الملتقى التشاوري لمتأهلات مسابقة رمضان الكبرى - الصفحة 9

بسمة الرمال · 2014-07-04, 01:23

يا عطر الف سلامة عليك جبيبتي ~ والله مام انا موت بالحمصة من البارح و انا نسيي و ما حبش يتفتح معايا

و جيادا مسكينة حصلت و حست روحها وحدها

و با حبيبتي راني جربت نبعثلك رسالة مي مزال ماعنديش الحق هاي ليك

بصح حذفت الصور

الله الله عليك رربي يبارك و يزيد حبيبتي

صح فطورك يا غالية و الله ليك وحشة

يا عزيزتي الطبق رااهم بعثو طبق تاع جيادا و الحق يشرف هايل

و المعجنات انا تاني بعثت نتاعي مي ماعلاباليش رح يقبلوهم ولا لا

و يا حبيبتي خياطتك تهبل كيفاه تقولي مبتدأة ~ ابعتيها دوكا لمياسم الصمت و انا هاهم المعجنات الي درتهم

صح سحورك حبيبتي

أم ضياء عبد الرحيم · 2014-07-04, 08:20

صباح الفل بنات هذا وين قاعد يخرجولي الردود انتاعكم البارح ما شقتهمش خلاص بسمة توحشناك الحمد لله كي راكي لباس طهورا ان شاء الله
ما تقلقيش روحك المهم كي تكوني لباس هذا الاهم تقلقت عليك اما بالنسبة للصور لازم نهدروا مع مياسم باه تزيد تخلينا نخيروا كيما المعجنات اناو عطور معجبوناش انتاعي و ستنينا انتاعك انا اصلا الطبق و المعجنات خدمتهم زايدين برك باه اذا مادخلتيش نحطوهم
كون غير دخلت مياسم باه نتفاهموا راني نبقا كونكتي حتى تدخلوا كامل
عطور ما لحقتنيش الصور انتاعك و ربي يهديك كيفاه ماتعجبكش خدمتك و الله غير راني فخورت بيك دخلتي التحدي مع محترفات خياطة و قدمتي عملا وهذا في حد ذاتو فوز
راني نستنا فيكم بنات راني هنا و زيد راني نكتب في ردود و كي نرجع للصفحة نلقاهم راحوا مافهمتش
و نحب نضحككم شوية البارح نهار كامل و انا قاعدت قدام الميكرو حتى الفطور درت حاجت خفيفة و زوجي قلق مني قالي نهار كامل و زدتي ورى الفطور و انت مقابلة الميكرو زيدي اديه معاك للفراش وخلاص قريب تقابضنا البارح بسبب المسابقة و ليت سكت فرات خليتو يهدر

مياسم الصمت · 2014-07-04, 08:32

صباح الخير البنات

كيف احوالكم ان شاء الله بخير

انا ثاني راني في مععاناة مع المنتدى

البارح بقيت لوقت متأخر وانا احاول وضع الصور في قسم الاشراف
اكثر من نصف ساعة من محاولات متكررة وفاشلة حتى تكنت في الاخير

مازال تحدي الخياطة ارجو انكم تبعثوه حتى نحطه

عطور ابعثيها فقط لي عبر الخاص وسأضعه ان شاء الله حالما ادخل ونحاول ندخل في اقرب وقت ربما وقت الظهر مع انهاء انشغالاتي المنزلية

لكن يا البنات اتفقوا على المخبوزات ماذا اضع

اتفاهموا على الصور هنا واخبروني

لانه فيه يا بسمة الطبق الموضوع فوقه البطاطا

صراحة لم أتبين ما هو هل هو خبز ام ماذا أرجو ان توضحي

بخصوص السلة ربما أفضل وكاقتراح اجد بان سلة جيادا فيها نوع من التنسيق والابداع أكثر

