مواقف من داخل القسم

[نرجس44]

اتريدون ملخص الميكانيك ادخوا لصفحة الميكانيك سارفعه لكم

[mimissa22]

المشاركة الأصلية كتبت بواسطة besma 16

hna wa7d lmara kouna dayrine lecture fel francais alr wa7ed maye9rache mli7 dima l prof y3awedlou l kalma
oumba3da l prof 9al l wa7da ismha chaima a9ray el tfol 3ayat chaima!!kane 3embalo hadi kelma fel txt w ma3rafche ye9raha

hhhhhhhhhhhhhhhhhhhhhhhhhhhhhhhhhhhhhh

[mimissa22]

مواقف مضحكة مشكورين

[نرجس44]

في حصة الدعم امس كان لدي قسم دوما اعاني من عدم انتباه بعض تلاميذه فاراهم ينظرون لي لكن عقولهم في مكان اخر المهم واحد التلميذ دايما يفوق من الاخير يعني بعدما نسال السؤال و يجاوبو عليه ينطق استاذة يـــــــــــــا منين جات ؟ نبقاو نضحكوا عليه و انا نقلوا وليد صباح الخير طلع النهار عندك الحمد لله

[hasnihasni5001]

نورمارموا يا استاذة تفهميه ان يهتم بدروسه لان هذا التلميذ باين عليه مكانش اللي ينصحه وانا والله يغيضوني الي كيما هاك باسكوا انا كنت كيف ولكن لقيت الي يردني الى الطريق الصحيح ---ومعذرة على التدخل--ولكن-----------------------------------------

[hasnihasni5001]

مرة كاين واحد جاء بعد الوقت في حصة الانجليزية كي دخل الى القسم قاتلوا الاستاذة out حتى دخل وزادت عيطت ouuuuuuuuuut حتى زرب ودخل يجري الى القسم

[نرجس44]

راكي مفهكتنيش هذا من النوع لي كيما تنصحيح ميهتمش بالصح كي تجيه بالسياسة و بالهدوء و بضحكة بريئة يهتم لان التلاميذ راهم عقليات كل واحد زي و لازم الاستاذ ميش دايما ينصح بالعياط و الكلام الصارم انا نعامل التلاميذ كل مرة بطريقة باه ميملوش و انا ثاني منملش من نفس الهدرة

[khouloud 1997]

مرة في حصة العلوم كنا قاعدين نقراو وهاذي الاستاذة تاع العلوم عاقلة بزاف وكي عادت عاقلة مدايرين الحس كيما في السوق مالا ذكور يقراو معايا طايرين لدرجة مايصورهاش العقل مالا جابو جرانة{ضفدع} صغير وكي بقات نص ساعة وتخلاص الحصة طلقوه انا كنت قاعدة في الطاولة الأولى مالا قاعدة نكتب في الدرس وفجأة سمعت العياط تاع البنات اللي يقراو معايا كاينا وحدة قفزلها فوق راسها امخلوقة تشوكات ومبعدا بكات حتان شبعت والأستاذة مسكينة ولات ترجف من الخلعة وراحت تعيط للمراقب وطولت وخلاتنا وحدنا في القسم ومبعدا طفل يقرا معايا هزها وقاعد يجري ورانا في القسم وحنا نعيطو كون شفتونا في هذاك الوقت كون راكم ضحكتوا حتان بكيتوا أنا وحدة من الناس جبتها عشية كاملة وأنا نضحك ومبعدا جا المدير للقسم وبدا يوبخ فيهم وقالهم ذرك نعقبكم للمجلس التأديبي وحنا مزلنا نضحكوا هههههههههههههههههههههه حتان خلاصو الحصص تاع هاذيك لعشية والذراري كامل داوهم للرقابة وفي حصة الفرنسي بقينا غير حنا ابنات و6ذراري في القسم وكي خرجنا قالقلي صحبتي تقرا في الفوج اللي قدامنا حنا كنا نقراو في حصة الموسيقي حنا بدينا نقولو دووووووو ونتوما خرجتولنا نغمة موسيقية جديدة بعياطكم بصح كان هاذاك اليوم مضحك للغاية وشكرا لك ياأستاذة نرجس على هذا الموضوع

[نرجس44]

حتى انا من كنت نقرا ثانية ثانوي قل لنا استاذ العلوم جيبوا جرانة باه نشرحوها و نقراو عليها مالا قبل ميدخل الاستاذ طلقوها الذكور تنط من طاولة لاخرى و هم يجروا من وراها و حنا نضحكوا عنهم و هو جا الاستاذ و هم حكموها و شرحناها في الحصة و ماتت المسكينة

[لويفي عبد الحليم]

فكاهة صح
اناماعنديش الله غالب

[نرجس44]

هذا العام عندي اقسام الثانية 3 حابسين فوق الحق و انا باه نشطهم كل حصة نبدا نهز اسماء 5 تلاميذ و نبدا نسال فيهم المهم واحد القسم عيطت عبد العزيز و قف و بداو يضحكوا الباقي خزرت فيهم و قال لي واحد استاذة راه ميهدرش قلتهم تتمسخروا كيفاش عقون يقرا معكم مكاش منها لاني عارفة اوضاع التلاميذ سالتوا سؤال سكت زدت عاودتو تم ساكت قتلو عبد العزيز نبدل السؤال بدلتوا تم ساكت
من بعد وقفت تلميذة جاوبت قتلوا عاود واش قالت زاد سكت انا طلع لي غاز الميثان لمخي و تقلقت قتلوا تعرف اليوم منيش راح ندير درس قاعدتلك ان تنطق انا باباك محطكش عندي تصويرة نتفرج فيها زاد سكت قتلوا واش اسمك سكت



من بعد عيطتلوا قتلوا احكيلي على داركم خزر فيا و قالي واش نقلك استاذة بعدها ضحكت قلتلهم الحمد لله نطق و سمعت صوتوا ورجعتوا لبلاصتوا و درت درسي

بعد هذي الحصة تحلت عقدة لسانو عندي

[noussa nassa]

انا نهار في حصة الفرنسية طحت من الكرسي شاف فيا الاستاذ قالي نسرين ياخي ماتكسرش الكرسي

[رتاج الونشريس الحرة]

ههههههههههههههه
و الله يا أستاذة قسم 2م3 ههههه
احنا في مؤسستنا كاامل قسم م 3 من السنة الأولى حتى لضوك مازالهم دايين succés في القباحة هههههههههههه

[الربيع القادم]

قمت في أحد الدروس مع السنة الثانية بتقسيم القسم إلى مجموعات للقيام بجارب وطلبت من كل رئيس مجموعة أن يقدم الملاحظات ويفسرها
فقام ممثل المجموعة الثالثة فقال لاحظنا إنطفاء الشمعة بعد 10 ثواني من غلق القارورة ونفسر ذلك بإنتهاء الاكسجين الموجود في القارورة لأن الشمعة إستنشقته ضحكت كثيرااا وضحك التلاميذ ههههههههههههه وانتهت الحصة ونحن نضحك

[نرجس44]

شمعتو سبيسيال عندها نيف و ممكن يكونو عندها عينين تشوف فيكم ههههههههههههههههههه