من لديه مثل شعبي جزائري فليتفضل مشكورا

[djalal kais]

[lena]

المسلوخة تضحك على المدبوحة و المقطعة ماتت عليهم بالضحك

[rachida 26]

اكل ومرعى وقلة الصنعه
الاسم شايع والبطن جايع
اتكل عويس على مويس وضاعت البقره
الاسم لنوره ة و القص للزرنيخ

[شبح الملاعب]

يا خسارة مسماري في العود الراشي

[habibe_34]

موضوع شيق جدا يقولك الطفل يحب يماه و المال يحب مولاه يقولك اللي ما هام ما عام ما يعرف شحال من ليلة في العام و يقولكفي الصباح ما تمد يدك و في العشية ما تقول لالا و يقول العمية تخيط الكتان و العايبة تطلع الكيفان و الطرشة تجيب الخبر منين كان و يقولك ما تهد حتى تعد و ما تجري حتى تشوف شكون وراك و يقولك اللي عجبو صوتو غناه واللي عجبو عودو دناه و يقولك الى كان التحدث مهبول اللي يسمع يكون عاقل و يقولك اللي طحناتو سفته يعني كلاتو و يقولك اللي بكر لشغلو قضاه و يقولك يا اللايم لا تلومني وسط الناس ولا عينك في اللوم فرزلي و يقولك ما تخافش من الباينة وخاف من المسرقو و المدرقة و اللي ما نجيبولها خبر و انتظروني في مشاركة اخر شكرا.

[habibe_34]

يقولك اللي مكسي بقش الناس عريان

[rachida 26]

الطول للشجر والسمانه للبقر وبونادم خد منو الحداقه والنظر
اللحم يتقطع بالمفاصل والهدره يفهمها ولد الاصل

[habibe_34]

يا داخل سوق النساء رد بالد يورولك الربح قنطار و يدولك راس مالك .

[رشيد زيد]

السلام عليكم الي داتو القرعة تديه ام الشعور

[rachida 26]

الي عاشر النار اكلاتو والي عاشر الواد اداه

[شعاع الامل]

فكرة رااااااااااااااااائعة
يقولك خوك لا يغرك صاحبك
و يقولك قطرة دم خير من 100 صاحب

[حميد012]

لي حْلَبْ حلَيبَة يديرها في شكيوْتو


********



كل شاة تتعلق من رجلها



*******



العود لي تحقرو يعميك



********



ما تامنش الواد الحامل - السريع - و ما تامنش بلاد لامان - الأمان - وبات على زعاف ولا تصبح نادم

[salsabil15]

الكلام ليا و المعنى لجاري

[هبة الكوثر]

تبع الكذاب لباب الدار ...........ويقال للمنافق الذي يعد ويسوف
ماتتفاهم الحماة والكنة ماعاش ابليس فالجنة ..........مانصدقهاش بصح يقولوها على سوء العلاقة بين الحماة والكنة
مايعجبك نوار الدفلة فالواد مداير ظلايل مايعجبك زين الطفلة حتى تشوف لفعايل .......صح وكاين منها
الزين مايبني خيام ..............دلالة على ان الجمال في العلاقة الزوجية ماهوش شرط واجب
لي في كرشو تبن يخاف من نار
اللسان لحلو يرضع اللبة ..........على حسن الحديث

[نايسي]

السلام عليكم ورحمة الله تعالى وبركاته

المثل هو :

ما تصاحب حتى تجرب
ما تزرع حتى تزرب
ما تضرب حتى تقرب