هل ستتزوج ان كنت فقيرااااا

[عسجدة]

المشاركة الأصلية كتبت بواسطة محمد محمد.

عودي للموضوع وإقرئيه ، ما دخل الآية في منع الفقير من الزواج !!!!!!!!!

الأية تأمر بالعفة بالنسبة لمن لا يجد نكاحا ، سواء لم يجد إمرأة مناسبة أو تقدم للخطبة ورفضوه أو أي سبب آخر

الآية تقول : وليستعفف ولم تقل لا يتزوج الفقير ، فلا داعي للخلط ، وعندما تأتين بأية قدمي معها كلام أهل العلم من المفسرين .


أما الآية التي تأمر بتزويج الفقير فهي قوله تعالى : وَأَنكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ [النور:32]

بارك الله فيك
اولا انا لم اطرح الموضوع بالصيغة شرعية وقلت هل يجوز أن يتزوج
الفقير ام لا .
ثانيا انا طرحت السؤال بالصفة عامة وهو هل ستتزوج أن كنت فقير
ام لا ....
ثالثا يوجد من جوز زواج الفقير ولكن يوجد من قال من العلماء
لا يسن له بالزواج ..

لانه سيلحق الضرر بالزوجته ....يعني هذا الذي غير قادر على
ملبسها ومأكلها وتوفير سكن لها ....أليس هذا ضرر مادي للزوجة
أما أن رضيت الزوجة بالففره وهمه .....هذي حاجة تخصها هي .

بصح يجي ليا واحد فقير ومبعد يجي بابا يقولي يجوز زواج الفقير
هذي اسمحلي فيا : منقبلش وربي ميعاقبنيش وهو يروح يشوف
من جهة ودخرة الله يسهل عليه .

المهم يوجد من أجاز ويوجد من لم يجز .

بصح انت خوي محمد روحت جبت أدلة باللي جوزوا زواج الفقير ...
في حين مقتليش على علماء قالوا من الاحسن يحسن وضعوا
الاجتماعي ويتزوج .....

تقبل ردي بكل احترام


سلام من قلب يحب السلام

[عسجدة]

المشاركة الأصلية كتبت بواسطة غصن البآن

انا لا اوافقك نهائيا على فكرتك ..
نعم المرأة تريد ان تعيش عيشة هنية .. اذا كان زوجها لاباس بيه وحارامها هذا صح يتعب ..
لكن المرأة العاقلة اذا لقات زوج مهنيها ومحترمها و يصون كرامتها وميبخلهاش بلي يقدر عليه .. محال تتذمر الا اذا كانت سطحية ومش تاع مسؤولية.. الزوجة الصالحة تعيش بحسب مقدور زوجها مش تكلفو فوق طاقتو ... صدقي كاين اولويات وكماليات.. انتي تركتِ اولويات الزواج و ركزتِ على الكماليات.. المراة اذا تزوجت برجل غني وكل يوم مع امراة او سفيه او مبذر ومالو يروح فالحرام .. او يرشي الناس حتى يخدمولو شغلو ..وين البركة والحلال .. ربي يهدينا. كلامك بعيد عن جوهر الزواج .. مع كل احترامي .. اتابع الموضوع و الاحظ ان كل تركيزك على الحياة المرتاحة ماديا .. بغض النظر عن بقية جوانب الحياة الزوجية .. المرأة الناضجة تتمنى زوج يهنيها ويحبها و يحس بيها ويقاسمها الحياة وتكون رفيقتو .. اما تشري مكياج غالي و حياتهم باردة وفارغة وواحد ماحاس بقلب الثاني ... واش معنى هذا الزواج .. الزواج سكينة ..

بالتوفيق .

بارك الله فيك على ردك الطيب
فاه مهنيني وانا معنديش واش ناكل ..و يوصل لياا الشتاء وانا معنديش واش نلبس باه ندفي ....يبكوا الذراري ومنصيبلهمش الحليب
واش من هنى والشتاء كامل بدون تدفئة والدار تقطر ....
و.........و.........و..........
يا اختي منكذبش عليك مكان لا حب لا هم يحزنون هذا الوقت
دراهمك يرحموك ويديرولك طريق في البحر ...