وهذا راه تحدي الاختيار للأفضل

والنظر يبقى لكم
ما تقولون سأضعه ان شاء الله

نتمنى فقط المنتدى لا يخذلنا

اتشاوروا ولي عودة وراسلوني بالامر

مياسم الصمت · 2014-07-04, 08:37

جيادا وبسمة وعطور

راني حولت كل الصور لكم

جيادا حولت لها صور بسمة وبسمة حولت لها صور جيادا

وعطور حولت لها صور بسمة وجيادا

المهم حتى تتشاوروا بينكم لانه الوقت مابقى كثير لازم اليوم تحطولي باقي التحديات

أم ضياء عبد الرحيم · 2014-07-04, 08:38

بسمة هذا وين لحقت الرسالة انتاعك المعجنات روعة 4444 انا نرشح المعجنات انتاعك يا رب تقبلهم الاخت مياسم و ما نعرف شفتوا السلة الجديدة الي درتها او لا
و طريقة طي المناديل انا اظن الي درتها على اساس سلة ما تليقش لانها فكرة في الاصل تاع بوفيه انا خممت فيها سلة لانها تخرج شوية على العادة لكن كيما قالت عطور ميش عملية

مياسم الصمت · 2014-07-04, 08:41

شوفي يا بسمة

القرار النهائي يرجع لكن

اتفقوا وقولولي استبدل الصور

لاني وضعت حتى الأن صور جيادا الاخيرة

أم ضياء عبد الرحيم · 2014-07-04, 08:44

صباح الخير الاخت مياسم شوفي المعجنات انا نرشح تاع بسمة لانا تاعي عدي ما فيهمش ابداع و بالنسبة لطي المناديل الي بعثتهم و السلة في آخر رسالة يبانولي احسن من اللولين نستنا راي البنات و الطبق اظن انه كاين اجماع على ان نبعثوا الطبق انتاعي و الله اعلم راني نستنا في البنات يشوفوا
سامحيلنا قلقناك معنا

مياسم الصمت · 2014-07-04, 08:52

لا ياجيادا تأكي ما فيه حتى قلق

المهم تفاهموا وقرروا واعطوني الكلمة الأخيرة هنا في الرد في هذا الموضوع

حتى يراها الجميع

اظنه الامر واضح

سأخرج ولي عودة ان شاء الله لما انهي انشغالي

سلام

أم ضياء عبد الرحيم · 2014-07-04, 09:19

بنات راهم زادوا في الوقت المخصص لارسال الصور حتى 12 اليوم هيا بنات ادخلوا نتفاهموا

malek nour hane · 2014-07-04, 10:11

essalamou 3laykoum...ramadan karim
3itr jiada basma rabi ykoun m3akoum
rani ghir nestena f ibda3atkoum bi farigh essabr....ncha allah talgaw rwahkoum m3a lmountada had lyamat mhabalna kamal
btawfiiiiiiii999 habibati

أم ضياء عبد الرحيم · 2014-07-04, 10:15

اقتباس:

المشاركة الأصلية كتبت بواسطة malek nour hane

essalamou 3laykoum...ramadan karim
3itr jiada basma rabi ykoun m3akoum
rani ghir nestena f ibda3atkoum bi farigh essabr....ncha allah talgaw rwahkoum m3a lmountada had lyamat mhabalna kamal
btawfiiiiiiii999 habibati

صباحك فل ملك نورهان
الف شكر على التشجيع و الله رانا في امس الحاجة ليه ربي يحفظك و يجازيك كل خير
و صح فطورك

أم ضياء عبد الرحيم · 2014-07-04, 11:00

يا بنات وينكم راهو اخر اجل على 12

أم ضياء عبد الرحيم · 2014-07-04, 11:30

اختي مياسم البنات مدخلوش انا عن نفسي نقولك حطي الرسالة انتاعي الاخيرة ماعدى المخبوزات حطي تاع بسمة و الخياطة ما نعرف بعثتلك عطور او لا انا نروح عندي عرضة خويا جايني من باريس يفطر و ماحضرت والو كي يكون عندي الوقت راني نطل سلام

مياسم الصمت · 2014-07-04, 12:06

ربي يعاونك اختي جيادا

عطور لم تبعث لي اي شيء

اتمنى فقط ان تدخل قبل الوقت

بسمة الرمال · 2014-07-04, 17:02

يا عمري يا عمري على جيادا ~ و الله راكي حاملة همنا كامل ~ ربي يسترك و يعطيك الي تتمنايه

اختي مياسم الصمت

طبق الدجاج و طي المناديل و السلة ~ جيادا { تبارك الله ابدعت فيهم

المخبوزات ~ نتاعي { و هاذيك لي عليها البطااطا هي ~ كورون بالسلق

الخياطة ~ عطر { مشاء الله عليها هادا شي مبتدأة

و دوكا نبعثلك صورة عطر

صيام مقبول ~