بسم الله الرحمن الرحيم
البيتزا من الاكلات المحببة عند الجميع خاصة الصغار ومن الاطباق المطلوبة خاصة في فصل الصيف
جبتلكم اليوم بيتزا مختلفة على البيتزا المتعاودين عليها بدل طهيها في الفرن نطهيها فوق الكسكاس والنتيجة روووووعة
لان البيتزا تكون رقيقة ومقرمشة اممممممممم
ولا تحتاج الا لعدة دقائق وتكون جاهزة يعني اسرع منها مافيش
من دون اطالة نخليكم مع الوصفة واكيد بالنسبة للعجينة كل اخت ووصفتها المتعودة عليها انا استعملت عجينة العشر دقائق
الطريقة
تحضير الصلصة
في طنجرة نحط الماء يغلي ناخذ حبات الطماطم نعملها علامة إكس من الاسفل بواسطة السكين ونحطها في الماء المغلي لمدة دقيقة لتسهيل تقشيرها
من بعد نقلي البصل مع سنينات ثوم وشوي زيت نضيف الطماطم المقشرة والمقطعةو ورقة رند الملح فلفلاحمر مرحي حار او هريسة وكمية قليلة من الفلفل الاسود و ملعقة كبيرة سكر ونخليها حتى تطيب وتعقد بعد ما نطفي عليها نضيف الزعيترة والاعشاب الخاصة بالبيتزا ونرحيها بالميكسور
الان نقوم بتحضير العجينة
نضع كاس فرينة كاس حليب دافي 5 ملاعق زيت ملعقة كبيرة خميرة خبز ملعقة كبيرة سكر ملح لي تحب تضيفلها ملعقة كبيرة كريمة فريش اذا كانت متوفرة ونحرك بالفوي وسنتحصل على عجينة سائلة نغطيها لمدة 10 دقائق
بعدها نضيفلها الفرينة حتى نتحصل على عجينة طرية نغطيها ونخليها تختمر بعد ذلك نقسمها الى عدة كويرات على حسب حجم الكسكاس ونبدأ في تشكيل البيتزا
نقلب الكسكاس ونحطو يسخن على نار هادئة
نبسط العجينةلازم تكون رقيقة
نثقبها بالشوكة ونحطها فوق الكسكاس
اذا ظهرت فوقها الفقاعات نهبطها باليد حتى لا تحترق كي نقلبها
غير تتحمر شوي من الاسفل نقلبها
حذاري
راهي تتحمر بسرعة لازم النار تكون ناقصة
نضع فوقها كمية قليلة من صلصة الطماطم
ثم نضع كمية من الجبن انا استعملت موزاريلا وgouda وزدت التونة والزيتون اكيد هنا حسب الذوق وحسب المتوفر
وكاين لي عملتها بالجبن فقط
المهم راهي تطيب بسرعة غير تحمار من الاسفل ننزعها
وهذي النتجة في دقائق تكون جاهزة للاكل
وتمتعوا باروووووع بيتزا
شوفو شحال رقيقة ومقرمشة اممممم رووووعة
ان شاء الله تعجبكم و تجربوها في امان الله
ملاحظة
من الافضل استخدام كسكاس قديم لان مع الطياب يتغير لونه
تم بحمد الله
( تقرير عن مشاركة سيئة )، و الموجودة أسفل كل مشاركة .
2015-07-21, 19:08
العرض العادي
