الجزء 137 من كوزينة واش طيبتي اليوم ((كوزينة النجاح في الدارين )) - الصفحة 9

الرجاء الاماني المجد · 2015-07-07, 19:13

ولله يا اختي لحد الان لا استطيع ان اضع الصور وكل محاولاتي بات بالفشل لقد حضرت لاتارت الفلان ولكن جاءت لابات بريزي تتفتت لمادا

أم ياسين الزهراء · 2015-07-07, 19:15

دائمة الله يفرج عليك اختي وعن قريب تفرحي

الامنيات والله شتقت لاطباقك كلش روعة

ام طيري قتلتيني بالبطاطا واللحم مرحي اممممممممممممممممم

ام محمد بصحتك الفطور والسهرية الله يخليلك الوالد يعزك ويدللك ياحلوة وبلاكي تشربي لاتاي وتجي تشكي كيعوايدك هههههههههههههه

الاخت اللي تسقسي على تارتولات بالكابريس انا درت تاتولات ومنبعد خدمت تحلية الكابريس بصح نقسي شوي سكر وكيبردت زدتلها الشناتي مطلعة وخلطتها وعمرت تارتولات وكلاهم الكل زوجي بصحتو مات عليهم والله روعة وزدت شوي اروم تاع الكاراميل للكريمة جات تحفة

ام احمد وصال مازل ماسهلش ربي امالا قولي لبيبي يخلي العيد ويشرف ربي يسلكك على خير

هدا واش رفد مخي الغبي اسفة تفكرت اختي العزيزة ام هبوبة واطباقها صح شوي مضبيبين بصح يبان بنان لانها حلوة وحنينة الله يجيبها على خير

درت المطلوع راهي الريحة تهبل والشربة البيضاء ولابيري مع المرقاز والبريك للمتمردين وبوراك لي والحمد لله

ام طيري الجنة · 2015-07-07, 19:16

اقتباس:

المشاركة الأصلية كتبت بواسطة مسلمة بالفطرة

شكرا اخت طيري الجنة على النصائح بصح ما عطيتينيش المقادير اللي ديريهم في القاطو اللي سقسيت عليه قاطو البابيون

انا استعمل هذ الوصفة لحلوة البابيون
250مارغرين طرية كاس سكرناعم 2 بيضات 1 ملعقة قهوةفانيليا 1 كيس خميرةحلوىنصف كاس مايزينة فرينة حسب الحاجة و جات هشة و بنينة بصح حادر مين اديمولي خليهم يبردو و نحيهم
اما الحشو تستعملي واش حبيتي مثلا انا استعملت كاوكاو و حلوة الترك وشوي قوفريط مرحي و لميتهم بشوي عسل
ممكن تحشيهم بالنوتيلا او اي حشو اخر و التزيين كيما حبيتي

عطر الياسمين الاصلي · 2015-07-07, 19:22

مبروك افتتاح جزء جديد من الكوزينة العزيزةاللي والفناها بزاف بزاف والف مبوك نجاح بنتك اختي ام طيري الجنةولعقوبة لنجاحات اخرى وبتفوق الحفلة رائعة والقاطو هايل وربي يخليك ليها ويعطيك الصحة والعافية حتى تشوفيها عروسة وتديريلها قاطوات عرسها بيدك وتفرحي بها صح فطورك وفطور الجميع سلام

om kamilia · 2015-07-07, 19:31

السلام عليكم ورحمة الله وبركاته
اليوم عييت خملت وسيقت الدار وفحفحتها وطيبت دولمة شربة , وفلون ودرت سلطة

almazalina22 · 2015-07-07, 20:19

عمري وحبيبتي ام نسرين الف الف مبرووووك افتتاح الكوووزينة ومليووووووون مبرووووك نجااااح نسرين العقوبة للباك
الصور ماخرجلي والوو

حبيبتي العقوووبة كي نباااركولك بالحمل والزيادة بتوام قووولي ااامين

حبيباتي اطباااقكم رووووعة كاين اللي خرجو وكان لا لا

ام تاج بصحتك العرضة عند الوالد الكريم ربي يخليهولك اميييين

روووووضة الف مبرووووك الباك والكواليس والحفلة رووووووعة

ام مااااااجد اكييييد روزا رايحة تحمرلك وجهك نعرفوووها شاااااطرة

ليدي دبدوبتي توحشتك موااااااح
الريفية شكرا على السؤااال راني ندخل برك ممكن ماراناش نتلاقاو الله غااالب راكي عااارفة رمضاان والاشغال