عموما نعم اتمنى أن يرزقني الله زوجا يقاسمني الحياة بحلوها
ولكن لا اقاسمه الحياة بمرها ......ههههه
يا اختي أنا راني نقلك الواقع .....
بكري كنت عايشة في المثاليات والتضحيات و....و.....
أما الآن الهدرة مع أرضية الميدان .....


سلام من قلب يحب السلام

[عسجدة]

المشاركة الأصلية كتبت بواسطة محمد محمد.

أنت تفتقدين إلى فقه معنى الزواج فأنت بعيدة عنه كل البعد

بارك الله فيك على ردك الطيب
معليش أن افتقد إلى فقه معنى الزواج وانت تفتقد الى :
فقه الواقع في معنى الزواج .

سلام من قلب يحب السلام

[عسجدة]

المشاركة الأصلية كتبت بواسطة elwawy

عذرا الإخوة على التطفل و التدخل هل لأحد أن يشرح لي ماذا الذي يدور النقاش حوله, أريد المشاركة لكن أرى أن سؤال الموضوع و الردود نوعا ما بعيدة...

بارك الله فيك
راني هنا ونشرح لخوي الواوي
السؤال هو : لوكان جيت فقير يعني انت روحك ومراكش قادر
تصرف عليها تخمم تزوج ودير عايلة هايلة ....

سلام

[عسجدة]

المشاركة الأصلية كتبت بواسطة محمد محمد.

هههههه ما أشد تعصبك وعنادك وسوء ظنّك بعباد الله

نزيدك حاجة : الآن راه في عمرها 24 سنة وعندها 2 أبناء ولا أدري ربما يكونوا زادوا الثالث ، والآن صديقي في موقف حرج وهو في ضيق شديد ، نقولك وين راهم ساكنين ؟ راهم ساكنين في دار أبوها ، يعني صديقي راه ساكن عند نسابه

عمري راسك ، ماشي قاع الناس ماديين كيفك ، ابحث عن خيار الناس لتقتد بهم ولا تبقي محبوسة في فكر خائب أسود .

بارك الله فيك
مسكين والله لا غاضني وقل له راني حاسة بيك ربي يفرج عليك
بالسكنة .....كارثة رجل طول وعرض ساكن عند نسيبوا ....
نندب حناكي على هذا الزواج .....نتزوج ونجيب 2 ذراري باه نرجع
نسكن عند بابا .....ونسمع في معاني نساء الخاوة...
وهو يسمع في معاني من عند نسيبوا ....

الله يجيب الخير وربي يفرج عليه وعلينا

بصح هو واش داه وكيما تقول جدتي اللي ماهو ليك غير بعييك

لوكان دار المستقبل ومبعد جاب بنت الناس ...



سلام

[عسجدة]

المشاركة الأصلية كتبت بواسطة zahra1999

السلام عليكم

شرعا يجوز الزواج بالفقير ولايعاب الرجل بفقره فاذا
جاء من ترضون دينه وخلقه فزوجوه.


في المجتمع الأمر صعب التطبيق فكما تفضلت الاخت عسجدة بالذكر .متطلبات الحياة صعبة وأي بنت تحب ان تحيا حياة كريمة ومتحبش التمرميد وخلونا مالهدرة الخيالية تاعكم راكم تعرفوها مليح .رهجتونا بيها.

بالنسبة لسؤالك اختي هل تقبل البنت الزواج برجل فقير .هنا الامر يتوقف على امكانيات البنت ومؤهلاتها للزواج .مثلا فتاة صغيرة جميلة من عائلة محترمة وغالبا مايتقدم اليها خطاب .هذي مستحيل تقبل بواحد فقير .

بارك الله فيك
انتي برك اللي فهمتيني واش حابة نقول ....

سلام من قلب يحب السلام

[غصن البآن]

المشاركة الأصلية كتبت بواسطة عسجدة

بارك الله فيك على ردك الطيب
فاه مهنيني وانا معنديش واش ناكل ..و يوصل لياا الشتاء وانا معنديش واش نلبس باه ندفي ....يبكوا الذراري ومنصيبلهمش الحليب
واش من هنى والشتاء كامل بدون تدفئة والدار تقطر ....
و.........و.........و..........
يا اختي منكذبش عليك مكان لا حب لا هم يحزنون هذا الوقت
دراهمك يرحموك ويديرولك طريق في البحر ...

