دورة فراشات تزهو بالألوان بيوتهن قمة في النظافة و التنظيم و التدبير و الاتقان

[ombouchra]

صباح الخير حبيبة والله دخلت قلوبنا وبيوتنا كنسمة الصباح الهادئة ولكنها في نفس الوقت تبعث النشاط
البارح تفنينت على غسيل الماعن وقلت حتى للصباح بحجة الاختبارات وبمجرد ما قريت كلامك رحت نجري للكوزينة غسلتهم ونشفتهم وغسلت الحوض ومسحت البوتاجي حسيت لوكان مانقومش بواش قلتيلنا ما وفيتش بالوعد خصوصا وانتي حاضرا في كل وقت بنصائحك الذهبية
واليوم يا لحبيبة واش نقولك حسيتو عيد حتى بنتي قاتلي ماما وين راكي رايحانحب نكون ديما واقفة على روحي لكن تخصني المداومة
لكن معاك ياوجه الخير انت وكل الفراشات اللي معنا ان شاء الله نمشو كي الساعة

[ombouchra]

صباح الخير اختي حراير نعرفوك ديما ناشطة انت كل فراشاتك ربي يفرحك بيهم شحال فرحت بمشاركتك والله نحبك ونحب خفة ظلك
ربي يوفقك

[~ حراير ~]

المشاركة الأصلية كتبت بواسطة ombouchra

صباح الخير اختي حراير نعرفوك ديما ناشطة انت كل فراشاتك ربي يفرحك بيهم شحال فرحت بمشاركتك والله نحبك ونحب خفة ظلك
ربي يوفقك

الله يسلمك و يحفظك ام بشرى و ربي يعمر قلبك بلايمان و حب ربي و حب الرسول صلى الله عليه و سلم

ضحكتيني منين قلتي بنتك قاتلك وين رايحة ههيهيهيه في الاول برك و من بعد يتعودو عليك

بكل صراحة انا بعد الاشغال نظف وجهي و رقبتي و نعتني بيهم و يدي ثان و اسناني

و بعد العصر "كيما تقول والدتي نشهب وجهي ههيهيهيه" يعني مكياج خفيف اليوم والله حشمت من بناتي خاصة منين الامتحانات خفتهم يتشغبو و يحسبوني خارجة بلا بيهم على هك نظفت و مشطت و تعطرت فقط و هوما موالفين بيا هك درك نكمل برمتي و نكمل تطبيق البقية

[حبيييبة]

يلا يا فراشاتي المميزااااات
ادخلوا احكيولنا على تطبيقاتكم
انا بانتظاركم حبيباتي

[نافلة]

اللهم صل و سلم على سيدنا محمد

اللهم صل و سلم على سيدنا محمد

اللهم صل و سلم على سيدنا محمد
****
صباح الخير صديقاتي الفرشات على راسهم فراشتنا الحبيبة حبيبة
انا موالفة نغسل المواعين فالليل عمري ما بيتهم
و البارح كي كنت نخدم ونغسل فالمواعين و نظف فالحوض و ما حوله
نخدم بكل نفسية مرتاحة و بحب و نشاط ربما هي بركة الجماعة و النشاط لي بعثتو فينا حبيبتنا حبيبة و الصباح ما نكذبش عليكم ما درت لا مكياج لا والو مبصح هندامي منظم و نظيف ربما مع الوقت نوالف نماكيي هي مجرد تدريب للنفس
شكرا لكي حبيبة راني نستنا فالخطوة القادمة بفارغ الصبر
انا متعودة كي نكمل اشغالي نستيكي روحي و لاكن راني عرفت الهدف نتاع حبيبة هو اننا نبداو بانفسنا هي الاولى و من بعد تجي الدار وخدمتها لانو كون يجينا واحد فجاة نستقبلوه مفحفحين و......
و هذا يزيد في حبنا لنفسنا و و الثقة فيها اكثر
ههههه

[حبيييبة]

