كيف تقتصدين في حياتكي اليومية.موضوع متجدد - الصفحة 9

ام جزائرية · 2013-12-18, 16:20

اقتباس:

المشاركة الأصلية كتبت بواسطة شذا الربيع

ما شاء الله موضوع رائع فعلا
أنا ما زال ماتزوجتش بصح أكيد رايحة نستفيد من أفكاركم وتجاربكم حتى نقدر نعيش بالبركة مع زوجي إن شاء الله
ولقيت روحي الحمد لله كاين بزاااف من تجاربكم لي نعرفها لأنو ماما معودتنا عليها من الصغر
ممكن نحب نضيف إضافة بالنسبة للخضر كي نشرو مصروف السمانة وتكون باقية عندنا من السمانة لي قبلها أنا نحط الجديدة من تحت والقديمة من فوق باش نكملو نستعملوها قبل ما تفسد وأحيانا نديرها la soupe ولا نرقدها ونلقاوها من بعد
بالنسبة للثوم لما نشروه في الفصل نتاعو نقشروه ونرحوه ونزيدولو ملح وزيت ونحتفظو بيه في بلاراة وهكا كل ما نجو نستعملوه نلقاوه واجد والبنة نتاعو تولي خير وما يفسدش كل ما تطول المدة نتاعو يتغير لونه للصفار وتكون بنتو خير وهكا نقتصدو حتى في وقت تقشير الثوم ونضيفو البنة للقدرة هههه زعمة راني ربة بيت ممتازة
حتى الليمون لما يكون الفصل نتاعو نسكرفجو ومن بعد نعصرو المبروش نتاعو نحتاجوه في صنع الحلويات والعصير نتاعو نحتاجوه في حوايج بزاااف وهكا ما نشريهش بسومة غالية لما نحتاجو باقي أيام السنة

بالنسبة للحوايج عندنا machine a laver بصح ما نغسلش بيها كلش ديما نحب نفرز الحوايج لي يجو فيها ولحوايج نتاع اليد وهكا نشغلها مرة في 15 يوم تقريبا
نستغل بقايا الصابون ونذوبها ونغسل فيها الحوايج باليد ودائما نبداو بالملابس ذات اللون الأبيض من بعد نديرو التدرج اللوني
بالنسبة للسرابت كيما ذكرت أخت سابقا في الأول نستعملها للوجه وكي تقدام شوية نستعملها للشعر أو الأرجل أعزكم الله
مخصصة سربيتة ولبسة قديمة للصبغة نتاع الشعر وهكا نحافظ على حوايجي
في فصل الصيف دايما نستعمل الشب ضد رائحة العرق أعزكم الله
بالنسبة للملابس كي تقدام ننحو منها الأزرار نتاعها وهي نقطعوها لعدة قطع ونخلوها لأبي يحتاجها لما يكون يصلح في السيارة
هذا ما يحضرني من أفكار الآن ومشكورين جدا جدا على هذه الالتفاتة الرائعة لأنه حقا محتاجين ربات بيوت يفكرو بطريقة صحيحة في تسيير أمور البيت خاصة مع غلاء المعيشة الآن

444444444444444444444 راك ربة بيت طراز اول

ام جزائرية · 2013-12-18, 17:02

هذي صح كاينة منها444444444444444444

souma.sousou · 2013-12-22, 09:53

السلام عليكم اختي اولادي سر سعادتي راكي طولتي الغيبة نشاله مايكون غير الخير.....راني في انتظار مساعدتك ...........

fati21 · 2013-12-29, 00:49

سلام لبنات ل
مين قريت العنوان دخلت نجري
انا شخصيا مانسلكش الكرا ولا الكهرباء ولا الما بصح الواحد مالازمش يبدر يعني يخلي ضو شاعل بلا ضرورة
بصح نحوس علي الاقتصاد في المعيشة كيفاه نقسمو الشهرية علي الريفيتايما ومستلزماتنا ومستلزمات الاولاد باه الواحد يدير التاويل
والله استفدت من ارائكم

/زهرة عصفور الجنة/ · 2014-01-02, 09:09

اسفة على غيابي لكن ان شاء الله سافيدك اختي

ليلى المستغانمية · 2014-01-02, 13:55

يعطيكم الصحةعلى هذه التدابير

ام يوسف 2737 · 2014-01-13, 23:47

السلام عليكن اخواتي
انا لست من النساء المحافظات على المصروف في البيت لكن راني نحاول نتعلم منكن بلاك مازال الحال
عندي فكرة بالنسبةللملابس القديمة الي ماكانش الي يلبسها في الدار اذا كانت صالحة اتصدق بها واذا كانت في حالة يرثى لها اقصها و احتفظ بها و عندما اجمع الكثير اعطيها للخياطة تصنعها بساطات شابين للمناسبات
غسالة الملابس العادية يعني تاع البلاستيك مين تحبي تخرجي منها الما مرات انزعي عنها التيار باش تخرج الماء بدون كهرباء لكن ليس دائما باش ما تفسدش

fani09 · 2014-01-16, 19:23

يعطيكم الصحة والله استفدت منك الكثير
انا عن نفسي .بيدون الزيت تاع 5 لترات نعمر في قرعة تاع لتر1 لسهولة الاستعمال وتقدري تعبر ي الكمية لتحبيها
وميعودش ثقيل عليك

ســـمـــر · 2014-01-17, 22:47

الف شكررررررررررر

من جد استفدت كثييييير

سلمىسلمى · 2014-01-18, 19:56

شكرا على النصائح المفسدة
قد ما نقتصدوا في هاذ الوقت قليل
كلش غالي

شبيلة · 2014-01-21, 20:34

أنا راجلي يهز الشهرية و يمشي بها في جيبو و يشري واش جا في راسو و عمرو الشهرية نتاعو كملت الشهر ديما نكمل أنا الشهر لأني موظغة و قد مادرت معاه مانفع أنا برك اللي قاتلة روحي في التوفير هو يدخل للدار يسيح الما يشعل الضو يدخل راسو للثلاجة ياكل كل الخضرة النية أما القهوة براس ورا خوه كي نغيب في دارنا يومين نجي نلقاه خلاها وهو عندو عامين ماشراش سروال أرجوكم كيفاه نديــر

maria mirou · 2014-01-25, 22:52

[size="7"]اللهم استغفرك واتوب اليك

الكـ الطيبة ـلمة · 2014-01-30, 20:05

الحقيقة موضوع مفيد جدا

شكرا

أم رمزي · 2014-01-30, 20:29

شكرا علي هذا الموضوع المفيد و الجيد والله فكرة هايلة أختي يعطيك الصحة موضوع هاييييييييييل.

أم رمزي · 2014-01-30, 20:38

أخواتي و الله أنا متزوجة منذ سنوات , و راني موظفة و زوجي كان موظف , و ما درنا والو للزمان دار ماعنديش

زوجي يصرف بزاف , الشهرية في يده أنتاعي هو اللي يصرف , درك كبر الأولاد , و كبر ت المصاريف أنتاعهم

أنا مانعرفش نقتصد خلاص , راني كي نخمم مع روحي نقرب نهبل , الرقاد ما يجينيش , كيفاه نعمل أفيدوني بنصائحكم

القيمة .