ام يااااسين اليوم درت اللحم حلو بطريقتك مممممممم بصح مازلت ماكليتوش ذقت برك شبعت خخخخخخخ يعطيك الصحة

حقا تفكرت طمينة اللوز تجي هااااايلة بالكوكاو انا في اياام عادية كيما العيد نديرها بالكوكاو وانا اصلا قتلكم رايحة نجبد الكوكاو ههههه عااادي المهم انا نشري المقشر ونسخنو شوية في الفور ونرحيه ونزيد معاه شوية سكر من الكيلة باش يترحى ونخدم

بلاك نديرها موضوووع مستقل اذا تفكرت

المهم نحمل شوية صور ونرجع

almazalina22 · 2015-07-07, 20:32

هاهم الاطباااق والباروك خخخخ

لحم حلو للداية رولاكس مممممم

حميييس

زلابية رووووعة ملي دخل رمضااان ماشريتهاش

هذي درت تورت نتاع ام اماني باشاورما مممممم وطبعا راهي مقسومة ماشي كليتها خخخخخ كي نحيت للصدقة

موس الجوزيييية روووعة خاااصة كي تبات

almazalina22 · 2015-07-07, 20:36

حبيبتي دائمة الحمد ربي يفرج عليك ويسر اموووورك

وهاذي من عندي حتى ترجعي مانخليهمش راسهم يسطر

اسيا هاتي حااااجة حلوة وحقا اعطيني وصفة التارت اللي حطيتيها المرة اللي فاتت راشقة فيها الشوكولا حالا بالا خخخخخ

أم ياسين الزهراء · 2015-07-07, 20:55

صحى فطوركم ونعمة دايمة

المازتي امممممممممممممم كلش يسخف من يديك الله يديم عليك النعمة ويصلح ولادك وتفرحي بيهم ياعسل وطاجين الحلو من يديك اكيد بنين وحلو ياحلوة

ام كاميلا صحى النضافة وصحى الفطور

ikram08 · 2015-07-07, 21:28

هذا القاطو درتو لامي للعيد

ماريا.م · 2015-07-07, 21:31

صح فطوركم لحراير

مبروك الكوزينة ام طيري الجنة

كاش حلاوي للعيد ؟؟؟؟

ام ساجد · 2015-07-07, 21:32

صح فطوركم
دخلت مع خيرات المازة بصحتكم وربي يتقبل منك ويشفيلك وليدك

ام طيري الجنة اطباقك تهبل خاصة البحريات بصحتكم

ام تاجو بصحتك العرضة وربي يعيشلك والدك

دائمة الحمد ربي يفرج عليك ويسرلك امورك

اكرام القاطو مليح وربي يعيشلك والدتك

لفطور كان جاري واضرفة الدجاج مع الكفتة وبوراك وسلطة وحميص وديسار ومطلوع والحمد لله حمدا كثيرا طيبا مباركا

عازفة الناي · 2015-07-07, 21:36

صحى فطوركم
الله الله على ابداعات ام ساجد اللي تشهينا دائما باطباقها و السلاطة تاعها اممممممممممممممممممممم
المازة اهلا والاطباق هايلة وموس الجوزية بنتها في فمي هههههههههههههههه
نحمل شوي صور و نرجع

ماريا.م · 2015-07-07, 21:37

اقتباس:

المشاركة الأصلية كتبت بواسطة ام ساجد

صح فطوركم
دخلت مع خيرات المازة بصحتكم وربي يتقبل منك ويشفيلك وليدك

ام طيري الجنة اطباقك تهبل خاصة البحريات بصحتكم

ام تاجو بصحتك العرضة وربي يعيشلك والدك

دائمة الحمد ربي يفرج عليك ويسرلك امورك

اكرام القاطو مليح وربي يعيشلك والدتك

لفطور كان جاري واضرفة الدجاج مع الكفتة وبوراك وسلطة وحميص وديسار ومطلوع والحمد لله حمدا كثيرا طيبا مباركا

الله يبارك ام ساجد

كل شيء بالطبع والشان

بصحتكم

ikram08 · 2015-07-07, 21:40

هذا ثاني درتو اليوم