جماعة القوات الخاصة - بســــــكرة - نجيبكم على اغلب الاسئلة ان شاء الله تفضلو ↓

[sixoroc]

المشاركة الأصلية كتبت بواسطة said-113

في 28 سبتمبر 2014 ..غلقت ابواب الثكنة بسكرة بأمر من القيادات العليا .. تقريبا جميع المدارس العسكرية غلقت في نفس اليوم
ديروووووووووووووو حسابكم لا تتأخرو كثيرا .

يعطيك الصحة خويا السعيد
على كل حال المدارس كامل غلقوا في يوم واحد أنا كنت حاسب كل مدرسة تغلق على حدى وعلى حسب العدد اللي دخل
نزيدو نبروفيتيو أيامات في الدار مع لا كوب دافريك ومن بعد يرحمها ربي

[said-113]

ههههههههه ما زالك هنا .. اتفرج لاكوب في الثكنة افضل

[sixoroc]

ههههه إيه خويا مازالني هنا أنا رايح ندير كيما أنت حتى يدخلو كامل وباه ندخل أنا هههههه
علاه خويا نقدرو نتفرجو ثمة عادي
كاين مدارس مزيرين شوية ما يخليوش السيفيل يتفرجو في النادي

[algeriano26]

السلام عليكم خاوتي أنا إن شاء الله غدا نروح لي سؤال هل الهاتف النقال مسموح أو لا

[sixoroc]

المشاركة الأصلية كتبت بواسطة algeriano26

السلام عليكم خاوتي أنا إن شاء الله غدا نروح لي سؤال هل الهاتف النقال مسموح أو لا

وعليكم السلام ورحمة الله تعالى وبركاته
يا خويا يقلك أنت وقفازتك إذا خبيتو مليح رايح دخلو معاك وإذا فاقولك بيه رايحين ينحيوهلك
وربي يكون معاك إن شاء الله خويا لعزيز

[sixoroc]

يا السعيد ما تتخلعش مازلني هنا هههههههههه

[sixoroc]

لحد الآن دخلوا 64
يوم الخميس سأكون داخل الثكنة
أدعيونا ربي يفرج علينا إن شاء الله

[said-113]

المشاركة الأصلية كتبت بواسطة algeriano26

السلام عليكم خاوتي أنا إن شاء الله غدا نروح لي سؤال هل الهاتف النقال مسموح أو لا

الهاتف مسموح في بسكرة ..حتى هواتف كميرا دخلناها ..و صورنا بيها .. لكن خبيه في الدخله الاولى و كي توصل لصحابك اجبد و اتكلم على رووووووحك

[said-113]

المشاركة الأصلية كتبت بواسطة sixoroc

ههههه إيه خويا مازالني هنا أنا رايح ندير كيما أنت حتى يدخلو كامل وباه ندخل أنا هههههه
علاه خويا نقدرو نتفرجو ثمة عادي
كاين مدارس مزيرين شوية ما يخليوش السيفيل يتفرجو في النادي

عندك حق .. لكن في المباريات الاوروبية .. ممكن مباراة الجزائر يخلّوكم تتفرجووووو بالداتاشو .. كنا نروحو للنوادي نشرو و نتفرجو .. كل مرة نكلمو صحابنا اذا كاين روصومبلومون و لا لالا هههههههههه ..ادا كاين نرجعو للشالي تم تم

[sixoroc]

خاوتي غدوة إن شاء الله مقلع لبسكرة إذا كتب ربي
أدعيولي ربي يكون في عوني إن شاء الله
وربي يطلق سراحي من ثمة في أقرب وقت إن شاء الله هههههه
إلى الملتقى واللي غلطنا معاه يسامحنا
في أمان الله

[said-113]

رووووووووووووووووح من عندي راك مسااامح دنيا و آخرى .. ان شااء الله يعفو عليك و على كامل الناس اللي عندهم ظروووووووووف يا رب

[hilalo79]

شكون لي بقا من جماعة بسكرة مازال ماراحش يخبرنا وكتاش معول يروح
انا خويا و زوج صحابو راحو ليوم الصباح ادعيولهم باش يرجعو بخير

[said-113]

..ان شااء الله يعفو عليهم يا رب .. الجماعة على ما اعتقد كامل دخلو للثكنة .. ربي يسهلهم ان شاااء الله

[عبدالرزاق2010]

الحمد لله الذي تتم بنعمته الصالحات

[sixoroc]

السلام عليكم ورحمة الله تعالى وبركاته
الحمد لله الذي تتم بنعمته الصالحات الحمد لله قبل الرضا والحمد لله حتى ترضى والحمد لله بعد الرضا
الحمد لله خرجت يوم أمس من المدرسة التطبيقية للقوات الخاصة معفى بسبب طبي
خرجنا في 25 فرد
وقد خرج قبلنا 9 أفراد
كيما حنا رحنا لورقلة في 34 فرد 25 فرد معفى و 5 أفراد رجعوا أبت مساكن وكاين 4 أفراد ماصابوش الطبيب تاعهم
واليوم إن شاء الله يفصل في أمر من بقي فقد أتت اللجنة اليوم وهم ينتظرون فقط في القائمة هذا المساء
الكل على أعصابه ربي يفرج عليهم إن شاء الله