عموما نعم اتمنى أن يرزقني الله زوجا يقاسمني الحياة بحلوها
ولكن لا اقاسمه الحياة بمرها ......ههههه
يا اختي أنا راني نقلك الواقع .....
بكري كنت عايشة في المثاليات والتضحيات و....و.....
أما الآن الهدرة مع أرضية الميدان .....


سلام من قلب يحب السلام

اذا بالوصف اللي وصفتيه هذا مُعدم وليس فقير فقط .. مقصودي بالفقر انسان عايش بالقليل وليس انو اهلو يعيشو عريانين وجيعانين لهذي الدرجة .. ياختي هذا الرجل. مفهمتش .. تقصدي يبقى قاعد ويستنا المعيشة تجيه .. هذا ليس فقير فقط .. و كسول وعجزان و جايح.. مقصودي بانسان فقير واحد يجد ويكل و يتعب لكن مدخولو ضعيف او كيما نقول كل نهار وبركتو .. نعرف نساء متزوجات برجال دخلهم بسيط و يعملو وين يلقاو .. مرات صح ميكونش عندهم ومرات ميلحقش بين طبيب اولادو ولبستهم واكلهم و و و .. لكن صابرين وحامدين ربي. ورآضيين ( نعرفهم شخصيا مشي كلام مثاليات ومنعرف) .. لكن انت راكي تحكي على رجل لاعمل لاهمة لا سعي لاتعب لا حتى شي..هذا اكيد ميتحملش مسؤولية اصلا

[zahra1999]

المشاركة الأصلية كتبت بواسطة عسجدة

بارك الله فيك
انتي برك اللي فهمتيني واش حابة نقول ....

سلام من قلب يحب السلام

يا اخت عسجدة ماتصدقيش كلام الاعضاء .غالبا ما يكتبون غير الذي يقتنعون .

في الواقع اغلب إن لم نقل كل البيوت الجزائرية ترفض الخاطب الذي يأتي دون عمل مستقر وذلك أهم وأول شيء يسؤل عنه.

وهذا حق البنت طبعا وضمان لها لمعيشة سليمة من المشاكل الزوجية فجميع الاولياء يعلمون جيدا ان اغلب مشاكل الزوجين .للفقر يد فيها.

لي تقولك الغني غني الاخلاق نقوللها هذي رجعيها لجيبك . منحتاجوش امثال وحكم .غدوة يجيها العيد وميكسيهاش راجلها .عندو ومايسمع سبان وكلام جارح ودموع حسرة ووووو

ولي تقولك الغني ممكن يصير فقير والفقير ممكن يصبح غني ههههه
يتسمى انا نقبل نتزوج بواحد فقير ونعيش معاه على أمل رح يولي غنيماتضحكونيش بزاف .يعني عايشة على ضربة حظ ممكن في أي لحظة يتحول زوجي العزيز من فقير لا يستطيع توفير اساسيات البيت الى غني وحياة فريهة 😂 يا الله ما أبسط الامور عندكم .

ولي تقولك شفت وحدة تزوجت بفقير وعايشة هانية ولباس عليها ......علاه انتي راح تجي تشتكيلك وتبكيلك وتقولك راني مغبونة .؟!


فلنعش الواقع ولنبتعد عن الخيال قليلا.

[ع.عيسى]

والله تحبسوا الراس... تهدرو وكانكم انتم رب الأرباب... تسطرون حياتكم... اغلب العائلات الجزائرية ترفض الخطاب اذا كانوا بدون عمل مستقر النتيجة بناتهم بارو.. .. وهاذوك الخطاب راحو تزوجوا ومن بعد تحصلو على العمل المستقر... علاش جامي شفتو واحد تزوج كان في البداية بدون عمل مستقر ومن بعد أصبح بعمل مستقر؟؟.. هاذي جامي شفتوها؟... الزواج ليس ضربة حظ..أو لعبة يناصيب . الزواج أقدار ومكاتيب...والأرزاق أقدار ومكاتيب* لي ربي مكتبلها تعيش في الفقر والله تعيش في الفقر مهما واش دير....اذا كنتو ما تامنوش بالقدر او يضحككم القدر.. هاذي حاجة اخرى