المشاركة الأصلية كتبت بواسطة ombouchra

صباح الخير حبيبة والله دخلت قلوبنا وبيوتنا كنسمة الصباح الهادئة ولكنها في نفس الوقت تبعث النشاط
البارح تفنينت على غسيل الماعن وقلت حتى للصباح بحجة الاختبارات وبمجرد ما قريت كلامك رحت نجري للكوزينة غسلتهم ونشفتهم وغسلت الحوض ومسحت البوتاجي حسيت لوكان مانقومش بواش قلتيلنا ما وفيتش بالوعد خصوصا وانتي حاضرا في كل وقت بنصائحك الذهبية
واليوم يا لحبيبة واش نقولك حسيتو عيد حتى بنتي قاتلي ماما وين راكي رايحانحب نكون ديما واقفة على روحي لكن تخصني المداومة
لكن معاك ياوجه الخير انت وكل الفراشات اللي معنا ان شاء الله نمشو كي الساعة

يا صباح الجمال و خفة الظل
والله غير ضحكتيني حبيبتي أم بشرى
يا فراشتي الجميلة
الله الله على النشاط و الهمة و قوة الارادة
شكرا لك لانك وفيتي بوعدك و الله يبارك عليك كي وقفت مع روحك و دللتيها
حتى انت حبيبتي دخلت قلبي انت و كل فراشات المنتدى
و حبيتكم من كل قلبي
و انا دائما في خدمتكم باذن الله
و ان شاء الله هذا الحال الي اصبحتي فيه اليوم يكون للدوام
لاننا هاذ التطبيق رايحين نمارسوه يوميا بلا كلل ولا ملل
يعني رايح يرجع عادة فينا طول حياتنا عمرها ما تروح باذن الله
و رايح نورثوها لبناتنا و نكونوا قدوة ليهم

[ام هاديل وياسين]

صباح الخير على كل الفرشات الخفيفات الرشيقات راكم طبقتو واش قالت عليه فرشتنا الغالية

اختي حبيبة الله يبارك لينا فيك راني متابعاتك بصح مرديتش على خاطرش لولاد امتحنات وخاصة بنتي لازم
نوقف معها ربي ينجحهم ويرزقهم بدرجات العليا امين

نجاوبك على المصروف زوجي هوا الي يصرف يعني كما يقولك المثل لاتبسط يدك قاع لاتكمشها نص نص

والحمد لله الشهرية تقدنا حتى نكملو الشهر يعني الاسبوع الاخير راكي تعرفي الميزانية كفاه تكون بصح الحمد لله
والحوض تاع المطبخ ديما نقيه الماعن كل يوم نغسلهم نهار اللي نخليهم نرفد كل شيء ونمسح
بصح المشكل الي عندي البوطاجي صغير ونعي نرفد في الماعن ويبقاو

نطلب منك تحطينا افكار تعاونا خاصة في سلة الماعن ها\ا المشكل اللي مرات يقلقني ؟

وعن نفسي ديما نحب نلبس نمشط نتعطر في دار اما المكياج منك\بش منديرش في دار غير كي تكون مناسبة ومكياج خفيف

حتى زوجي ميحبش كي ندير ه ان شاء الله معاك نتقدمو اكثر ونحبو الحياة اكتر ربي يوفقك

[حبيييبة]

المشاركة الأصلية كتبت بواسطة نافلـة

اللهم صل و سلم على سيدنا محمد

اللهم صل و سلم على سيدنا محمد

اللهم صل و سلم على سيدنا محمد
****
صباح الخير صديقاتي الفرشات على راسهم فراشتنا الحبيبة حبيبة
انا موالفة نغسل المواعين فالليل عمري ما بيتهم
و البارح كي كنت نخدم ونغسل فالمواعين و نظف فالحوض و ما حوله
نخدم بكل نفسية مرتاحة و بحب و نشاط ربما هي بركة الجماعة و النشاط لي بعثتو فينا حبيبتنا حبيبة و الصباح ما نكذبش عليكم ما درت لا مكياج لا والو مبصح هندامي منظم و نظيف ربما مع الوقت نوالف نماكيي هي مجرد تدريب للنفس
شكرا لكي حبيبة راني نستنا فالخطوة القادمة بفارغ الصبر
انا متعودة كي نكمل اشغالي نستيكي روحي و لاكن راني عرفت الهدف نتاع حبيبة هو اننا نبداو بانفسنا هي الاولى و من بعد تجي الدار وخدمتها لانو كون يجينا واحد فجاة نستقبلوه مفحفحين و......
و هذا يزيد في حبنا لنفسنا و و الثقة فيها اكثر
ههههه

