليش كل يوم تحفظي مقالة أو اثنتين تلحقي ان شاء الله كملي هكذا
ok نهار الاثنين ان شاء الله
بالتوفيق يا بنات وصدقا والله كلما نصلي راني ندعيلكم تنجحوا يااااارب
est bon courrage les filles