[zahra1999]

المشاركة الأصلية كتبت بواسطة ع.عيسى

والله تحبسوا الراس... تهدرو وكانكم انتم رب الأرباب... تسطرون حياتكم... اغلب العائلات الجزائرية ترفض الخطاب اذا كانوا بدون عمل مستقر النتيجة بناتهم بارو.. .. وهاذوك الخطاب راحو تزوجوا ومن بعد تحصلو على العمل المستقر... علاش جامي شفتو واحد تزوج كان في البداية بدون عمل مستقر ومن بعد أصبح بعمل مستقر؟؟.. هاذي جامي شفتوها؟... الزواج ليس ضربة حظ..أو لعبة يناصيب . الزواج أقدار ومكاتيب...والأرزاق أقدار ومكاتيب* لي ربي مكتبلها تعيش في الفقر والله تعيش في الفقر مهما واش دير....اذا كنتو ما تامنوش بالقدر او يضحككم القدر.. هاذي حاجة اخرى

ماباروش بناتهم بل تزوجو من هو ذو عمل وتجنبو مشاكل هم في غنى عنها.

الرجال هوما لي بارو وتعقدو وراحو يخرجو زعافهم في عمل المرأة وووو.

نعم كنت ولازلت وسأبقى أؤمن بأن الكلام واقع وليس خيال وحكم وأمثال

[Orchid flower]

السلام عليكم الاخ عيسى معليش الاخوات ميقصدوش انو يعيشو في غناء فاحش لكن يقصدو حياة مريحة و كريمة

درك بعيا عن المثاليات .. صحيح المال ماشي كلشي و لكنه عنصر مهم راهو ربي قال هو من زينة الحياة الدنيا هو و البنون ..طبعا مين يجي بالحلال احنا الحرام منحكوش عليه اصلا ... اما كلامك انو اغلب بناتهم بارو فبصراحة و شخصيا افضل اني نبور و انو بنتي فالمستقبل تبور على انو يديها واح ميقدرش يوفرلها حياة كريمة مسكن لائق يؤويها و ملبس محترم و ماكل و يزيدو مين يجو الاولاد ترجع الحياة افضغ
انت تخيل معايا راك اب و عندك بنت يجيها خاطب و خليك واقعي خويا المهم قتلك يجيك خاطب لبنتك معندوش وين يسكنها ... معندوش خدمة مستقرة ... ميقدرش يوفرلها لقمة عيش كريمة . تمداهالو؟؟؟ بدون لف و لا دوران تم بنتك للمجهول و تقولها اتزوجي ركتمرمدي و بالاك ربي يرزقو و لا تقوله لااا منقدرش ننمد بنتي تعيش في بيت قصديري و لا قاراج؟؟؟ مالا بالطريقة هذي نتزوجو بالعاصي و الفاسق على امل انو ربي يهديه؟؟ خاطر الرازق هو نفسه الهادي!

حاجة اخرى مين نقولو الاخلاق هي كلئش وا مننكروش الاخلاق هي الاولى بصح ميعنيش انو كل فقير هو صاحب اخلاق او ان كل مرتاح ماديا --راني نقول مرتاح يعني حياته متيسرة نوعا ما -- ماشي غني المهم ميعنيش مكل مرتاح انو هو انسان غير صالح .. ممكن يجي الميسور الحالو صاحب الصلاح
ثم باه نبينلك اكثر
تخيل او لبنتك خاطبين الاثنين ظاهرهم الصلاح طبعا الباطن يبقى عند ربي لكن احنا ندو الظاهر انهم يخافو ربي الاول فقير و الثاني ميسور الحال لمن تمد بنتك؟؟؟ طبعا الراي هنا يرجع لبنتك في الاختيار لكن انت كأب او حط بلاصتك مكانها واش تختار..؟؟

يا خويا رانا هذوك الروبورتاجات اللي نشوفوهم فالقنوات على الحياة المزرية لبعض الاسر ربي يفرج عليهم و عيشتهم مع الاطفاال في بيوت قصديرية و غيرها بدايتها كانت بفكرة المال ماشي حاجة مهمة !