ما خليتيلي ما نقول حبيبتي نافلة
ماشاء الله عليك راكي فراشة و نحلة
عندك الحق هدفي هو هذاك
لان المرأة لما تروح مباشرة للمطبخ و للاهتمام باولادها
خلاص رايح تنسى نفسها شيئا فشيئا

و من بعد تجي الظروف اللي رايح تهبط معنوياتها
(اللي هي الابتلاءات و الاختبارات من عند الخالق سبحانه
ليختبر قوة ارادتنا و ثقتنا به و صبرنا و مدى حبنا و تمسكنا به)
و من بعد تقول ماعادش في خاطري نعتني بنفسي..
ماعادش في خاطري حتى نشوف في روحي فالمرآة..
واش نشوف نشوف الهم اللي انا عايشة فيه؟؟..
هذه الرسائل اللي تبقا تبعث فيها لنفسها رايحة تترسخ في عقلها
و رايح تصبح تلك هي شخصيتها و حياتها الجديدة
و تضيع شخصيتها و حياتها السابقة الاصلية
بينما الظروف بيد الله
و هي مجرد أمة لله عليها ان تصبر و تثق في ربها
و تتفائل بالخير
و لا ترى نفسها مخزنا للهموم
فالسجادة وجدت لنفرغ فيها الهموم حين سجودنا
و من ثم نقف منها مرتاحين جاهزين لاتمام حياتنا الجميلة بكل تفاصيلها الصغيرة التي تصنع سعادتنا مهما كانت

[البتول 27]

السلام عليكم اخواتي ، الاخت حبببة جزاكي الله كل خير انا في الحقيقة اعاني مشاكل نفسية كثيرة خاصة هذه الايام كل يوم نقم لبنتي بسيف ومن بعدها نرجع للفراش ما نقدرش نبدا نهاري مع انو عندي الكثير للقيام به فقط نقعد في مكاني سرحانة ف لا شيئ حتى بنتي الثانية نخليها بلا قهوة تاع الصباح وتبقى تبكي وتقولي ماما اعطيني قهوة وانا ما نسمعهاش هذا الامر يؤلمني كثيرا انا مهملة لبناتي وزوجي واكره نفسي
احس ببعض النشاط وياحاول التطبيق معكن ارجو ان تكون هذه بداية تغيير حياتي وارجو مساندتكم

[ام الخير 05]

صباح الخير عليكن يا فراشات هبلتني الانترنات البارح ماكانوش عندي لماعن بزاف جمعتهم ومسحت الحوض لاني كنت ندير في القاطو لاختي واليوم الصباح درت دوش خفيف شعري سرحتو غير البارح غيرت ملانسي وكملت المطبخ لبست لبنتي وديتها تقرا مانقدرش ندير الماكياج راجلي ما يحبش نخرج بيه وانا نخرج 4مرات ندي بنتي ونجيبها حتى لعشية وندير لكن بشكل عام راني كملت شغل الدار ما زالت غير غرفتي زوجي نائم والغداء راني اختصرت قبل ما تروح خالتي الانترنات نضت على 5تع الصباح راني صايمة

[ام الخير 05]

اختي حبيبة فيما يخص الادخار زوجي مداير جمعيةيدفع نصف الشهرية والباقي نصرفوه والفوارق الباقين معتمدين على المردودية صدقوني خدمنا البيت الليرانا عايشين فيه ودفعنا دفعة تاع عدل وساعات نحصلو لكن شويةدين خفيف لما نسلكو في الجمعية يكون مبلغ مليح نسلكو بيه راسنا

[دعاء القلوب]

صباح الخير عليكم حبيبة واش صبحتي اريج واش حوالك ليك وحشة
قريت البارح واش كتبتي حببيبة
الحوض تاع المطبخ كان كارثة نهار الجمعة برك اللي راني رجعت للدار رانا في حالة تاع البني يالطيف 3 شهور ونا خاطية الدار
ومازال ماكملناش ياك ويت المهم شريتلو المنظف وعلى 3مرات ونا ندير ونحك بالسيف باش رجع كيما كان
البرح غسلت المواعين ونظفتو ودرتلو الجافيل وباش يرجع يبرق
والصباح نضت ستيكيت روحي ومشطت شعري ولبست خماري وهبطت طيبت الهوة ودرت لغدا يطيب وغسلت المواعين اللي طاحو من الطياب وطلعت لولادي ناضو شربتهم حليبهم وبدلتلهم وراني نخمل فالشومبرة
اخر مرة كنا مع بعض خليتي عندي لجين برك
دوكا زادو عندي توأم عبيدة وابتهال عندهم عام
لعقوبة ليك