و النتيجة سنوات ضائعة بدون انهم يحسو انهم عايشين و في جرتهم اطفال محرومين من ابسط ابجديات الحياة الكريمة!
راك عارف الغلاء اللي رانا فيه تلقى الابوين في زوج خدامين و يا ربي اذا لحقو .. الحليب سومت غالة و الحفاظات و الملابس و مصاريف الطبيب ووووو الحالة ماهيش وردية كيما يزينوها الخيالات .. الواحد لازم يكون واقعي شوية ! و راني شفتهم فقراء و عاشو في تمرميد نهار جاو يزوجو بناتهم و الله ما حبو يمدوها لفقراء قالك اول شي عمل مستقر و اللي تمرمدناها حنا ما يعاودوهش بناتنا

عن سعد بن أبي وقاص - رضِي الله عنه - عن رسول الله - صلى الله عليه وسلم - أنه قال: ((أربعٌ من السعادة: المرأةُ الصالحة، والمسكنُ الواسِع، والجارُ الصالح، والمَرْكَب الهنيء، وأربعٌ من الشقاء: المرأة السوء، والجار السوء، والمركب السوء، والمسكن الضيِّق))

راهو رسولنا الكريم حط انو المسكن الواس و الممركب الهنيء من السعادة و سوءهما من الشقاء ! ما اكتفاش بالصلاح فقط لالا لانوحتى هذي اشياء مهمة بلا ما نعيشو فالخيالات

و اللي راهو يقول كاين بزاف بنات و عائلات يزوجو بناتهم عادي هاكا وووو مالا علاه كثرة الشكايات في المنتديات و المواضيع عن غلاء المهور ووووووو مادام اكثر البنات الصغيرات الجميلات يقبلو يتزوجو بلا ما يراعو للحالة المادية ؟؟ خلاص معناها المشكلة محلولة يروحو يتزوجو منهم و خلااص! هذا يسموه تناقض

[ع.عيسى]

size="5"]نظرا لتشعب الردود في هذا الموضوع ، أضن أن السبب هو عدم الاتفاق بين الاعضاء على تعريف مفهوم الفقر ...فكل واحد له تعريفه ومفهومه الخاص للفقر ..ايضا الفقر مفهومه يختلف من بلد الى اخر ...فمثلا في امريكا شخص يعمل عمل بأجر 1500 دولار مع ان هاذا الاجر يوفر حياة رفاهية بمقايسنا نحن اكل شرب لباس سيارة ..الا انه بمنظور المجتمع الامريكي يعتبر تحت خط الفقر الفقير عندهم من يقل دخله عن 1500 دولار .....اما مثلا شخص يعيش في مالي او النيجر ..فالمتوسط في مجتمعنا هو غني عندهم .

انا نعرف واحد ..يعمل اطار سامي في الدوله دخله يفوق 20 مليون للشهر ...تزوج بوحدة بنت شخصية كبيرة في المجتمع ..المهر نتاعها ذهب وحدو فاق 100 مليون ..وشهر العسل في فرنسا ...ومع ذلك بعد 6 اشهر طلبت الطلاق وقاتلو بلي هاذي ماشي معيشة لي كنت نحوس عليها ..

.شخص لديه مدخول ب4 ملاين للشهر من عمل ثابت او غير ثابت هو في نظر البعض غني وفي البعض متوسط ويوفر لها حياة كريمة ..وهو في نظر بعض الفتيات فقير جدا جدا ...وفي نظر بعض الفتيات هو فقييييييير جدا حدا جدا يجوز الدوس عليه .

.لذلك يا عسجدة ولكل الاعضاء ماهو الفقير بالنسبة لكم؟..انا على حساب ما فهمت مر ردودك .يا عسجدة ..شخص الذي بامكانه ان يوفر حياة التي ترينها كريمة بالنسبة لك :
اكل مليح +لباس مليح +سفريات +مكياج ماركة مليحة ..هو شخص لا يقل دخله عن 10 ملايين للشهر ، لانه شخص مدخوله اقل مستحيل ان يوفر الحياة التي ترينها انت كريمة ....اذا اي شحص دخله اقل من 10 ملاين هو بالنسبة لك شخص فقير لا يحق له الزواج ويمرمد بنت الناس معاه
اذا فهمونا ...ماهو خط الفقر بالنسبة لكم ؟[/size]

[zahra1999]

الفقر الذي يدور حوله الموضوع هو الفقر الذي يعرفه الجميع.هو الحياد عن الحالة الطبيعية التي لا تحس فيها المراة العاقلة بالغبينة والضرر النفسي والبدني.

قلت امراة عاقلة يعني الحاجيات لي تخصها تكون معقولة ..ك حليب الرضيع .مثلا كاين لي مايشريهش لوليدو لعدم قدرته على ذلك ويعوضولو بحليب اللحظة او حليب الماعز اللذان يسببان مضاعفات خطيرة على الرضيع

[Elwawy]

المشاركة الأصلية كتبت بواسطة عسجدة

بارك الله فيك
راني هنا ونشرح لخوي الواوي
السؤال هو : لوكان جيت فقير يعني انت روحك ومراكش قادر
تصرف عليها تخمم تزوج ودير عايلة هايلة ....

سلام

شكرا, الإنتحار واضح و لا مجال للنقاش فيه,
أما إذا كان فيه مساعدة من أي طرف, من الزوجة أو دعم من أهلها بعمل مسكن قرض أو أي شيء فأين المانع؟ المهم يكون فحل البنادم و لا يبقى يتحجج بالإحتياج, هناك ناس تزوجو بL'ANEM الزوج و الزوجة معا -رغم أنه يبدو إنتحار-... و ربي يسهل على الجميع, من يبتلع حبة جوزة الهند لابد أن يثق في أمعاءه.

لقد وضعت إجابة هنا : مر عليها الجميع مرور الكرام.
أضاف الأخ عيسى وجهة نظر مهمة عن الفقر

الأن إذا كان السؤال هو, إذا كنت محتاج (لكى لا نقول فقير) فهل لك الحق في الفراش؟ هذا شيء

إذا كنت محتاج فهل لك الحق في إنشاء عائلة؟ إنشاء الخلفة؟ قصة أخرى

و عامة الحياة مليئة بالظروف و الحالات غبر المنتهية من السيناريوهات و الصدف العجيبة, أحيانا تتحقق و أحيانا لا بسبب التناحر و التنافس.

[ع.عيسى]

المشاركة الأصلية كتبت بواسطة orchid flower

السلام عليكم الاخ عيسى معليش الاخوات ميقصدوش انو يعيشو في غناء فاحش لكن يقصدو حياة مريحة و كريمة

درك بعيا عن المثاليات .. صحيح المال ماشي كلشي و لكنه عنصر مهم راهو ربي قال هو من زينة الحياة الدنيا هو و البنون ..طبعا مين يجي بالحلال احنا الحرام منحكوش عليه اصلا ... اما كلامك انو اغلب بناتهم بارو فبصراحة و شخصيا افضل اني نبور و انو بنتي فالمستقبل تبور على انو يديها واح ميقدرش يوفرلها حياة كريمة مسكن لائق يؤويها و ملبس محترم و ماكل و يزيدو مين يجو الاولاد ترجع الحياة افضغ
انت تخيل معايا راك اب و عندك بنت يجيها خاطب و خليك واقعي خويا المهم قتلك يجيك خاطب لبنتك معندوش وين يسكنها ... معندوش خدمة مستقرة ... ميقدرش يوفرلها لقمة عيش كريمة . تمداهالو؟؟؟ بدون لف و لا دوران تم بنتك للمجهول و تقولها اتزوجي ركتمرمدي و بالاك ربي يرزقو و لا تقوله لااا منقدرش ننمد بنتي تعيش في بيت قصديري و لا قاراج؟؟؟ مالا بالطريقة هذي نتزوجو بالعاصي و الفاسق على امل انو ربي يهديه؟؟ خاطر الرازق هو نفسه الهادي!