[أم ضياء عبد الرحيم]

صباح الخير على الفراشات الرشيقات الجميلات
اخواتي حبيبة وفاء سعاد حراير ombouchra نافلـة om hadil البتول 27 ام الخير 05 دعاء القلوب راني فرحانة بزاف لاني معاكم و ان شاء الله ما تجي تكمل الدورة حتى نكتاسبوا عادات ملاح و نتخلصوا من كل العادات السيئة
بالنسبة للتطبيقات هذا وين قريتهم
لكن انا لماعن دائما نغسلهم لان كوزينتي صغيرة و الحوض صغير ما نخليهمش يتلموا منين تتحط حاجة نغسلها و زيد غير انا و راجلي و ابني يعني ميش بزاف لماعن عيب اعليا حتى كون نخليهم لكن سعات الصحان اللخرين ما ندخلهمش للبلاكار نخليهم لكن البارح دخلت كلش في بلاصتو و مسحت الحوض زدت في النشاط كي دخلت في الدورة
و بالنسبة للصباح من عادتي كي انوض مع الصبح نصلي و ما نرجعش نرقد خصوصا ليام هذو الصبح قريب نقعد ندير الورد انا و زوجي و من بعد نهتم بورحي هي الاولى نلبس ملابس مليحة نمشط شعري و ندير كحل او كريون لعيوني و احمر شفاه لون خفيف و كي نحب نبدا الخدمة نلبس مازر كي تاع الدراسة مخلياتو نخدم بيه باه نحافظ على ملابسي و كي نكمل العمل انحيه
الحق سعات برك الي ما نديرش هكذا خصوصا كي يكون المورال في الزيرو
قضية الاهتمام بالنفس شيء مهم جدا انا قبل الزواج كنت نشوف قريباتي و اخواتي يجريو غير على الدار و الاولاد و اهملوا جمالهم و انفسهم حتى ولاو ازواجهم يديرولهم في الملاحظات او يشكيو انهم ما يهتموش برواحهم و ينساو بلي هذا كامل في سبيل رعايتهم و رعاية ابنائهم قلت في نفسي انا نتزوج ما لزمش نهمل روحي مهما كان الحال و بالشيء الي نقدر اعليه يعني بلى ما نتكلف و نخسر وزجي
سامحولي كتبت جرنان

[أم ضياء عبد الرحيم]

المشاركة الأصلية كتبت بواسطة البتول 27

السلام عليكم اخواتي ، الاخت حبببة جزاكي الله كل خير انا في الحقيقة اعاني مشاكل نفسية كثيرة خاصة هذه الايام كل يوم نقم لبنتي بسيف ومن بعدها نرجع للفراش ما نقدرش نبدا نهاري مع انو عندي الكثير للقيام به فقط نقعد في مكاني سرحانة ف لا شيئ حتى بنتي الثانية نخليها بلا قهوة تاع الصباح وتبقى تبكي وتقولي ماما اعطيني قهوة وانا ما نسمعهاش هذا الامر يؤلمني كثيرا انا مهملة لبناتي وزوجي واكره نفسي
احس ببعض النشاط وياحاول التطبيق معكن ارجو ان تكون هذه بداية تغيير حياتي وارجو مساندتكم

رانا معاك اختي باذن الله ترجعي كيما بكري و احسن هذا راه الشيطان الي يحب يدخل التعاسة على قلب المسلم استعيني بالله و اطردي عليك الشيطان بالاستعاذة و مع بعض راح نغيرو حياتنا للافضل

[oummalak]

السلام عليكن ورحمة الله وبركاته
من دون ان اقرا الموضوع كي لقيت الاسم انتاعك راني نكتب ودموع الفرحة في عينيا
ما تامنيش
رجعت للمواضيع انتاعك هدا اسبوع وقلت ليك وحشة يا الغالية وقلت في قلبي يا لو كان نلقى طريقة نتصل بيها ونقول ليها ارجعي محتاجاتك محتاجاتك
فرحتي لاتوصف اهلا اهلا وسهلا
نرجع نقرا الموضوع ونرد مشتاقة للتغيير
الحمد لله على تلبية رغبتي مع انها كانت بيني وبين نفسي
سلام