حاجة اخرى مين نقولو الاخلاق هي كلئش وا مننكروش الاخلاق هي الاولى بصح ميعنيش انو كل فقير هو صاحب اخلاق او ان كل مرتاح ماديا --راني نقول مرتاح يعني حياته متيسرة نوعا ما -- ماشي غني المهم ميعنيش مكل مرتاح انو هو انسان غير صالح .. ممكن يجي الميسور الحالو صاحب الصلاح
ثم باه نبينلك اكثر
تخيل او لبنتك خاطبين الاثنين ظاهرهم الصلاح طبعا الباطن يبقى عند ربي لكن احنا ندو الظاهر انهم يخافو ربي الاول فقير و الثاني ميسور الحال لمن تمد بنتك؟؟؟ طبعا الراي هنا يرجع لبنتك في الاختيار لكن انت كأب او حط بلاصتك مكانها واش تختار..؟؟

يا خويا رانا هذوك الروبورتاجات اللي نشوفوهم فالقنوات على الحياة المزرية لبعض الاسر ربي يفرج عليهم و عيشتهم مع الاطفاال في بيوت قصديرية و غيرها بدايتها كانت بفكرة المال ماشي حاجة مهمة !

و النتيجة سنوات ضائعة بدون انهم يحسو انهم عايشين و في جرتهم اطفال محرومين من ابسط ابجديات الحياة الكريمة!
راك عارف الغلاء اللي رانا فيه تلقى الابوين في زوج خدامين و يا ربي اذا لحقو .. الحليب سومت غالة و الحفاظات و الملابس و مصاريف الطبيب ووووو الحالة ماهيش وردية كيما يزينوها الخيالات .. الواحد لازم يكون واقعي شوية ! و راني شفتهم فقراء و عاشو في تمرميد نهار جاو يزوجو بناتهم و الله ما حبو يمدوها لفقراء قالك اول شي عمل مستقر و اللي تمرمدناها حنا ما يعاودوهش بناتنا

عن سعد بن أبي وقاص - رضِي الله عنه - عن رسول الله - صلى الله عليه وسلم - أنه قال: ((أربعٌ من السعادة: المرأةُ الصالحة، والمسكنُ الواسِع، والجارُ الصالح، والمَرْكَب الهنيء، وأربعٌ من الشقاء: المرأة السوء، والجار السوء، والمركب السوء، والمسكن الضيِّق))

راهو رسولنا الكريم حط انو المسكن الواس و الممركب الهنيء من السعادة و سوءهما من الشقاء ! ما اكتفاش بالصلاح فقط لالا لانوحتى هذي اشياء مهمة بلا ما نعيشو فالخيالات

و اللي راهو يقول كاين بزاف بنات و عائلات يزوجو بناتهم عادي هاكا وووو مالا علاه كثرة الشكايات في المنتديات و المواضيع عن غلاء المهور ووووووو مادام اكثر البنات الصغيرات الجميلات يقبلو يتزوجو بلا ما يراعو للحالة المادية ؟؟ خلاص معناها المشكلة محلولة يروحو يتزوجو منهم و خلااص! هذا يسموه تناقض

[ بلا ما نتخيل يا اختي ..قبل خمس سنوات تقدم شخص اعرفه لاختي ..متخرج وعامل بسيط ادماج فقط +عامل يومي ...هو شخص متخلق ومتربي وعلى دين وخلق...صلينا صلاة استخارة وتوكلنا على ربي ...بعد عام واحد فقط من الزواج توظف بمنصب دائم في القطاع الاقتصادي ...بعد عامين من الزواج دار سيارة ...بعد اربع سنوات من الزواج دار سكن خاص ....اذا كنتم انتم تشوفو فيها يناصيب ولعبة حظ ....حنا قلنا مكاتيب .واختي ليست الحالة الوخيدة ..بل حالات كثيرة .....انا لا اتكلم من فراغ ..انا اتكلم واقع شايفو وعشتو ....نا لا اقول انه اذا جاء شخص غير مسؤول ولا يحب العمل زوجوه ....لالا ....ولكن ماشي شرط انه الخاطب تلقاه الفتاة واجد في كلشي ..كاين امور تجي مع الوقت
[/size]